Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Policia zbuloi një rrjet kamerash të ngritura dhe të përdorura nga bandat e dyshuara se ishin përfshirë në një sulm me bombë të profilit të lartë në shtëpinë e një shefi të policisë rajonale.
SHBA- Portali i njohur kanadezo-amerikan, VICE, i ka kushtuar një artikull bandave shqiptare që kontrollojnë vendin përmes një rrjeti kamerash të paligjshme. Ata kanë komentuar shpërthimet me tritol në banesat e policëve dhe kamerat nëpër rrugë. Vice thekson se kamerat përdoreshin nga distanca për të monitoruar lëvizjet e policisë, operativëve të bandave dhe grupeve rivale, si dhe për operacionet policore.
Portali shton se mafia shqiptare ka mundur të kontrollojë pjesën më të madhe të tregtisë së kanabisit dhe heroinës në Europë dhe luan një rol të rëndësishëm në trafikun e kokainës nga Amerika e Jugut në Europë dhe shitjen e saj në Mbretërinë e Bashkuar.
'Një situatë që konsiderohet si një pengesë e mundshme për aspiratat e gjata të vendit për t’u anëtarësuar në BE.'- thekson media.
Nga Mitchell Prothero, VICE
Një fushatë bombash, e cila synonte zyrtarët e policisë në një qytet verior të Shqipërisë, çoi në zbulimin e qindra kamerave ÇTV të montuara ilegalisht, të cilat qeveria pretendon se operohen nga klanet mafioze vendase.
Policia zbuloi një rrjet kamerash të ngritura dhe të përdorura nga bandat e dyshuara se ishin përfshirë në një sulm me bombë të profilit të lartë në shtëpinë e një shefi të policisë rajonale. Lënda plasëse shpërtheu jashtë banesës së Pëllumb Shpatit, shefit të policisë në qytetin veriperëndimor të Shkodrës, në orët e para të mëngjesit të 13 janarit. Një grup i posaçëm hetimor u ngrit për të gjetur se kush e orkestroi sulmin, megjithëse ende nuk është bërë asnjë arrestim.
Policia gjeti 59 kamera ÇTV vetëm në Shkodër. Kjo bëri që autoritetet në të gjithë vendin të kapin më shumë se 500 kamera. Shumica e tyre ishin të lidhura me celularë dhe u gjetën në Tiranë, kryeqytetin shqiptar, sipas policisë kombëtare.
Kamerat përdoreshin nga distanca për të monitoruar lëvizjet e policisë, operativëve të bandave dhe grupeve rivale, si dhe për operacionet policore.
“Policia çmontoi kamerat e vendosura në shtylla elektrike, në rrugë, për të mbledhur informacione për qëllime kriminale,” tha policia shqiptare në një deklaratë të martën për Financial Times. “Kamerat e vendosura nga persona apo grupe kriminale kishin për qëllim edhe marrjen e informacioneve për lëvizjet e policisë”.
Ngritja e një rrjeti të mbikëqyrjes rrugore përmes kamerave ÇTV është një taktikë që është përdorur nga komuniteti i rëndësishëm i krimit të organizuar në Shqipëri për të monitoruar forcat e ligjit dhe për të siguruar zonat e tyre të kontrollit për disa vite.
“Krimi i organizuar në Shqipëri ka arritur nivele të larta sofistikimi dhe kamuflimi,” tha për VICE, Rudina Hajdari, kryetare e Komitetit të Integrimit në BE dhe ish-deputete. “Ajo që u bë publike me sistemin e kamerave të përdorura nga gangsterët, ka ekzistuar për një kohë të gjatë, por policia ka mbyllur sytë sepse shumica e grupeve kriminale kanë lidhje të ngushta me qeverinë... përmes pastrimit të parave në ndërtim apo formave të ndryshme të investimit,’ thotë Hajdari.
Rasti ekspozon më tej kontrollin që grupet e krimit të organizuar kanë mbi vendin e vogël. Handari tha se marrëdhënia mes zyrtarëve qeveritarë dhe grupeve të krimit të organizuar kërcënon sistemin politik demokratik në zhvillim të vendit ballkanik për shkak të kërcënimeve dhe frikësimeve në rritje ndaj kritikëve.
“Kamerat janë vetëm një aspekt, por kontrolli që krimi i organizuar ka mbi procesin politik sot po kërcënon demokracinë tonë të brishtë,” tha Hajdari. “Organizata kriminale ndihmojnë në proceset zgjedhore, financojnë fushatat politike,” tha ajo, si dhe kërcënojnë figurat e opozitës në emër të zyrtarëve të korruptuar dhe patronëve të tyre mafiozë.
Mafia shqiptare kontrollon pjesën më të madhe të tregtisë së kanabisit dhe heroinës në Europë, sipas raporteve të BE, si dhe luan një rol të rëndësishëm në trafikun e kokainës nga Amerika e Jugut në Europë dhe shitjen e saj në Mbretërinë e Bashkuar. Zakonisht e organizuar rreth klaneve dhe grupeve familjare, ato e lidhin vendin me një diasporë të madhe shqiptare në të gjithë Europën Perëndimore, një situatë që konsiderohet si një pengesë e mundshme për aspiratat e gjata të vendit për t’u anëtarësuar në BE.
Pas kapjes së kamerave, kryeministri shqiptar Edi Rama tha: “Fakti që policia veproi për këtë çështje, problem prej dekadash, do të thotë se qeveria është e prirur dhe e fokusuar në luftën ndaj krimit të organizuar”.
Enkeleda Osmani (Xhengo) DURRËS-Prokurorja e Durrësit Enkeleda Osmani (Xhengo) është konfirmuar në detyrë nga Kolegji i Posa&...
Policia TIRANË- Dy zyrtarë të Policisë rrugore në Tiranë janë vënë në prangat e policisë pas nj...
Svetlana Timofeeva Igor Krasnov, prokurori i Përgjithshëm i Federatës Ruse, është prej vitesh në listat e personave të ...
Foto ilustruese VLORË- Një aksident ka ndodhur ditën e sotme në rrugën “Murat Tërbaçi”, në lagje...
Sky ecc BELGJIKË-Nëntë shqiptarë janë arrestuar pas një hetimi të madh për trafikun ndërkombëtar të ...
Sotir Çabiri SARANDË- Gjykata e Sarandës ka caktuar masën e sigurisë “Arrest në burg” për 36-vjeçar...
Blendi Gonxhe Për të marrrë një leje drejtimi të kategorisë B qytetarët këtë vit do duhet të paguajn...
Foto ilustruese TIRANË- Ministria e Shëndetësisë ka bërë me dije se në 24 orët e fundit janë shënuar...
FIER- Prokuroria e Fierit kërkon burg përjetë për Elton (Bengaj) Meta, i akuzuar për vrasjen e ish-bashkëshortes së tij, 23...
termocentrali TIRANË- Impianti fotovoltaik lundrues i Statkraft në rezervuarin e hidrocentralit të Banjës në Shqipëri ka nj&e...
