Dita e 53-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
“Nuk tërhiqemi"/ Sot dita e 53-të e revoltës kundër qeverisë, qytetarët të vendosur deri në...
Aksidenti i rëndë te rrotullimi i TEG-ut, humb jetën 1 person, plagoset një tjetër 22 Korrik, 16:59 A...
"Duhet të bëjmë gjithçka për suksesin e saj"/ Berisha: Protesta po firmos fundin e sundimtarit më të keq q&...
Stuhia 'mbërtheu' vendin, Ministria e Infrastrukturës dhe Energjisë: Mbi 1000 punonjës në terren, situata drejt normali...
• Ditën e sotme po zhvillohet protesta e 53-të e qytetarëve shqiptarë, të cilët kanë kërkuar dorëheqjen e kryeministrit Edi Rama. • Ata do të mblidhen fillimisht në sheshin “Skënderbej” dhe më pas të vijojnë marshimin drejt Kryeministrisë, ku dhe do të zhvillojnë fjalimet e tyre. • Protesta e cila nisi si një reagim i drejtpërdrejtë ndaj situatës së ndodhur në Zvërnec, përfundoi në kërkesën për dorëheqjen e kryeministrit Edi Rama. • Me pankarta në duar dhe flamuj kuqezi, protestuesit kanë bërë thirrje për ndryshim. • Protesta ka bërë bashkë fëmijë, të moshuar, studentë, profesionistë, aktivistë dhe turistë. • Qytetarët kanë kërkuar plotësimin e pesë kërkesave të cilat përfshijnë dorëheqjen e panegociushme të kryeministrit Rama, krijimin e një qeverie teknike dhe ndryshime kushtetuese. • Gjatë marshimit të djeshëm, protestuesit ka brohoritur një zëri: “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi".
6 artikuj për këtë temë.
TIRANË- Në ditën e 53-të të protestës kundër qeverisë, qytetarët kanë përcjellë mesazhet e tyre përmes pankartave.
“53 ditë. Protesta vazhdon sepse problemet vazhdojnë”, “53 ditë. Lista të hapura. Qytetarë të lirë”, shkruhet në pankartat që mbajnë në duar qytetarët./Dosja.al
TIRANA- Një pensionist ka deklaruar ditën e sotme se detyrohet të punojë në të zezë, pasi merr 10 mijë lekë pension. Gjatë një prononcimi për mediat, ai u bëri thirrje naftëtarëve dhe minatorëve të vijnë në protestë.
Sipas tij, nëse deputetët e opozitës kanë një fije burrërie, bashkë më kreun e PD-së, Sali Berisha duhet të ngujohen në Parlament.
“Kam ardhur për t’ju bërë thirrje pensionistëve që janë me 10 mijë lekë të vjetër, metalurgëve, minatorëve të jenë këtu në shesh dhe të mos rrinë në kafe.
Unë që kam punuar në uzinën e Mjeksit ishte një deputet në atë kohë, merrte vetëm orët jashtë orarit, tani marrin subvencionime. Unë atëherë merrjja 9000 lekë, tani duhet të merrja 900 mijë. Për momentin punoj në të zezë, por dhe këto m’i merr Rama.
Ndaj u bëj thirrje naftëtarëve minatorëve të vijnë. Patronazhistët marrin 50,000 lekë edhe policët. Nëse deputetët e opozitës kanë një fije burrërie, përfaqësojnë 500 mijë vetë atje të jenë Saliu bashkë me ata të ngujohen në Parlament”, tha ai./Dosja.al
TIRANË- Protestuesit e mbledhur në sheshin 'Skënderbej' janë nisur drejt godinës së Kryeministrisë, ku do të zhvillohet tubimi i radhës antiqeveritar.
Duke marshuar përgjatë bulevardit 'Dëshmorët e Kombit', ata kanë përsëritur thirrjet për dorëheqjen e kryeministrit Edi Rama. Protesta pritet të vijojë para Kryeministrisë me fjalime dhe mesazhe kundër qeverisë./Dosja.al
TIRANA- Një qytetar ka deklaruar ditën e sotme se protestat nuk do të ndalen deri kur kjo qeveri të rrëzohet. Gjatë një prononcimi për mediat, ai u shpreh se ka shumë arsye që shqiptarët nesër në 08:00 të dalin para parlamentit.
Ai i bëri thirrje të gjithë sistemit arsimor, të bashkohen në protestë. Protestuesi tha se të gjithë mjekët duhet të dalin në protestë, pasi në spitale nuk ka ilaçe.
“Nuk do ndalojmë deri kur kjo qeveri e krimit të rrëzohet. I bëj thirrje të gjitha shtresave të dalin në shesh. Si e majta dhe e djathta kanë premtuar se do të sjellin ujë të pijshëm, prej 36 vitesh. Të gjithë ata që kanë depozita uji në taracat e tyre të dalin në shesh. Të gjithë mjekët duhet të dalin në protestë. Në spitale nuk ka ilaçe. I bëj thirrje të gjithë sistemit arsimor, të bashkohen në protestë…Ka shumë arsye që shqiptarët nesër në 08:00 të dalin para parlamentit.
Jemi vendi që nuk kemi shtet, nuk kemi opozita dhe nuk kemi sindikata. Ku mbrohen këta njerëz… Të majtë e të djathtë duhet të dalin në protestë masivisht… Të gjithë bizneset të vogla e të mëdha. Administrata, ky është dallimi mes të keqes dhe të mirës, i lutemi Diasporës, të gjithë shqiptarëve kudo ku janë…Një thirrje të madhe Kim Mehmetit, je i mirësepritur nesër të ndezësh një triumf që kjo qeveri e krimit të bjerë një herë e përgjithmonë”, tha ai./Dosja.al
TIRANE- Protesta antiqeveritare ka hyrë këtë të mërkurë në ditën e saj të 53-të, me pjesëmarrjen e qytetarëve të ardhur nga qytete të ndryshme të vendit dhe nga diaspora. Gjatë tubimeve, protestuesit kanë kërkuar ndryshime politike dhe kanë ngritur shqetësime për çështje sociale, ekonomike dhe institucionale.
Edhe sot pjesëmarrësit janë mbledhur në sheshin 'Skënderbej', nga ku më pas do të marshojnë drejt bulevardit 'Dëshmorët e Kombit', ku do të vijojnë protestën me fjalime dhe thirrje kundër qeverisë. Në qendër të kërkesave mbetet dorëheqja e kryeministrit Edi Rama, si dhe hetimi i tij nga Prokuroria e Posaçme (SPAK) për çështje që protestuesit i lidhin me korrupsionin./Dosja.al
TIRANË- Sot mbahet protesta e 53-të radhazi kundër qeverisë së Edi Ramës. Qytetarët shprehen se janë të vendosur që do protestojnë deri në largimin e kryeministrit nga pushteti. Ashtu si ditët e mëparshme, protesta do të nisë në orën 19:00 në sheshin “Skënderbej”, ku më pas do vijojë marshimi drejt Kryeministrisë.
Krahas kundërshtisë për projektin që prek zonën e mbrojtur të Zvërnecit, protestuesit kanë artikuluar një sërë problematikash që lidhen me korrupsionin, keqqeverisjen, si dhe probleme të tjera ekonomiko-sociale.
Gjatë protestave të zhvilluara deri tani nuk kanë munguar thirrjet kundër qeverisë dhe klasës politike, ndërsa protestuesit kanë kërkuar ndryshime të thella politike dhe institucionale. Ndërsa të enjten pritet një tjetër tubim para Parlamentit, në ditën kur zhvillohet seanca e fundit plenare e këtij sesioni parlamentar.
Gjatë tubimeve qytetarët kanë brohoritur një zëri “Edi Rama, o tradhtar, me Shqipërinë mos bëj Pazar”, “Rama, jep dorëheqjen”, “Pa rini nuk ka Shqipëri”, “Poshtë patronazhistët”, “Shqipëria e shqiptarëve, vdekje tradhtarëve”, “Shqipëria kërkon revolucion”, “O Erion, o legen, prite Ramën se po vjen” dhe "Ju erdhi fundi"./Dosja.al
