Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Por raundi i parë i zgjedhjeve presidenciale i fituar bindshëm nga VMRO-DPMNE i ka bërë aktorët politikë të bëjnë llogari se nga mund të anojë pushteti.
MAQEDONIA E VERIUT- Në Maqedoninë e Veriut situata politike është më e tensionuar se kurrë. Në 8 maj do të votohet njëkohësisht për qeverinë e re dhe raundin e dytë të zgjedhjes së Presidentit të ardhshëm të vendit. Por raundi i parë i zgjedhjeve presidenciale i fituar bindshëm nga VMRO-DPMNE i ka bërë aktorët politikë të bëjnë llogari se nga mund të anojë pushteti.
Gordana Siljanovska Davkova, kandidatja e partisë opozitare të drejtuar nga Hristian Mickoski mori 40% të votave, dy herë më shumë se rivali i saj Stevo Pendarovski i LSDM-së, që mban aktualisht pushtetin. Shenjat se pas një jave në Shkup do të festohet një rotacion pushteti ka shtuar shqetësimet edhe tek BDI e Ali Ahmetit që mund ta shohë veten në opozitë.
Koalicioni “Fronti Evropian” i BDI-së u rendit i treti duke lënë pas atë të drejtuar nga koalicioni VLEN i partive shqiptare të opozitës. VMRO ka lënë të kuptohjet se nuk do të ketë asnjë marrëveshje qeverisjeje me BDI-në duke u treguar i hapur për të punuar me partitë e koalicionit VLEN. Në këtë situatë, Ahmeti ka vendosur të luajë një kartë tjetër.
Në një takim të zhvilluar në Dibër pak ditë më parë ai i iu drejtua Mickoskit me fjalët “fituesi duhet të shkojë me fituesin”. Ish-luftëtari i UÇK-së duket se nuk heq dorë nga pushteti ndaj i ka kujtuar Mickoskit një marrëveshje të vjetër që partia e parë maqedonase duhet të bënte koalicion me partinë e parë të komunitetit shqiptar.
Pasi Mickoski përmendi koalicionin opozitar “Vlen” si partner potencial të VMRO-DPMNE-së në qeverisjen e ardhshme, Ahmeti i kujtoi atë që e quajti “gabimi i vitit 2006” kur në qeveri hyri partia e dytë e shqiptarëve dhe jo ajo fituese. “Opozita nuk duhet të bëjë gabimet që i ka bërë ish-kolegu im në vitin 2006. Partia e atëhershme e ka bërë këtë gabim dhe ka paguar një çmim të lartë”, tha Ahmeti në Dibër.
Në vitin 2006, VMRO-DPMNE formoi një qeveri me PDSH-në, një parti që atëherë fitoi më pak vende se BDI.
“Ne shqiptarët nuk jemi përfaqësues të një pakice, ne jemi përfaqësues legjitimë të shumicës dërrmuese të shqiptarëve dhe tani Fronti përfshin komunitetin rom, turk dhe boshnjak. Populli vendos”, tha Ahmeti në Dibër.
Në krahun tjetër Mickoski tha se koha e BDI-së ka kaluar.
“BDI si parti politike erdhi në pushtet me një histori të të drejtave të njeriut dhe përfundoi si parti që ankohet për të drejtat e njeriut dhe vjedh si të vetët ashtu edhe të tjerët. Kjo është arsyeja pse në këto zgjedhje duhet thënë atyre, se koha e tyre ka kaluar! Është koha për përgjegjësi”, tha ai në një tubim në Manastir.
Ai i kërkoi publikisht BDI-së që të mos i dërgojë asnjë emisar apo emisare në prapaskenë.
“Këto ditë më kanë vërshuar mesazhet që më dërgojnë. Unë kam qenë gjithmonë i drejtpërdrejtë, mos më dërgoni nëpër kanale të ndryshme ata emisarët dhe korrierët që thonë, kam menduar të bëj koalicion pas zgjedhjeve. Nuk e di nëse e dini apo jo, por unë nuk jam Kovaçevski, as paraardhësi i tij. Me mua nuk ka pasur dhe nuk do të ketë marrëveshje të tilla në dëm të popullit dhe nën tavolinë”, tha Mickoski për BDI-në.
Ahmeti i hodhi poshtë pretendimet se ka dërguar emisarë. Ai tha se në politikë ka hyrë si kryengritës dhe se populli e ka votuar për 22 vjet.
“Kam formuar një front me partitë politike shqiptare. Këtë front e kam bërë të pathyeshëm duke përfshirë komunitetet që ju i përbuzni, siç janë komuniteti turk, rom dhe boshnjak. Ne po mundohemi që kjo Kushtetutë, të cilën e bëmë edhe më afër qytetarëve të Republikës së Maqedonisë, të përfshijë komunitetin bullgar, egjiptian, malazez dhe kroat. Marrëveshja e Ohrit dhe ndryshimi i statusit politiko-juridik të shqiptarëve nuk e shkatërroi Maqedoninë”, tha Ahmeti.
Lojërat e pushtetit që po bën Ali Ahmeti nuk i kanë lënë shije të mirë LSDM-së që e sheh veten të tradhuar nga aleati i saj. Lideri i LSDM-së, Dimitar Kovaçevski tha se nuk ishte dorëzuar ende dhe se forca e tij nuk do të dorëzohej lehtë./ Lapsi.al
Foto ilustruese BRUKSEL- Brukseli dhe Bejruti duan të bien dakord që Libani do të parandalojë më shumë refugjatë si...
Albin Kurti KOSOVA- Kryeministri i Kosovës, Albin Kurti në mbledhjen e gjashtë të Këshillit Ministror për Integrim Evrop...
Varri i Faraonit EGJIPT- Përveç të qenit një nga zbulimet më të rëndësishme arkeologjike të shekullit të...
Policia serbe SERBI- Pas fushatës së çarmatimit në Serbi, numri i armëve legale u zvogëlua me 190.000 copë. Por në...
Policia SHBA- Policët në kampusin e Universitetit të Kalifornisë, Los Anxhelos (UCLA), u dislokuan të mërkurën mbrë...
Foto ilustruese SHBA- SHBA-ja dhe BE-ja i kanë vënë limite platformës Tiktok, por këto qeveri nuk janë as të vetmet, as ...
Lydia Stepanivna Lomikovska UKRAINË- Një histori e pabesueshme është publikuar së fundmi nga mediat e huaja u tregohet rrugët...
Emmanuel Macron dhe Marine Le Pen FRANCA- Në fjalimin e tij të fundit të vizionit mbi të ardhmen e Evropës, Emmanuel Mac...
Pamje nga vendi i ngjarjes SHBA- Momentet e tmerrshme të përjetuara nga fëmijët e shkollave fillore në Kolorado kur...
Foto ilustruese SHBA- Kundër-protestuesit “sulmuan me forcë” një kamp me tenda të protestuesve pro-palestinezë në...
