Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Qeveria franceze e quajti Italinë “të papërgjegjshme” dhe “çnjerëzore” që nuk i erdhi në ndihmë anijes, e cila prej javësh kishte qëndruar në ujërat italiane. Në bordin e anijes kishte njerëz të sëmurë që ishin shpëtuar në detin midis Libisë dhe Italisë.
ITALI- Franca dhe Italia kanë intensifikuar grindjet e tyre për emigracionin pasi një anije që transportonte qindra azilkërkues të shpëtuar në Mesdheun qendror u ankorua në portin francez të Toulon pas gati tre javësh të lënë në det të hapur pasi qeveria Meloni nuk jepte autorizm për zbarkimin e tyre në portet italiane. Qeveria franceze e quajti Italinë “të papërgjegjshme” dhe “çnjerëzore” që nuk i erdhi në ndihmë anijes, e cila prej javësh kishte qëndruar në ujërat italiane. Në bordin e anijes kishte njerëz të sëmurë që ishin shpëtuar në detin midis Libisë dhe Italisë.
“Besimi është thyer”, tha për radion Franceinfo, ministrja franceze për çështjet evropiane, Laurence Boone.
Ajo tha se Italia kishte marrë një “vendim të njëanshëm” që “vuri jetë në rrezik” dhe nuk ishte në përputhje me ligjin ndërkombëtar ose rregullat evropiane. Përplasja shënon një përçarje të thelluar në marrëdhëniet e Parisit me kryeministren e re të Italisë, Giorgia Meloni, Meloni iu kundërpërgjigj Francës,në një konferencë shtypi se ishte “e goditur nga reagimi agresiv i qeverisë franceze, i cili nga këndvështrimi i saj është i pakuptueshëm dhe i pajustifikuar”.
“Unë u trondita shumë nga reagimi agresiv i qeverisë franceze, i cili është i pakuptueshëm dhe i pajustifikuar. Në vend që të izolojnë Italinë, do të bënin mirë të izolonin skafistët. Që nga fillimi i vitit, në Itali kanë hyrë diku tek 90 mijë persona. Në marrëveshjen e zhvendosjes, pjesë e së cilës janë janë 13 vende europiane, llogaritet të zhvendosen rreth 8 mijë vetë, pra më pak se 10%. E dini sa janë zhvendosur deri tani? 117. E dini sa ka marrë Franca? 38 gjithsej. Për çfarë zemërohet Franca? Që Italia duhet të jetë porti i vetëm i zbarkimit të klandestinëve nga Mesdheu? Sepse nuk është shkruar asgjëkund në marrëveshje në gjë e tillë. Kjo nuk shkruhet në asnjë marrëveshje besoj se nuk është e drejtë", tha Meloni.
Të premten në mëngjes, 230 pasagjerët e anijes, përfshirë 57 fëmijë, mbërritën në Toulon. Katër pasagjerë me vështirësi të rënda shëndetësore ishin nxjerrë nga anija me helikopter të enjten dhe u transferuan në një spital francez.
Pasagjerëve të Ocean Viking do t'u jepet ndihma mjekësore dhe do të intervistohen në një qendër administrative në portin detar të Toulon. Ata që kanë të drejtë të bëjnë kërkesa për azil më pas mund të zhvendosen në vende të tjera evropiane, 11 prej të cilave duke përfshirë Gjermaninë, Luksemburgun, Bullgarinë dhe Portugalinë kanë ofruar të marrin dy të tretat e pasagjerëve në “solidaritet”. Ata që Franca vendosi se nuk kishin të drejtë të bënin një kërkesë për azil do të kthehen në vendet e tyre të origjinës, tha ministri i brendshëm francez, Gérald Darmanin.
Franca nuk kishte lejuar kurrë më parë një anije shpëtimi që transportonte refugjatë të zbarkonte në bregdetin e saj, por tha se e bëri këtë këtë herë sepse Italia u kishte refuzuar hyrjen. Darmanin tha se azilkërkuesit ishin përgjegjësi e Italisë sipas rregullave të BE-së dhe se masa franceze për të lejuar ankorimin e anijes ishte një masë e jashtëzakonshme e marrë për arsye njerëzore për shkak të situatës së rëndë të shumë njerëzve të sëmurë në bord. Ai tha se ata u shpëtuan në det kur kishin qenë vetëm "disa orë nga vdekja". Darmanin tha se presidenti francez, Emmanuel Macron, ishte përpjekur për ditë të tëra të bindte autoritetet italiane të pranonin ligjin ndërkombëtar që varka të mund të shkonte në portin më të afërt italian por hasi në kundërshtinë e fortë të Melonit.
Ai tha se refuzimi i Italisë për të pranuar emigrantët ishte i pakuptueshëm dhe se do të kishte “pasoja të rënda” për marrëdhëniet dypalëshe të Italisë me Francën dhe me BE-në në tërësi. Ai tha se autoritetet italiane kishin qenë joprofesionale për të lejuar anijen të priste në det për 20 ditë pa një vendim nëse mund të ankorohej. Si pasojë e mosmarrëveshjes, Franca tashmë ka vendosur të ngrijë një plan për të marrë 3500 azilkërkues aktualisht në Itali, pjesë e një marrëveshjeje evropiane për ndarjen e "barrës".
I pyetur në lidhje me komentin e lideres franceze të ekstremit të djathtë, Marine Le Pen, se Franca po tregohej "dramatikisht" e butë ndaj imigracionit duke lejuar që varka të ankorohej, Darmanin tha: "Çfarë kërkon Marine Le Pen? Për të lënë fëmijët të vdesin në atë anije pak metra larg porteve tona?”
Policia belge BELGJIKË- Prokurorët në Belgjikë thonë se një person që vrau një oficer policie në kryeqytetin B...
Kherson Kur Kherson të kthehet plotësisht në duart e Ukrainës, gjë që tani duket vetëm çështje kohe, ky do t...
Anija e emigranteve ITALI- Kryeministrja e Italisë Giorgia Meloni e ka quajtur qeverinë franceze "agresive" dhe "të pakuptueshme" pasi kriti...
Trafiku GREQI- Trafik në kufirin Greqi-Turqi. Dosja.al sjell pamje nga dogana, në të cilën radha e mjeteve është kilometrike....
Pamje nga Kherson UKRAINË- Ministria e mbrojtjes e Ukrainës ka thënë se Kherson po kthehet në kontrollin ukrainas dhe njësit&...
UKRAINË- Ukraina është zotuar që të marrë përsëri të gjitha tokat e aneksuara nga Rusia, duke përfshirë...
Mitrovice KOSOVË- Katër komunat e banuara me shumicë serbe në veri të Kosovës, Mitrovicë e Veriut, Leposaviq, Zubin Poto...
Ted Cruz SHBA- Kompania Twitter është në qendër të vëmëndjes që pas blerjes nga miliarderi Elon Musk. Debatet n&eum...
Sir Jim Ratcliffe BRITANI- Njeriu më i pasur në Britani Sir Jim Ratcliffe, ka ndërtuar pa leje një fabrikë të prodhimit t&eum...
Dron Fillimisht dronë, tani me sa duket raketa tokë-tokë: Sipas një artikulli të "Washington Post", Irani është duke sht...
