Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Protesta para Parlamentit/ Policia zhvendos protestuesit, pritet të nisë seanca plenare 20 Korrik, 10:32 Situatë...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Operacioni i karabinierëve, i cili i dha një goditje grupit kriminal të drejtuar nga shqiptari Elvis Demce, solli arrestimin e 11 personave, ndërsa tre të tjerë janë shpallur në kërkim.
ITALI- Një operacion për goditjen e trafiku të drogës është kryer nga Karabinierët e Njësisë Hetimore të Kapitolinës - të ndihmuar nga ushtria e Komandave Provinciale në provincën e Latinës, në aksin që lidh Romën dhe Reggio Calabria.
Autoritetet kanë ekzekutuar masat e sigurisë "arrest me burg", të lëshuar nga Gjykata e Romës ndaj 14 personave, tre prej të cilëve janë ende në kërkim. Ky operacion u shtri edhe në territoret e Romës, Rossano, Reggio Calabria, Cisterna dhe Bovalino.
Banda e Elvis Demçe
Masa e re e sigurisë rrjedh nga rezultatet e një aktiviteti kompleks hetimor të kryer përmes përgjimeve telefonike dhe analizës së bisedave të koduara, që buron nga hetimi që në janar 2022 kishte bërë të mundur shpërbërjen e shoqatës së trafikimit të drogës që drejtohej nga shqiptari Elvis Demçe, i dënuar me 18 vjet burg për krime të ndryshme.
Akuzat
14 personat ndaj të cilëve janë lëshuar urdhërarreste akuzohen për trafikim droge, shitblerje droge, zhvatje, zjarrvënie. Dhe hetimi i ri përqendrohet te anëtarët e tjerë të bandës dhe në ngjarjet kriminale që nuk dolën në pah në hetimet fillestare.
Trafiku i drogës në aksin Romë - Reggio Calabria
Hetimet e reja kanë bërë të mundur përcaktimin e roleve dhe detyrave të atribuara anëtarëve të ndryshëm, 14 prej të cilëve u prekën nga urdhërarrestet. Mes tyre janë edhe disa kalabrezë të fokusuar në trafikun e kokainës në aksin Romë - Reggio Calabria, të cilët konsiderohen bashkëpunëtorë të besuesëm të Demces.
Operacioni i ri i Karabinierëve ka zbuluar shitjet e mëdha të drogës, në veçanti kokainës, hashashit dhe marihuanës, në provincat e Romës dhe Latinës; shitje që kanë të bëjnë në veçanti me periudhën midis majit 2020 dhe marsit 2021 dhe të matshme, përkatësisht, në 338 kilogramë kokainë, 1,510 kilogramë hashash dhe 70 kilogramë marihuanë.
Zhvatjet
Janë zbuluar gjithashtu disa episode zhvatjeje, njëri prej të cilëve i referohet tre bashkëpunëtorëve të cilët, me qëllim shlyerjen e një borxhi të krijuar për blerjen e kokainës, fillimisht i vunë flakën dyqanit të basteve të debitorit në Romë dhe më pas e kërcënuan hapur me vdekje, duke planifikuar eliminimin e tij edhe nëpërmjet përgjimeve, duke arritur kështu të merrnin fillimisht shumën prej 10 mijë eurosh dhe një orë dore luksoze dhe, më pas, e detyruan të paguante edhe 70 mijë euro të tjera.
Në një rast tjetër, me qëllim shlyerjen e një borxhi të krijuar për blerjen e narkotikëve, dy bashkëpunëtorë të tjerë që i përkisnin të njëjtës bandë, në bashkëpunim me individë të tjerë, detyruan një blerës droge, me anë të kërcënimeve me vdekje, t'u paguante atyre shumën prej 108 mijë eurosh.
Një episod tjetër doli më pas që i referohet dy bashkëpunëtorëve të tjerë të cilët, së bashku me individë të tjerë të dënuar tashmë në procedura të tjera penale, me qëllim shlyerjen e një borxhi të krijuar për blerjen e narkotikëve, dyshohet se e detyruan një blerës kokaine, me anë të përdorimit të forcës dhe kundër vullnetit të tij, të shkonte në një pyll me pisha ku i drejtuan një armë zjarri në kokë, duke e detyruar të paguante shumën prej 50 mijë eurosh.
Dënimi i Elvis Demces
Më 28 maj të këtij viti, Elvis Demçe u dënua me 15 vite burg. Demçe, i cili është i njohur edhe për deklaratën e tij: “Unë jam Zoti”, kishte lidhje me krimin e organizuar ndërkombëtar, përfshirë ‘Ndrangheta-n, trafikantë kolumbianë dhe zyrtarë të korruptuar në porte. Ai planifikoi edhe eliminimin e rivalit të tij Ermal Arapajt me një atentat në Lanuvio, i cili dështoi më 9 korrik 2020, duke çuar në një shkëmbim zjarri. Më 5 shtator, njerëzit e Demçes i vunë flakën vilës dhe makinës së Arapaj në Velletri. Ndaj Demçes vijojnë edhe procese të tjera, dhe ai ka tentuar të shmangë burgun duke paraqitur certifikata mjekësore me pretendimin se është i varur nga droga një strategji që drejtësia italiane pritet ta shqyrtojë në vijim.
Foto ilustruese ITALIA- Dy shqiptarë janë arrestuar në Parma të Italisë teksa lëviznin me rreth 1,2 kg kokainë t&eu...
Mariglen Gjonaj dhe Kristjan Cenaj TIRANË- Gjykata e Apelit të Juridiksionit të përgjithshëm ka dënuar me burg të pë...
Foto ilustruese BELSH- Belshi dhe zona e Dumresë janë përfshirë sot nga një stuhi me reshje të dendura shiu e breshë...
foto ilustruese MIRDITË- Të shtëna më armë zjarri kanë ndodhur në orët e para të ditës së sotme n&eu...
foto ilustruese KOSOVË- Operatori për Furnizim me Energji, KESCO, u ka bërë thirrje qytetarëve të Kosovës që të...
Foto KOSOVË- Nga akuzat për frikësim dëshmitarësh, deri te ato për krime lufte dhe sulm të armatosur. Pse nuk arrestohet...
Foto ITALI- Një aksident i rënë është regjistruar në Itali ku ka humbur jetë një 46-vjeçar shqiptar. Viktima...
Foto TIRANË- Një projektvendim i Ministrisë së Turizmit dhe Mjedisit, lidhur me materialet drusore dhe ato jo drusore sa i takon tregti...
foto ilustruese TIRANË- Faqja e Bashkisë së Tiranës, u sulmua dhe doli jashtë funksionit nga gripi i hakerave “Homeland...
Foto KOSOVË- Një migrant palestinez, 27-vjeçar, ka mbërritur ilegalisht në Kosovë, duke përballuar rrugë të ...
