Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Kontët rusë u bënë shoferë taksie në Paris, ndërsa konteshat përfunduan në rastin më të mirë si amvisa. Askush nuk jetoi aq gjatë sa të shihte rënien e komunizmit.
Nga Elena Davlikanova “Center for European Policy Analysis”
Kryeqytetet evropiane dhe Uashingtoni janë populluar me përfaqësues të të gjitha llojeve të opozitës ruse, reale dhe false, shumica e të cilëve propagandojnë idenë e një vendi të lirë pas Putinit. Ata janë të fundit nga shumë valë emigrantësh që dekadë pas dekade, vdiqën në mërgim pa parë dot ngritjen e imagjinuar të një Rusie të re.
Shekullin e kaluar Rusia përjetoi 5 valë emigracioni. E para në vitet 1917-1920, ka hyrë në histori si “emigrimi i të bardhëve”, kur fisnikëria, inteligjenca dhe lëvizja e antibolshevike e të bardhëve (bjellogardistët), po arratisej në masë pas disfatës që pësoi në Luftën Civile.
Kontët rusë u bënë shoferë taksie në Paris, ndërsa konteshat përfunduan në rastin më të mirë si amvisa. Askush nuk jetoi aq gjatë sa të shihte rënien e komunizmit. Vala e dytë në vitet 1940, përbëhej kryesisht nga robër lufte dhe të tjerë që refuzonin të ktheheshin në Rusinë e frikshme të Stalinit.
Sovjetikët i shihnin si tradhtarë të dyja këto grupe. Vala e treta e emigrimit, midis viteve 1960 dhe 1990, përfshiu shumë figura kulturore dhe mendimtarë që nuk ishin dakord me regjimin sovjetik, por edhe anëtarë të komunitetit hebre që vuajtën pasojat e antisemitizmit. Nurejev, Solzhenicin , Dovlatov dhe Brodsky ishin përfaqësues të shquar të kësaj vale.
Disa prej tyre arritën të shohin rënien e Bashkimit Sovjetik, madje disa u rikthyen në vendlindje. Por më pas, shumë prej tyre e kuptuan se pas vitit 1991, ndërsa Rusia mund të ishte çliruar vërtet nga komunizmi, ajo nuk u çlirua dot nga vetvetja.
Vala e katërt e emigracionit gjatë viteve 1990-2000, u nxit kryesisht nga sfidat ekonomike, mundësia për t'u ribashkuar me të afërmit që kishin emigruar më parë dhe nga ndjekja e ëndrrës për të gjetur lumturinë diku tjetër.
Por në më pak se 30 vjet pas shembjes së Bashkimit Sovjetik, kur disa imagjinonin ende se Rusia mund të bëhej ‘toka e premtuar’, represioni politik i stilit të Stalinit dhe frika e vdekjes në fushën e betejës shkaktuan një tjetër emigrim masiv, për shkak të rivendosjes së mekanizmave shtypës, sidomos pas fillimit të pushtimit të plotë të Ukrainës.
Human Rights Watch e quajti represionin e fillimit të viteve 2020 si një përpjekje gjithëpërfshirëse për të zhdukur zërat kundër regjimit. Kohët mund të ndryshojnë, por jo Rusia. Shumë vende kanë një të kaluar të lavdishme mitike, e cila zakonisht nuk i reziston shqyrtimit. Historia e Perandorisë Ruse, dhe veçanërisht e Bashkimit Sovjetik, zbulon se ka në themele shtypjen dhe mungesën e lirisë.
E mira nuk dominoi asnjëherë mbi të keqen, madje edhe koha e Boris Yelstin vështirë se mund të quhet një demokraci e vërtetë. Regjimi aktual, mund të konsiderohet pa frikë si një pasardhës i represionit të epokës sovjetike, që e ka shtuar paketën e mjeteve të KGB-së për një pasurim të pakufishëm.
Në këtë sistem, thotë studiuesi amerikan, Andrew Wedeman, ka “një mosndëshkim pothuajse total për ata që janë të autorizuar të plaçkitin nga krye-hajduti (Putini)”. Ndonëse ka shumë raste të shteteve që klasifikohen ose jo si demokraci, dhe asnjë komb nuk ka një prirje gjenetike drejt sistemeve të caktuara, një analizë e Rusisë nuk duhet të jetë viktimë e mendimeve të dëshiruara.
Ajo mbetet një fuqi bërthamore, me një pasuri burimesh të disponueshme për t’u përvetësuar nga elitat e saj, me një aparat represiv masiv, me prirje të forta imperialiste dhe revanshiste, me një shoqëri civile të dobët, pa opozitë dhe me pak përvojë në demokraci.
E pamposhtur ushtarakisht apo ekonomikisht, ajo s’ka asnjë motiv apo mjet për të ndryshuar së brendshmi. Edhe nëse interesat financiare të elitave të saj mund t’i shtyjnë ata të rivendosin marrëdhëniet me Perëndimin, është e vështirë të imagjinohet që Rusia do t'i nënshtrohet reformave të thella edhe në këmbim të sanksioneve të reduktuara.
Kryesisht kjo për shkak të ndikimit të madh që kanë ende shërbimet e saj të sigurisë dhe inteligjencës. Në thelbin e saj, Rusia funksionin më shumë si një shërbim gjigant sigurie me një shtet bashkangjitur. Tek e fundit shteti përbëhet kryesisht nga të ashtuquajturit siloviki, forcat e sigurisë, numri total i të cilëve vlerësohet në 5 milionë.
Ndërkohë, shoqëria ruse - siç theksohet nga Oleksii Danilov, Sekretari i Këshillit të Sigurisë Kombëtare dhe Mbrojtjes së Ukrainës - është e ngurtësuar. Vdekja e Putinit nuk mjafton për të sjellë ndonjë ndryshim në Rusi. “Do të duhen vite. Para së gjithash, rusët duhet të fillojnë t’i duan njerëzit”- thekson ai.
Ukrainasit, të cilët kanë përjetuar 3 revolucione në rrugëtimin e tyre 30-vjeçar drejt demokracisë, e dinë shumë mirë se çfarë duhet për të ndërtuar dhe mbrojtur një sistem demokratik. Nevoja për ndryshime në mentalitet, reforma institucionale dhe guximi njerëzor është shumë i madh.
Është mashtruese ideja se mund të mjaftojë një proces i lehtë për ta kthyer Rusinë tashmë fashiste të Putinit, në një aleat perëndimor që respekton të drejtat e njeriut dhe liron të burgosurit politikë. Rusia vazhdon të ushqejë ambiciet e saj për të qenë një fuqi globale dhe ndërsa nuk është në gjendje t'i përmbushë tani për tani kriteret, ajo do të vazhdojë që të përpiqet.
Një raport i fundit i Këshillit Gjerman për Marrëdhëniet me Jashtë, parashikon se Rusia do të jetë gati të sulmojë NATO-n brenda 6-10 vjetësh pas një disfate të mundshme të Ukrainës. Në aleancë me Kinën dhe Iranin, Rusia synon të bëhet një udhëheqëse krenare e botës së vendeve me regjime autoritare.
Si një ukrainase që preferon të ketë fqinjë të civilizuar dhe paqedashës, unë uroj të realizohen ëndrrat e disidentëve të rinj rusë. Por si një ukrainase me përvojë në zhvillimin e demokracisë, kam frikë se shumica e tyre do të plaket në mërgim duke ëndërruar për një Atdhe që nuk i ka dashur asnjëherë.
Kjo nuk do të thotë se ata duhet të ndalojnë së ëndërruari për vizionin që përmblidhet në thënien e famshme në dramën “Xhaxha Vanja” të Çehovit: “Një ditë do ta gjejmë paqen. Do të dëgjojmë engjëjt, dhe do të shohim qiellin që shkëlqen me diamante”. Kjo kohë nuk do të vijë së shpejti.
Shënim:Elena Davlikanova, studiuese e njohur ukrainase. Në vitin 2022 ishte bashkëautore e librave “Puna e parlamentit të Ukrainës në kohë lufte” dhe “Lufta e rrëfimeve:Imazhi i Ukrainës në media”.
emmanuel macron FRANCË- Qëllimi i presidentit francez Emmanuel Macron është të arrijë një armëpushim t&eu...
lynn hastings IZRAEL- Ministri i Jashtëm Eli Cohen thotë në X se ai ka anuluar një vizë për Lynn Hastings, koordinatoren huma...
Vucic Dy javë para zgjedhjeve, është e qartë se çështja e "rrugës evropiane” të Serbisë nuk ...
foto ilustruese Nga Thomas Fazi “Unherd” Kur flasim mbi konfliktin izraelito-palestinez, priremi të përqendrohemi tek dimensionet po...
foto ilustruese RUMANI-Rënia e komunizmit në Rumani, dekada më parë, e ka hequr perden prej rrjetit famëkeq të jetimoreve, du...
Familja Murseli KOSOVË- Avokatja, Fehmije Gashi tha se Policia e Kosovës, ka qenë në dijeni që Naim Murseli ka porositur vrasjen e...
foto ilustruese PRISHTINË- Kosova është renditur në vendet e fundit në rezultatet e testit të PISA-s për vitin 2022. Kos...
volodymyr zelenskyy SHBA- Presidenti ukrainas, Volodymyr Zelensky anuloi papritur sot fjalimin e planifikuar në Kongresin amerikan për shkak t&eu...
Viktor Orban HUNGARI- Komisionit Evropian i është kërkuar që të mbajë qëndrim ndaj Viktor Orban dhe të mos lejoj&eu...
Foto ilustruese MAQEDONI- Të shtëna me armë zjarri janë raportuar mbrëmjen e sotme në Kumanovë të Maqedonisë s...
