Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
FOTO/ Protesta për Zvërnecin, babai i Martin Canit i bashkohet protestuesve në shesh 4 Qershor, 18:43 Mijë...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Shkrimtari i shumë kryeveprave priti në shtëpinë e tij agjencinë e lajmeve AFP.
TIRANË-Emmanuel Macron Presidenti i Francës i dha Ismail Kadares, romancierit dhe poetit më të njohur ndërkombëtarisht të Shqipërisë, dekoratën “Oficer i Madh i Legjionit të Nderit”. Shkrimtari i shumë kryeveprave priti në shtëpinë e tij agjencinë e lajmeve AFP. Kadare i intervistuar nga media prestigjioze dha disa përgjigje në lidhje me dekorimin e tij nga Presidenti francez dhe foli për aftësinë e tij krijuese. Shkrimtari theksoi se Shqipëria është një vend besnik i Europës dhe midis të tjerash ai tha se "Arti nuk triumfon dot kokëulur."
Nga ana tjetër Kadare shtoi se mbetet mirënjohës ndaj fuqisë së tij krijuese dhe se çdo ditë punon për letërsinë.
-Çfarë është letërsia për ju, i konsideruar si një nga shkrimtarët më të mëdhenj bashkëkohorë që ka jetuar e ka shkruar edhe në gjatë viteve të dikaturës komuniste?
Të shkruaje në diktaturë ka qenë e vështirë, thuajse e pamundur. E pamundur të shkruaje siç dëshiroje të shkruaje. Ja përse unë i jam mirënjohës letërsisë: Letërsia më dha mundësinë të kapërceja të pamundurën. Ferri komunist, si çdo ferr tjetër është mbytës në kuptimin më të keq të fjalës. Por letërsia arrin ta transformojë atë në një forcë jetë, në një forcë mbi të cilën mbështetësh për të mbijetuar, për të mundur me kokën lart çdo gjë.
Unë kam qenë gjithmonë besnik i letërsisë, kam respektuar çdo herë veç urdhrat e saj, kam qenë thellësisht i lidhur me të, ajo ka qenë qëllimi i jetës sime, qëllimi absolut i jetës sime që ka bërë të mundur të kapërcej çdo vështirësi. Kur arti mbijeton, ky është një triumf, një fitore. Dhe siç thotë Kundera: “Arti nuk triumfon kurrë kokëulur”!
Letërsia më ka dhënë çdo gjë që kam, më ka dhënë kuptimin e jetës, më ka dhënë guximin të luftoj, të kem shpresë, të ndjej gëzim, të kapërcej çdo gjë: Kjo është letërsia!
-A është letërsia dashuria më e madhe e jetës suaj?
Letërsia është dashuria ime më e madhe, e vetmja, më e madhe se çdo gjë. Letërsia është gjithçka për mua, jeta ime, jeta e të tjerëve, jeta e të gjithëve. Letërsia jeton paralelisht me botën, ecën me të, në krah të saj.
Ajo më ka dhënë gjithçka unë kam sot, ajo ka qenë dhe është kuptimi i jetë, ajo më ka dhënë kurajon për të qendruar, shpirtin, frymën, lumturinë e shpresën. Gjithçka e bukur për mua është letërsia!
E mbaj me vete kudo, shkruaj gjithë kohën, hedh shënime, shkruaj tregime, kam projekte për të botuar dorëshkrime, por disa prej tyre duhet ti rishoh.
Çdo botim është për mua si një rilindje, kështu ka qenë gjithmonë. Letërsia është e ngjashme me ëndrrat. Letërsia ushqen shpirtin.
-A jeni i trishtuar që nuk e keni marrë ende çmimin Nobel të Letërsisë? Ju edhe këtë vit ishit një nga pak kandidatët e përzgjedhur?
Çmimi Nobel është një nder që bota i bën artit dhe unë jam i nderuar që shumë herë kam që i përzgjedhur si kandidatët për këtë çmim gjë që sigurisht më prek dhe sigurisht më lumturon.
I vlerësoj shumë librat e mi, i nderoj shumë librat e mi, jo vetëm se si autori, por sepse ato i përkasin letërsisë shqipe. Ato janë pasuri, pjesë e të gjithëve. Një shkrimtar për t’u ndjerë krenar dëshiron veç të kontribuojë në këtë pasuri.
Vepra ime është ajo e popullit tim, është letërsia shqipe dhe ajo nuk më takon mua, ajo i takon shpirtit njerëzor, gjithë njerëzve të këtij vendi.
Shqipëria është një nga vendet më besnike të Europës dhe ashtu do të mbetet përherë dhe Franca është një nder vendet që ka vlerësuar letërsinë time e ky është padyshim një nder për mua.
Ne jemi bij të artit, ne i shërbejmë artit.
E për gjithçka unë kam bërë i jam mirënjohës artit. Forcës krijuese të tij. Ashtu si arti edhe shkrimtari nuk ka kurrë moshë. /AFP
Justin Timberlake dhe Britney Spears SHBA- Këngëtarja Britney Spears ka ndarë së fundmi një përvojë të dh...
Heidi Baci dhe babai i saj ITALI- Shqiptarja që ishte pjesë e spektaklit “Grande Fratello” Heidi Baci ka lënë garën n&...
Roberto De Niro SHBA- Robert De Niro ka rrëfyer se si është të jesh prind në moshën 80-vjeçare, pas ardhjes n&eum...
Horoskopi Dashi Mos harroni t'i bëni here pas here komplimente partnerit tuaj sot sepse jo vetëm ai, por edhe ju do ndiheni me se miri. Ne p&eu...
Mozzik KOSOVË- Reperi i njohur, Gramoz Aliu, ose siç njihet me emrin e artit Mozzik, ka rënë pre e grabitjes. Kaqenë vet&eu...
Sir Michael Caine BRITANI E MADHE- Aktori britanik Sir Michael Caine ka konfirmuar se është tërhequr nga aktrimi pas publikimit t&...
Horoskopi DASHI Shumë më pak peshë në shpinë. Tetorit po i vjen fundi dhe do të largojë shumë shqetësime q&e...
Klajdi Haruni TIRANË- Këngëtari Klajdi Haruni është bërë baba për herë të parë. Vetë k&eum...
Horoskopi DASHI Gjatë kësaj dite do keni dëshirë t’i provoni ato që do thoni dhe nuk do ecni kuturu. Do veçoh...
Gold AG GREQI- Këngëtari shqiptar me prejardhje nga Lugina e Preshevës, Arian Agushi i njohur me emrin artistik “Gold AG” ë...
