Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Ky zhvillim vjen ndërsa që po rriten shqetësimet se Izraeli po planifikon të largojë të gjithë banorët nga kjo pjesë e rajonit.
GAZA- Të paktën 10 persona u vranë dhe 40 u plagosën në pjesën veriore të Gazës të hënën pasi një tank izraelit qëlloi ndaj një grupi njerëzish që po prisnin në radhë për bukë, njoftuan autoritetet shëndetësore palestinezë. Ky zhvillim vjen ndërsa që po rriten shqetësimet se Izraeli po planifikon të largojë të gjithë banorët nga kjo pjesë e rajonit.
Punonjësit e shëndetësisë thanë se një dron izraelit gjithashtu sulmoi dhjetëra banorë derisa prisnin të furnizoheshin me ushqime në Xhabalia, një prej tetë kampeve të refugjatëve. Në mesin e viktimave kishte gra dhe fëmijë, thanë ata. Ushtria izraelite tha se po e hetonte ngjarjen.
Xhabalia ka qenë në qendër të vëmendjes së ofensivës izraelite në këto dhjetë ditët e fundi. Ushtria ka rrethuar kampin dhe ka dërguar tanke në dy qytetet pranë, Beit Lahija dhe Beit Hanoun, me qëllim që, siç thanë ata, të çrrënjosin militantët e Hamasit që po përpiqen të rigrupohen.
Me ushtrinë izraelite që po u bën thirrje palestinezëve të evakuohen në pjesën jugore të Rripit të Gazës ndërkohë që shtojnë trysninë ndah Hamasit dhe Hamasin që u thotë të mos largohen sepse është me shumë rrezik, disa ditët e fundit i ngjajnë fazave të para të luftës.
Pjesa veriore e Gazës, ku jetojnë mbi gjysma e popullatës 2.3 milionëshe të këtij territori, është qëlluar rëndë në fazën e parë të sulmit të Izraelit ndaj territorit, që filloi para një viti.
Qindra mijëra banorë të pjesës verirore të Gazës u zhvendosën nga shtëpitë e tyre në muajt e parë të luftës, të detyruar të bëjnë një gjë të tillë për shkak të urdhrave izraelite për evakuim dhe ofensivës tokësore ushtarake, ndërkohë që afro 400,000 njerëz qëndruan atje, sipas shifrave të Kombeve të Bashkuara.
Por muajsh të tërë luftimesh intensive në atë pjesë, Izraeli ridërgoi forca në Xhabalia për të çrrënjosur militantët e Hamasit pas njoftimeve se ata po rigrupohen për të planifikuar më shumë sulme.
Krahët e armatosur të Hamasit dhe Xhihadit Islamik thonë se militantët e tyre po kryejnë sulme ndaj forcave izraelite me raketa anti-tank dhe granata dore.
Për banorët, situata vazhdon të përkeqësohet.
“Jemi goditur me sulme ajrore e tokësore, për një javë pa ndërprerë, ata duan që ne të largohemi, duan të na dënojnë që po refuzojmë t’i lëshojmë shtëpitë tona”, tha 26 vjeçarja Marwa, e cila u largua me familjen e saj për t’u strehuar në një shkollë në qytetin e Gazës.
Njerëzit frikësohen se nuk do të mund të kthehen kurrë më nëse largohen drejt jugut, tha ajo.
Të hënën pasdite, Hamasi tha se Izraeli synon t’i detyrojë të largohen të gjithë banorët e Gazës veriore përmes bombardimeve të vazhdueshme dhe përmes bllokimit të ndihmave, ushqimeve dhe karburantit.
“Komuniteti ndërkombëtar duhet të veprojë kundër këtij krimi të luftës sepse forcat pushtuese po mbyllin territorin dhe po pengojnë hyrjen e ndihmave dhe ilaçeve”, tha zyrtari i lartë i Hamasit, Sami Abu Zuhri. “Duke e bërë një gjë të tillë shkakton vdekjen e ngadalshme krahas vrasjeve të përditshme të drejtpërdrejta që po i kryhen,” shtoi ai.
Shqetësime se Izraeli planifikon të zbrazë Xhabalia-n
Disa banorë po ashtu shqetësohen se Izraeli po planifikon të zbrazë Xhabalinë dhe mbase tërë pjesën veriore të Gazës sipas një propozimi të hartuar nga ish gjeneralët izraelitë, që po qarkullon, në bazë të së cilit civilët do të largoheshin nga pjesa veriore e Gazës dhe militantët e mbetur do të viheshin nën shtetrrethim deri në dorëzimin e tyre.
Izraeli ka mohuar një plan të tillë.
“Nuk e kemi marr një plan të tillë”, deklaroi zëdhënësi i ushtrisë Nadav Shoshani. “Po sigurohemi që po i kursejmë civilët nga dëmtimi ndërkohë që përballemi me celulat terroriste në Xhabalia”, deklaroi ai.
Autori kryesor i planit, Giora Eiland tha se plani i tij synon të ushtrojë trysni ndaj Hamasit për t’i liruar pengjet duke i dhënë fund kontrollit që ky grup ushtron ndaj territorit dhe duke mos lejuar arritjen e ndihmës tek ata, në vend se të dërgohen forca izraelite për të luftuar me militantët e grupit.
Planet e Izraelit për të ardhmen e Gazës, përtej qëllimit të deklaruar për shkatërrimin e Hamasit, mbesin të paqarta.
Kombet e Bashkuara thonë se popullsia civile po përballet me kushte shumë të vështira në Xhabalia.
“Mbi 50,000 njerëz janë zhvendosur nga zona e Xhabalisë, e cila është shkëputur nga pjesët tjera, ndërkohë që të tjerët vazhdojnë të jenë të ngujuar në shtëpitë e tyre gjatë bombardimeve dhe luftimeve të shtuara,” tha koordinatori i OKB-së Muhannad Hadi të dielën.
“Operacionet e fundit ushtarake në pjesën veriore të Gazës kanë detyruar mbylljen e puseve të ujit, furrave të bukës, pikave ku merren ilaçet dhe strehimoret si dhe kanë çuar drejt pezullimit të shërbimeve mbrojtëse, trajtimit të urisë dhe shkollave të përkohshme. Njëkohësisht, spitalet po shohin një shtim të pacientëve të plagosur.” Ushtria izraelite nuk u deklarua rreth këtyre çështjeve./VOA
Fotografi e përbashkët e liderëve që morën pjesë në samitin e Procesit të Berlinit, 14 tetor 2024. BERLIN- Kryemini...
foto ilustruese SPANJË- Kryeministri i Spanjës, Pedro Sanchez u ka kërkuar anëtarëve të Bashkimit Evropian që të pe...
Foto ilustruese KOSOVA- Në kohën kur teknologjia i lidh njerëzit si kurrë më parë, ajo i hap rrugë edhe një realite...
foto ilustruese GAZA- Një gazetar tjetër palestinez ka humbur jetën si pasojë e sulmeve të forcave izraelite në Rripin e Gaz&...
Putin UKRAINE- Kryeprokurori i Ukrainës ka thënë të hënën se ka informata se presidenti i Rusisë, Vladimir Putin, mund t...
Donald Trump dhe Kamala Harris SHBA- Dy kandidatët për presidencën e SHBA-së do të duhet të luftojnë deri...
Foto ilustruese SHBA- Gjatë fundjavës, presidenti Joe Biden vizitoi zonat e prekura nga uragani Milton në Florida dhe njoftoi një ndihm...
Vem Miller SHBA- Vem Miller 49-vjeç i cili u arrestua me një armë të mbushur jashtë një tubimi të Donald Trump n&eum...
Pagat KOSOVË- Agjencia e Statistikave ka publikuar “Nivelin e Pagave në Kosovë” për vitin 2023. Ky publikim përmban t&...
pamje nga aksidenti SHBA- Një aeroplan është rrëzuar në Savannah, Georgia, të dielën, ku si pasojë ka humbur jet&eu...
