Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 PAMJE ng...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Gjykatësi i Qarkut Trevor McFadden, i emëruar nga Trump, refuzoi kërkesën e agjencisë ‘AP’ për një vendim të përkohshëm për t’i lejuar gazetarët e saj në Zyrën Ovale, në avionin presidencial ‘Air Force One’, kur udhëton presidenti, si dhe në aktivitete të tjera që mbahen në Shtëpinë e Bardhë.
SHBA- Një gjykatës federal të hënën hodhi poshtë kërkesën e agjencisë së lajmeve “Associated Press”, që gazetarëve të saj t’u lejohet menjëherë qasja e plotë, pasi Shtëpia e Bardhë i ndaloi ata për shkak të vazhdimit të përdorimit të emërtimit gjeografik ‘Gjiri i Meksikës’ në vend të ‘Gjiri i Amerikës’.
Gjykatësi i Qarkut Trevor McFadden, i emëruar nga zoti Trump, refuzoi kërkesën e agjencisë ‘AP’ për një vendim të përkohshëm për t’i lejuar gazetarët e saj në Zyrën Ovale, në avionin presidencial ‘Air Force One’, kur udhëton presidenti, si dhe në aktivitete të tjera që mbahen në Shtëpinë e Bardhë.
Gjykatësi McFadden tha se kufizimi i qasjes së gazetarëve në “mjedise të caktuara, më private” që shfrytëzohen nga president, është i ndryshëm nga rastet e tjera në të cilat gjykatat kanë kundërshtuar përpjekjet e zyrtarëve qeveritarë për t’u mohuar qasjen gazetarëve.
“Nuk mund të them që AP-ja ishte e suksesshme në argumentimin e ankesës së saj”, tha gjykatësi McFadden gjatë seancës dëgjimore.
Gjykatësi caktoi një afat të përshpejtuar për një vendim përfundimtar lidhur me këtë rast. Zoti McFadden tha se duket që Shtëpia e Bardhë e diskriminoi agjencinë ‘AP’ për shkak të politikave të saj redaktuese.
“Kjo duket si një çështje më problematike”, tha gjykatësi.
Pas vendimit, Shtëpia e Bardhë tha përmes një kumtese se “t’i bësh pyetje Presidentit të Shteteve të Bashkuara në Zyrën Ovale dhe në ‘Air Force One’ është një privilegj që u jepet gazetarëve, jo një e drejtë ligjore”.
Një zëdhënës i AP-së tha se agjencia e lajmeve “do të vazhdojë të mbrojë të drejtën e shtypit dhe të publikut për t’u shprehur lirshëm pa hakmarrjen e qeverisë”.
AP-ja ngriti padi ndaj tre këshilltarëve të Presidentit Trump të premten, duke argumentuar se vendimi për të bllokuar qasjen e gazetarëve të saj nga disa vende të caktuara, shkel mbrojtjen që ofron Amendamenti i Parë i Kushtetutës së Shteteve të Bashkuara ndaj kufizimit të fjalës nga qeveria përmes përpjekjeve të saj për të diktuar gjuhën që gazetarët përdorin për të raportuar rreth lajmeve.
“Kushtetuta ndalon presidentin e Shteteve të Bashkuara, apo çdo zyrtar tjetër qeveritar, që të detyrojnë gazetarët, ose këdo tjetër, për të përdorur fjalorin zyrtar qeveritar për lajmet që raportojnë”, tha avokati i AP-së, Charles Tobin, gjatë seancës dëgjimore në gjykatë.
Avokatët e administratës së Presidentit Trump argumentuan se agjencia ‘AP’ nuk ka të drejtë kushtetuese për atë që ata e cilësojnë si “qasje të posaçme të mediave tek presidenti”.
“Kushtetuta nuk u jep atyre të drejtë të kenë qasje pa kufi”, deklaroi Brian Hudak, avokat i Departamentit të Drejtësisë, që mbron zyrtarët e Presidentit Trump në këtë proces gjyqësor.
Aktpadia është bërë ndaj tre zyrtarëve të Shtëpisë së Bardhë: shefes së kabinetit, Susan Wiles, zëvendës shefit të kabinetit Taylor Budowich dhe zëdhënëses së Shtëpisë së Bardhë, Karoline Leavitt. Zëdhënësja Leavitt tha javën e kaluar se “ndihemi që kemi të drejtë”, ndërkohë që Wiles dhe Budowich nuk u janë përgjigjur kërkesave për koment.
Presidenti Trump nënshkroi një urdhër ekzekutiv muajin e kaluar përmes të cilit udhëzoi Departamentin për Çështje të Brendshme ta ndryshojë emrin e Gjirit të Meksikës në Gjirin e Amerikës.
Agjencia “Associated Press” njoftoi në janar se do të vazhdojë të përdorë emrin me të cilin është njohur prej kohësh Gjiri në raportimin e vet, ndërkohë që do t’i referohet përpjekjeve të zotit Trump për ta ndryshuar atë.
Si reagim ndaj kësaj, Shtëpia e Bardhë u ndaloi qasjen gazetarëve të AP-së. Ndalesa i pengon gazetarët e saj për ta parë dhe dëgjuar Presidentin Trump dhe zyrtarët e tjerë të lartë të Shtëpisë së Bardhë gjatë veprimeve që ata bëjnë dhe që meritojnë të raportohen, apo për t’u mbuluar në kohë reale zhvillimet.
Përmes një shkrese që i është bashkëngjitur dosjes ligjore, Shoqata e Korrespondentëve të Shtëpisë së Bardhë përkrahu AP-në duke thënë se ndalimi “do të zbehë dhe shtrembërojë mbulimin e presidentit duke dëmtuar publikun”. Agjencia e lajmeve Reuters po ashtu lëshoi një deklaratë me të cilën mbështet ‘AP’./VOA
foto ilustruese SHBA- Presidenti Donald Trump thotë se është afër arritjes së një marrëveshjeje me Kievin dhe Moskë...
Foto ilustruese VATIKAN- Për shekuj, një nga tabutë më të mëdha në Vatikan ishte diskutimi i hapur për shë...
Donald Tusk POLONI- Kryeministri polak Donald Tusk ka pësuar një incident teksa po bënte ski me nipërit e tij. Tusk e ka bër...
Emmanuel Macron SHBA- Presidenti francez Emmanuel Macron vlerësoi presidentin amerikan Donald Trump për marrjen e ...
foto ilustruese SERBI- Policia serbe bastisi të martën zyrat e të paktën katër organizatave të shoqërisë civile si ...
Zelensky UKRAINË - Parlamenti i Ukrainës, në një shfaqje simbolike të mbështetjes, ka miratuar një rezolutë pë...
pete hegseth SHBA- Sekretari i Mbrojtjes, Pete Hegseth dha shpjegime gjatë fundjavës për largimin e Shefit të Shefave të Bashkuar ...
dmitry peskov MOSKË- Rusia ka thënë se e ka pranuar kërkimfaljen e presidentit të Serbisë, Aleksandar Vuçiç, pa...
foto ilustruese RUSI- Në 18 muajt e fundit ka pasur incidente të shumta në Detin Baltik, ku janë dëmtuar kabllot e telek...
Merz GJERMANI- CDU/CSU dhe SPD duket se po afrohen në debatin mbi shpenzimet e jashtëzakonshme për ushtrinë gjermane. Po diskutohet edh...
