Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Në Bruksel u mbajt një takim mjaft i ashpër mes kryeministrit të Kosovës Albin Kurti dhe presidentit të Serbisë Aleksandar Vuçiq. Takimi me ndërmjetësimin e BE përfundoi pa kurrfarë dakordimi.
Presidenti i Serbisë Aleksandar Vuçiq tha pas takimi se ky ishte një prej takimeve më të vështira që ka pasur prej fillimit të dialogut mes Kosovës dhe Serbisë për normalizimin e raporteve mes këtyre dy vendeve. Takimi i përbashkët në Bruksel u mbajt me ndërmjetësimin e përfaqësuesit të Bashkimit Evropian për Politikë të Jashtme Josep Borrell dhe pas konsultimeve në takimet e ndara me delegacionet e Kosovës dhe atij të Serbisë. Por në fund nuk pati asnjë dakordim për asnjë çështje të shtruar sot. “Delegacioni i Prishtinës kërkonte vetëm njohjen e Kosovës dhe asgjë tjetër”, tha Vuçiq, i cili gjatë deklaratës së tij shpesh bënte pauza dhe përpiqej të formulonte mendimet.
Por nga deklarata e tij e më pas edhe e kryeministrit Kurti u pa se bisedimet kanë qenë jo vetëm të pafrytshme, por shpesh me tensione, të cilat disa persona të afërt me delegacionet i quajtën madje edhe në “prag incidentesh”. “Ishte mirë që kemi pasur një distancë prej dy metrash”, tha Kurti, në pyetjen a ka pasur ndonjë incident. Në dallim nga Vuçiqi, i cili mendon se kërkesa për njohjen e pavarësisë së Kosovës është një qëndrim ekstrem, Kurti tha se pala kosovare ka qenë shumë konstruktive dhe se “Serbia do të duhej të lirohej nga e kaluara e vet dhe të njohë pavarësinë e Kosovës.”
Ne kemi pasur qëndrim konstruktiv, tha kryeministri Kurti, i cili në bisedime ishte bashkë me zëvendësin e tij Besnik Bislimi. “Treguam qëndrimin tonë kritik për procesin dhe marrëveshjet e deritanishme dhe shprehëm gatishmërinë tonë për dialog konstruktiv për njohje të ndërsjelltë.
Kërkesat e Kurtit
Takimi i radhës do të mbahet në Bruksel më 25 korrik dhe Kurti tha se ka paraqitur katër kërkesa: që gjashtë shtetet e Ballkanit Perëndimor të avansojnë CEFTA-n në SEFTA (South-East European Free Trade Agreement) sipas modelit të marrëveshjes që kanë Lihtenshtajni, Norvegjia dhe Islanda me BE -në; që Kosova dhe Serbia menjëherë nënshkruajnë një marrëveshje të përbashkët paqeje duke u zotuar se nuk do ta sulmojnë njëra-tjetrën; që pas njohjes së ndërsjelltë midis Republikës së Kosovës dhe Republikës së Serbisë, në të dy vendet të ketë reciprocitet bilateral, përfshirë çështjen e të drejtave dhe të pakicave. Pra, serbët në Kosovë mund të kenë Këshillin e tyre Nacional siç e kanë shqiptarët në Serbi. Dhe që për çështjen e të pagjeturve e të zhdukurve me dhunë, të largohen nga pozita personat që duhen marrë në pyetje për krime, siç janë Veljko Odaloviq, i cili në vitet 1997-1999, ishte “naçelnik i qarkut të Kosovës”, dhe Zoran Angjelkoviq.
Kryeministri i Kosovës tha se për propozimin e tij të parë nuk ka marrë përgjigje të qartë, ndërsa tri propozimet e tjera janë refuzuar.
I pyetur se cili është qëndrimi i tij ndaj kërkesave për themelimin e Asociacionit me shumicë serbe, Kurti tha se Gjykata Kushtetuese e ka hedhur poshtë marrëveshjen e mëparshme, në 23 pika. Ndërsa edhe populli i Kosovës është kundër një asociacioni njëetnik. Ndërsa në pyetjen e DË nëse Kosova do të ngrejë padi kundër Serbisë për gjenocid, sikurse Kurti ka thënë disa herë në prag të bisedimeve të sotme, kryeministri u përgjigj se ata janë në përgatitje të dokumentacionit dhe se për këtë kanë nevojë për koordinim të mëtutjeshëm.
Hutimi i Vuçiqit
Ndërsa presidenti i Serbisë ishte bukur i hutuar pas takimit. Ai tha se Albin Kurti ka ardhur në Bruksel për të thënë “se nuk do të arrijë marrëveshje për asgjë” dhe se gjatë këtij takimi ka pasur “provokime”, “papërgjegjësi” e “joseriozitet”.
“Sinqerisht nuk di çfarë t’ju them. Nuk kam marrë pjesë në asnjë takim tjetër si ky. Vetë kohëzgjatja e takimit flet për atë se cilat ishin rezultatet e këtij takimi. U pajtuam që në fund të korrikut të vazhdojmë dialogun. Shpresoj se kjo është një gjë e rëndësishme, e cila mund të garantojë paqen dhe stabilitetin, gjithçka tjetër do të ishte e panevojshme për t’u komentuar”, theksoi Vuçiq.
Megjithatë, Vuçiq vazhdoi më pas se janë tri lajme të rëndësishme nga ky takim: E para se delegacioni shqiptar nuk dëshiron të përmbushë marrëveshjet të cilat i ka nënshkruar dhe nuk do të diskutojnë për Asociacionin e Komunave Serbe. E dyta, kërkesa e tyre që urgjentisht dhe menjëherë të njohim Kosovën e pavarur. Dhe e treta, fakti që ata e quajnë incident dhe provokim pjesëmarrjen e serbëve në një liturgji në Prishtinë. Këto kërkesa, sikur edhe kërkesën që nga delegacioni për kërkimin e të pagjeturve të largohet Velko Odaloviq, Vuçiqi i quajti si “mungesë realiteti, serioziteti dhe përgjegjësie”.
Dialogu do të vazhdojë
Me gjithë mosmarrëveshjet e shumta dhe “takimin në prag incidenti”, siç u shprehën disa nga pjesëmarrësit, palët janë dakord për vazhdimin e bisedimeve.
Përfaqësuesit e BE thonë se takimi nuk ka qenë fare i lehtë. “Por me rëndësi është që dialogu ka vazhduar”, theksoi ndërmjetësi Miroslav Lajçak. “Të dy liderët kanë qenë shumë të hapur dhe të drejtpërdrejtë në shprehjen e mendimeve të tyre se çfarë duan dhe çfarë presin nga dialogu. Për BE është me rëndësi që të dy palët e kanë konfirmuar se nuk ka ndonjë rrugë tjetër për normalizimin e raporteve mes Kosovës dhe Serbisë, përveç dialogut”, theksoi Lajçak.
Lajçak tha se të dy palët do të vazhdojnë konsultimet për vazhdimin e procesit të dialogut për normalizimin e përgjithshëm të raporteve dhe se dialogu do të vazhdojë në fund të korrikut. Ndërsa shefi i diplomacisë evropiane ka bërë të ditur para takimit se ai do të vazhdojë konsultimet edhe me partnerët amerikanë për këtë çështje.
Pas takimit me delegacionet e Serbisë dhe Kosovës, ai u takua me Presidentin e SHBA Josep Biden. Shefi i delegacionit serb në bisedime dhe përfaqësuesi i zyrës për Kosovës e Metohi, Petar Petkoviq, në kohën sa po zgjaste takimi doli para gazetarëve serbë dhe tha se ndërkohë ka dhe konsultime të BE-së me SHBA për këtë dialog dhe se pozicioni i Serbisë nuk është i lehtë. Por, siç tha ai, Serbia do të vazhdojë betejën e saj. /DW
Iftar dhe politikë, a u prek Muaji i Ramazanit nga politikanët?
ITALI– Një shqiptar ka goditur me shishe në kokë pronarin e një lokali në Itali. Ai u vu në pranga pasi sulmoi biznesmenin në mes të lokalit.Ngjarja ndodhi në z...
TIRANË-Dita e sotme parashikohet të jetë një nga më të ngrohtat për këtë javë. Sipas MeteoAlb kushtet e motit në vendin tonë do të karakterizohen nga kthje...
DashiNëse me partnerin është krijuar pak tension, mos e vononi çështjen për ta sqaruar. Për të kthyer harmoninë do të jetë më e thjeshtë se sa mendoni! P...
TIRANË– Fiks Fare denoncoi mbrëmjen e së martës një skandal që ndodh brenda një komisariati policie, ku disa oficerë policie ofendojnë dhe tentojnë t...
BELGJIKË-Një shkollë në qytetin Deurne të Belgjikës dje u kthye në një skenë krimi, ku një shqiptar nga Kosova vrau burrin e ish-gruas së tij. Mediat e hua...
TIRANË– Aksioni i forcave RENEA i shtrirë në të gjithë vendin ka hapur mjaft polemike në rrjet. Faqet e ‘meme’-ve dhe jo vetëm kanë postuar fotot kur efekt...
TIRANË– Një kilogramë kokainë është sekuestruar mbrëmjen e sotme në Italia, në portin e Brindisit. Mësohet se sasia e drogës është zbuluar pasi një kamion ...
SHËNGJIN- Zjarri në Shëngjin, i nisur prej orësh është duke u përhapr me shpejtësi. Në videon e publikuar nga Top Channel shihen flakët të cilat janë favor...
DURRËS- Edhe në pjesën e tretë emisioni “Stop” ka trajtuar historinë e dhunimit të një prindi nga mësuesja. Bëhet fjalë për dhunën që është ushtruar nga më...
TIRANË– Forcat RENEA kanë dalë sërish në terren. Për të ditën dytë, uniformat e errëta të shtetit po ushtrojnë kontrolle në disa qytete në vend, përfshrirë...
