"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
Rëndësia e objekteve numizmatike dhe arkeologjike të përfshira në këtë marrëveshje qëndron në faktin se ato përfaqësojnë një pjesë thelbësore të trashëgimisë historike, duke ofruar dëshmi të pakundërshtueshme për zhvillimin e shkëmbimit paramonetar, prerjen dhe qarkullimin e monedhës në trojet tona, gjatë prehistorisë dhe antikitetit.
TIRANË - Akademia e Shkencave dhe Banka e Shqipërisë nënshkruan sot një marrëveshje për ekspozimin në Muzeun e Bankës së Shqipërisë të disa objekteve numizmatike dhe arkeologjike në administrim të Akademisë së Shkencave dhe Institutit të Arkeologjisë.
Sipas njoftimit të Bankës së Shqipërisë, që prej vitit 2015, Banka Qendrore dhe Akademia e Shkencave, së bashku me profesorë dhe studiues të saj nga Instituti i Arkeologjisë dhe Instituti Historisë, kanë ndërtuar një marrëdhënie të ngushtë bashkëpunimi. Kontributi i tyre ka qenë thelbësor në hartimin e platformës shkencore të Muzeut të Bankës së Shqipërisë dhe pasurimin e ekspozitës së tij të përhershme.
Falë këtij partneriteti, tematika e parasë dhe historisë monetare të vendit tonë është trajtuar në një dimension më të plotë, duke tejkaluar kornizat e historisë së bankës qendrore dhe duke ofruar një panoramë më të gjerë të zhvillimeve ekonomike dhe kulturore të rajonit.
Rëndësia e objekteve numizmatike dhe arkeologjike të përfshira në këtë marrëveshje qëndron në faktin se ato përfaqësojnë një pjesë thelbësore të trashëgimisë historike, duke ofruar dëshmi të pakundërshtueshme për zhvillimin e shkëmbimit paramonetar, prerjen dhe qarkullimin e monedhës në trojet tona, gjatë prehistorisë dhe antikitetit.
Në fjalën e tij, Guvernatori i Bankës së Shqipërisë falënderoi Akademinë e Shkencave dhe Institutin e Arkeologjisë për besimin dhe bashkëpunimin e vazhdueshëm, duke evidentuar faktin se muzeu i Bankës së Shqipërisë, nuk është vetëm një njësi e këtij institucioni, por edhe një qendër e ruajtjes së kujtesës historike e kombëtare dhe një platformë e fuqishme për edukimin financiar.
“Falë partneritetit tonë, tematika e parasë dhe historisë monetare të Shqipërisë është paraqitur për vizitorët në një dimension më të plotë, duke e tejkaluar historinë e ngushtë të bankës qendrore, dhe ofruar një panoramë më të gjerë të zhvillimeve ekonomike dhe kulturore të rajonit.
Koleksionet dhe objektet e ofruara nga Instituti i Arkeologjisë, janë mbajtur në Muze bazuar në një marrëveshje mes dy institucioneve, e cila është rinovuar sipas vullnetit të ndërsjellë. Me krijimin e Muzeut Arkeologjik Autonom në Akademinë e Shkencave, janë krijuar kushtet për vijimin e ekspozimit të objekteve arkeologjike në Muzeun e Bankës së Shqipërisë, në përputhje me aktet e miratuara nga të dy institucionet.
Kjo marrëveshje jo vetëm që garanton ruajtjen dhe promovimin e objekteve e koleksioneve, por krijon edhe një bazë të re për bashkëpunim mes dy muzeve – atij të Bankës së Shqipërisë dhe Muzeut Autonom të Arkeologjisë – në projekte të përbashkëta ekspozitash dhe pasurimin e mëtejshëm të përmbajtjes muzeale me vlera të reja nga antikiteti,” tha Sejko.
Ai theksoi se, si pjesë e Strategjisë së Bankës së Shqipërisë për edukimin dhe përfshirjen financiare, bazuar edhe në përvojën historike dhe në mësimet e së kaluarës, edukimi financiar përmes muzeut ndihmon brezat e rinj dhe mijëra vizitorë të të gjitha moshave që të zhvillojnë një qasje të qëndrueshme dhe të mençur ndaj parasë, duke ndërtuar kështu një kulturë më të fortë ekonomike dhe financiare në shoqëri.
Marrëveshja synon të garantojë ruajtjen dhe promovimin e objekteve dhe koleksioneve të ofruara nga Instituti Arkeologjik për Muzeun e Bankës së Shqipërisë, duke konsoliduar më tej bashkëpunim mes dy Institucioneve. Me krijimin e Muzeut Autonom të Arkeologjisë, pranë Akademisë së Shkencave, ky bashkëpunim do të zgjerohet përmes projekteve të përbashkëta, ekspozitave dhe pasurimit të mëtejshëm të përmbajtjes muzeale me vlera të reja nga antikiteti./Monitor
Foto ilustruese TIRANA- Para nisjes së procedurave për aplikim licencash për operatorët që do të lejohen të kultivojn&eu...
Foto ilustruese BERAT - Një konflikt mes dy vëllezërve, që ka degraduar në përdorimin e armëve të zjarrit ka alarmu...
Foto ilustruese BURREL - Dy vëllezër, efektivë policie, janë ndaluar pasi akuzohen se janë përfshirë në nj&eum...
SPAK TIRANË- Anëtarë të Gjykatës Kushtetuese janë vendosur nën përgjim nga Prokuroria e Posaçme Anti-Korrups...
Ambulanca KRUJË - Një punëtor ndërtimi i identifikuar si Ylli Xhaferri 45-vjeç, ka humbur jetën këtë të m&eu...
Personat nën hetim TIRANA- Prokuroria e Posaçme ka bërë bilancin e punës së saj përgjatë vitit 2024. SPAK tr...
Foto ilustruese TIRANË - Një incident është regjistruar pranë aeroportit të Rinasit gjatë natës. Një kamion i ...
Foto nga operacioni TIRANA- Një operacion operacioni ndërkombëtar i koduar “Alba Tibus” është finalizuar n&e...
Arrestimi GJIROKASTËS- Një 27-vjeçar i shpallur në kërkim dje nga Drejtoria Vendore e Policisë Tiranë, ë...
Arrestimi TIRANA- Prend Bala, 26-vjeç, dhe Gentian Basha (Seci), 37-vjeç, janë arrestuar në Tiranë. Mësohe...
