Dita e 26-të e protestës! Qytetarët vijojnë revoltën e tyre: Protestojmë kundër një anti-shqiptari që vetëm ka vjedhur
"Kanë 3 ditë që nuk po gjejnë vend ku të futen"/ I riu në shesh: I treguam botës se jemi edhe mikpritës,...
"Kanë 3 ditë që nuk po gjejnë vend ku të futen"/ I riu në shesh: I treguam botës se jemi edhe mikpritës,...
Qeveria e shpalli “non-grata”/ Igballe Huduti i përgjigjet Ramës: Dal në protestë kundër padrejtë...
“S’e keni kurajon e Koçekut"/ Blushi- socialistëve në Konferencën e Kryetarëve: Dëgjoni zërin e...
Helmimi te Akademia e Sigurisë në Tiranë/ Policia: 60 kursantë morën mjekim në spital, AKU ka marrë mostrat ...
Në një deklaratë për mediat, 'Sori-Al' ka deklaruar se studentët aty marrin ushqime nga jashtë si dhe brenda institucionit mungojnë kushtet bazë të higjenës.
TIRANË- Kompania e kateringut 'Sori-Al' ka hequr përgjegjësinë nga vetja në lidhje me helmimin e studentëve të Akademisë së Sigurisë. Në një deklaratë për mediat, 'Sori-Al' ka deklaruar se përgatit dhe shpërndan çdo ditë mbi 1.000 racione ushqimore.
Kompania deklaron se gjatë monitorimeve të kryera ka konstatuar raste të futjes dhe konsumimit në ambientet e Akademisë së produkteve ushqimore të porositura nga jashtë. Sipas deklaratës, gjatë ofrimit të shërbimit janë evidentuar mangësi në disa kushte higjieno-sanitare, si mungesa e mundësisë për larjen e duarve me ujë të ngrohtë dhe detergjent para vakteve ushqimore.
Deklarata e plotë:
Në vijim të deklaratave tona të mëparshme dhe duke mbetur plotësisht të angazhuar për transparencë dhe bashkëpunim me institucionet, Shoqëria “SORI-AL” Sh.p.k. ndjen detyrimin të reagojë lidhur me publikimet në portale të bëra gjatë ditës së sotme për një ngjarje të re të raportuar pranë Akademisë së Sigurisë. Që nga momenti i marrjes dijeni për shqetësimet shëndetësore të raportuara, përfaqësuesit e shoqërisë kanë ndjekur nga afër situatën, duke qëndruar në kontakt me autoritetet përgjegjëse dhe duke u interesuar vazhdimisht për gjendjen shëndetësore të studentëve, të cilët, sipas informacionit të marr, janë në gjendje të mirë shëndetësore dhe janë rikthyer të gjithë në ambientet e Akademisë së Sigurisë. Kjo është hera e dytë që raportohet një episod i tillë në një periudhë shumë të shkurtër kohore. Pikërisht për këtë arsye, edhe pas ngjarjes së muajit maj, Shoqëria “SORI-AL” Sh.p.k mori masa të shtuara kontrolli dhe monitorimi të proçesit të prodhimit, transportit, shpërndarjes dhe konsumimit të ushqimit, duke forcuar autokontrollin dhe mbikëqyrjen në çdo hallkë të zinxhirit ushqimor.
Në kuadër të këtij monitorimi janë konstatuar dhe dokumentuar raste të futjes dhe konsumimit në ambientet e Akademisë të produkteve ushqimore të porositura nga jashtë sistemit të furnizimit të kontraktuar. Ky është një element faktik, i dokumentuar nga ana jonë, i cili, sipas vlerësimit tonë, duhet të jetë pjesë e hetimit objektiv të institucioneve kompetente, pasi çdo ushqim i konsumuar jashtë zinxhirit të kontrolluar të furnizimit mund të përbëjë një faktor që duhet të verifikohet. Shoqëria “SORI-AL” përgatit dhe shpërndan çdo ditë mbi 1.000 racione ushqimore, duke operuar prej më shumë se 23 vitesh në sektorin e kateringut për entet publike. Gjatë gjithë kësaj periudhe aktiviteti, kompania ka ndërtuar reputacionin e saj mbi respektimin e standardeve të sigurisë ushqimore dhe nuk është përballur më parë me episode të ngjashme të përsëritura në një interval kaq të shkurtër kohor. Ky fakt e bën edhe më të domosdoshme që çdo rrethanë të analizohet në mënyrë të plotë, profesionale dhe pa paragjykime.
Në këtë kuadër, i bëjmë thirrje institucioneve përgjegjëse të Akademisë së Sigurisë që, krahas hetimit të kësaj ngjarjeje, të forcojnë monitorimin e respektimit të rregullave për konsumimin e ushqimit brenda institucionit, duke garantuar që të mos futen dhe konsumohen produkte ushqimore nga burime të pakontrolluara. Po ashtu, nga monitorimet dhe verifikimet e kryera nga stafi ynë gjatë ofrimit të shërbimit është konstatuar se procesi i konsumimit të ushqimit zhvillohet në kushte ku mungojnë disa elementë bazë të kushteve higjieno-sanitare, si mundësia për larjen e duarve me ujë të ngrohtë dhe detergjent përpara konsumimit të vakteve. Gjithashtu, është vërejtur se në shumë raste studentët paraqiten për konsumimin e ushqimit menjëherë pas përfundimit të stërvitjes. Këto rrethana nuk paraqiten për të shmangur apo transferuar përgjegjësi, por për të evidentuar se siguria ushqimore është rezultat i funksionimit të të gjithë zinxhirit të sigurisë, duke përfshirë jo vetëm prodhimin dhe shpërndarjen e ushqimit, por edhe mënyrën dhe kushtet në të cilat ai ruhet dhe konsumohet. Për këtë arsye, vlerësojmë se edhe këta faktorë duhet të jenë pjesë e hetimit dhe analizës objektive të institucioneve kompetente.
Shoqëria “SORI-AL” mbetet e gatshme të bashkëpunojë me të gjitha institucionet kompetente dhe kërkon që edhe kjo ngjarje të hetohet mbi bazën e provave shkencore, epidemiologjike dhe laboratorike, pa nxjerrë përfundime të parakohshme dhe pa dëmtuar padrejtësisht reputacionin e një kompanie që prej më shumë se dy dekadash operon në këtë sektor. Shoqëria “SORI-AL” mbetet në pritje të rezultateve të analizave laboratorike të kampioneve të marra nga Autoriteti Kombëtar i Ushqimit, si dhe të analizave të kryera, me iniciativën e saj dhe në mënyrë të pavarur, pranë një laboratori tjetër të akredituar, në kuadër të sistemit të autokontrollit. Shoqëria “SORI-AL” sh.p.k
60 kursantë të Akademisë së Sigurisë, mbrëmjen e djeshme kanë pasur simptoma të vjella, diarre, temperaturë dhe dhimbje koke, ku të ndarë në grupe kanë marrë ndihmë mjekësore në spital. Kompania e kateringut që kujdeset për ushqimin e studentëve është 'Sori Al' e Alma Tafanit, e cila është e njohur për skandale të tilla edhe më parë. Vetëm 50 ditë më parë, më 6 Maj, po të njejtët studentë janë helmuar nga ushqimi i servirur nga Sori Al. Më 6 Maj u helmuan në total 56 studentë, të cilët shfaqën probleme pas konsumimit të ushqimit nga kjo kompani kateringu. Në atë kohë ata kishin konsumuar sallatë perime të ziera, gjellë patate / tavë me presh, makarona / pilaf, mish, biskota, banane dhe bukë./Dosja.al
TIRANË- 50 ditë. Vetëm kaq mjaftuan që studentët e Akademisë së Policisë që helmohen sërish nga ushqimi i ka...
TIRANË- Komisioneri për të Drejtën e Informimit dhe Mbrojtjen e të Dhënave Personale ka gjobitur kompaninë “Agi ...
TIRANË- Policia ka dhënë detaje lidhur me skandalin e përsëritur në Akademinë e sigurisë, ku dhjetëra student&eum...
foto ilustruese TIRANË- Detaje të reja janë zbardhur lidhur me ngjarjen e rëndë të ndodhur mbrëmjen e kaluar në fsh...
foto ilustruese TIRANË- Detaje rë reja janë zbardhur nga skandali i ndodhur në Akademinë e Sigurisë, ku rreth 30 st...
Një nga grupet e mashtrimit on-line, përmes rrjetit të Call-Centërave në Tiranë, nuk ka mundur të lirohet nga burgu në...
Foto ilustruese KAVAJË- Detaje të reja janë zbardhur në lidhje me ngjarjen e rëndë të ndodhur mbrëmjen e djeshme n&...
TIRANË- Kur Ivanka Trump u hodh disa vite më parë nga jahti i një miku të saj në ujërat e ngrohta të Detit Adriat...
foto ilustruese TIRANË- Skandalet në Akademinë e Sigurisë me sa duket nuk kanë fund, pasi rreth 30 kursantë të Akad...
foto ilustruese TIRANË- Një ngjarje e rëndë në Sukth, ku një 25-vjeçar ka mbetur i plagosur me mjet prerës p...
