"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar!
...
Art&Argëtim
Dua Lipa i drejtohet publikut në Sunny Hill Festival në shqip: Kosova ka lezet edhe kështu t'ia tregojmë krejt botës
Dua tha se për të është një kënaqësi që ka mundësinë të krijojë një festival të tillë bashkë me familjen e saj, në vendin e saj të origjinës.
2 Gusht 2025, 14:01Nga M.B
Dua Lipa
KOSOVA- Këngëtarja shqiptare me famë botërore Dua Lipa ka performuar në natën e parë të festivalit “Sunny Hill” në Kosovë ku ka interpretoi këngë nga albumi i saj më i fundit Radical Optimism, si dhe disa nga hitet më të mëdha të dy albumeve të saj të para. Teksa ishte në skenë, këngëtarja u ndal për t’i drejtuar disa fjalë në gjuhën shqipe publikut.
Dua Lipa
Dua tha se për të është një kënaqësi që ka mundësinë të krijojë një festival të tillë bashkë me familjen e saj, në vendin e saj të origjinës. Gjithashtu ajo ndau falenderime të veçanta për të gjithë ata që qëndrojnë pas skenës dhe punojnë pa ndalur për realizimin e këtij festivali. Ylli ndërkombëtar e mbylli fjalimin duke thënë "Kosova ka lezet edhe kështu t'ia tregojmë krejt botës”.
Dua Lipa
“Faleminderit shumë për energjinë, dashurinë edhe suportin për mua prej fillimit deri në këtë moment, edhe për suportin e festivalit Sunny Hill që e kom shumë shumë për zemër. Është shumë kënaqësi me pas mundësinë me kriju një festival me familjen teme për vendin tonë. Tash na bohen gjashtë edicione të mira me festivalin, edhe viti i dytë këtu në side të ri, edhe më duket se për çdo vit po bëhet më mirë.
Para se të vazhdoj në pjesën tjetër, dua ta falënderoj shumë familjen time dhe krejt Agjencioni ‘Republika’ për punën e palodhshme edhe organizimin e gjatë të festivalit, sepse me të vërtetë pa ata nuk kemi festival hiç. Po ashtu edhe pa juve, shokëve tanë që vini e na suportoni festivalin, nuk mundemi pa juve. Kosova ka lezet edhe kështu t'ia tregojmë krejt botës”, tha Dua.