Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
Mbyllet pas më shumë se tre orësh dita e pestë e protestës, zbardhen pesë kërkesat e protestuesve 4 Qershor...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Në udhëzimin “Për mënyrën e hollësishme të asgjësimit të bimëve të cannabis-it”, të botuar në Fletoren Zyrtare, përcaktohen 3 mënyra për asgjësimin e mbetjeve të cannabis-it mjekësor, nëpërmjet incenerimit, asgjësim me metoda kimike dhe trajtim në landfill nëpërmjet groposjes së materialeve.
TIRANA- Para nisjes së procedurave për aplikim licencash për operatorët që do të lejohen të kultivojnë dhe përpunojnë kanabisin në vend për qëllime mjekësore, nga institucionet përgjegjëse po vijohet me miratimin e kuadrit nënligjor përkatës. Në udhëzimin “Për mënyrën e hollësishme të asgjësimit të bimëve të cannabis-it”, të botuar në Fletoren Zyrtare, përcaktohen 3 mënyra për asgjësimin e mbetjeve të cannabis-it mjekësor, nëpërmjet incenerimit, asgjësim me metoda kimike dhe trajtim në landfill nëpërmjet groposjes së materialeve.
Udhëzimi i përbashkët i Ministrive të Shëndetësisë dhe Mbrojtjes Sociale, Brendshëm dhe Bujqësisë dhe Zhvillimit Rural, parashikon se për rastin e asgjësimit të mbetjeve nëpërmjet incenerimit, procesi do të kryhet nga pala e kontraktuar për këtë qëllim, e cila duhet të disponojë lejet dhe duhet të ketë kapacitetet përkatëse për kryerjen e procesit.
Po ashtu, udhëzimi përcakton se do të kryhet me anë të incenerimit nga Agjencia Kombëtare e Kontrollit të Kanabisit, edhe asgjësimi i bimëve të konfiskuara. Bëhet fjalë për bimë të konfiskuara nga policia të mbjella nga operatorë të palicensuar. Për të dyja rastet, nëse incenerimi i mbetjeve do të kryhet nga operatorët e licensuar apo nga Agjencia, udhëzimi përcakton se procesi do kryhet në përputhje me procedurat specifike të trajtimit, përpunimit, monitorimit të mbetjeve të parrezikshme, të parashikuara në vendimin nr. 178, datë 6.3.2012, të Këshillit të Ministrave “Për incenerimin e mbetjeve”.
Ndër hapat teknikë të procesit që përshkruhen në udhëzim janë, si: përgatitja e inceneratorit për procesin e asgjësimit; vendosja e materialit në incenerator; trajtimi fiziko-kimik i mbetjeve në incenerator; zhvillimi i procesit të incenerimit në temperaturë mbi 850° celsius; heqja e mbetjeve dhe pastrimi i impiantit.
“Në rast të ndërprerjes së asgjësimit për shkak të problematikave/defekteve teknike të mundshme, pala e kontraktuar merr masa të menjëhershme për magazinimin e mbetjeve në mënyrë të sigurt. Në këtë rast mbahet një procesverbal, në prezencë të përfaqësuesve të institucioneve, ku identifikohen arsyet e ndërprerjes së procesit të asgjësimit, sasia e asgjësuar deri në momentin e ndërprerjes, si dhe sasia e mbetur, shuma e të cilave duhet të përputhet me atë të deklaruar në dokumentin e transferimit”, citohet në udhëzim.
Mënyra tjetër e asgjësimit parashikon edhe trajtimin në landfill apo groposjes së mbetjeve, që do të kryhet nga pala e kontraktuar për këtë qëllim, sipas procedurave të parashikuara në vendimin nr. 452, datë 11.7.2012, të Këshillit të Ministrave, “Për landfillet e mbetjeve”.
“Ky proces bëhet me kujdes për të siguruar që materialet e përgatitura të vendosen në fund të gropës; Pas vendosjes së tyre, gropa mbushet me dhé ose materiale të tjera të disponueshme, për të siguruar që materiali i groposur të jetë plotësisht i mbuluar dhe të mos rikuperohet më; Pas groposjes, përfaqësuesit e institucioneve dhe palëve që janë prezent duhet të dokumentojnë procesin me foto dhe video”, përshkruhet në udhëzim.
Pas miratimit të ligjit “Për kontrollin e kultivimit dhe përpunimit të bimës së kanabisit për qëllime mjekësore dhe industriale” nga institucionet janë miratuar një sërë aktesh nënligjore, si udhëzimi i përbashkët i Ministrisë së shëndetësisë dhe Financave dhe Ekonomisë “Për procedurën e pagimit të tarifës së licencës së prodhimit të cannabis-it për qëllime mjekësore dhe mënyrën e përdorimit të kësaj tarife”.
Udhëzimi përcaktonte se tarifa prej 100,000 lekë do të paguhet nga subjekti që kërkon të licencohet sipas faturës për arkëtim, referuar modelit të miratuar me parë.
Po ashtu në udhëzimin e miratuar më herët të Ministrisë së Bujqësisë “Për metodat e kontrollit të cilësisë, lidhur me përmbajtjen e kanabinoideve, si dhe të kontrollit fiziko-kimik dhe mikrobiologjik, për mënyrën e paketimit, formën dhe sasinë” përcaktonte se për analizimin metodat që do të ndiqen do të jenë në përputhje me kriteret e vendeve importuese. Ndërsa në paketimin e produktit ndalohen të reklamohen të dhëna që shkaktojnë keqinformim të konsumatorit, si dhe paketimi të jetë i sigurt për transportin./ Monitor
Foto ilustruese BERAT - Një konflikt mes dy vëllezërve, që ka degraduar në përdorimin e armëve të zjarrit ka alarmu...
Foto ilustruese BURREL - Dy vëllezër, efektivë policie, janë ndaluar pasi akuzohen se janë përfshirë në nj&eum...
SPAK TIRANË- Anëtarë të Gjykatës Kushtetuese janë vendosur nën përgjim nga Prokuroria e Posaçme Anti-Korrups...
Ambulanca KRUJË - Një punëtor ndërtimi i identifikuar si Ylli Xhaferri 45-vjeç, ka humbur jetën këtë të m&eu...
Personat nën hetim TIRANA- Prokuroria e Posaçme ka bërë bilancin e punës së saj përgjatë vitit 2024. SPAK tr...
Foto ilustruese TIRANË - Një incident është regjistruar pranë aeroportit të Rinasit gjatë natës. Një kamion i ...
Foto nga operacioni TIRANA- Një operacion operacioni ndërkombëtar i koduar “Alba Tibus” është finalizuar n&e...
Arrestimi GJIROKASTËS- Një 27-vjeçar i shpallur në kërkim dje nga Drejtoria Vendore e Policisë Tiranë, ë...
Arrestimi TIRANA- Prend Bala, 26-vjeç, dhe Gentian Basha (Seci), 37-vjeç, janë arrestuar në Tiranë. Mësohe...
Foto ilustruese TIRANË - Ditën e sotme vendi ynë do të ndikohet nga kushte të qëndrueshme atmosferike për shkak të ...
