Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Vetëm 10 ditë pas shpalljes së tenderit ABS e ankimoi atë në KPP duke kundërshtuar kriteret e vendosura nga AKSHI. Madje jo vetëm kaq, por në ankesë Gerond Meçe e akuzoi drejtëpëdrejtë AKSHI-n për korrupsion dhe ngushtim të qëllimshëm konkurrence.
TIRANË- Në ditët e fundit të vitit të kaluar, saktësisht në 27 dhjetor, Agjencia Kombëtare e Shoqërisë së Informacionit shpalli një tender të majmë me vlerë 7.7 milionë euro për përmirësimin e sistemit të Thesarit të Shtetit. Pasi u ankimua disa herë nga kompania Advanced Business Solution e Gerond e Meçes për kriteret që kishte vendosur AKSHI, më në fund tenderi u zhvillua në maj të këtij viti.
Në garë u paraqitën 2 oferta, ku më e ulëta ishte ajo e bashkimit të kompanive Advanced Business Solution dhe Datalog me vlerë 5.1 milionë euro ose plot 2.5 milionë euro më poshtë se fondi limit. Megjithatë në fillim të qershorit, AKSHI shpalli vlerësimin e tenderit. Oferta e ABS dhe Datalog u skualifikua me justifikimin e përhershëm të mosplotësimit të kritereve.
AKSHI shpalli fitues të tenderit ofertën e dytë, atë të bashkimit të kompanive Communication Progress dhe Horizon e Ermal Beqirit, e cila ishte 6.8 milionë euro ose plot 1.7 milionë euro më e shtrenjtë se oferta e dyshes ABS dhe Datalog.
Menjëherë sapo AKSHI shpalli fituesin e tenderit, kompania ABS e Meçes e ankimoi atë në Komisionin e Prokurimit Publik duke kërkuar anulimin e skualifikimit si dhe shpalljen fituese të ofertë së saj.
Madje jo vetëm kaq, por në ankesë ABS denonconte në Komisionin e Prokurimit se dy kompanitë e shpallura fituese nga AKSHI nuk përmbushnin kriteret e tenderit duke kërkuar madje dhe hetim të posaçëm për këtë çështje. Përgjatë kësaj kohe në KPP është zhvilluar një betejë e fortë, madje edhe seancë e posaçme dëgjimore mes palëve.
Heqja dore e ABS nga ankesa per tenderin 7.7 milione euro te Thesarit
Por teksa çështja ishte ende në shqyrtim nga KPP, dy ditë më parë, në mënyrë të beftë, ABS ka dorëzuar pranë Komisionit një letër ku tërhiqet nga ankesa për tenderin 7.7 milionë euro duke pranuar madje të paguajë edhe 40 mijë euro si tarifë ankimimi.
Gerond Meçe pështyn veten
Ai i Sistemit të Thesarit nuk është tenderi i vetëm, për të cilin kompania ABS ka tërhequr ankesën. Sipas dokumentave zyrtare, dy ditë më parë, ABS ka tërhequr dorë nga ankesat e të gjithë tenderave në proces ankimi. Madje duke arritur deri në pikën që të pështyjë mbi veten, siç është rasti flagrant i tenderit për sistemin LIMS të sigurisë ushqimore dhe veterinarisë.
Ky tender u shpall nga AKSHI një muaj më parë, saktësisht në 14 korrik. Vetëm 10 ditë pas shpalljes së tenderit ABS e ankimoi atë në KPP duke kundërshtuar kriteret e vendosura nga AKSHI. Madje jo vetëm kaq, por në ankesë Gerond Meçe e akuzoi drejtëpëdrejtë AKSHI-n për korrupsion dhe ngushtim të qëllimshëm konkurrence.
Akuza e forte e ABS-se per AKSHI-n ne KPP
"Për fat të keq, historia e informacionit të klasifikuar apo zonave të sigurisë apo kërkesat për CSI, CSP dhe OSI janë një fenomen që AKSHI e ka përqafuar fort dhe e përdor sa herë të mundet me qëllim ngushtimin sa më shumë të konkurrencës në cdo procedurë prokurimi," denonconte ABS në ankesën e dorëzuar në KPP vetëm tre javë më parë.
Por teksa edhe kjo çështje ishte në objekt shqyrtimi, befas Gerond Meçe dy ditë më parë, njoftoi KPP-në për tërheqjen nga ankesa, jo vetëm për këtë tender, por edhe për tre të tjerë.
Erë pazari i ndyrë
Deri dy vjet më parë ABS ishte kontraktori kryesor i AKSHI-t duke marrë miliarda lekë tendera me gara të kompromentuara dhe madje edhe me procedura sekrete. Por në mënyrë të papritur, në gjysmën e dytë të vitit 2023 kompanisë iu heq çdo akses nga fondet publike. Vendin e ABS në tenderat e AKSHI-t e mori Soft & Solution e Ermal Beqirit.
Ermal Beqiri, kontraktori kryesor i AKSHI
Ky i fundit praktikisht ka komanduar çdo tender të AKSHI-t gjatë dy viteve të fundit duke çuar në një përplasje të fortë mes tij dhe Gerond Meçes. Në këto dy vjet, ABS e Gerond Meçes ka ankimuar thuajse çdo tender të zhvilluar nga AKSHI, të cilat fitoheshin gjithmonë nga kompanitë nën kontrollin e Ermal Beqirit. Situata u bë aq kritike saqë e çoi AKSHI-n në bllolkim të plotë dhe këtë vit Agjencia nuk ka arritur të mbylle dot asnjë procedurë prokurimi.
Linda Karçanaj, Drejtoreshe e AKSHI
Por me zhvillimet e dy ditëve më parë situata është zhbllokuar. Gerond Meçe është tërhequr nga çdo procedurë ankimimi dhe pyetja e madhe është çfarë e shtyu atë të pështynte mbi veten? Një pazar skutash për të ndarë llokmën e madhe të tenderave të IT-së njësoj siç ndajnë trafikantët e drogës territoret e tyre apo një urdhër nga sipër? Gerond Meçe është çelësi./ Kapitali.al
Pamje nga vendi i ngjarjes DELVINË- Delvina pak ditë më parë ishte në një gjendje të jashtëzakonshme dhe alarmant...
Aksidenti ELBASAN- Një aksident është regjistruar pasditen e sotme në aksin Elbasan-Cërrik. Mësohet se aksidenti ka...
Ajet Alibehaj TIRANË- 31-vjeçari, Ajet Alibehaj po përballet me një sëmundje të rëndë. Përveç së...
Foto ANGLI- Autoritetet britanike kanë vënë në pranga dy persona në lidhje me vrasjen e një personi në Gravesend. Më...
Stafa TIRANË- Gazetari Osman Stafa përmes një postimi në "Facebook" ka bërë me dije se spitalin Onkologjik prej 33 ditës...
Foto KOSOVË- Vitin e kaluar, mbi gjysma e qytetarëve të Kosovës u tha se besojnë që jeta e tyre po ecën shumë mir&e...
Foto ITALI- Një 32-vjeçar shqiptar është vënë në pranga nga autoritetet në Itali. Mësohet se ai ësht&eu...
Arma LAÇ- Një konflikt mes 5 personash është regjistruar sot në Laç. Mësohet se 5 persona janë konfliktuar rret...
foto ilustruese TIRANË- Ministria e Mbrojtjes ka reaguar lidhur me situatën e zjarreve në vend. Sipas njoftimit të Ministrisë s&eu...
foto ilustruese KUKËS- Një fluks i madh automjetesh është bërë ditën e sotme nga pika kufitare e Morinit deri te t...
