Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
Vizita e fundit e sekretarit Blinken në rajon vjen ndërsa ofensiva e Izraelit në Gazë vazhdon me intensitet të plotë.
LINDJE E MESME- Sekretari amerikan i Shtetit Antony Blinken rikthehet në Lindjen e Mesme të dielën me shpresën për të bindur Izraelin dhe militantët e Hamasit që të pranojnë një marrëveshje armëpushimi të konceptuar për të ndalur luftimet, për të liruar pengjet dhe për të lejuar më shumë ndihma humanitare në Rripin e Gazës të shkatërruar nga lufta.
Në një njoftim të Departamentit amerikan të Shtetit të premten thuhet se diplomati i lartë amerikan do të theksojë rëndësinë e pranimit nga Hamas-i të propozimit të paraqitur për armëpushimin dhe i përshkruar në një fjalim nga presidenti amerikan Joe Biden një javë më parë, propozim që është pothuajse identik me atë të miratuar nga Hamasi muajin e kaluar. Udhëtimi tre-ditor i sekretarit Blinken do të përfshijë ndalesa në Egjipt, Izrael, Jordani dhe Katar.
Vizita e fundit e sekretarit Blinken në rajon vjen ndërsa ofensiva e Izraelit në Gazë vazhdon me intensitet të plotë. Tanket dhe avionët luftarakë izraelitë goditën zonat qendrore dhe jugore të këtij territori gjatë natës dhe gjatë së premtes. Agjencia e lajmeve Reuters, duke cituar zyrtarë lokalë të mjekësisë, raportoi se të paktën 28 palestinezë u vranë.
Në Gazën veriore, punonjësit palestinezë të emergjencave thanë se tre persona u vranë kur një sulm ajror izraelit goditi një shkollë të drejtuar nga OKB-ja. Ushtria izraelite tha se kishte në objektiv njerëz të armatosur të Hamasit që vepronin nga brenda shkollës. Izraeli përdori të njëjtin shpjegim të enjten pas një sulmi ajror në një shkollë të operuar nga agjencia e ndihmave e OKB-së, e njohur si UNRWA, në kampin qendror të refugjatëve Nuseirat të Gazës, sulm për të cilin ministria e Shëndetësisë në Gazë tha se vrau 40 persona.
Komisioneri i Përgjithshëm i UNRWA-së, Philippe Lazzarini tha se e konsideronte tronditës pretendimin se Hamasi po vepronte nga brenda shkollës dhe tha se agjencia e tij nuk ishte në gjendje ta verifikonte këtë pretendim. Në një raport të publikuar të premten, Zyra e OKB-së për të Drejtat e Njeriut tha se sulmi ajror i së enjtes në shkollën e OKB-së në kampin e refugjatëve Nuseirat sugjeron për një dështim të ushtrisë izraelite për të siguruar përputhshmërinë e rreptë me Legjislacionin Ndërkombëtar Humanitar.
Tensionet mes OKB-së dhe Izraelit u përshkallëzuan më tej të premten kur i dërguari izraelit në OKB, Gilad Erdan tha se ishte njoftuar se Sekretari i Përgjithshëm i OKB-së, Antonio Guterres po e shtonte ushtrinë izraelite në një listë globale të shkelësve të të drejtave të fëmijëve.
Kryeministri izraelit Benjamin Netanyahu, në një postim në llogarinë e tij në rrjetin social X, u përgjigj duke shkruar: "Sot, OKB-ja e shtoi veten në listën e zezë të historisë kur iu bashkua atyre që mbështesin vrasësit e Hamasit. IDF-ja (Forcat Mbrojtëse të Izraelit) është ushtria më e moralshme në botë, asnjë vendim delirant i OKB-së nuk do ta ndryshojë këtë".
Raporti përpilohet çdo vit nga Sekretari i Përgjithshëm, për të dokumentuar vrasjen, gjymtimin, abuzimin seksual, rrëmbimin ose rekrutimin e fëmijëve, mohimin e qasjes tek ndihmat dhe vendosjen në objektiv të shkollave dhe spitaleve. Ai zyrtarisht do të publikohet dhe do t'i paraqitet Këshillit të Sigurimit prej 15 vendesh anëtare më 18 qershor.
Ndërkohë, ushtria amerikane tha se një mol i përkohshëm për të dërguar ndihma në Gazë nga deti është rilidhur me plazhin, pasi ishte prishur më herët nga stuhitë në fund të majit. Ushqimet dhe furnizimet e tjera do të fillojnë të lëvizen drejt Gazës "sa më shpejt që të jetë e mundur ... në ditët në vijim", u tha gazetarëve të premten zëvendës-shefi i Komandës Qendrore Amerikane, kundra-admirali Brad Cooper.
Hamasi më 7 tetor filloi një sulm terrorist ndaj Izraelit, duke vrarë rreth 1200 persona, sipas të dhënave izraelite, dhe duke marrë rreth 250 pengje. Hamasi mban ende rreth 120 pengje në Gazë, megjithëse ushtria izraelite thotë se të paktën 37 prej tyre janë të vdekur. Sulmet ndëshkimore ajrore të Izraelit dhe ofensiva tokësore kanë vrarë të paktën 36,600 persona në Gazë, kryesisht civilë, sipas ministrisë së Shëndetësisë së Gazës./ VOA
Joe Biden dhe Volodymyr Zelensky SHBA- Presidenti Joe Biden do të përpiqet të bindë udhëheqësit e vendeve më të pas...
Foto ilustruese KOSOVA- Volumi tregtar i Kosovës me jashtë vendit është përmirësuar dukshëm që nga shpallja e pavar...
Harta LINDJE E MESME- Njëmbëdhjetë punonjës jemenas të agjencive të Kombeve të Bashkuara janë kapur nga rebelë...
Foto ilustruese MOSKË - Një gjykatë në Moskë ia ka caktuar masën e paraburgimit deri më 5 gusht shtetasit francez, Laure...
Mette Frederiksen DANIMARKA- Kryeministrja e Danimarkës Mette Frederiksen, është sulmuar ditën e sotme në rrug&eum...
FRANCA- Presidenti i Francës, Emmanuel Macron, thotë se dëshiron ta finalizojë krijimin e një koalicioni të instruktorëve u...
Aleksandër Vulin SERBIA- Zëvendëskryeministri i Serbisë, Aleksandër Vulin në një intërvistë t&...
Vladmir Putin RUSIA– Presidenti Vladimir Putin tha të premten se nuk shikon aktualisht ndonjë kërcënim ndaj sovranitetit të ...
Avioni në flakë KANADA - Një avion Boeing 777 i Air Canada është përfshirë nga flakët këtë të premte...
Vjosa Osmani KOSOVA- Presidentja e Kosovës Vjosa Osmani tha të premten se shpronësimet në veri të vendit janë në p&...
