"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Megjithatë, ai paralajmëroi Teheranin se nëse Irani “apo kushdo tjetër” bën ndonjë veprim për ta penguar transportin detar përmes ngushticës, ai do ta “rishqyrtojë” vendimin për të mos shkatërruar objektet e naftës në ishull.
SHBA- Presidenti i Shteteve të Bashkuara, Donald Trump, ka thënë të shtunën se forcat amerikane i kanë “shkatërruar plotësisht” objektivat ushtarake në ishullin strategjik iranian, Harg, duke e cilësuar sulmin si “një nga bombardimet më të fuqishme ajrore” në historinë e Lindjes së Mesme.
Ai gjithashtu tha se marina amerikane së shpejti do të fillojë t’i shoqërojë anijet nëpër Ngushticën e Hormuzit.
“Pak çaste më parë, me urdhrin tim, Komanda Qendrore e Shteteve të Bashkuara ekzekutoi një nga sulmet bombarduese më të fuqishme në historinë e Lindjes së Mesme dhe shkatërroi plotësisht çdo objektiv USHTARAK në xhevahirin e kurorës së Iranit, ishullin Harg”, shkroi Trump në rrjetet sociale.
Ai gjithashtu publikoi një video që tregonte shpërthime në ishull pas sulmeve.
“Armët tona janë më të fuqishmet dhe më të sofistikuarat që bota i ka njohur ndonjëherë, por për arsye të ndershmërisë kam zgjedhur që të MOS e shkatërroj infrastrukturën e naftës në ishull”, shtoi ai.
Megjithatë, ai paralajmëroi Teheranin se nëse Irani “apo kushdo tjetër” bën ndonjë veprim për ta penguar transportin detar përmes ngushticës, ai do ta “rishqyrtojë” vendimin për të mos shkatërruar objektet e naftës në ishull.
Ishulli Harg i Iranit është pika kryesore e eksportit të naftës së vendit, sepse shërben si terminal për rreth 90 për qind të eksporteve të naftës së Iranit. Ai ndodhet rreth 24 kilometra larg bregdetit iranian dhe rreth 480 kilometra në veri të Ngushticës së Hormuzit.
Disa orë më vonë të shtunën, mediat shtetërore iraniane konfirmuan se forcat amerikane kishin goditur objekte ushtarake në ishullin Harg. Agjencia e lajmeve Fars, e afërt me Gardën Revolucionare Islamike (IRGC), raportoi se në ishull u dëgjuan “më shumë se 15 shpërthime” dhe se nga zona po ngrihej tym i dendur.
Kjo agjenci raportoi se Shtetet e Bashkuara kishin shënjestruar pajisje ushtarake dhe pretendoi se sistemet e mbrojtjes ajrore të Hargut nuk ishin dëmtuar. Radio Farda e Radios Evropa e Lirë nuk ka mundur ta verifikojë në mënyrë të pavarur këtë raportim.
Ushtria iraniane kishte kërcënuar më herët se do të sulmonte objekte nafte të lidhura me SHBA-në në rajon, nëse do të goditej infrastruktura energjetike iraniane.
Këto zhvillime ndodhën në një kohë kur Pentagoni filloi ta forcojë praninë e tij ushtarake në Lindjen e Mesme, duke dërguar një anije të re sulmuese me një njësi ekspeditare të marinës, pasi Trump u zotua për sulme të intensifikuara gjatë javës së ardhshme.
Zyrtarë të lartë të Mbrojtjes i thanë REL-it të premten se Pentagoni po dërgon një kontingjent marinsash - me gjasë rreth 2.500 sosh - në bordin e anijes sulmuese, USS Tripoli.
REL-i e kontaktoi Shtëpinë e Bardhë dhe u referua te Komanda Qendrore e SHBA-së (CENTCOM), e cila është përgjegjëse për forcat amerikane në Lindjen e Mesme. CENTCOM nuk ktheu përgjigje.
“Do t’i godasim shumë fort gjatë javës së ardhshme”, tha Trump për Iranin.
Presidenti më vonë shkroi në një tjetër postim në rrjetet sociale se Irani “është plotësisht i mposhtur dhe dëshiron marrëveshje, por jo një marrëveshje që unë do ta pranoja”.
Trump më herët tha se Shtetet e Bashkuara janë të përgatitura dhe të gatshme t’i shoqërojnë anijet përmes Ngushticës së Hormuzit, një rrugë shumë e rëndësishme detare, për t’i mbrojtur ato nga sulmet iraniane.
Disa vende të tjera perëndimore kanë thënë se po e shqyrtojnë këtë qëndrim të Trumpit. Kur u pyet më vonë se kur do të fillojë t’i shoqërojë cisternat marina amerikane, Trump u tha gazetarëve: “Do të ndodhë së shpejti”, megjithëse nuk dha afat kohor.
Administrata amerikane po përpiqet ta frenojë rritjen e çmimeve globale të naftës pas ndërprerjeve të shkaktuara nga sulmet ajrore SHBA–Izrael ndaj Iranit, të cilat filluan më 28 shkurt, si dhe nga kundërpërgjigjja e Teheranit me raketa dhe dronë kundër aleatëve arabë të SHBA-së në Gjirin Persik dhe vendeve të tjera./REL
Israel Katz IZRAEL- Ministri izraelit i Mbrojtjes, Israel Katz tha se lufta izraelito-amerikane kundër Iranit po përshkallëzohet dhe p...
ABD DHABI- Policia e Abu Dhabit, kryeqyteti i Emirateve të Bashkuara Arabe, njoftoi sot se ka arrestuar 45 persona, përfshirë të huaj...
SHBA- Rasti i parë i një sulmi ndaj Iranit nga një vend i Gjirit Persikar ku lëshohen nga territori i Bahreinit është konfirmuar...
IZRAEL- Izraeli po përgatitet për një operacion të gjerë tokësor në jug të Libanit me qëllim shkatërrimin e ...
IRAN- Ushtria iraniane ka njoftuar se do të shkatërrojë menjëherë të gjitha objektet e naftës, financiare dhe ene...
Donald Trump, Vladimir Putin SHBA- Presidenti amerikan, Donald Trump ka hedhur poshtë një propozim nga homologu i tij rus, V...
Donald Trump SHBA- Presidenti Donald Trump, duke folur me gazetarët dhe nëpërmjet një postimi në Truth Social, njoftoi s...
POLONI- Politika e sigurisë ka qenë deri tani nëPoloni një fushë ku, për shkak të kërcënimit nga Rusia, ka e...
Friedrich Merz GJERMANI- Kancelari gjerman Friedrich Merz tha Merz gjatë një takimi me kryeministrat e Kanadasë dhe Norvegjisë...
SHBA- Një sulm ndaj ambasadës amerikane në Bagdad ka tronditur kryeqytetin irakian, pasi një raketë ka goditur kompleksin ka krijuar ...
