Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Bashkëshortja e kryeministrit Edi Rama, Linda ka marrë pjesë ditën e djeshme në samitin “Lidershipi i gruas në botën tejet konkurruese të epokës post-COVID”, i cili ishte organizuar online. Mirëpo, fjalimi i saj duket se nuk mori vëmendjen e mediave në vend, ndaj fjala e saj gjeti hapësirë në portalin e analistit Baton Haxhiu “Albanian Post”. Haxhiu ka publikuar të gjithë fjalimin si editorial, në të cilin flitej gjatë për rolin dhe ndikimin e grave gjatë pandemisë së koronavirusit.
“Janë edhe më shumë akoma gratë që mbajnë lidhur prej më shumë se një viti zinxhirin e punës, përballë zinxhirit të infektimeve që sfidon të përditshmen tonë, duke kërcënuar vazhdimësinë e jetës për çdo kënd nga ne! Këto janë gratë heroina të betejës Covidiane që bota do i kujtojë gjatë!,”-shkruan ndër të tjera ajo.
Ndërkohë në të gjithë shkrimin e bërë nga Rama për fuqizimin e grave, bie në sy e përbashkëta me bashkëshortin e saj, kreun e qeverisë shqiptare. Është pikërisht fakti që të dy citojnë në fjalimet e tyre ‘sure’ nga libri i shenjtë i Kuranit.
“Do të ngjiteni në majat e larta të karrierës, duke shpërblyer kështu mundin tuaj dhe mbështetjen e familjeve tuaja. Por mos harroni që sakrifica e brezave kërkon, që në përpjekjet tuaja, së pari të thërrisni atë, instinktin e nënës dhe të gruas që botës post pandemike do t’i jepte modestinë, vetëpërmbajtjen, kontrollin e vetvetes, shmangien nga vëmendja për veten dhe nga vaniteti sipërfaqësor, disiplinën, gjenerozitetin, dhe sensin e bashkësisë pikërisht ato asete që Kurani thotë duhet t’i kultivoni “nëse doni të korrni sukses” (Surat An-Nur, 24; 31),”-shton Rama.
SHKRIMI I PLOTË:
Lidership, grua, botë, konkurrencë vijnë në fakt me një emërues të përbashkët. Atë të betejave shekullore të së shkuarës për të mbërritur shumëçka që për stërgjyshet dhe gjyshet tona ishte e paimagjinueshme; por edhe për sfidat e së ardhmes që janë beteja të përditshme të së sotmes.
Ndërsa covid, do të mbetet gjatë në kujtesën e në reflektimet tona si momenti më spikatës i fuqisë së gruas në botën e punës.
Janë në këtë vit covidian një pafundësi grash heroina nëpër spitale dhe qendra shëndetësore, që u qëndrojnë te koka e vaksinojnë një pafundësi njerëzish çdo ditë, që punojnë për fabrikimin e vaksinave dhe medikamenteve të tjera, që studiojnë, analizojnë e komentojnë shpëtimin e miliona jetëve.
Po janë edhe një pafundësi mësuesesh që me përkushtim të admirueshëm në kushte të reja, tejet sfiduese, mbajnë të pandërprerë rrjedhën e marrjes së dijes për fëmijët tanë.
Janë edhe më shumë akoma gratë që mbajnë lidhur prej më shumë se një viti zinxhirin e punës, përballë zinxhirit të infektimeve që sfidon të përditshmen tonë, duke kërcënuar vazhdimësinë e jetës për çdo kënd nga ne! Këto janë gratë heroina të betejës Covidiane që bota do i kujtojë gjatë!
Lejomëni t’u përcjell secilës shprehjen e admirimit e të respektit tim për atë që jeni, atë që bëni dhe atë që rrezatoni rrotull jush, duke e bërë botën më të mirë falë pranisë e kontributit tuaj!
Unë vij nga një familje myslimane. Jam e martuar me Edin, që është katolik. Dy fëmijët tanë nga martesa e mëparshme janë të krishterë ortodoksë dhe i treti, djali ynë i vogël gjashtëvjeçar, do ta zgjedhë vetë se cilës fe do t’i përkasë, nëse do të dojë ta bëjë një ditë këtë zgjedhje natyrisht.
Kjo është në fakt Shqipëria e harmonisë ndërfetare, për të cilën, ne shqiptarët krenohemi. Dhe për këtë shkak, në shtëpinë tonë gjenden librat e shenjtë të Kuranit dhe Biblës ku po njësoj jepet porosia se cilido që shpëton një jetë, ka shpëtuar të gjithë njerëzimin! Fati e solli në këtë vit covidian të shohim jo një, por një armatë njerëzish në shpëtim të jetës dhe të gjithë njerëzimit, dhe gratë në ballë të tyre!
Unë jam ekonomiste. Por nuk është instinkti i ekonomistes më i forti instinkt që unë kam. Qëndron shumë më i fortë brenda meje instinkti i nënës dhe i gruas me një interes që shtrihet përtej vetes dhe familjes, në çështje të interesit publik, me dëshirën e vazhdueshme që të gjej me covidin për shpëtimin e jetëve të njerëzve, është së pari instinkti i nënës, i vajzës dhe gruas ai që i paraprin profesionalizmit të mjekes, infermieres, sanitareve, mësueseve, sipërmarrësve, shkencëtareve. Në këtë betejë të pamëshirshme, është pikërisht ky instinkt që nuk i le të lodhen, të mërziten, të dorëzohen.
Shqipëria sot ka një bilanc pararojë të përfaqësimit gjinor. 9 pikë më lartë se mesatarja europiane për nga prezenca e gruas në nivelet më të larta të vendimmarrjes publike, e barabartë me mesataren europiane në përqindjen e grave në parlament, më shumë gra se sa burra ministra në kabinetin qeveritar, administratë publike mbi 60% gra, gra edhe në majat e institucioneve të drejtësisë, prokurore dhe gjyqtare dhe sigurisht gjithnjë dhe më shumë modele të suksesshme grash sipërmarrëse apo në nivelet më të larta të administrimit privat.
Por, ndërsa i gëzohemi ngjitjes së grave drejt majave të vendimmarrjeve publike dhe private, dhjetëra e mijëra gratë e tjera presin të shohin atje, në majën e pushtetit politik dhe ekonomik, së pari një aktiviste dhe jo një burokrate. Që presin të pulsojë fuqishëm në karrigen e lartë të pushtetit apo në fronin e lartë të profesionalizmit dhe të sipërmarrjes, ashtu si për gratë heroina në betejën covidiane, instinkti i nënës dhe i gruas që në botën konkurruese lufton për të drejtën, refuzon ashpërsinë, dënon dhunën, hap shtegun e mundësive për të tjerë, shëron plagë, zgjat dorën, inspiron, motivon, mbështet pa u dorëzuar.
Kemi të drejtë të ndjehemi mirë dhe shpresëplotë sot teksa shohim më shumë ministre, gjyqtare, prokurore, menaxhere, administruese të larta, sipërmarrëse.
Por kjo prezencë do të mbetet një statistikë më shumë në harresën e kohës nëse nuk do të përkthehet në mision për të influencuar zgjidhjet që presin problemet e mijëra vajzave dhe grave që përjetojnë dhunë, bezdi seksuale në vendin e punës apo në hapësirat publike, paragjykime që bëhen pengesë për shpalosjen njerëzore.
Ndaj nesër, ju, vajza dhe gra, ekonomiste, juriste, mjeke, inxhiniere, eksperte të të gjitha fushave, jam e sigurt që do të kërkoni me ngulm suksesin duke u përballur me sfida aspak të lehta.
Do të ngjiteni në majat e larta të karrierës, duke shpërblyer kështu mundin tuaj dhe mbështetjen e familjeve tuaja. Por mos harroni që sakrifica e brezave kërkon, që në përpjekjet tuaja, së pari të thërrisni atë, instinktin e nënës dhe të gruas që botës post pandemike do t’i jepte modestinë, vetëpërmbajtjen, kontrollin e vetvetes, shmangien nga vëmendja për veten dhe nga vaniteti sipërfaqësor, disiplinën, gjenerozitetin, dhe sensin e bashkësisë pikërisht ato asete që Kurani thotë duhet t’i kultivoni “nëse doni të korrni sukses” (Surat An-Nur, 24; 31).
Bota e pas-pandemisë do të jetë një botë që do të kërkojë më shumë kuvendim, më shumë drejtpeshim të sfidave, më shumë dëgjesë mbi larminë e problemeve, më shumë përgjegjshmëri sociale për individët në nevojë, më shumë butësi, më shumë njerëzi, më shumë ndjeshmëri ndaj mjedisit, më pak grykësi dhe përballje për sundim.
Ju e kuptoni më mirë se kushdo vlerën e kësaj urdhërese të Kuranit: “Mos mëtoni çka Allahu i ka dhënë dikujt me tepri krahasimisht me të tjerët: burrave pjesën që kanë, grave njësoj, gjithë pjesën që u takon” (Surat An-Nisa’, 4; 32).
Ka ekzistuar një mit, i vjetër sa vetë bota, që lufta është vetëm për burra! Armata e grave në frontin e parë të betejës me COVID-19 provoi që gratë janë luftëtare të fuqishme dhe gjithnjë fituese! Suksese të gjithave dhe secilës prej jush!
(k.m/dosja.al)
Rama është propozuar për president nga disa deputetë socialiste, mendoni se:
Kryeministri Rama vijon takimet elektorale në qytete të ndryshme të vendit.Në datën 1 Prill 2021 ai ka qenë në Kavajë dhe ajo që i ka bërë përshtypje ishte një ...
TIRANË- Kjo fushatë ka sjellë një interaktivitet shumë të madh përmes rrjeteve sociale dhe televizioneve. Pandemia i ka “detyruar” politikanët tanë të komu...
PËRMET– Kryeministri Edi Rama ndodhet ditën e sotme në Përmet, aty ku ka parë nga afër procesin e vaksinimit si dhe ka parë nga afër procesin e rikonstrukt...
VLORË – Kryetari i Partisë Drejtësi, Integrim dhe Unitet, Shpëtim Idrizi ka vijuar në Vlorë turin e takimeve elektorale, për zgjedhjet parlamentare t...
PEQIN- Kryetari i Partisë Demokratike Lulzim Basha ka mbërritur ditën e sotme në Peqin. Ai është pritur me ovacione nga qytetarët, të cilët kanë ngritur dhe tol...
TIRANË– Zv. Ndihmës Sekretari i Shtetit të SHBA Matthew Palmer pati dje një takim virtual me Presidentin Ilir Meta, Kryeministrin Edi Rama dhe Kryetarin e ...
TIRANË–Kandidatja për deputete e Partisë Demokratike, Albana Vokshi ka paditur në KQZ, ministren e shëndetësisë Ogerta Manastirliun. Vokshi tregon se kandi...
PËRMET– Kryeministri Edi Rama ka marrë në telefon ditën e sotme, kandidatin e PS për Tropojën Petrit Malajn. Teksa ndodhet në Përmet, Rama e pyet Malajn se...
TIRANË– Libri i Kryetarit të Partisë Demokratike, Lulzim Basha me titullin ‘Misioni im’ gjendet edhe në platformën online të librave ‘Amazon’.Libri është q...
TIRANË-Kryeministri Edi Rama ka publikuar ditën e sotme një ndër 100 arritjet e qeverisë gjatë mandatit të dytë.Ai ka ndarë tre foto dhe në të parën e nis ...
