Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
A.T, nuk vuante nga asnjë sëmundje fizike. Në shtëpinë e tij nuk u gjet asnjë medikament me të cilin 29-vjeçari trajtohej për probleme të shëndetit mendor. Telefonata e fundit që kishte kryer, ishte me shokët e tij. Ai ishte shfaqur i qetë dhe njërin prej tyre e pyeti, se kur do bëheshin për kafe?
Më pas në titra të mediave televizive, të afërmit dhe miqtë u njoftuan se i riu i dha fund jetës befasisht. Teksa policët rrethuan me shirit vendin nga ai u hodh, njëri nga fqinjët komentoi “jetonte vetëm, ndoshta nga ankthi”.
Kurse familja e tij, nuk mundet të kuptojë se përse i riu shkoi në këtë veprim fatal. Por, ky është një nga rastet e vetëvrasjeve të pashpjegueshme që po ndodhin në vend, për të cilin për shkaqe etike, Gazetasi.al po ruan identitetin dhe të dhënat familjare të tij.
I riu nuk kishte asnjë varësi dhe nga hetimet e deritanishme, nuk rezulton që të ketë pasur asnjë konflikt të mundshëm.
Në kryeqytet, janë shënuar disa raste vetëvrasjesh dhe ata janë të rinj, që nuk kanë shkuar ende tek të 30-at, ku befas i kanë dhënë fund jetës.
Dhe këtu nuk është fjala për ata që vuajnë ndërkohë nga simptomat e Covid 19 dhe që nuk e përballojnë dot infeksionin.
Kujtime që nuk përballohen
Të tjerë në këtë vetmi të madhe, vendosen përballë dhimbjes për ata që humbën. Rasti tipik është ai i një 28-vjeçareje në Tiranë, e cila kishte humbur të vëllain para shumë vitesh dhe që gjatë pandemisë, dhimbja mori përmasa të tilla, sa ajo vendosi të shkojë tek varri i tij dhe t’i japë fund jetës.
Fatmirësisht nëna me dy fëmijë shpëtoi, falë ndërhyrjes së shpejtë të familjes. Ajo kishte zgjedhur që të mbytej me mbidozë paracetamoli dhe medikamentesh të tjera të blera me shpejtësi. Sipas dokumenteve që Gazetasi.al disponon L.L., i shkroi këtë mesazh të motrës ‘amanet fëmijët’.
E motra u vu në kërkim të të resë dhe pasi e telefonoi disa herë, ishte vetë L.L., që e mori dhe i tha ‘jam keq, eja më ndihmo’.
Çështja u raportua nga mjekët në polici, pasi ajo u paraqit në gjendje jo të mirë shëndetësore. Gruaja u pyet më vonë, kur situata shëndetësore u stabilizua, ku dhe tregoi se gjatë izolimit dhe kufizimit nga pandemia, gjendja e saj ishte rënduar dhe ajo mendonte vetëm për të vëllain që e kishte humbur pak vite më parë.
Për këto simptoma L.L., po trajtohej nga psikologët, por vetmia, sidomos gjatë Covidit dhe dhimbja për humbjen, i ishte kthyer në gërryese.
“Në këtë gjendje të stresuar, bleva medikamente në një farmaci pranë shtëpisë. Më kapi një gjendje depresioni dhe bleva disa tableta tramadol dhe paracetamol, shkova në varreza tek vëllai dhe atje i konsumova. Pastaj kur po ndihesha keq dhe pasi i kisha dërguar mesazh motrës për fëmijët, i kërkova ndihmë, duke i treguar se ku gjendesha”, dëshmon L.L., para agjentëve.
Gruaja, sipas policisë, u dërgua në gjendje të rëndë në spital dhe kur i shpëtoi rrezikut për jetën, ajo u pyet se kush e kishte shtyrë për ta bërë këtë veprim. Ajo tha: “Askush përveç vetes”.
Ai u qëllua me thikë buke
Dosja e policisë e vendosur në dispozicion të Gazetasi.al, tregon se L.I., jetonte me dy prindërit e tij të moshuar. Ai vuante nga depresioni përpara pandemisë. Por gjendja e tij u rëndua gjatë 2020-ës, viti i pandemisë.
Filloi të mos i konsumonte rregullisht ilaçet, deri ditën kur prindërit hynë në dhomën e tij dhe e gjetën të pajetë.
Ishte vetëvrarë me thikë në fyt. Kjo ngjarje e ndodhur në rrugën “Kajo Karafili”, u konsiderua nga hetuesit e policisë si një ndër më horroret, duke qenë se siç përshkruajnë ekspertët, trupi u gjet i gjithi i mbytur në gjak, përshkruan oficeri i policisë, B.H.
Çfarë tjetër na shkaktoi Covidi?
Paranoja. Frika se dikush na ndjek. Frika se dikush kërkon të na infektojë. Ky është rasti tipik i regjistruar sërish në polici. Sipas burimeve policore të Gazetasi.al, një studente me inicialet P.L., këmbënguli në komisariatin numër tre, se sa herë dilte nga banesa, një i panjohur e shikonte ngultazi.
“Ai në heshtje më shikon, me një vështrim të frikshëm që më ka bërë të frikësohem. Ai më ndjek pa folur, por kam frikë se si do të veprojë”, ankohet në komisariatin numër 3 vajza e re.
“Një ditë pranë stacionit të autobusit, ai më buzëqeshi, me kënaqësi dhe sapo e konstatova, vrapova“, kujton e reja që këmbëngul se ky person duhet gjetur patjetër.
Por deri më tani, policia nuk e ka zbuluar ende personin misterioz, ndonëse ka këqyrur edhe kamerat e sigurisë.
Sakaq, edhe frika nga individët që nuk mbajnë maskë anti-Covid, për pak ka precipituar në përplasje fizike në një supermarket, nëse aty nuk do të kishte ndërhyrë administratori.
“Gratë u shkëmbyen me ofendime në afërsi të një sirtari dhe më vonë u shkëmbyen në sportel përpara kasieres, ku më e moshuara, i kërkonte llogari të resë për mbajtjen keq të maskës. Gruaja tjetër e hoqi fare maskën dhe filloi të tallej”, – mbyll denoncimin shtetasi në fjalë, i cili ankohet në polici për sjelljen e dy klienteve të çuditshme, bëjnë me dije burime të Gazetasi.al.
Marrë nga Gazeta “Si”
1 vit nga zgjedhjet e 25 prillit si e shikoni gjendjen e vendit:
Viti 2020 nisi mbarë për turizmin, me rritje të net-qëndrimeve të turistëve në janar e në shkurt, por më pas mori një kthesë të papritur për shkak të kufizimeve...
Normat e kthimit të fondeve të investimit në lekë pësuan një rënie të ndjeshme gjatë vitit të kaluar.Sipas informacionit të publikuara nga shoqëritë administrue...
SHQIPËRI– Gjatë vitit 2020, bizneset shqiptare morën kredi kryesisht për qëllime të investimeve afatgjata. Statistikat e Bankës së Shqipërisë tregojn...
SHQIPËRI– Shqiptarët ishin të dytët për marrje të nënshtetësisë në një nga vendet e Bashkimit Europian, pas marokenëve, me gati 42 mijë të tilla, pje...
SHQIPËRI– Modeli ekonomik që ka ndjekur Shqipëria në këto tre dekada të tranzicionit ka rritur pabarazinë mes qytetarëve duke favorizuar një shpërnda...
SHQIPËRI– Shqipëria kryeson listën e vendeve që kanë përjetuar rritjen më të madhe të emigracionit në vitin 2020, pavarësisht situatës së pandemisë. Sipas ...
Mungesa e një marrëveshjeje për njohjen e kontributeve të emigrantëve shqiptarë që kanë punuar prej vitesh në Itali dhe janë kthyer po i përball me vështirësi t...
TIRANË– Pjesa e Shqiptarëve që mbajnë euro cash është rritur vitet e fundit, pas rënies që kishte pësuar pas vitit 2007. Ashtu si edhe në Shqipëri, p...
TIRANË– Të menaxhosh një biznes, sidomos të vogël sa vjen e po bëhet më e vështirë. Rënia e konsumit, shtimi i konkurrencës nga zinxhirët dhe qendrat...
Ligji i ri “Për shërbimet e pagesave” do të ndikojë në rritjen e volumit të pagesave lokale, që kryhen nëpërmjet platformave dixhitale.Në një intervistë për rev...
