Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Roberto Kanesa (63 vjeç), i cili është një nga të mbijetuarit e aksidentit dhe në librin e tij për përvojën që ndryshoi jetën e tij, ai përshkroi se si ata hëngrën miqtë e tyre të vdekur për të mbijetuar.
URUGUAI- Pikërisht 50 vjet më parë, ndodhi një nga episodet më të errëta të mbijetesës në histori. Avioni uruguajan me 40 pasagjerë dhe pesë anëtarë të ekuipazhit u rrëzua në një zonë të pabanuar të Andeve, shumë afër kufirit të Argjentinës dhe Kilit. Në bord ndodheshin ekipi kombëtar i ragbit, miqtë, familjarët dhe bashkëpunëtorët e tyre. Avioni u rrëzua herët në mëngjesin e 13 tetorit, në kushte jashtëzakonisht të vështira atmosferike.
Nga gjithsej 45 pasagjerë, 12 prej tyre vdiqën kur u përplasën në tokë, dhe pesë prej tyre vdiqën të nesërmen në mëngjes si pasojë e lëndimeve të marra gjatë rënies. Roberto Kanesa (63 vjeç), i cili është një nga të mbijetuarit e aksidentit dhe në librin e tij për përvojën që ndryshoi jetën e tij, ai përshkroi se si ata hëngrën miqtë e tyre të vdekur për të mbijetuar.
Ekipi i ragbit “Christian Brothers” nga Uruguai ka udhëtuar drejt Kilit, e mes tyre ishte edhe Kanesa, mjek pediatër dhe kardiolog, i cila 40 vjet pas aksidentit vendosi të ndajë rrëfimin e tij me mbarë botën. Kanesa ishte 19 vjeç në momentin e aksidentit. Pa nga dritarja e avionit, ai ndjeu se diçka nuk shkonte: turbulencat po forcoheshin dhe avioni po binte.
"U mbajta fort pas karriges dhe iu luta Zotit të më shpëtonte. Dëgjova britma rreth meje, gjithçka u mbush plot tym dhe zjarr," - tha Kanesa.
Orteku që ra mbi ta në ditën e 17-të pas aksidentit, shkakoi edhe vdekjen e disa personave të tjerë. Në javët në vijim, disa vdiqën një nga një, nga uria dhe hipotermia. Ata ishin ngecur në 3600 metra mbi nivelin e detit në një terren të ashpër malor, humbën çdo shpresë shpëtimi. Por ata që mbijetuan dhe bënë atë që mendonin se nuk do ta bënin kurrë. Ata hëngrën mish njeriu.
"Ky ishte burimi i vetëm i proteinave dhe yndyrave që kishim. Ishte e neveritshme. U ndjeva i poshtëruar. Më duhej të kapja një pjesë të mishit të mikut tim dhe ta haja për të mbijetuar. Në sytë e shoqërisë sonë të qytetëruar, ishte një vendim i tmerrshëm dhe i neveritshëm," - tha Kanesa.
Temperaturat ishin shumë të ulëta dhe të ftohta. Ata nuk e morën me lehtësi vendimin për të ngrënë mishin e të vdekurve, por nuk mund të bënin ndryshe.
"Në atë moment mendova nëse ishte më mirë të vdisja. POr m'u kujtua mamaja dhe doja të kthehesha sa më shpejt në shtëpi. Më pas kisha edhe një të dashur, Laurën, me të cilën tani kam tre fëmijë. E gëlltita copën dhe ishte një hap i madh që më shpëtoi jetën,"-shtoi ai.
Ata u shpëtuan vetëm pas 72 ditësh, pasi Kanesa dhe Nando Parado zbritën në luginë dhe gjetën ndihmë. U deshën dy muaj që ata të kuptonin se nëse nuk do shpëtonin veten, askush tjetër nuk do e bënte.
"U përshëndetëm dhe me shenjat e para të agimit u nisëm në misionin tonë vdekjeprurës. Kishim veshur disa pulovra dhe pantallona. I veshëm pa problem, sepse tashmë kishim humbur shumë peshë. Në shpinë kishim çanta gjumi të improvizuar të bëra nga fibra izoluese të avionit. Mora rripa mishi të ngrirë njeriu që i kishim prerë. Shoku im dhe unë, Nando, mbanin veshur çizme regbi, përdornim jastëkë avioni si ski dhe secili mbante një copë litar dhe një shkop. Sinqerisht, nuk e kishim idenë se çfarë mund të na duhej për një udhëtim të tillë."
Ata ishin të bindur se do të vdisnin rrugës, por vendosën se ishte më mirë sesa të qëndronin pranë rrënojave dhe të hanin miqtë dhe të njohurit e tyre derisa të mos mbetej asgjë, e po ashtu edhe ata të vdisnin nga uria.
"Lëkura ime mori një ngjyrë të gjelbër dhe gishtat filluan të më nxiheshin nga hipotermia. Megjithatë, ishte ora 16:15 e asaj dite dhe dielli ishte ende duke ndriçuar. Nata ra në orën 19:12."
Të nesërmen në mëngjes, ata vazhduan të zbrisnin nga mali - panë hardhucën e parë, gjelbërimin e parë, pemët e rrëzuara, gjurmët e çizmeve... Ata arritën pranë qytetit panë një person në anën tjetër të lumit. Ata nuk dinin të kalonin lumin, dhe ai u hodhi atyre një gur të lidhur në letër dhe një laps. Në të shkruanin se kush ishin dhe çfarë u ndodhi. Ai u kthye me më shumë kuaj dhe kështu ata u shpëtuan. Një nga gjërat më të këqija që duhej të bënin ishte të merreshin me gjithçka që u ndodhi 2 muaj më parë- veçanërisht me kanibalizmin.
"Kur u ktheva në shtëpi në Uruguaj, shkova derë më derë tek miqtë e mi dhe u shpjegova familjeve të tyre se çfarë kishim kaluar dhe pse duhej të bënim atë që bëmë për të qëndruar gjallë."
Ai tregoi gjithashtu se si vizitoi Gustavo dhe Rakel Nikolic, djali i të cilëve u plagos rëndë dhe vdiq në ortekun që goditi avionin pas aksidentit. Kur e kuptoi se do të vdiste, ai u shkroi një letër të dashurës së tij në të cilën, ndër të tjera, thoshte se në fund "vetëm shpirti ka rëndësi" dhe se trupin e tij po ua ofronte atyre që kishin mundësi të mbijetonin.
Rick Caruso SHBA- Kandidati republikan për kryebashkiak të Los Anxhelosit, Rick Caruso, u përball me kritika dhe tallje pas...
FMN UKRAINË- Ukraina ka marrë 1.3 miliardë dollarë financim shtesë emergjence në kuadër të Instrumentit të Fi...
Takimi BRITANI E MADHE- Mbreti Charles III mban një fotografi në Pallatin Buckingham nga dasma mbretërore e Princit Harry dhe Meghan Ma...
Posteri UKRAINË- Autoritetet e qytetit të Odessas kanë hequr foton e miliarderit amerikan dhe themeluesit të SpaceX, Elon Musk, ng...
Mbreti dhe Camilla BRITANI E MADHE- Kombi britanik është në pritje të kurorëzimit të mbretit të ri, i cili do t&eum...
Armet SHBA- Udhëheqësit ukrainas po i kërkojnë SHBA-së dhe aleatëve perëndimorë sisteme të mbrojtjes ajrore dh...
Bruksel BRUKSEL- Presidenca Çeke e Këshillit Evropian ka thënë të enjten se është e domosdoshme që të qart&e...
Herson RUSI- Lideri i instaluar nga Rusia në rajonin ukrainas Herson, Vladimir Saldo, u ka bërë thirrje civilëve që të evakuo...
Grua SHBA- Rregullat e brendshme të punës së një kompanie "të cilat ndalojnë mbajtjen e shenjave fetare, filozofike ose ...
Putin dhe Lukashenko UKRAINË- Presidenti i Bjellorusisë, Alexander Lukashenko, ka balancuar me kujdes luftën në Ukrainë. M&eu...
