Aktualitet

Atentat mafioz në Tiranë, vritet me 4 plumba ish-polici Santiago Malko, mik i Vis Martinajt (FOTO)

Një atentat mafioz ka ndodhur sot në mbrëmje në Tiranë. Është ekzekutuar brenda makinës së tij, Santiago Malko, ish-punonjës policie. Malko është qëlluar disa herë në ecje dhe më pas me një plumb në kokë nga afër. Autorët e kanë njdekur për disa qindra metra dhe më pas i kanë prerë rrugën. Pas ngjarjes është gjetur dhe makina e autorëve e djegur në fshatin Ferraj.
Featured image of article: Atentat mafioz në Tiranë, vritet me 4 plumba ish-polici Santiago Malko, mik i Vis Martinajt (FOTO) Ervis Martinaj, Santiago Malko dhe vendi i krimit
Përditësuar:

TIRANË- Një krim i rëndë është shënuar mbrëmjen e sotme në Tiranë. Sipas informacioneve të deritanishme kemi të bëjnë me një vrasje e tipit mafioz, ku një i ri, ish-punonjës policie është ekzekutuar në makinën e tij. Dosja.al ka mësuar se viktima është Santiago Malko, i cili është qëlluar ne makinën e tij me 4 plumba rreth orës 21:25 në Tiranë. Ngjarja ka ndodhur në rrugën “Xhanfize Keko”, në afërsi të zonës së Xhamllikut.

Kanë qenë të parët banorët e zonës që kanë informuar policinë e cila ka shkuar në vendin e ngjarjes, ku ka gjetur viktimën të mbytur në gjak. Burime nga vendi i ngjajres bëjnë me dije se autoret kanë qenë dy persona, me një furgon, që kanë ndjekur që nga fresku makinën tip “BMË” të Malkos. Ata kanë qëlluar me breshëri mbi makinën, derisa 26-vjeçari ka humbur kontrollin dhe është përplasur tek një lavazho. Atu autorët kanë dalë nga makina sipas dëshmive dhe e kanë qëllaur me një plumb në kokë që i ka marrë jetën.

Në vendin e ngjarjes kanë shkuar forca të shumta Policie ku po kryejnë hetime intensive dhe po mblidhen prova dhe dëshmi. Po ashtu n vendin e ngjajres ka shkuar dhe drejtori i Policisë se Tiranës dhe drejtori i Përgjithshëm, Ardi Veliu.

Për më shumë bëhu pjesë e grupit më viral në Facebook, Dosja.al

Për më shumë se një orë ekspert të kriminalistikës kanë mbledhur prova të shumta dhe bëhet me dije se viktima është qëlluar disa herë kur ka qenë duke ecur dhe më pas, ku ka humbur kontrollin dhe është përplasur me murin është qëllaur dhe në kokë. Ndërkohë një grup tjetër i Policisë ka gjetur një makinë të djegur në fshatin Ferraj që mësohet se është përdorur nga autorët.

Pranë viktimës kanë mbërtitur dhe familjarët të cilët kanë shpërthyer në lot dhe në të bërtitura. Tashmë trupi i 26-vjeçarit, që njihet dhe si mik i Ervis Martinajt ndodhet në morgun e spitalit të Tiranës, ku do i bëhet dhe ekspertiza mjeko-ligjore.

(A.B. Dosja.al)

  • 0:17

    Ekzekutuan të riun me breshëri plumbash, identifikohet një nga autorët

    Policia pas provave të shumta të mbledhura në vendin e ngjares ka mundur që të zbulojë një nga autorët e ngjares së rëndë që ndodhi sot në Tiranë.

    Sipas burimeve nga blutë e Tiranës mësohet se deri tani autor për atentati dyshohet të jetë shtetasi D.A.

    Pamje nga vendi i ngjarjes

    Emri i tij i plotë nuk bëhet i ditur, pasi ngjajra është në hetim e sipër dhe mund të kemi rrjedhje të informacionit.

  • 23:57

    Atentati ndaj ish-policit, ekzekutuesit ishin në furgon, i prenë rrugën tek ‘Xhamlliku’ dhe qëlluan 4 herë

     Detaje të reja janë zbuluar nga atentati që ndodhi sonte në orën 22.20 në Kinostudio, ku u vra ish-polici 26-vjeçar Santiago Malko.

    Dëshmitarët i kanë treguar policisë se një furgon i bardhë tip ‘Mercedes’, i ka prerë rrugën makinës ku udhëtonte viktima.

    Vendi i ngjarjes

    Dhe prej aty, kanë dalë autorët që kanë qëlluar mbi të, të cilët besohet se ishin dy.

    Furgoni, sipas të dhënave të para, pas atentatit është drejtuar për nga zona e Freskut. Ndërkohë, mësohet se makina e autorëve është gjetur e djegur në fshatin Ferraj.

  • 23:42

    “Hapu të shoh djalin”, momenti prekës kur familjarët shkojnë tek viktima (FOTO)

    Pas njoftimit për ngjajren në vendin e krimit kanë mbërritur dhe familjarët e viktimës të cilët kanë kërkuar që të shkojnë deri tek makina.

    Ka qenë një grua e cila mendohet të jetë nëna e 26-vjeçarit, Santiago Malko që ka çarë kordonin e Policisë dhe ka thënë: Hapu se do shikoj djalin. 

    Familjarët e viktimës

    Familjarët janë përplasur me Policinë pasi këta të fundit nuk i kanë lejuar që të shkojnë tek viktima pasi prishin provat në vendin e ngjarjes.

  • 23:26

    Hyri me kapele në vrasjen në ish-bllok, kush është ish-polici që u vra sot te ‘Xhamlliku’, mik i Vis Martinajt (FOTO)

    Santiago Malko, i riu që mbeti i vrarë pas një atentati sot në Tiranë, është një ish-p[unonjës policie. Ai njihej si një person me precedent të mëparshëm penal, pasi ishte përfshirë në një sherr për një borxh pak vite më parë.

    Po ashtu ai ka qenë dhe një nga personat që kanë qenë ditën kur ndodhir masakra në lokalin “Monopol” në Bllok. Prej asaj ditë Polica ka qenë në kërkim të Malkos, i cili njihej me nofkën“Santiago”.

    Personi që shieht në video hynë dhe del qetësisht nga lokali “Monopol” dhe në kokë mban kapele. Pavarësisht se nuk është i identifikueshëm, ai është ish-polic, mik i Ervis Martinajt dhe që kërkohej të merret në pyetje për përplasjen me armë në ish-bllok, por tashmë ka mbëtur i vdekur.

    Po kështu edhe kur del, pavarsisht se ka ndodhur një përplasje me armë, ish polici shfaqet i qetë dhe i pashqetësuar.

  • 23:19

    Ekzekutimi i Santiago Malkos, Policia: Viktima ishte në makinë, autorët dogjën makinën

    Policia e Tiranës ka reaguar pas atetnatit të rëndë të ndodhur sot në Tiranë, ku ka dhënë detaje për ngjajren.

    Në një reagim zyrtar për mediat, uniformat blu bëjnë me dije se disa persona kanë qëlluar me drejt një automjeti në lëvizje tip “BMW”, ku për pasojë ka mbetur i vdekur 26-vjeçari, Santiago Malko.

    NJOFTIMI I PLOTË

    Sonte rreth ores 22:20 minuta, ne rrugen “Xhanfize Keko”, persona ende te paidentifikuar kane qelluar me arme zjarri drejt nje automjeti ne levizje tip “BMW”. Per pasoje ka humbur jeten nje i ri, 26-vjeçari S.M. Autoret dyshohet se jane larguar ne drejtim te fshatit Ferraj, ku dhe kane djegur mjetin e tyre, tip “Mercedes Benz”.

    Sherbime te shumta policore kane ngritur disa pika kontrolli ne kryeqytet dhe jane vene ne ndjekje te autoreve. Nderkohe ekspertet e kriminalistikes po mbledhin prova ne vendngjarje, qe do te ndihmojne hetimin. Policia ka nisur te shoqeroje persona qe mund te kene dijeni per rrethanat e krimit.

    Specialiste nga Sektori per Krimet e Renda ne Drejtorine Vendore te Policise Tirane jane angazhuar si pjese e grupit te posaçem hetimor per zbardhjen e ngjarjes dhe venien para pergjegjesise ligjore te autoreve. Policia e Shtetit fton kedo qe ka dijeni per rrethanat e krimit te telefonoje falas ne numrin 112!

  • 23:08

    Zbulohet kush është viktima tek “Xhamlliku”, ish-punonjës policie

    Dosja.al ka mësuar se sipas informacioneve të deritanishme mësohet se viktima është Santiago Malko.

    Ai është gjetur i plagosur dhe më pas ndërroi jetë në makinën e tij. Burime nga vendi i ngjarjes bëjnë me dije se ai është  26 vjeç dhe ka qenë ish-punonjës policie.

    Pamje nga vendi i ngjarjes

    Malko është 26 vjeç është ish-punonjës i patrullës së përgjithshme në Policisë e Shtetit.

    Deri tani mësohet se viktima ka pasur një precedent të mëparshëm penal, apsi në viti 2016 është përfshirë në një sherr për një borxh prej 1 mijë eurosh. Kjo mund të jetë një nga pistat e hetimit të policisë. 

  • 23:07

    Digjet makina në fshatin Ferraj, dyshohet se ka lidhje me atentatin te ‘Xhamlliku’

    Pak minuta pas vrasjes në Tiranë një makinë është gjetur e djegur në fshatin Ferraj pak kilometra nga vendi i ngjajres.

    Sipas informacioneve mësohet se makina i përket autoriëve të krimit, të cilët ekzekutuan ish-policin.

    Edhe nga Policia ky informacion konfirmohet, pasi në një njoftim për mediat shkruajnë se makina e djegur do të përdoret si provë materiale.

    Dosja.al mëson se autorët janë larguar nga vendi i ngjarjes nga zona e e Freskut dhe më pas ka dalë jashtë Tiranës, duke djegur dhe makinën.

  • 23:03

    Dalin detaje nga atentati mafioz te ‘Xhamlliku’, viktima rreth të 30-ave

    Detaje të reja kjanë mësuar në lidhje me ngjajren e ndodhur sot në Tiranë ku mbeti viktimë një person tek zona e Xhamllikut.

    Burime nga vendi i ngjares bëjnë me dije se viktima nuk ka pasur dokumenta me vete, por është mësuar që ai është Santiago Malko. 

    Malko nuk është një emër i panjohur për Policinë, pasi ai ka qenë efektiv, i patrullës së përgjithshme në Drejtorinë e Policisë së Tiranës. 

    Po ashtu mësohet se ai ësthë qëlluar më plumb në kokë, pasi është pëplasur me një mur. Autorët i janë afruar dhe e kanë qëlluar nga afër. 

Shto Koment