Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Kjo e fundit tha se pacienti në fjalë është plotësisht i verbër dhe po të mos e mbajë e shoqja, mund të bjerë në kanal.
ELBASAN- Në 22 Shtator, emisioni investigativ “Stop” në Tv Klan transmetoi një rast në fshatin Shirgjan të Elbasanit për një denoncim që lidhet me shtetasin Jorgo (Zani) Shehu (Çehu). Ai prej prej vitesh merr kemp për verbërinë e po kështu bashkëshortja merr kujdestarinë për të. Fotot dhe videot që emisioni “Stop” transmetoi tregojnë se Jorgo, apo Zani i kryen lëvizjet e punët pa asnjë vështirësi.
“Stop” mori takim me mjeken e familjes së Jorgos. Kjo e fundit tha se pacienti në fjalë është plotësisht i verbër dhe po të mos e mbajë e shoqja, mund të bjerë në kanal.
Gazetarja: Është i verbër?
Mjekja: Është i verbër zemër! Janë genetike.
Gazetarja: Nuk shohin fare doktoresha?
Mjekja: Nuk shohin, e merr e shoqja përdore.
Gazetarja: Ju po më thoni, që ai nuk ka mundësi, të bëjë asnjëlloj pune?
Mjekja: Ua… ai nuk sheh fare, moj zemër. Ai desh u përplas te hekurat, po mos ta kishte mbajt e shoqja. Ky ka vite, që është i verbër.
“Stop” shkoi në shtëpinë e pacientit dhe e gjeti duke larë oborrin.
Gazetarja: Bashkë me bashkëshorten, bashkëshortja merr kujdestari, ju keni verbëri të plotë dhe i bëni të gjitha punët vetë.
Jorgo Çehu: Çfarë punësh kam bërë unë moj motra ime? Ku kam bërë unë punë? Unë nuk kam bërë asnjë lloj pune vetë. Asnjëlloj pune. Unë me shoqërues nuk dal deri aty.
Gazetarja: Ti qenke duke larë oborrin?
Jorgo Çehu: Çfarë oborri? Oborri është këtu… Jam unë që rri këtu.
Gazetarja: Si e shpjegoni që vini vetëm për të bërë rinovimin e Kempit nga Greqia?
Jorgo Çehu: Jo moj motër ça…
Jorgo Çehu: Ça të shoh? As 1% ça do shoh? Unë dal me shoqërues kudo ku vete.
Gazetarja: Kur ju kemi parë nëpër video, nëpër foto që na kanë dalë. Ne na kanë ardhur foto dhe video duke vjelë rrush në Greqi?
Jorgo Çehu: Rrush unë? Ça thua moj motër.
Gazetarja: Duke bërë pazarin i vetëm në rrugët e Greqisë.
Jorgo Çehu: Po ça thua moj motër ça thua.
Gazetarja: Edhe këtu besoj se po ju tregonte gruaja se ku ta lanit oborrin?
Jorgo Çehu: Jo moj motër, këtu markushi.
Duke i hyrë më thellë kësaj problemtike, Shërbimi Social Shtetëror ka një fond prej 18 miliardë Lekësh për 17 537 persona me aftësi të kufizuar, ku hyjnë ata me aftësi të kufizuar mendore dhe fizike. Ndërsa invalidë pune, pagesa e të cilëve mbulohet nga Instituti i Sigurimeve Shoqërore janë në rang vendi 66 920 persona dhe fondi i akorduar është 6.3 miliardë Lekë për vitin 2023. Janë pothuajse 100 mijë personat që përfitojnë pagesa invaliditeti.
Në këtë material, “Stop” sjell persona në nevojë që nuk përfitojnë asgjë dhe të tjerë që marrin pagesë invaliditeti e punojnë si muratorë, apo në majë të zetorit.
Qytetari: Mua më thanë, që është usta i mirë. Tani…
Refik Rondo: Po të tregoj punëra unë, të shpie edhe nëpër punëra.
Qytetari: Ti bën vetëm suvatime, apo bën… ? Ça bën tjetër?
Refik Rondo: Jo, unë mure, suvatime bëj.
“Stop” udhëtoi në fshatin Gurishtë të qytetit të Elbasanit për bashkëshortët Coha. Ata trajtohen me ndihmë ekonomike dhe Zonja Coha merr Kemp nga Shërbimi Social për 3 diagnoza, por nga ana tjetër aktiviteti i tyre familjar është kultivimi i duhanit.
Qytetari: Si je zotëri? Si kalove?
Qytetari: Si të kam? Me këtë zetorin i punon, o?
Banori: Ky hë, ky ka makinë mbledhëse, ka zetor, ka makinë, ka rimorqo, plug.
Xhevahir Coha: Vitin, që vjen, shpresoj dhe mendoj, të zbres poshtë në fushë. I kam gjetur tokat dhe nuk do vë 10-15-të do vë 20-të, 30-të, 40-të domethënë nën ujë.
Xhevahir Coha: Familjarisht, familjarisht!
Qytetari: Po mirë! Asnjë ndihmë nga shteti nuk merr, se më bën çudi kjo?
Denoncimi i radhës e çoi “Stop” në fshatin Zeshtikë të Kryevidhit në qytetin e Rrogozhinës.
Qytetari: Idrizi këtu e ka shtëpinë?
Bashkëshortja: Këtë e ka e punon vetë. Ene atë po e punon vetë, po asaj i mungon një vegël.
Qytetari: Si e shtyni këtej në fshat, apo?
Bashkëshortja: Shpi, me tokat me bagëtitë. Ça të bëjmë?! Avash-avash më i kemi mbjellë jonxhë e grurë.
Qytetari: Po shteti ju ndihmon ndonjë çikë?
Bashkëshortja: Ça të na ndihmojë shteti me pension 140 mijë?
Bashkëshortja: Jo! Asnjë ndihmë, asnjë gjë.
Në Lalar të Fierit, “Stop” ka udhëtuar për rastin e Arben Fejzos, i cili prej më shumë se 20 vitesh është deklaruar si i verbër.
Qytetari: Po e doja për tokën, për të pluguar.
Qytetari: Dua të plugoj për grurë, qilizmat në fund të tetorit!
Bashkëshortja: Rrinë të dy si shefat, punon rri bashkë me çunin në zetor, ore. Ashtu, mo ki merak fare!
Qytetari: Po ça ka nga syri ai?
Bashkëshortja: Po i ka ikur pak shikimi edhe shikon shumë pak.
Qytetari: Po a e nget atë zetorin ai?
Bashkëshortja: Ashtu e nget ai vjen vërdallë këtu, po…
Qytetari: Ore hajde me çunin ti atje, po do ta punosh ti hë!
Arben Fejzo: Ore, unë do ta punoj, mos ki merak!
Refik Rondo në Gjirokastër, për shkak të një diagnoze “sëmundje gjaku” trajtohet me Kemp me afat deri në 2026-ën dhe në të zezë punon murator.
Qytetari: Mua më thanë, që është usta i mirë. Tani…
Refik Rondo: Po të tregoj punëra unë të shpie edhe nëpër punëra.
Qytetari: Ti bën vetëm suvatime, apo bën … Ça bën tjetër?
Refik Rondo: Jo, unë mure suvatime bëj.
Informacionet e mbërritur në redaksinë e emisionit investigativ “Stop” në Tv Klan, kanë bërë që stafi të shkojë në fshatin Bathës të Elbasanit. Aty u konstatua se 2 familje përfitojnë asistencë në mënyrë të padrejtë.
Banori: Ka, po s’janë këtu ata.
Qytetari: Kam për një Ilir Muça, se si e kishte ai…
Banori: Ah, ata janë nga lagja matanë.
Qytetari: Po më thanë, që s’e gjen këtu, se, se ku është…
Banori: Po në Greqi, rri në Greqi.
Qytetari: Hë, rri në Greqi ai.
Qytetari: Po ky Fred Yzeiri ka? Fred Yzeiri ka?
Qytetari: Me se merret ai? I shërben vetë tokave ai?
Banori: Është punëtor i shkathët, se është çun i ri. Është punëtor i madh. Është i fuqishëm për punë.
Qytetari: Ai s’i jep domethënë.
Banori: Ka dhe gruan të fuqishme. Punojnë të dy.
Banori: Ka rrush, qershi. Ai del i pari me prodhime.
“Stop” u ndalua në Njësinë Administrative të Shirgjanit, ku u konfimua nga kjo njësi se Ilir Muça dhe Fred Yzeiri trajtohen me ndihmë ekonomike. Ilir Muça vjen çdo 3 muaj për të ju përgjigjur detyrimit për t’u paraqitur pranë zyrës së ndihmës ekonomike dhe për të bërë deklarimet, megjithëse pjesën më të madhe të kohës ai është jashtë kufijve të vendit tonë. Gjithashtu, Fred Yzeiri ka deklaruar që ka tokë bujqësore, por nga ana tjetër nuk ka deklaruar se ka të ardhura nga kjo tokë bujqësore dhe automatikisht ka qenë përfitues i ndihmës ekonomike.
Biznesmeni Gjergj Luca shprehet i revoltuar me mënyrën e shpërndarjes së asistencës sociale nga ana e bashkive.
Gjergj Luca: Skema e asistencës sociale është kriminale për bashkitë. 120 mijë familje me asistencë sociale kur të gjitha bizneset nuk kërkojnë punëtorë. Po kjo është skandaloze dhe për mua, kryetarët e bashkive që kanë të afishuara nëpër zyrat e punës letrat që biznesi kërkon njerëz, duhet të merren nën hetim për krim dhe për abuzim me pushtetin. Ky është qëndrimi im. Kam shkuar në një rreth të varfër dhe të shkatërruar. Kam investuar 3.2 milionë Euro për të hapur një fabrikë sepse më kanë thënë që “ke 1 mijë vetë”. Kam qeshur dhe kam thënë “më sill 300 vetë” dhe më tha “nuk ka problem, kam 3 mijë njerëz me asistencë sociale” dhe unë mbylla investimin tim pas 3-5 mujve pasi më kanë ardhur në punë 55 vetë dhe ai rreth ka 3 mijë vetë me asistencë sociale që është një katund, nuk është rreth.
Marrë nga Tv Klan
Elton Qyno TIRANË- Gazetari Elton Qyno ka rrëfyer rrugën që ndiqnin personat që merren me punë të tipit vrasje, trafik d...
Gazetarja LEZHË- Në datën 21 Shtator, emisioni investigativ “Stop” në Tv Klan transmetoi një problematikë nga qyt...
Dorjana Bezat TIRANË-Të dhëna të reja kanë dal në lidhje me aplikacionin e përfolur “Sky” që përd...
Kepi i Rodonit DURRËS- Një qytetar u ankua se po i rrethohej prona, megjithëse ai kishte një certifikatë pronësie. Rrethimi p...
Policia VLORË- Policia, FNSH dhe RENEA kanë bërë kontrolle mbrëmjen e sotme në Vlorë. Mësohet se kontrollet ja...
Zjarri FUSHË KRUJË- Një vatër zjarri është ndezur mbrëmjen e sotme në Fushë Krujë. Mësohet se zjarri...
Artan Hoxha TIRANË- Gazetari Artan Hoxha ka komentuar "lajmin" e bujshëm lidhur me daljen e një video nga telefoni i Ervis Martinajt, ku shf...
Artan Hoxha TIRANË- Gazetari Artan Hoxha ka folur për disa të dhëna që kanë dalë në dritë pas rrëfimeve t...
Gjiri i Shen Andreas KARABURUN-Një turist zvicerian është bllokuar në gjirin e Shën Andreas në Karaburon ditën e sotme. ...
Helidon Bushati TIRANË- Deputeti demokrat Helidon Bushati është përplasur me aktivistët e 'Lëvizjes Bashkë' di...
