Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Me breshëri plumbash dhe pranë zonës ku banonin. Kështu do të ekzekutoheshin brenda një viti tre persona që dikur kanë shërbyer në repartet e Policisë së Shtetit. Boran Bërçana, Arben Bilali dhe Santiago Malko janë tre ish-efektivët që Kodi i Mafias u mori pa lënë asnjë gjurmë pas.
Kjo është historia e tre ish-efektivëve që dikur zhveshën uniformat blu, për t’ju futur jetës së rrugës, pa e ditur se aty do të linin edhe kokën e tyre. Familje të lëna pas, vajtim nënash dhe fëmijë jetimë.
Gjithçka do të niste në datën 15 korrik të vitit 2015 në Shkodër, ku brenda një makine do të ekzekutohej ish-polici Boran Bërçana së bashku me partneren e tij Silvi Ndoci.
Skena e krimit tronditës ka ndodhur përpara syve të djalit të tyre 2-vjeçar, që në atë moment ndodhej në makinë. 30-vjeçari, ish-punonjës i Policisë së Shtetit në Pukë dhe bashkëjetuesja, 25-vjeçe, të cilët janë ekzekutuar me armë zjarri automatike e llojit “M5P”, në automjetin e tyre “Mercedes Benz” me targa AA 006 HA, poshtë apartamentit ku banonin me qira.
23 gëzhoja që u gjetën në vendin e krimit shërbyen për t’i marrë jetën çiftit që u vra në orët e para të mëngjesit të së dielës fatkeqe. Të dy u gjetën të vdekur nga fqinjët rreth orës 06:00, bashkë me të voglin që qante prej orësh i mbuluar në gjak, në prehrin e nënës së vdekur. “Report Tv” publikoi në atë kohë edhe videon e ekzekutimit të dy të rinjve , procedurë e cila zgjati vetëm 7 sekonda.
Ish-efektivi Boran Bërçana ka qenë i martuar më herët me një grua tjetër, nga e cila është divorcuar rreth 5 vite më parë, për t’u lidhur më pas me Silvi Ndocin. Edhe kjo e fundit ishte e divorcuar prej 5 vitesh.
Boran Bërçana nuk rezulton që të jetë i skeduar me probleme, ndërsa sipas të afërmve ai nuk ka pasur konflikte të vogla. E vemtja gjë që u gjet nga ekzekutorët ishte një makinë e djegur pak minuta pas ngjarjes. Automjeti tip “Benz C Class”, u gjet i djegur bashkë me armën e krimit të llojit automatic, tip “MP5”.
Teksa kishin kaluar vetëm 6 muaj nga ky krim, kryeqyteti do të tronditej nga vrasja e një tjetër ish-polici. Më 30 janar të këtij viti, Arben Bilali u ekzekutua në një atentat me breshëri plumbash në zonën e Selitës ku dhe ai jetonte prej kohësh me familjen e tij.
Autorët e këtij krimi e kishin nën vëzhgim Bilalin dhe po prisnin momentin e duhur. Ish-efektivi ishte në makinë me shokun e tij, dhe në momentin kur ka zbritur është qëlluar 15 herë me breshëri nga autorët që ndodheshin në një makinë Benz.
Për vrasjen e ish-policit Bilali është vënë në pranga Gjergj Cukali, të cilin Gjykata e ka lënë nën masën “arrest në burg”. Ka qenë analiza e ADN-së, gjurmat e gishtave dhe përgjimet e bisedave telefonike, të kryera nga Prokuroria e Tiranës dhe Policia, të cilat kanë zbardhur Cukalin si të dyshuarin kryesor për vrasjen e ish-efektivit të policisë, gjithashtu për vrasjen e Bilalit është vënë në pranga edhe Arben Xhetani. Ai akuzohet se u ka siguruar makinën autorëve të krimit dhe se ka ruajtur ish-policin para ekzekutimit.
Arben Bilali nuk ishte i pari person që ekzekutohej nga familja e tij. Më herët Bilalit i janë vrarë edhe dy vëllezërit, Bujar dhe Leonard Bilali. Ish-polici u qëllua në në Selitë, 900 metra larg vendit ku 9 vite më parë u ekzekutua vëllai i tij, Leonard Bilali, ish-mundës i Dinamos.
Familja Bilali është prej vitesh në hasmëri me familjen Xhabafti, gjë e cila ka prodhuar disa viktima.
Pa u mbushur një vit nga vrasja e Bilalit dotë ekzekutohej nëj tjetër ish-polic. 7 muaj pas ekzekutimit me breshëri prej 15 plumbash, një tjetër atentat do t’i mërrte jetën ish-policit, Santiago Malko.
Malko u ekzekutua mbrëmjen e 27 gushtit në orën 22:25 minuta në zonën e “Xhamllikut”, në rrugën “Xhanfize Keko”. Natën e fundit të jetës së tij, Malko ndodhej në automjetin e tij tip “BMW X5”, me të cilën u fut në një lavazh në këtë zonë. Fakti që lavazhi ishte mbyllur do të ishte fatale për efektivn, pasi jashtë asaj porte e prisnin ekzekutorët.
Në momentin që ish-polici udhëtonte i qetë një makinë e tipit “Mercedez Benz”, i bllokon rrugën dhe krahas tij fillojnë të vijnë breshëri kallashnikovi nga një furgon. I hutuar nga plumbat dhe duke dashur t’i shmangej vdekjes, Malko humb kontrollin e makinës dhe përplaset me një shtyllë. Më pas teksa lëviz sërish, ish-efektivi merr përpara disa kosha plehrash e në fund përfundon duke u përplasur me murin e lavazhit.
Të ndihmuar nga errësira, atentatorët afrohen në automjetin e ish-policit për t’i dhënë plumbat finalë në kokë. Santiago Malko ishte një person me precedentë penalë, por që dikur kishte qenë në radhët e uniformave blu.
Ai ishte pjesë e bandës së Ervis Martinajt, i njohur ndryshe si bosi i lojërave të fatit. Malko kishte gjithashtu në pronësi disa pika bastesh sportive. Ish-efektivi ka qenë i përfshirë në ngjarjen e 4 tetorit 2018, ku dhe ndodhi vrasja e Fabian Gaxhës në ish-Bllok pas një përplasjeje me armë.
Gjithashtu ish-polici i vrarë është përfshirë në një sherr me dy vëllezërit Lashi në vitin 2016 për një borxh prej 1 mijë eurosh.
Një telefonatë disa orë para atentatit, ende e paidentifikuar është pista kryesore ku është përqëndruar hetimi. Grupi hetimor konstaton se nga autorët është përdorur një makinë e vjedhur në Lezhë një vit më parë e ndërsa targat e vendosura në të janë vjedhur në muajin mars në Krujë.
Pista kryesore qe po heton policia është ajo e hakmarrjes, por nuk përjashtrohen edhe ajo e konflikteve të mëparshme për bastet sportive, si dhe ajo e çështjes së drogës. Në lidhje me vrasjen e Malkos janë identifikuar dy persona, për të cilët policia ka dhënë thjesht inicialet, L.D. dhe D.A..
Për ekzekutimin e ish policit Santiago Malko në Tiranë është përdorur i njëjti mekanizëm me të cilin u ekzekutua Edison Harizaj. Sipas burimeve nga Policia e Tiranës mendohet se Malko është përfshirë në një atentat në Durrës, ku u përdor e njëjta skemë. Atentati përkon me atë të Edison Harizajt, i cili mbeti i vrarë në të njëjten skemë në Durrës.
Harizajt iu bë pritë nga 5 persona që qëlluan mbi të me breshëri, duke lëshuar mbi 50 plumba. Edison Harizaj ishte një emër i njohur për botën e krimit në Vlorë dhe në të gjithë Shqipërinë. Ai njihej me nofkën ‘Il Padrino”, pasi shumë kishin frikë prej tij. Sipas Policisë ai ishte anëtar i një bande të fuqishme dhe kishte kryes disa krime.
Santiako Malko, 26 vjeç ishte një ish-polic që kishte përfunduar kursin për Patrullë të Përgjithshme dhe ka qenë pjesë e kësaj strukture në Policinë e Tiranës vetëm për 3 muaj. Më pas është tërhequr vetë nga Policia. Gjatë kursit, ish-polici i ekzekutuar, u njoh dhe u me ish-efektiven e Policisë Dea Riçku, me origjinë nga Dibra.
Së bashku u martuan dhe sollën në jetë dy fëmijë, një vajzë tre vjece dhe djalin 14 muajsh, të cilët tani do të rriten pa baba. Pas problemeve të Malkos me vëllezërit Lashi në vitin 2016, edhe Dea do të tërhiqej nga puna e saj në radhët e repartit “Shqiponja”.
Çifti u fejua dhe pas largimit nga Policia, krijuan jetën e tyre familjare, duke nisur edhe një biznes privat, me veshmbathje. Në një prononcim për gazetën Panorama, familjarët e Deas, e cila tani do duhet të rrisë e vetme dy fëmijët e saj të mitur, tregojnë se Santiago i kishte lënë pas historitë e vjetra dhe i ishte futur rrugës së fees.
Ai ishte kthyer në një mysliman të devotshëm për dy fëmijët e tij të cilët nuk arriti t’i gëzonte.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Korçë- Në pikën kufitare të Kapshticës nuk janë të paktë emigrantët shqiptarë të cilët futen në tokën shqiptare.Por çfarë ndodh gjatë orëve të nat...
Shqipëri- Mjekja shqiptare Jana Nano ka dalë publikisht kundër qeverisë. Ky reagim i saj ka ardhur pasi mjekja ish-studente dikur para 8 vitesh në Shqipëri, e ...
TIRANË– Kryetarja e Autoritetet të Dosjeve, Gentiana Sula, u është tërgjigjur tërthorazi ofendimeve të deputetit të PS-së, Spartak Brahos. Në fjalimin që m...
TIRANË– Ndërkohë që janë bërë dy vite nga dita kur ish-bashkëshorti Fidel Kasemi i mori jetën ish-gruas së tij, gjyqtares Fildeze Hafizit, e motra e ...
Elbasan- Pas aksidentit që ndodhi në Elbasan ditën e djeshme, ku një çift turistësh izraelitësh me motor u përplasën me një makinë, ka humbur jetën turis...
Vlorë- Detaje të reja kanë dalë në lidhje me atentatin e një natë më parë, që iu bë ish-mësuesit Eljus Thartori në Vlorë.Mësohet se autori ose autorët, si filli...
Tiranë- Në prangat e policisë së Tiranë kanë rënë dy persona pasi trafikonin persona drejt Britanisë së Madhe kundrejt shumës 15 mijë paund.Sipas policisë shtet...
Korçë- Një atentat me armë ndodhi mbrëmjen e djeshme në Korçë. Shënjestra e këtij atentati ishte Juxhin Kulla, person me precedent të mëparshëm pe...
PUKË– Në qytetin e pukës është bërë një investim i ri. Bëhet fjalë për ndërtimin e një ure, për të cilën qeveria shqiptare ka investuar 60 mln lekë të reja...
Tiranë- Disa ditë më parë u konfirmua se Adi Krasta nuk do të jetë më pjesë e televizionit “News 24” dhe nuk do të drejtojë asnjë emision në këtë ekran. Emision...
