Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
Dita e 5-të e protestës për Zvërnecin/ Nis marshimi drejt bulevardit: Revolucion 4 Qershor, 18:26 Sot pro...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Policia nuk ka gjetur askënd në banesën që ndodhet në rrugën “Njegosheva” në qendër të Podgoricës dhe siç është konstatuar, banesa u është dhënë me qira personave që kanë përdorur dokumente të falsifikuara.
MALI I ZI- Policia malazeze është duke e ruajtur një banesë, nga bodrumi i së cilës është hapur një tunel nëntokësor i gjatë tridhjetë metra deri në depon e Gjykatës së Lartë në Podgoricë. Ekspertët e mjekësisë ligjore po përpiqen të zbulojnë se kush ka qëndruar në banesë gjatë muajit gusht.
Policia nuk ka gjetur askënd në banesën që ndodhet në rrugën “Njegosheva” në qendër të Podgoricës dhe siç është konstatuar, banesa u është dhënë me qira personave që kanë përdorur dokumente të falsifikuara.
Ndërtesat më të rëndësishme të mbrojtura ndodhen në afërsi të banesës dhe godinës së Gjykatës së Lartë: Parlamenti, Qeveria, Gjykata Kushtetuese, Banka Qendrore.
Aktualisht, hetuesit nuk e dinë motivin dhe qëllimin e personave të panjohur që e kanë hapur tunelin për të paktën një muaj.
Sipas fotove të tunelit të publikuara nga Qeveria e Malit të Zi, kalimet janë të gjera dhe rreth një metër të larta, muret janë të veshura me dërrasa që duhej të parandalonin shembjen e dheut dhe gurit. Fundi i tunelit çonte në depon e bodrumit të Gjykatës së Lartë, muri i së cilës u ça në vendin ku ndodhen raftet me dosje.
Në depon e Gjykatës së Lartë, përveç dosjeve gjyqësore, mes së cilave ka prova për vepra të ndryshme penale, ka edhe rreth nëntë tonë e gjysmë lëndë narkotike të konfiskuara, nga të cilat rreth dy tonë janë kokainë dhe rreth shtatë tonë marihuanë.
Kryeministri Dritan Abazoviq, i shoqëruar nga ministri i Drejtësisë dhe ai i Brendshëm, Marko Kovac dhe Filip Axhiq, vizituan vendin dhe njoftuan se gërmimi i tunelit nuk mund të bëhej pa ndihmën e Gjykatës së Lartë.
"Krimi i organizuar funksionon duke pasur njerëz të përfshirë në të gjitha institucionet. Mendoj se kjo është një përpjekje për një veprim të koordinuar që u pengua", tha kryeministri Abazoviq, i cili shtoi se janë regjistruar disa persona që mund të jenë të lidhur me këtë rast.
Partia Demokratike e Socialistëve (DPS) e vlerësoi këtë deklaratë si “përpjekje të ngathët të Abazoviqit për të hequr nga vetja dhe ministri Axhiq barrën e përgjegjësisë për rrëmujën në sektorin e sigurisë, e cila nuk do të kalojë”.
Ligjet për punët e brendshme dhe për Agjencinë e Sigurisë Kombëtare përcaktojnë qartë detyrë e kujt është të mbrojë institucionet kundër kundërzbulimit dhe të sigurojë sende që përbëjnë prova në procedimet penale, tha DPS-ja.
Oficerët e administratës policore sigurojnë objektet e gjykatave dhe prokurorive.
Sipas Abazoviqit, motivi i gërmimit të tunelit është përpjekja e kartelit të drogës për të kontaminuar provat kundër tyre në depo, për të cilat ai dyshon se kanë pasur ndihmë nga gjykata.
Pas zbulimit të tunelit, kryetari i Gjykatës së Lartë, Boris Saviq tha se "pothuajse asgjë nuk mungon".
Ai shprehu dyshimin e tij se qëllimi i autorëve ishin dëshmitë në depo, pasi për to tashmë janë bërë ekspertiza dhe në bazë të tyre tashmë janë nxjerrë aktakuza apo aktgjykime.
Siç tha ai, “nuk do të kishte dëme të pariparueshme nëse do të vidheshin disa sende”.
“Ne kemi të drejtë të dyshojmë se personi që e ka punuar atë tunel, ka pasur plan për të shkuar në dhomën e mbajtjes (së të akuzuarit)”, tha gjyqtari Saviq.
Duke qenë se ajo dhomë ndodhet afër depos, ai përmendi edhe mundësinë që tuneli të jetë hapur në përgatitje të tentativës për arratisje nga një prej të pandehurve, duke theksuar se është herët të flitet për këtë.
Drejtori i Drejtorisë së Policisë, Nikola Terziç, vetëm tha se mendon se “askush nuk ka investuar kaq shumë mund dhe përpjekje për rekreacion”.
Shoqata e Policëve në Pension dhe Agjencia e Sigurisë Kombëtare njoftuan se shkatërrimi i aparatit të sigurisë në Mal të Zi, përzgjedhja negative e personelit në shërbime dhe ndërhyrja e drejtpërdrejtë e politikës ditore në sistem, çuan në një rënie të përgjithshme të besimit tek institucionet që mbrojnë qytetarët dhe sistemin kushtetues.
Me rastin e hapjes së tunelit është paralajmëruar të mbahet një seancë e Byrosë për Koordinimin Operativ të Autoriteteve të Sektorit të Inteligjencës dhe Sigurisë dhe Këshilli i Sigurisë Kombëtare për 14 shtator.
Nga aspekti ndërtimor, këto janë punë shumë të thjeshta, sepse nuk ka ujë nëntokësor, thotë për Radion Evropa e Lirë Velko Vasileviç, ekspert gjyqësor në fushën e ndërtimit.
"Ne e dimë se është material i butë. Mund të përdoren vetëm mjete manuale ose elektrike. Me pak logjistikë, ne të dy mund ta gërmojmë atë brenda një muaji, dhe me logjistikë dhe organizim më të mirë, edhe për dhjetë ditë", thotë Vasileviç.
Në bazë të fotografive të tunelit të publikuara nga Qeveria, ai vlerëson se janë gërmuar rreth 30 deri në 35 metra kub material, që nuk është një sasi e madhe, por largimi i të cilit është menduar të jetë i padukshëm.
"Ose të fshehura brenda disa punëve dhe aktiviteteve të tjera. Supozoj se punimet janë bërë gjatë ditës, kur ka pasur trafik dhe zhurma nga jashtë", shprehet ai.
Vasileviq vëren se makinat elektrike që nuk bëjnë shumë zhurmë janë përdorur për instalimin e tabelës kundër rrëshqitjes:
"Unë shoh që shkuma e purpurt është përdorur për të parandaluar derdhjen midis dërrasave. Edhe pse puna është shumë e thjeshtë, ata duhet të kenë një minimum njohurish teknike, ose t'i udhëzojë dikush që të hamendësojnë rrugën e gërmimit dhe të dinë deri ku të gërmojnë".
Vlerësohet se muri i ndërtesës së gjykatës është 70-80 centimetra i trashë, si shumica e objekteve të ndërtuara në Podgoricë pas Luftës së Dytë Botërore. Fillimi i gërmimit të tunelit përkon me fillimin e rinovimit të ndërtesës së Gjykatës së Lartë. Incidenti u zbulua të hënën, më 11 shtator, kur zyrtarët e gjykatës vunë re se sendet brenda depos ishin kontrolluar.
Gjykata e Lartë ka njoftuar menjëherë policinë, e cila ka kryer hetimet në të njëjtën ditë. Pas hetimeve të tyre, zyrtarët e gjykatës filluan të listonin objektet dhe vetëm më pas u gjet hapja që fshihej nga objektet në dhomë. Në depo janë 100 mijë raste, dosje gjyqësore e objekte fizike.
Marrë nga REL
Minierae qymyrit në Turqi TURQI- Një ngjarje e rëndë është raportuar pasditen e sotme në Turqi. Mediat vendase, raportoj...
Inteligjenca Artificiale SHBA- Disa nga zërat më me ndikim në industrinë e teknologjisë janë takuar sot me ligjvënë...
Kim Jong Un dhe Vladimir Putin RUSI- Presidenti rus Vladimir Putin është bërë sërish qendra e vëmendjes, pasi në rrjet &...
Ivica Daçiç SERBI- Zëvendëskryeministri dhe njëkohësisht ministri i Punëve të Jashtme Ivica Daçiç...
Libia LIBI- Libia është në qendër të një katastrofe që kufizohet me botën tjetër. Më ...
Kevin McCarthy SHBA- Kryetari i Dhomës së Përfaqësuesve, Kevin McCarthy, njoftoi të martën se ligjvënësit do të...
Emma Coronel Aispuro MEKSIKË- Emma Coronel Aispuro, gruaja e zotit meksikan të drogës Joaquin "El Chapo" Guzman është liruar ...
Danelo Cavalcante SHBA- Danelo Cavalcante, i dënuar më burgim të përjetshëm për vrasje, është kapur pas gati d...
Zjarr në azilin në Spanjë SPANJË- Një azil në veri të Spanjës është përfshirë nga flakët m...
Britani e Madhe BRITANI E MADHE- Një qytetar në Devizes, lagje në qytetin britanik tëëiltshire ka bërë një veprim t...
