"Prona u është grabitur"/ Rama takohet me banorët e Zvërnecit: Do merrni paratë nëse gjykata do ju njohë si pronarë
“Zvërneci” në gjykatë/ Rama: Paratë e shitjes janë bllokuar, nëse fitoni ato ju takojnë juve 5 ...
“Zvërneci” në gjykatë/ Rama: Paratë e shitjes janë bllokuar, nëse fitoni ato ju takojnë juve 5 ...
FOTO/ Flamuj dhe flakadanë! Bulevardi “ndizet” kuq e zi, qytetarët kërkojnë largimin e Ramës 5 Qershor, 1...
Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Bujar Nishani shërbeu si president i Shqipërisë nga viti 2012 deri në vitin 2017. Ambasada amerikane në Tiranë shprehu pikëllimin për ndarjen nga jeta të ish presidentit Nishani.
TIRANË- Ish-presidenti i Shqipërisë, Bujar Nishani, ndërroi jetë të shtunën në Gjermani, ku po trajtohej për shkak të gjendjes së rënduar shëndetësore. Ish presidenti Nishani vuante prej kohësh nga një sëmundje auto-imune dhe gjendja e tij u rëndua nga pasojat e COVID-19.
Bujar Nishani shërbeu si president i Shqipërisë nga viti 2012 deri në vitin 2017.
I lindur në Durrës më 29 shtator të vitit 1966, ai mbaroi studimet në Akademinë Ushtarake “Skënderbeu” në Tiranë, në vitin 1988. Në vitin 1996 përfundoi studimet pasuniversitare në Kaliforni, ndërsa në vitin 2004, përfundoi studimet për Jurisprudencë në Universitetin e Tiranës. Një vit më pas mori titullin “Master”, në Studimet Evropiane në këtë universitet.
Zyrtar i lartë i Partisë Demokratike ai shërbeu si ministër i Mbrojtjes, ministër i Drejtësisë dhe ministër i Brendshëm para se të zgjidhej president. Ish-presidenti Nishani la pas vetes gruan dhe dy fëmijë. Presidenti i Shqipërisë Ilir Meta, u shpreh i trishtuar me lajmin për vdekjen e ish presidentit Nishani.
“Presidenti Nishani do të kujtohet gjithnjë si një personalitet me vlera të rralla të një udhëheqësi me integritet dhe vizion. Kontributi i tij për Shqipërinë dhe demokracinë do të kujtohet përherë me respekt. I paharruar kujtimi i President Nishanit! Të prehet në paqen e merituar!”, shkroi presidenti Meta.
Ambasada amerikane në Tiranë shprehu pikëllimin për ndarjen nga jeta të ish presidentit Nishani.
“Kontributi i tij për Partinë Demokratike, zhvillimin e Shqipërisë dhe marrëdhëniet SHBA-Shqipëri gjatë mandateve të tij si President dhe Ministër do të mbahen mend nga bashkatdhetarët, bashkëpunëtorët dhe partnerët e shumtë”, thuhet në një postim të ambasadës amerikane në rrjetet sociale.
Kosova kujton ish presidentin Nishani
Udhëheqës institucionesh e partish politike në Kosovë ngushëlluan familjen e ish presidentit Nishani dhe institucionet e Shqipërisë.
“Presidenti Bujar Nishani ishte model i atdhetarit të pashoq, i cili përfaqësoi Shqipërinë me dinjitet të lartë dhe përkrahu Kosovën parreshtur, deri në frymën e fundit. Ai një jetë të tërë ia kushtoi Shqipërisë dhe shqiptarëve, duke qenë shembull i politikanit racional e me integritet”, shkroi presidentja e Kosovës, Vjosa Osmani.
Kryeministri Albin Kurti u shpreh i pikëlluar me lajmin për ndarjen nga jeta të ish presidentit Nishani.
“Do të kujtohet për kontributin e tij në karrierën profesionale si ushtarak e pedagog, deputet e ministër. Gjatë mandatit të tij si President i Republikës së Shqipërisë, me maturi e urtësi politike punoi për shtetin modern shqiptar. Me vetëdije të lartë kombëtare u angazhua në intensifikimin e marrëdhënieve vëllazërore mes Shqipërisë e Kosovës, dha mbështetje të pakursyer për Republikën e Kosovës dhe bashkatdhetarët tonë kudo. I jam mirënjohës për dhënien e shtetësisë shqiptare gjatë mandatit të tij”, shkroi mes tjerash kryeministri Kurti.
Kryetari i Partisë Demokratike të Kosovës, Memli Krasniqi e cilësoi ish presidentin Nishani “ndër burrështetasit e mëdhenj të Shqipërisë”.
“Punëtor i palodhshëm, njeri i edukuar, bashkëpunëtor besnik e patriot. Kështu do ta kujtojmë përherë figurën dhe personalitetin e shquar të Bujar Nishanit, që tërë veprimtarinë e tij politike ia kushtoi shtetit të Shqipërisë dhe forcimit të marrëdhënieve ndërshqiptare”, shkroi ai.
“Do të kujtohet përherë si udhëheqës me integritet dhe kontribuues i madh për demokracinë në Shqipëri. U prehtë në paqe!”, shkroi kryetari i Aleancës për Ardhmërinë e Kosovës, Ramush Haradinaj.
Marrë nga VOA
Rrok Frroku dhe shpëtimi SHKODËR- Nënkomisari Rrok Frroku, 54 vjeç, ndërmori një operacion në zonat e thella të D...
Fqinja e familje Kola FUSHË ARRËZ- Fqinjët e familjes Kola, në të cilën humbën jetën këtë të premte...
Helikopteri KFOR TIRANË- Ambasada e Shteteve të Bashkuara të Amerikës në Tiranë bën me dije se helikopteri i KFOR-it t&e...
Fqinji Gjon Zeka TIRANË- Një ngjarje tragjike u regjistrua ditën e sotme në Fushë Arrëz, ku nëna bashkë me dy vajz...
Arben Kraja TIRANË- Kryeprokurori i SPAK, Arben Kraja ka kërkuar me urgjencë mbledhjen e Këshillit të Lartë të P...
Shtëpia ku ndërruan jetë nëna me dy vajzat FUSHË ARRËZ- Ngjarja ka ndodhur aksidentalisht dhe pasi ka rënë në ...
Ilir Malindi TIRANË- Ilir Malindi, avokati i tre të akuzuarve dhe dënuarve për transportimin e 137 kilogramëve kokainë nga Ek...
Fushë Arrëz, vendi ku u shuan nëna me dy vajzat FUSHË ARRËZ- Në familjen Kola në Fushë Arrëz të Shkodr&...
Fushë Arrëz, shtëpia ku u shuan nëna me dy vajzat FUSHË ARRËZ- Policia ka publikuar njoftimin zyrtar në lidhje me tragje...
Fushë Arrëz, shtëpia ku u shua nëna me dy vajzat FUSHË ARRËZ- Tragjedia me tre viktima e një të plagosur nisi dhe p...
