Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
POGRADEC– Monika Kryemadhi ka akuzuar ministren e Shëndetësisë Ogerta Manastirliu, pas deklaratës së kësaj të fundit në Kuvend, se në rast mbingarkese mjekëve do tu duhet të zgjedhin mes pacientëve, se po bëjnë lojë ‘tek a çift’. E pranishme në Pogradec, ku prezantoi strukturën e Lëvizjes Socialiste për Integrim në këtë qytet, Kryemadhi tha se kjo deklaratë e Manastirliut është budallaqe dhe tregon se në ç’gjendje është vendi ynë.
“Cila është prezenca e shtetit në familjen e çdo qytetari? Kemi një deklaratë budallaqe nga ministria e shëndetësisë që thotë do e bëjmë tek a çift kush do të hy në spital dhe kush do të shërohet. E pra, si mund të marrim ne drejtimin e një njeriu që kërkon të drejtoj shtetin me anë të rrjeteve sociale?”- tha ajo.
Kryemadhi u zotua se deri më 25 prill, do të merren vesh shumë të vërteta dhe se nuk mund të lihet vendi në dorën e një njeriu që sipas saj udhëhiqet nga kriminelët e trafikantët, referuar kryeministrit Edi Rama.
“Si mund të marrim ne drejtimin e një njeriu i cili nuk e kupton dot dhe nuk jeton dot me problematikat e qytetarëve të tij? Dhe si mund të marrim ne drejtimin e një njeriu që s’ka ditur të menaxhojë jetën e tij ndonjëherë po gjithmonë është menaxhuar nga grupet e interesit, nga trafikantët, nga kriminelët dhe është marr peng prej tyre. Deri me 25 prill do të dëgjojmë shumë të vërteta. Do të kemi shumë të vërteta të tjera që do t’iu a themi hap pas hapi në mënyrë të tillë që haku të shkoj ke i zoti dhe secili nga ne të punojë për të çuar qytetarët, miqtë, shokët, ku i kemi, ku si kemi, në kutin e votimit për të votuar për Lëvizjen Socialiste për Integrim,”- tha ajo ndër të tjera.
Fjala e plotë
Degjoja dje Kryeministrin që thoshte Luli, Mona Meta, sikur ka një hall shumë të madh dhe merak shumë të madh me ne. Në fakt deri më sot, frika e Edi Ramës ka qenë Meta dhe Monika. Akoma nuk ka parë frikërat e tjera që do ti vijnë më pas. Tani është shtuar frika e Venecias, më pas do t’i shtohet frika e inceneratorëve, pastaj do t’i shtohet frika e arsimit e mësuesve, e studentëve, e pedagogëve nëpër universitete, që ju mbylli universitetet me një mbyllje thjesht online, kur ndërkohë për të bërë tenderat e tij sekret, për të dhënë koncesionet, për të bërë parashikimin e buxheteve të koncesioneve, përgatitet me muaj të tërë, ndërsa për t’i njoftuar studentët shqiptarë të cilët kanë marrë shtëpi me qera, kanë paguar konviktet, kanë marrë para borxh familjet e tyre për t’i sjellë në universitete, i thotë, sot për nesër. Do t’i shtohet frika e të rinjve dhe të rejave, do ti shtohet edhe frika e SPAK të tij. Do ti shtohet frika e koncesioneve, do t’i shtohet frika e të gjithë atyre të rinjve dhe të rejave që po ikin sot nga mali sepse nuk kanë mundësi për të jetuar në Shqipëri dhe nuk mund të ikin dot si njerëz normalë qoftë edhe për të punuar 2 ose 3 muaj. Pra frikërat e tij do të vijnë duke u shtuar çdo ditë. Çdo frikë për Edi Ramën, nuk do të thotë që është vota për LSI apo për opozitën. Çdo frikë për Edi Ramën në fakt duhet të bëhet përgjegjësi për të gjithë ne. Sepse ne sot duhet të jemi më të përgjegjshëm se asnjëherë tjetër për të strukturuar jo vetëm LSI por çdo qytetar, çdo banor, çdo të ri dhe të re që në 25 prill të shkojnë dhe të votojnë kundër Rilindjes dhe Edi Ramës. Kundër këtij njeriu që ka krijuar fenomenin e kapjes së shtetit, ka krijuar fenomenin e kapjes së te ardhmes së të rinjve dhe të rejave dhe të fëmijëve të shqiptarëve prandaj 25 prilli ka rëndësi të veçantë në historinë e Shqipërisë sepse do të jetë data që do të mbyll njëherë e përgjithmonë tranzicionin politik dhe kriminal që është instaluar në Shqipëri në këto 30 vjet. Vota e qytetarëve do të jetë votë referendumi. Por jo vetëm votë politike, do të jetë votë vizioni, do të jetë votë për planet që kemi ne për të ardhmen për ta zhvilluar Shqipërinë, për të zhvilluar Pogradecin sepse ky qytet që është një qytet i jashtëzakonshëm i cili për shkak të klimës, për shkak të pozicionit gjeografik, për shkak të gjithë vendosjes së infrastrukturës së tij, është një qytet i cili jo duhet të kishte punësim shumë te lartë, por duhet të kishte njerëz të tjerë që vinin nga qytete të tjera për të punuar dhe për të krijuar ekonomi shumë të mirë. Nuk është zgjidhja kur diskutoja me zonjat nuk është zgjidhja ndihma ekonomike. Të presësh sot për të marrë 50 mijë lekë të vjetra në muaj ndihmë ekonomike do të thotë që ke marrë fund si sistem dhe si shtet. Nuk mund të jetojë një familje shqiptare nën tundimin e një nëpunësi bashkie që i kërcënon me ndihmën ekonomike. Nuk mund të jetojë dot një familje shqiptare nën dhunën psikologjike të një militanti partiak dhe aq më shumë nën dhunën psikologjike të një injoranti. Prandaj ajo që ne kërkojmë sot është jo vetëm ristrukturimin total të strukturave tona sepse sot ne kemi takim të zgjeruar të strukturave dhe shumë shpejtë kemi lënë për të bërë takimin me të rinjtë dhe të rejat e qytetit të Pogradecit sepse ajo që është një nga gjërat më të rëndësishme që ka LSI-ja dhe më energjike janë të rinjtë dhe të rejat por nga ana tjetër dhe planin tonë të punës me një vizion të qartë për zhvillimin e Pogradecit, e ekonomisë së Pogradecit, e bujqësisë së Pogradecit dhe për zhvillimin e të gjithë gjërave që janë shumë të domosdoshme dhe të rëndësishme për funksionimin e jetës dhe të familjes në qytetin e Pogradecit. Ne kemi një mision, misioni ynë është shumë i qartë dhe shumë i thjeshtë, ta bëjmë Shqipërinë, shtëpinë tonë, shtëpinë e shqiptarëve. Ti kthejmë fëmijët tanë në Shqipëri, të jetojnë në Shqipëri sepse duke jetuar këtu do ta rindërtojmë Shqipërinë. Do ta rindërtojmë Shqipërinë jo me Monikën por me mendjen e ndritur të fëmijëve të shqiptarëve të cilët janë shkolluar, edukuar, kanë punuar, kanë ndërtuar jetën e tyre profesionale dhe janë të gatshëm sot për tu kthyer në Shqipëri dhe për të kontribuar. Sot një nga pikat tona më të rëndësishme të jetës është familja, dhe hoxha që këndon po na jep uratën e vet për familjet tona, për fëmijët tanë dhe për të ardhmen. Nuk ka shteti qëndresë, nuk ka kombi mbijetesë po nuk patëm një familje të fortë. Një familje e fortë ngrihet mbi bazat e një ekonomie të fortë, arsimi të fortë dhe një shëndeti të fortë. Sot në këtë situatë që gjendemi përballë pandemisë, për të cilën kemi një manaxhim të themi jo defiçent mund ta thoja por le të më korrigjojë doktori nëse e gjej gabim sepse në ambient të jashtëm duhet të rrimë me maska dhe në ambiente si kafene duhet të rrimë pa maska. Ndërkohë që mjaftojnë numrat që sa filluam përdorimin e maskave u shtua numri i të sëmurëve me Covid. Por nuk është kjo. Cila është prezenca e shtetit në familjen e çdo qytetari? Kemi një deklaratë budallaqe nga ministria e shëndetësisë që thotë do e bëjmë tek a çift kush do të hy në spital dhe kush do të shërohet. E pra, si mund të marrim ne drejtimin e një njeriu që kërkon të drejtoj shtetin me anë të rrjeteve sociale? Si mund të marrim ne drejtimin e një njeriu i cili nuk e kupton dot dhe nuk jeton dot me problematikat e qytetarëve të tij? Dhe si mund të marrim ne drejtimin e një njeriu që s’ka ditur të menaxhojë jetën e tij ndonjëherë po gjithmonë është menaxhuar nga grupet e interesit, nga trafikantët, nga kriminelët dhe është marr peng prej tyre. Nuk dua të zgjatem shumë sepse duam të japim edhe disa karta anëtarësie. Le të jetë ky proces i fillimit të të gjithë të rinjve dhe të rejave dhe më pas do ta vazhdojmë më tutje sepse ne do të vazhdojmë sot takime të tjera në Korçë. Nesër do të jemi në Devoll, Maliq, e kështu me radhë. Pra, të gjithë këtë ëeekend të gjatë dhe të shkurtër ne do ta kalojmë në qarkun e Korçës ku do të takohemi me të gjitha strukturat e Lëvizjes Socialiste për Integrim që janë shtuar, janë zgjeruar me të rinj dhe të reja, me gra sepse mendoj që kjo është një nga gjërat më të rëndësishme dhe një nga pikat më të forta që ka LSI. Fuqizimin e rinis dhe fuqizimin e gruas në strukturat e partisë. Dhe pika jonë më e fortë është jo vetëm të qenurit bashkë, por pika jonë më e fortë është të të qenurit të vërtetë. Që themi të vërtetën, i qëndrojmë të vërtetës dhe i shkojmë të vërtetës deri në fund. Deri me 25 prill do të dëgjojmë shumë të vërteta. Do të kemi shumë të vërteta të tjera që do t’iu a themi hap pas hapi në mënyrë të tillë që haku të shkoj ke i zoti dhe secili nga ne të punojë për të çuar qytetarët, miqtë, shokët, ku i kemi, ku si kemi, në kutin e votimit për të votuar për Lëvizjen Socialiste për Integrim, për të votuar për çdo njeri që ata mendojnë se i përfaqëson dhe është i denjë. Zoti ju ruajt ju, familjet tuaja dhe bekoftë shqiptarët kudo që janë.
Deklarata e ministres Manastirliu, e cila nga Kuvendi tha se në rast mbingarkese mjekëve do tu duhet të zgjedhin mes pacientëve, ka shkaktuar mjaft reagime. Edhe kryetari i Opozitës, Lulzim Basha tha se askush nuk ka të drejtë të zgjedhë se kush duhet të jetojë dhe se kush duhet të vdesë, por duhen marrë masa që të mos thellohet kolapsi.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Presidenti i Këshillit Europian, Michel Charles, ka zhvilluar një bisedë online me kryeministrin Edi Rama. Përmes një statusi në rrjetet sociale, C...
TIRANË– Kryeministri Edi Rama është solidarizuar me Turqinë dhe Greqinë pas tërmetit të fuqishëm që ka lënë pas 8 viktima dhe më shumë se 400 të plag...
TIRANË– Kruyeministri Edi Rama ka reaguar pas komenteve të kryetarit të Opozitës Lulzim Basha, për deklaratat e Ministres së Shëndetësisë Ogerta Manastirli...
TIRANË– Dosja.al ka zbardhur detaje nga takimi i zhvilluar online mes kryeministrit Edi Rama, kryeministrin e Maqedonisë së Veriut Zoran Zaev dhe President...
TIRANË- Lëvizja Vetëvendosje në shqipëri ditën e sotme organizoi sot një konferencë për media ku në fokus ka qenë çështje e Detit Jon. Mëoshet se në...
TIRANË- Ministri në detyrë për Evropën dhe Punët e Jashtme, Gent Cakaj, zhvilloi një bisedë telefonike me Ministrin e Jashtëm të Holandës, Stef Blok. Mësoh...
TURQI– Gazetari shqiptar Sokol Brahaj, ka folur nga Izmiri pas tërmetit të fuqishëm. Në një prononcim për ABCNews, Brahaj u shpreh se të gjithë njerëzit janë vë...
TIRANË– Kreu i Partisë Demokratike është solidarizuar me Turqinë pas tërmetit të fuqishëm me magnitudë 6.6 gratë të shkallës rihter. Përmes një statu...
TIRANE– Presidenti Ilir Meta ka reaguar pas tërmetit që goditi pak orë më parë Turqinë dhe Greqinë, duke i shprehur solidaritetin dy popujve.Meta shkruan në ‘Fa...
TIRANE– Ish-deputeti i Partisë Demokratike, Endri Hasa ka postuar në rrjet një video nga Elbasani dhe thotë se qytetarët atje prej 1 jave janë në pritje për të ...
