Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
Kjo zonjë, e cila pretendon se është dentiste profesioniste, quhet Genta Elezi Shaholli dhe ka një klinikë stomatologjike në qytetin e Shijakut.
Urdhëri i Stomatologut nuk të bën stomatolog. Kjo zonjë, e cila pretendon se është dentiste profesioniste, quhet Genta Elezi Shaholli dhe ka një klinikë stomatologjike në qytetin e Shijakut. Dhe me një fjali të vetme, sapo na vërtetoi se në qarkullim ka mjekë dhe klinika stomatologjike jashtë juridiksionit të Urdhërit të Stomatologut.
Në realitet, përpara se ta takonim, u interesuam te ky institucion që përfaqëson mjekët stomatologë nga i gjithë vendi, dhe përgjigja nuk linte vend për dyshime:“Znj. Gentiana Elezi Shaholli nuk rezulton të jetë licencuar si stomatologe pranë Urdhrit të Stomatologut të Shqipërisë”, thuhet në përgjigjen që na erdhi me shkrim.
Pra, shkurt e qartë: një dentiste e paligjshme, pasojat e së cilës i ka vuajtur kjo 23-vjeçare nga Shijaku.
Një pafundësi problemesh që e kanë alarmuar të renë, e cila është bindur se duhet ndërhyrë urgjentë për të sistemuar dhëmbët.
Dicka jo aq e zakonshme në klinikat dentare, por që për vajzën nuk ka krijuar ndonjë problem. Për më tepër që kishte referenca tepër të besueshme. Dhe meqë në mes ishte mami, dentistja tregohet tepër bujare. Një ofertë tunduese për një studente, e cila e sheh si një rast për të mos u humbur. Ndaj vajza bën pagesën dhe doktoresha nis punën.
Por me vendosjen e maskerinave nisin edhe shqetësimet e para. Patienten vazhdojnë t’i shtohen dyshimet ndaj profesionalizmit të kësaj zonje, e cila ka marrë atributet e stomatologes. Pseudodentistja kërkon ta qetësojë pacienten dhe ta bindë se gjithçka do të rregullohet, por kjo e fundit duket e vendosur të tërhiqet nga ky eksperiment që po bëhej me gojën e saj.
Por edhe pas operacionit që supozohej të kishte bërë, zonja duket se nuk e prish aspak terezinë, pavarësisht se ditët kalojnë.
Këtu duhet të sqarojmë që vajza nuk po kërkon asgjë më shumë sesa lekët e saj. Asnjë dëmshpërblim për dëmin e shkaktuar, edhe pse do të ishte gjëja më logjike. Ndaj në këtë situatë, vajza i drejtohet policisë.
Në fakt, kjo metodë pune e ndjekur nga zonja Genta nuk është e panjohur, pasi në vitin 2023, në një lajm të publikuar, flitet për një rast mashtrimi i cili është hetuar nga Prokuroria e Tiranës pas denoncimit dhe dënimit të dhënë nga Gjykata e Korçës.
Por me sa duket, nuk ishte e thënë që çdo gjë të ndalej dy vite më parë. Sepse ushtrimi i profesionit të dentistes nga ky person i paautorizuar do të vazhdonte, madje duke shkaktuar probleme serioze te pacientët.
Për të kuptuar më mirë se si procedon kjo zonjë, vendosim ta provojmë vetë, përmes një bashkëpunëtoreje tonë që hiqet si paciente. Duhet pranuar që zonja është tepër e komunikueshme dhe e kujdesshme me pacienten e re, të cilës — njëlloj si profesionistët e fushës — më parë i ka kërkuar të kryejë një grafi të dhëmbëve.
Por pasi i jep një diagnozë aspak normale, e cila na alarmoi edhe neve, vendosëm ta dërgojmë menjëherë aktoren tonë në dy klinika të specializuara në Tiranë. Tani le të kthehemi edhe një herë te pseudodentistja e Shijakut, e cila, me sa duket, jo vetëm bën një punë jashtë kapaciteteve të saj, por madje shpik anomali të dhëmbëve te pacientët.
Me “1000% siguri”, të premten nisim sërish drejt Shijakut.
Ndërsa dentistja po shqyrton kërkesën e babait për t’i bërë vajzës 23-vjeçare dhëmbët sipas modelit të propozuar prej tij, në derë papritur shfaqet një mike e paftuar — denoncuesja jonë.
Në fakt, dhëmbët e mamit janë skandali më i vogël në këtë histori abuzimi, e cila nis nga mospasja e licencës dhe vijon me metodat aspak profesionale të kësaj zonje. Ndaj vendosim ta takojmë vetë nga afër “dentisten” tonë.
Që në fillim ajo mohon të mos ketë licencë, edhe pse në të gjitha klinikat stomatologjike, licencat, diplomat dhe NIPT-i janë të ekspozuara për pacientët — por jo në rastin e kësaj zonje.
Një individ, pavarësisht shkollimit që ka, nuk mund të ushtrojë funksionin e mjekut stomatolog nëse nuk ka licencë dhe nuk është anëtar i Urdhrit të Stomatologut. Kjo është e vërteta, ndaj çdo diskutim tjetër nga kjo zonjë është tentativë për të shmangur përgjegjësitë. Për më tepër që rastet me pacientë të pakënaqur janë të përsëritura.
Përtej paligjshmërisë në ushtrimin e profesionit, kjo zonjë kryen edhe evazion fiskal, pasi qoftë denoncueses, qoftë nënës së saj, nuk u ka dhënë asnjëherë një faturë të rregullt tatimore. Pasi kemi mbyllur këtë diskutim me pseudodentisten, drejtohemi në Komisariatin e Policisë së Shijakut për të depozituar kallëzim ndaj kësaj shtetaseje.
Reagimi i këtij institucioni ishte i menjëhershëm.
Paralelisht, vendosim në dijeni edhe institucionin përgjegjës, ISHSH, ku nga kontrolli i tyre rezulton se Genta Elezi Shaholli nuk disponon lejen e ushtrimit të profesionit. Sakaq, në mungesë janë konstatuar edhe: akti i miratimit higjieno–sanitar, libreza shëndetësore dhe raporti mjekoligjor, raporti i analizës së ujit, certifikata e dezinfektimit dhe kontrata e menaxhimit të mbetjeve spitalore. Se çfarë ka pasur të rregullt në këtë klinikë, vetëm mendja e zonjës Genta mund ta dijë. Sidoqoftë, rëndësi ka që institucionet reaguan menjëherë.
Në këto kushte, u vendos masa administrative: “vendim i ndërmjetëm në marrjen e masës urgjente”, pezullim i aktivitetit për një afat 30-ditor, deri në pajisjen me dokumentacionin ligjor./ Piranjat.al
Foto ilustruese TIRANA- Një aksident i rëndë ka tronditur Tiranën mbrëmjen e sotme, ku dy automjete dhe një motomjet u p...
Florian Binaj Nga Florian Binaj Prej ditësh po dëgjojmë një refren të ri: “SPAK-u po na fut në kriz&eu...
Foto nga emisioni Në emisionin investigativ “Piranjat”, 25-vjeçari Ardit Lala ka denoncuar një padrejtësi që i ë...
KORÇË- Dosja hetimore e pengmarrjes në Bilisht ka zbardhur detaje tronditëse mbi ngjarjen e rëndë dhe dhunimin e Ilir Top&cced...
Foto ilustruese KORÇË- Policia e Korçës ka ndërmarrë një operacion të befasishëm kundër aktivitetit t...
Foto ilustruese DURRËS- Spitali Rajonal i Durrësit ka sqaruar se gjatë ndërhyrjes kirurgjikale të 15-vjeçarit Erion Bo...
Besim Kelmendi Gjykata Themelore në Prishtinë ka refuzuar padinë e Besim Kelmendit, përmes së cilës ai kërkoi masë ...
Jeff Bewkes SHBA- Në një artikull të botuar, The Hollywood Reporter shkruan se në prill 2010, CEO i Time Warner, Jeff Bewkes, krahasoi ...
Foto ilustruese ITALI- Policia italiane ka arrestuar një 20-vjeçar shqiptar në Itali. Ai u arrestua nga autoritetet italiane, pasi u ...
Foto ilustruese HOLANDË- Drejtuesi i Prokurorisë së Posaçme, Altin Dumani, së bashku me prokuroren e posaçme Dorina Bejko...
