Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Drejtoria e Përgjithshme e Shërbimit të Transportit Rrugor sqaron se risia e marrëveshjes është aksesi në kohë reale në sistem për të dhënat e mjeteve që disponojnë tatimpaguesit që kanë detyrime tatimore të papaguara.
TIRANË- Nëse jeni një biznes dhe keni një detyrim tatimor të papaguar dhe ndërkohë zotëroni një makinë, tatimet mund t’jua sekuestrojnë atë, si pjesë e procesit për mbledhjen me forcë të detyrimeve. Edhe nëse jeni individ dhe keni detyrime tatimore të pashlyera (psh tatimi shtesë që të dypëpunësuarit i shfaqet në sistem kur deklaron të ardhurat personale në datën 31 mars të çdo viti) apo tatim mbi të ardhurat nga qiraja etj, sërish tatimet do të mund t’ju bllokojnë makinën që keni në pronësi.
Edhe nëse doni të blini një makinë, duhet të tregojni kujdes dhe të verifikoni statusin tatimor të pronarit të mjetit përpara finalizimit të marrëveshjes. Një marrëveshje e re e nënshkruar mes Administratës Tatimore dhe Drejtorisë së Përgjithshme të Shërbimeve të Transportit Rrugor (DPSHTRR) do të mundësojë integrimin e sistemeve për kërkimin në kohë reale të të dhënave mbi mjetet në pronësi të tatimpaguesve, sipas një njoftimi zyrtar të tatimeve.
Ky zhvillim do t’i japë Administratës Tatimore akses të menjëhershëm në informacionin mbi mjetet e regjistruara, që do të mundësojë monitorimin e të dhënave në kohë reale, me qëllim mbledhjen e borxheve tatimore.
Drejtoria e Përgjithshme e Shërbimit të Transportit Rrugor sqaron se risia e marrëveshjes është aksesi në kohë reale në sistem për të dhënat e mjeteve që disponojnë tatimpaguesit që kanë detyrime tatimore të papaguara. Edhe para nënshkrimit të marrëveshjes administrata tatimore kishte të drejtën e vendosjes së titullit ekzekutiv për mjetet e debitorëve, por të dhënat mes dy institucioneve tatimeve dhe Drejtorisë së Shërbimit të Transportit Rrugor kryheshin nëpërmjet shkresave. Pra tatimet nëse një tatimpagues dispononte mjet, apo edhe për të dhënat e mjetit përfshirë markën apo vlerën dërgonin shkresë DPTSHRR, që më pas i kthehej përgjigje brenda 1 apo 2 javëve.
Në zbatim të legjislacionit në fuqi, Administrata Tatimore i bën thirrje të gjithë tatimpaguesve që të përmbushin në afat detyrimet e tyre tatimore, në të kundërt, do të ndërmerren masa sigurimi mbi mjetet në pronësi të tatimpaguesve debitorë.
“Administrata Tatimore ka përfunduar nënshkrimin e marrëveshjes me Drejtorinë e Përgjithshme të Shërbimeve të Transportit Rrugor, nga ku është zbatuar kërkimi i të dhënave mbi mjetet e tatimpaguesve në kohë reale në sistemin tatimor.
Të gjithë tatimpaguesit në zbatim të legjislacionit në fuqi duhet të përmbushin në afat të gjitha detyrimet tatimore, pasi në të kundërt Administrata Tatimore do të vendosë masa të sigurimit mbi mjetet dhe do të zbatojë të gjitha procedurat e mbledhjes me forcë”, thuhet në njoftim.
Po ashtu Administrata Tatimore u bën thirrje të gjithë qytetarëve dhe bizneseve që kryejnë transaksione shit-blerjeje për mjete të përdorura, të tregojnë kujdes dhe të verifikojnë statusin tatimor të pronarit të mjetit përpara finalizimit të marrëveshjes.
Çdo mjet që është në pronësi të një tatimpaguesi debitor (pra që ka detyrime të papaguara ndaj shtetit) mund të jetë subjekt i masave të sigurimit, si bllokim apo sekuestrim nga AT. Në raste të tilla sipas administratës tatimore transaksioni i shitjes mund të rezultojë i pavlefshëm.
“Kujdes! AT ju bën thirrje tatimpaguesve të përmbushin detyrimet tatimore në mënyrë vullnetare dhe të mos tjetërsojnë pasuritë e tyre për të shmangur këto detyrime!
Çdo subjekt që hyn në transaksione shit-blerje të mjeteve, duhet të sigurohet që mjetet objekt transaksioni nuk i përkasin tatimpaguesve debitorë. Çdo akt i nënshkruar në keqbesim ndërmjet palëve me qëllim shmangien e detyrimeve ndaj Administratës Tatimore do të sjellë pasoja ligjore për pavlefshmëri”, thuhet në njoftim./ Monitor
Ben Qimja TIRANË- Gjykata e Apelit në Tiranë ka vendosur të mos e pranojë ankimin e Arben Isufaj, i cili njihet ndryshe n&eu...
foto ilustruese TIRANË- Autoriteti Kombëtar i Ushqimit ka dalë me një komunikim lidhur me helmimin e disa fëmijëve në nj...
foto ilustruese TIRANË- Fondi Shqiptar i Zhvillimit ka hapur një tender më vlerë 5 milionë euro për të rindërtuar F...
pajtime fetahu, suel cela TIRANË- Gjykata e Posaçme ka rrëzuar kërkesën për liri të ish-gjyqtares, Pajtime Fetahu. Kjo...
fotot ilustruese MALIQ- 15-vjeçari i cili u plagos me thikë nga bashkëmoshatari pas një konflikti për motive të dob&eu...
foto ilustruese ITALI- Dy shqiptarë janë arrestuar në Perugia të Italisë pasi u kapën më lëndë narkotike n&eum...
Foto ilustruese TIRANË- Të dhënat zyrtar tregojnë se aksidentet rrugore pësuan një rënie në prill 2025 në rapo...
foto ilustruese BULQIZË- Një 40-vjeçar është plagosur ditën e sotme në Bulqizë, teksa po punonte në minier&e...
Papa Leoni XIV dhe Imzot Gjergj Meta VATIKAN- Ipeshkvi i Dioqezës së Rrëshenit, Imzot Gjergj Meta përmes një postimi në ...
fotot ilustruese GJERMANI- Media gjermane ZDF, ka publikuar së fundmi një dokumentar për mafian shqiptare të kokainës. Në dok...
