Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Gat Aircraft and Engine Leasing Limited, degë e GA Telesis, e ka paraqitur padinë më 1 gusht në gjykatën britanike duke pretenduar se transportuesi kombëtar shqiptar ndaloi së paguari qiratë për dy avionët, respektivisht avionin ZA-ASM (msn 3676) dhe atë ZA-MMK (msn 4934), në mars 2025. GA Telesis gjithashtu pretendon se linja ajrore ka shkelur detyrimet e tjera ndaj palëve të treta, përfshirë Eurocontrol. Kjo e shtyu qiradhënësin të ndërpresë kontratat e qirasë.
TIRANË- Një kompani amerikane nga Florida ka ngritur padi kundër flamurit shqiptar të ajrit, Air Albania, si i pandehur i parë, dhe Turkish Airlines si i pandehur i dytë, para Gjykatës së Lartë të Anglisë dhe Uellsit, duke pretenduar shkelje të kontratave të qirasë për dy avionë të tipit A320-200.
Gat Aircraft and Engine Leasing Limited, degë e GA Telesis, e ka paraqitur padinë më 1 gusht në gjykatën britanike duke pretenduar se transportuesi kombëtar shqiptar ndaloi së paguari qiratë për dy avionët, respektivisht avionin ZA-ASM (msn 3676) dhe atë ZA-MMK (msn 4934), në mars 2025. GA Telesis gjithashtu pretendon se linja ajrore ka shkelur detyrimet e tjera ndaj palëve të treta, përfshirë Eurocontrol. Kjo e shtyu qiradhënësin të ndërpresë kontratat e qirasë.
"Në shkelje të mëtejshme të kontratës, Air Albania nuk ka arritur ta ridorëzojë avionin; dhe vazhdon të operojë në mënyrë të paligjshme avionin 3676 [ZA-ASM]," shkruan kompania amerikane në padi.
Ajo i ka kërkuar gjykatës një urdhër ndalimi kundër çdo operacioni të mëtejshëm me ZA-ASM, një urdhër për të konfirmuar ndërprerjen e kontratave të qirasë dhe për të ridërguar të dy avionët me motorë, paratë e papaguara të qirasë dhe dëme e kosto të paspecifikuara.
Kapitali ka mundur të sigurojë dispozitivin e padisë së depozituar në gjykatën britanike.
Padia e GA Telesis ndaj Air Albania ne gjykaten britanike
Kompania amerikane tha se i bëri një kërkesë zyrtare Turkish Airlines, si garantues sipas marrëveshjes së qirasë së Air Albania, për pagesën e qirave të papaguara më 14 korrik, të cilën kompania turke refuzoi ta respektonte.
Lajmi i padisë është bërë publik fillimisht nga Ch-Aviation, një portal zvicerian i specializuar në lajmet e aviacionit. Portali zvicerian ka kontaktuar edhe palët për këtë zhvillim.
GA Telesis refuzoi të komentonte mbi procedurat ligjore në vazhdim, ndërsa Air Albania dhe Turkish Airlines nuk iu përgjigjën kërkesave të përsëritura të ch-aviation për koment.
Turkish Airlines mban një pjesë prej 49% të aksioneve në Air Albania. Të dhënat e Flightradar24 tregojnë se ZA-ASM është parkuar në Aeroportin e Stambollit që nga 6 gushti, pak pasi GA Telesis ngriti padinë.
Disa media shqiptare raportuan se avioni ishte konfiskuar, megjithëse ch-aviation nuk mundi t'i verifikonte në mënyrë të pavarur këto pretendime.
Ndërkohë, avioni ZA-MMK është pezulluar në Aeroportin e Stambollit që nga 22 korriku 2024.
Air Albania nuk operon më avionë të brendshëm dhe mbështetet vetëm në kapacitetin e avionëve të marrë me qira për të kryer aktivitetin e saj. Aktualisht kompania po operon me qira dy A320-200, nga Fly2Sky (LZ-FSA, msn 4247) dhe Dan Air (YR-DSE, msn 2479).
Kontrata e qirasë me amerikanët
Kontrata e qirasë mes GA Telesis, LLC dhe Air Albania u lidh në vitin 2023. Në atë kohë, kompania amerikane njoftoi dorëzimin e dy avionëve A320 me qira afatgjatë për Air Albania. Avionët ishin pjesë e flotës në pronësi të GA Telesis dhe iu dorëzuan Air Albania në tremujorin e parë të vitit 2023.
"Grupi i Qirasë, Investimeve, Financimit dhe Tregtimit (“LIFT”) i GA Telesis vazhdon trajektoren e tij të rritjes, duke blerë asete me cilësi të lartë, duke investuar në mirëmbajtje dhe duke i vendosur ato me qira afatgjatë. Këta avionë u blenë nga GAT vitin e kaluar me objektivin e ri-dislokimit të tyre në një treg global pasagjerësh në rimëkëmbje, duke mbështetur zgjerimin e shërbimeve ajrore të Air Albania në rajonin e tyre mes industrisë së udhëtimeve në përmirësim," thuhej në njoftimin e publikuar në faqen zyrtare të GA Telesis në atë kohë.
“Jemi të emocionuar që mbështesim planet e rritjes së flotës së Air Albania, ndërsa ato vazhdojnë t'u shërbejnë kërkesave në rritje të udhëtimit ajror të tregut të tyre”, do të shprehej atëherë David Ellis, Drejtor Global i Qirasë dhe Tregtimit në GA Telesis. Por Air Albania nuk pagoi paratë dhe tani çështja përfundoi në gjykatat angleze./Kapital.al
foo ilustruese TIRANË- Këshilli i Emërimeve në Drejtësi ka shpallur listën e kandidatëve të kualifi...
foo ilustruese TIRANË- Një ngjarje e rëndë ka ndodhur në Tiranë mbrëmjen e kaluar në Tiranë. Mësohet...
Artur Bashimi GREQI- Vrasja e 47-vjeçarit nga Gjirokastra, Artur Bashimi, në qendër të Athinës më 18 gusht u zbulua se isht...
droga DIBËR- Dy persona janë arrestuar në Dibër në kuadër të operacionit “Mesnata”. Konkretisht në pran...
pamje nga aksidenti në vlorë VLORË- Një aksident rrugor ka ndodhur ditën e sotme në Bypass-in e Vlorës. Mësohe...
foto ilustruese KOSOVË- Autoritetet e Kosovës kanë bërë të ditur të enjten se është arrestuar një zyrtar ...
DHËRMI- Në të dalë të tunelit të Llogarasë, riviera shqiptare u shpërfaqet vizitorëve me detin e kristaltë d...
foo ilustruese TIRANË- Autoriteti Kombëtar i Ushqimit ka reaguar pas bllokimit nga Kroacia dhe Bosnje-Hercegovina, të pjeshkëve me...
pamje nga sherri KORÇË- Seanca për masën e sigurisë për 9 nga 10 të arrestuarit për sherrin masiv të ndodhu...
pamje nga arrestimi i Samir Rosales Rodriguez KOLUMBI- Janë publikuar pamjet nga arretimi i Samir Rosales Rodriguez, i cili ishte pjesë e gr...
