Tronditet Elbasani/ Konflikti përfundon në përdorimin e armës së zjarrit, plagosen tre adoleshentë
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË- Kryeministri Edi Rama foli gjatë ditën e sotme në Kuvendin e Shqipërisë, ndërsa opozita protestoi për disa orë para godinës e më pas për tu zhvendosur tek Ministria e Brendshme e në fund tek Selia e Partisë Demokratike.
Kreu i qeverisë u shpreh i vendosur se zgjedhjet vendore do të mbahen në datën e caktuar dhe se nuk do të ketë asnjë ndryshim, ndonëse opozita nuk do të pranojë që të hyjë në zgjedhje.
“Sot dhe në vijimësi do të dëgjojmë avazin nuk hyjmmë në zgjedhje. Është punë e tyre. E mira e tyre është të hynë në zgjedhje, e keqja e tyre është të mos hynë në zgjedhje. Natyrisht Shqipërisë nuk i bëhet nder nëse siglat e atyre partive që janë jashtë nuk janë në fletët e votimit në zgjedhjet vendore, por qederin më të madh, ata ia kanë bërë, ia bëjnë dhe do t’ia bëjnë vetes. Hynë ata në zgjedhja apo nuk hynë ata në zgjedhje, zgjedhjet vendore do të bëhen në afatin e caktuar dhe ne do të marrim përsipër të qeverisim edhe aty ku ata kanë qeverisur deri më sot, dhe të qeverisim shumë më mirë se ata edhe për ata që ne nuk na kanë votuar dhe nuk do të vijnë që të na votojnë”, deklaroi Rama.
Po ashtu ai la të kuptohej se nuk do të ketë zgjedhje të parakohshme parlamentare, ku tha se nuk do të bëhet asnjë kompromis në kurriz të mandatit të dhënë nga qytetarët që PS të qeverisë e vetme.
“Ideja se këtu do të ketë një zhvillim dhe do të bëhet ndonjë përmbysje e rregullave të lojës, apo do të bëhet ndonjë kompromis ku do të futet si pjesë e kompromisit mandati që shqiptarët i kanë dhënë Partisë Socialiste për të qeverisur e vetme, pa të tjerë në prehër deri në vitin 2021 është një ide ngushëlluese për të ridalë prap te gardhi të enjten tjetër, por më shumë se kaq nuk vlen dhe më larg se kaq nuk çon. Është një ide vetëm për të ndenjur tek gardhi. Këtu në Parlament nuk i fut njeri ata para qershorit të vitit 2021”, theksoi Rama.
Poashtu kryeministri Rama tha se paketa duhet të përfshijë edhe ndarjen e politikës nga krimi, që sipas tij filloi vetëm në mandatin e tyre të parë.
“Patjetër paketa duhet të përfshijë edhe vullnetin tonë për ta thelluar ndarjen e politikës nga krimi dhe të qeverisë nga kriminelët, e cila ndryshe nga sa është propaganduar gjithë këto vite ka filluar vetëm kur ne e kemi marrë mandatin tonë të parë” u shpreh ai.
Rama tha se ndonëse “Ata do të vazhdojnë në të tyren, janë të dëshpëruar dhe të pashpresë. E dinë që nuk fitojnë dot me zgjedhje. Ne nuk jemi këtu të detyruar të mendojmë se si duhet t’u japim atyre mundësinë që të kuptojnë se çfarë është demokracia. Ne jemi këtu të detyruar të mendojmë sesi çdo ditë të bëjmë gjënë e duhur për Shqipërinë, dhe gjëja e duhur për Shqipërisë sot është që ata të rrinë në rrugë atje ku janë. Rrugën kanë zgjedhur, në rrugë të rrinë. Ndërsa ne të vazhdojmë në rrugën që kemi marrë përsipër t’i udhëheqim shqiptarët. Patjetër që është pjesë e detyrës sonë, jo të shkelim mbi kontratën me shqiptarët për të joshur ata që të lënë rrugën, por për hir të rrugës që kemi zgjedhur t’ju japim atyre gjithmonë mundësinë që të ndjehen të përfshirë. Dhe përfshirja e tyre sot ka vetëm një mundësi, të japin kontributin e tyre për atë për të cilën i kanë rroganisur kokën shqiptarëve dhe partnerëve ndërkombëtarë. Për atë për të cilën, partnerët e tyre partiakë në Gjermani ndikuan që për herë të parë, që s’kishte bërë ndonjëherë vaki, të futej në rekomandimet e komisionit, Reforma Zgjedhore. Sot ne jemi këtu gati me të gjithë reflektimin tonë për të futur në Kodin Zgjedhor të gjitha rekomandimet e ODHIR-it, sikundër e thotë Këshilli Europian, ndërsa ata janë në rrugë. Ata edhe kur ishin këtu nuk u ulën për të dakordësuar mbi këtë reformë”, tha ndër të tjera Rama, ndërsa shtoi: “Unë jam kundër votimit elektronik, por pikërisht sepse dëshironim që të gjendej një rrugë dakordësie,të provonim edhe votimin edhe numërimin elektronik që ata të pranojnë rezultatin. Jemi bërë gati që të vendosim projektin pilot në disa njësi bashkiake për të parë rezultatin. Por me kë e ke? Me kë e ke?!”
(B.B/ Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Një tjetër kandidat për deputet nga radhët e PD-së ka pranuar mandatin. Bëhet fjalë për Korab Litën i cili është kandidat në listën e deputetëve të...
TIRANË- Në protestën e opozitës zhvilluar për rreth 3 orë sot para parlamentit, pati përplasje mes protestuesve dhe policisë, ku mbetën të lënduar disa pro...
TIRANË- A do të ndalohet transmetimi i filmit “Skënderbeu “ në Shqipëri? Produksioni shqiptaro – rus, i realizuar në vitin 1953, rrezikon të damkoset me nd...
TIRANË- Ish-deputeti demokrat Edi Paloka, pas përfundimit të protestës së opoztës para parlamentit, ka publikuar në “Facebook” një foto, ku shfaqet një pro...
TIRANË– Sekretari i Përgjithshëm i PD, Gazment Bardhi i është përgjigjur reagimit të kryeministrit Edi Rama për njollosjen (Lexo këtu) me bojë të godinës s...
TIRANË- Kryeministri Edi Rama teksa fliste për ndryshimet në ligjin e Vettingut në Polici ka sulmuar mediat e huaja. Rama listoi disa shifra që sipas tij t...
TIRANË- Në fjalën e tij në Kuvend, kryeministri Edi Rama komentoi edhe audiopërgjimet e reja që u publikuan nga PD për dëshmitarin e rremë, Fredi Alizoti. ...
TIRANE- Deputetët e “Opozitës së Re” kanë kërkuar nga Kuvendi që të zyrtarizohen grupet e reja parlamentare, pasi tani u arrit shifra minimale e kërkuar për gru...
TIRANË- Pak orë pasi u betua në Kuvend, deputeti i Ballit Kombëtar, Adriatik Alimadhi ka reaguar në rrjetin e tij social ku thotë se nuk është tradhtar dhe...
TIRANË- Kryeminstri Edi Rama ka reaguar për protestën e opozitës duke ironizuar me një postim në Instagram. Rama ka postuar një video nga protesta kur prot...
