Politike

Zgjedhjet 2021/ PD s’e përtyp humbjen, shpresa tek votat e pavlefshme, Alibeaj: Mund të përmbyset gjithçka. LSI: Na kanë tjetërsuar votat. SHBA njeh rezultatin: Përgëzojmë Opozitën dhe kryeministrin Rama

Enkelejd Alibeja tha se votat e pavlefshme mund të përmbysin rezultatin e lëxuar tashmë dhe mund të ndryshojnë gjithçka.Edhe nga Lëvizja Socialiste për Integrim ka pretendime për tjetërsim votash. Ish-kryeministri Sali Berisha e cilësoi një rekord të zi për demokracinë e Shqipërisë, 25 prillin.Prokuroria e Posaçme e njohur ndryshe si SPAK ka nisur hetimet lidhur me denocimin e bërë nga kandidati për deputet i Partisë Demokratike në Tiranë, Aldo Bumçi.SHBA ka njohur rezultatin e zgjedhjeve.
Featured image of article: Zgjedhjet 2021/ PD s’e përtyp humbjen, shpresa tek votat e pavlefshme, Alibeaj: Mund të përmbyset gjithçka. LSI: Na kanë tjetërsuar votat. SHBA njeh rezultatin: Përgëzojmë Opozitën dhe kryeministrin Rama Edi Rama,Monika Kryemadhi, Lulzim Basha, Ilir Meta dhe Yuri Kim

TIRANË– Partia Demokratike ka ende shpresë për përmbysje rezultati kur kanë kaluar më shumë se 24 orë pas daljes së rezultatit të zgjedhjeve të 25 prillit nga ku doli e humbur me 63 mandate përballë Partisë Socialiste që mori 74 të tillë. I ftuar në studion e lajmeve në Neës 24, Enkelejd Alibeja tha se votat e pavlefshme mund të përmbysin rezultatin e lëxuar tashmë dhe mund të ndryshojnë gjithçka. Për këtë arsye, përfaqësuesi ligjor i PD-së Ivi Kaso ka depozituar edhe një kërkesë në KQZ-së ku ka kërkuar mbledhjen e të gjitha informacioneve e pamjeve filmike për të parë vetë shkeljet e bëra gjatë procesit të numërimit.

Edhe nga Lëvizja Socialiste për Integrim ka pretendime për tjetërsim votash, pasi edhe kjo parti depozitoi të njëjtën kërkesë në KQZ. Në një deklaratë për mediat, Vasili teksa publikoi disa foto tha se nga qindra kuti që janë për t’u numëruar, vetëm në 4 kutitë e para janë gjetur rreth 20 vota që i përkasin Lëvizjes Socialiste për Integrim, ose që janë vlerësuar të pavlefshme, por që çuditërisht janë numëruar si vota të Partisë Socialiste.

Ish-kryeministri Sali Berisha e cilësoi një rekord të zi për demokracinë e Shqipërisë, 25 prillin. Në një status në Facebook, Berisha shkroi se kanabisi i mbjellë në të gjithë Shqipërinë në vitin 2020 u kthye në të paktën 12 mandate në vend, dhe këto mandate do të kthehen sërish në drogë. Ai shton e klanet Gjici, Frroku, Beqaj, Sterkaj, Ndreu, Ndreca, Malaj, Rraja, Ahmeti, Manstirliu, Balluku, Koka, Çyrbja, Balla, Gjiknuri, Brace Peleshi, Klosi, Çuçi, kanë shpenzuar mijëra euro, së paku dhjetëfishi i shumave të shpenzuara nga Tom Doshi po për të njëjtin qëllim, për blerje votash me ushqime, para e favore të tjera per blerje votash me euro, ushqime, dhe favore te tjera për të siguruar 10-12 mandate.

Nga ana tjetër, Prokuroria e Posaçme e njohur ndryshe si SPAK ka nisur hetimet lidhur me denocimin e bërë nga kandidati për deputet i Partisë Demokratike në Tiranë, Aldo Bumçi. Dje, ky i fundit ka publikuar pamjet ku një përfaqësuese e Partisë Socialiste shihet me vota dhe me një stilolaps në dorë. Sipas demokratëve, numëruesja shënonte mbi vota, shumicën të Partisë Demokratike, duke i nxjerrë të pavlefshme. Në zgjedhjet parlamentare të 25 prillit, në total u shënuan gjithsej 83015 vota të pavlefshme, një shifër rekord.

Për më shumë bëhu pjesë e grupit më viral në Facebook, Dosja.al

SHBA ka njohur rezultatin e zgjedhjeve. Ned Price, zëdhënësi i Departamentit Amerikan të Shtetit ka përgëzuar Shqipërinë për procesin e zgjedhjeve të 25 prillit. Në një status në rrjetet sociale, Price shkruan se vazhdojnë të shpresojnë për një partneritet të ngushtë me Kryeministrin Rama dhe të përgëzojnë fushatën e fortë të opozitës. Ndër të tjera, zëdhënësi i DASH shton se respektimi i rezultateve të zgjedhjeve legjitime forcon demokracinë e Shqipërisë.

Ambasadorja amerikane, Yuri Kim ka komentuar për herë të parë procesin e zgjedhjeve parlamentare të 25 prillit, ku fituese ka dalë Partia Socialiste. Kim falenderoi të dy liderët e partive të mëdha, Edi Rama dhe Lulzim Basha për fushatën e bërë, ndërsa shtoi se populli foli qartë. 

Sa i përket shkeljeve të pretenduara gjatë procesit zgjedhor por edhe numërimi, ambasadorja Kim kërkoi që palët të presin publikimin e raportit final të OSBE, duke shtuar se duhet të përdoret për të përmirësuar votimet e radhës. Në fund, Kim ka përcjellë edhe një mesazh për të gjithë ata që kanë shkelur ligjin, duke kërkuar ndjekjen e tyre nga instancat e drejtësisë. 

(f.m/Dosja.al)

  • 22:12

    Nën Presidenti i Këshillit Atlantik uron Ramën për fitoren e zgjedhjeve: Tani është koha që qeveria dhe parlamenti i Shqipërisë të vendosin rregull në sundimin e ligjit

    Nën Presidenti i Këshillit Atlantik Damon M. Wilson, ka uruar Kryeministrin Edi Rama për fitoren e zgjedhjeve në 25 prill. Në një postim në Twitter, Willson shkruan se gjeja më e rëndësishme është që të shohësh demokracinë që të funksionojë. Ai gjithashtu ka përgëzuan kreun e Opozitës, Lulzim Basha, duke shkruar se në fushatën elektorale i dha zë shumëkujt. Willson gjithashtu shkruan se në Shqipëri është koha që të dyfishohet rregulli për sundimin e ligjit, reformën zgjedhore dhe për të përmirësuar drejtësinë për qytetarët shqiptarë.

    “Kryesore është të shohësh demokracinë e Shqipërisë duke funksionuar. Ne e përgëzojmë Kryeministrin Edi Rama dhe Socialistët për fitoren e tyre në zgjedhje. Ne gjithashtu përgëzojmë Kryetarin e PD Lulzim Basha për udhëheqjen e fushatës së fortë që u dha zë shumëkujt dhe dha shpresë. Tani është koha që qeveria dhe parlamenti i Shqipërisë të dyfishojnë rregullin pwr sundimin e ligjit, reformën gjyqësore dhe masën anti-korrupsion për të përmirësuar drejtësinë për qytetarët shqiptarë dhe për të mbështetur çështjet për pranimin në BE”, shkroi Willson.

  • 21:47

    Dy ditë nga shpallja e rezultatit, Kurti uron Ramën: Shqipëria dhe Kosova nuk munden pa njëra-tjetrën, sqaroni çdo paqartësi në lidhje me procesin zgjedhor, të mos cënohet vota e askujt

    Kryeministri i Kosovës, Albin Kurti ka uruar Edi Ramën për fitoren e zgjedhjeve të 25 prillit. Me anë të një oistimi në Facebook, Kurti ka është shprehur se Kosova dhe Shqipëria nuk bëjnë dot pa njera-tjetrën dhe ka uruar që të shtohet bashkëpunimi mes Kosovës dhe Shqipërisë. Kurti gjithashtu ka shkruar se institucionet në Shqipëri duhet që të sqarojnë çdo paqartësi dhe se e drejta e votës nuk duhet t’i preket askujt.

    Postimi i plotë:

    Sipas rezultateve paraprake të shpallura nga KQZ në Republikën e Shqipërisë, Partia Socialiste dhe kryeministri Edi Rama ka fituar zgjedhjet parlamentare. Kosova nuk mundet pa Shqipërinë e Shqipëria nuk mundet pa Kosovën, prandaj e përgëzoj kryeministrin e Shqipërisë Edi Ramën për rezultatet, dhe uroj që së bashku, si shqiptarë, të shtojmë bashkëveprimin mes nesh në të gjithë sektorët, si dhe t’i afrojmë standardet evropiane sa i përket demokracisë, zhvillimit ekonomik, drejtësisë e mirëqenies. Njëkohësisht uroj që institucionet në Shqipëri të sqarojnë çdo paqartësi në lidhje me procesin zgjedhor që askujt të mos i preket e drejta e votës, mbi të cilën themelohet demokracia përfaqësuese. Këto janë pritshmëritë e shqiptarëve, andaj, të punojmë së bashku.

  • 19:03

    Myslim Murrizi kërkon pamjet filmike të qendrave të numërimit: Ka manipulime votash, numëruesit fundërrina i kanë tjetërsuar

    Myslim Murrizi, kreu i Partisë Lëvizja Demokratike Shqiptare ka depozituar një kërkesë në KQZ për të marrë filmimet e KZAZ-ve në qarqet ku ka shpallur kandidaturën. Në një status në Facebook, Murrizi shkruan se pas kësaj, ai do të depozitojë një kërkesë për rinumërim për të parë se sa nga 83 mijë votat e pavlefshme kanë qenë të tijat.

    Më pas, Murrizi thkeson se pas këtyre hapave do të kërkoje verifikim nga SPAK për të zbuluar nëse pavlefshmëria e votave është bërë me qëllim nga numëruesit të cilët i konsideron fundërrina.

    “Sot depozitova kerkesen prane KQZ per te mare pamjet filmike te kameres qendrore te KZAZ ne 4 qarqe Pas kesaj do te depozitoj kerkese per rinumerim dhe per te pare se sa nga 83.000 vota te quajtura te pavlefeshme kane shenjen e VOTUESIT TEK NR 3 PLDSH Pasi te shoh kete do ti drejtohem SPAKUT me denoncim per te hetuar me ekspertize se dy apo me shume shenja ne fleten e votimit a jane bere nga e njenjta dore apo duar te ndryshme? Deklarata e djeshme e kryetarit te PS Z Rama se 45% e votave te pavlefeshme jane te PS eshte motivi qe me ka shtyre te kerkoj se sa nga keto vota jane te PLDSH KUR “ ANKOHEN” PS PD LSI QE JU PASKAN “ PRISHUR”NUMERUESIT E TYRE VOTAT, PO NE NENTE PARTIT E TJERA ÇFAR DUHET TE BEJME ME KETA FUNDERRINA NUMERUES???”- shkruan Murrizi.

  • 18:42

    Zgjedhjet 2012/ Peter Zingraf u bën thirrje organeve të drejtësisë: Akuzat dhe ankesat për shitblerjen e votës të trajtohen pa vonesë dhe me vendosmëri

    Ambasadori gjerman Peter Zingraf u ka bërë thirrje organeve të drejtësisë në vend që çdo ankesë dhe denoncim për shitblerje votash të trajtohet me vendosmëri dhe shpejt. Përmes një deklarate të shkruar në faqen zyrtare të ambasadës gjermane, Zingraf shkruan se procesi i zgjedhjeve të 25 Prillit, në tërësi ka shkuar mirë, por që duhet pritur për raportin përfundimtar të OSBE-ODIHR. Ai shton më tej se përmbajtja e subjekteve politike në ditën e zgjedhjeve duhet përgëzuar si dhe uron kryeministrin Edi Rama për fitoren e mandatit të tretë.

    Deklarata e plotë:

    Dita e zgjedhjeve të dielën e shkuar rrodhi e qetë dhe thuajse kudo e paqtë. Fakti, që një numër i madh qytetaresh dhe qytetarësh shqiptarë dhanë votën e tyre, bën të qartë dëshirën për të bashkëvendosur. Kodi i ri zgjedhor e kaloi me sukses testin e tij të parë. Procesi zgjedhor vijoi përgjithësisht pa fërkime, administrata zgjedhore në nivel qendror dhe lokal bëri një punë të mirë – falënderimi im u takon atyre. Ne kemi ndjekur raportin paraprak të OSBE/ODIHR dhe jemi duke pritur atë përfundimtar. Të gjitha akuzat dhe ankesat, që kanë të bëjnë me zgjedhjet, mes tyre edhe ato për shitblejren e votës, duhet të trajtohen pa vonesë dhe me vendosmëri – në këtë pikë Komisioni Qendror i Zgjedhjeve dhe organet e drejtësisë duhet të marrin përsipër një përgjegjësi të rëndësishme. Vetëpërmbajtja dhe maturia e shumë kandidateve dhe kandidatëve ditën e zgjedhjeve meriton respekt. Unë shpresoj që të gjithë aktorët politikë të kenë edhe në të ardhmen një qasje konstruktive dhe bashkëpunuese ndaj njëri-tjetrit. Krahas kësaj presim që ata të njohin rezultatin e zgjedhjeve.

    Për ne me rëndësi vendimtare është rruga e mëtejshme e Shqipërisë drejt anëtarësimit në BE. Unë pres që të gjitha partitë dhe aktorët politikë të kontribuojnë në mënyrë aktive në këtë drejtim dhe që përmes reformash të tjera të bëhen hapa përpara. Përgëzoj Partinë Socialiste për fitoren. Qeveria e saj do të ketë një funksion kyç në këtë proces reformash. Po kështu përgëzoj edhe Partinë Demokratike, e cila ka mundur të shënojë një rritje të konsiderueshme krahasuar me zgjedhjet e fundit. Një demokraci e shëndetshme ka nevojë për një opozitë të fortë parlamentare si dhe për përfshirjen dhe kontributin e saj aktiv, për shembull në ligje dhe vendime që kërkojnë shumicë të cilësuar. Gjermania do të vazhdojë ta shoqërojë dhe mbështesë Shqipërinë edhe më tej në rrugën e saj.

  • 18:00

    ANALIZA e Genc Pollos: Pa ndryshimet në Kod sot PD do kishte 68 mandate, ‘kingmaker’ do ishte PSD e Doshit, si u ndoq strategjia e gabuar (KYÇI në vitin 2019)

    Genc Pollo

    Ish-ministri i qeverisë “Berisha”, Genc Pollo ka analizuar në një shënim të gjatë arsyet e humbjes së Partisë Demokratike në zgjedhjet e 25 prillit. Në një analizë të gjatë, të cilën e publikoi në rrjetin e tij social Facebook, Pollo sqaroi se kishte përsëritur ushtrimin për nxjerrjen e mandateve me formulën e “D’Hondt”, por pa llogaritur ndryshimet e bëra në Kodin Zgjedhor. Sipas kalkulimeve të Pollos, PS merr vetëm 69 mandate, ndërsa opozita e bashkuar, 68, duke ia lënë “topin” PSD-së së Tom Doshit.  Më tej, ish-ministri sqaroi edhe ndikimin e djegies së mandateve dhe bojkotimin e zgjedhjeve lokale në vitin 2019.

    “Rezultati i këtij ushtrimi më befasoi: Opozita në pesë qarqe merrte një mandat më shumë se aktualisht; pikërisht në Tiranë, Durrës, Berat, Vlorë e Gjirokastër. Me këtë rezultat PS merrte vetëm 69 mandate deputetësh dhe Opozita e Bashkuar 68. Kingmaker mbetej PSD e cila me gjasë në shtator do të bënte me votë atë që tha të hënën kryetari i saj me gojë. Nëse opozita nuk do të kuturisej në pranverën 2019 me shumë gjasë ajo do të arrinte të fitonte të paktën 70-71 mandate. Nëse qeveria Rama në fushatë nuk do të blinte vota, nuk do abuzonte me shtetin, nuk do të thërriste në ndihmë banditët, nuk do të kontrollonte mediat e me radhë, fitorja e opozitës do të ishte më e thellë. Por këto të fundit opozita nuk i ndalte dot. Mund të vazhdoja më tutje me nëse opozita nuk do të bënte gabimin X e Y po do të ishte teprim i panevojshëm. Motivi për këtë shënim nuk është të qarët mbi qumështin e derdhur. Jeta politike vazhdon. Po ashtu edhe detyrimi për të nxjerrë mësime e për të mos përsëritur gabimet,”-sqaroi më tej Pollo.

    ANALIZA E PLOTË:

    Mea culpa politike e mendtë në kokë. 1- Surpriza e formulës D’Hondt sipas ligjit të vjetër
    Ditët e para kësaj jave mbasi u shpallën rezultatet zgjedhore bëra një ushtrim në kompjuter duke pjesëtuar rezultatin e çdo subjekti në secilin qark e duke renditur herësit të cilët korespondojnë me mandatet e deputetit të fituara. E thënë ndryshe aplikova formulën D’Hondt që mban emrin e një matematikani belg të shekullit të 19-të e që përdoret rëndom në botë për shpërndarjen e mandateve. Nuk po bëja atë që gjëndej në çdo portal! Po imagjinoja sikur Kodi Zgjedhor nuk ishte ndryshuar njëanshëm nga Edi Rama në vjeshtë dhe se PD e LSI po garonin të dyja brenda koalicionit të Opozitës së Bashkuar por secila me listën e vet. Rezultati i këtij ushtrimi më befasoi: Opozita në pesë qarqe merrte një mandat më shumë se aktualisht; pikërisht në Tiranë, Durrës, Berat, Vlorë e Gjirokastër. Me këtë rezultat PS merrte vetëm 69 mandate deputetësh dhe Opozita e Bashkuar 68. Kingmaker mbetej PSD e cila me gjasë në shtator do të bënte me votë atë që tha të hënën kryetari i saj me gojë. 2- Përgjegjësia personale dhe ajo kolektive. Një të hënë në shkurt 2019 grupi parlamentar i Partisë Demokratike diskutoi e miratoi një propozim të pazakonshëm që deputetët e degjuan një ditë më parë në TV: largimin definitiv nga Kuvendi ose siç njihet “djegien e mandateve”. Plot dy muaj më vonë Këshilli Kombëtar i PD-së diskutoi e miratoi një tjetër propozim të pazakonshëm: “të angazhohet të pamundësojë mbajtjen e zgjedhjeve fasadë” ose siç tashmë njihet bojkotin e zgjedhjeve vendore të 30 qershorit 2019. Vendimmarrja u krye në atmosferë të ndikuar prej muajsh nga një bestytni popullore se masa të tilla ekstreme do të sillnin vetvetiu ndryshimin e qeverisë. Por edhe ata anëtarë të grupit e të Këshillit të cilit ishin pak të ndikueshëm nga bestytnitë u ndodhën para një dileme të vështirë: refuzimi i propozimit do të thoshte edhe delegjitimim publik i udhëheqjes; e gjitha kjo para zgjedhjeve vendore që do të ndiqeshin nga ato kuvendore. E parë në retrospektivë si propozimi ashtu edhe vendimi ishin të gabuar. Mbase do t’ia kishte arritur qëllimit po të pranohej në ndërgjegje se kostot e një “color” revolucioni si ai ukrainas apo gjeorgjian do t’ja vlenin dhe të ishte kalitur vullneti për t’i çuar gjerat deri në fund. Edhe kur fundi ishte afër ekstremit. Por kjo nuk ndodhi! Vërtet që opinioni brenda e jashtë u ndërgjegjësua për zullumin banditesk të Ramës e disa ndërkombëtarë filluan të çelin sytë ndaj tij. Por duke qenë se dy aktet e opozitës nuk sollën ndryshimin politik të premtuar pjesa neutrale e opinionit filloi t’i shohë ato si kuturisje problematike. Sa për ndërkombëtarët të mëdhenj e të vegjël shqetësimi se mos kuturisje të tilla bëheshin praktikë opozitare në Ballkan, Kaukaz e më gjerë ishte ku e ku më i madh se sa problemet brenda Shqipërisë. Kaq mjaftonte e tepronte që të bëheshin agresivë me opozitën. Për vendimin e gabuar mua më duhet të mbaj përgjegjësi për votën time; ndoshta edhe t’u lyp ndjesë atyre që më votuan deputet në parlament e anëtar në Këshill.  3- Sikur të bëhesha prapë nuse ! Por të shikosh në retrospektivë nuk do të thotë të bësh të mençurin pas kuvendit. Kjo analizë vetëkritike ndihmon të kuptosh se çfarë ndodhi e na shërben të gjithëve si përvojë. Sikur PD e pas saj tërë opozita të mos kishte djegur mandatet atëhere Rama nuk do të kishte mundur të abrogonte koalicionet parazgjedhore siç ishin praktikuar prej dy dekadash dhe nuk do të mund t’i merrte me këtë truk 2,8% të gjithë mandateve; ose pesë copë siç m’a dëfteu ushtrimi më sipër. Atij që më kujton se faji është më shumë tek hajduti se sa tek roja i gjegjet hazërxhevapi duke sqaruar se nuk ke pse të varësh me dorën tënde mëlçitë në qafë të ujkut. Sikur PD e pas saj tërë opozita të mos kishte bojkotuar zgjedhjet lokale, nuk parashikoj se do arrinte triumf në to; por PD e vetme fitoi 1/4 e bashkive në 2015 nga Shkodra në Përmet e nga Kukësi në Selenicë. Opozita e 2019 mund të shpresonte me realizëm për më shumë se kaq. Edi Rama i mori pa garë të tëra bashkitë në vend dhe i keqpërdori për zgjedhje duke rritur masivisht punësimin elektoral. Nuk do të doja të rekomandoja që bashkitë e munguara të PD të bënin të njëjtën gjë. Por është e qartë se ato do të ndihmonin shumë fushatën në terren. Sidomos në tre katër qarqe ku formula d’Hondt për dyqind a treqind vota e dërgoi mandatin e fundit nga partitë e opozitës tek PS. Epilog Nëse opozita nuk do të kuturisej në pranverën 2019 me shumë gjasë ajo do të arrinte të fitonte të paktën 70-71 mandate. Nëse qeveria Rama në fushatë nuk do të blinte vota, nuk do abuzonte me shtetin, nuk do të thërriste në ndihmë banditët, nuk do të kontrollonte mediat e me radhë, fitorja e opozitës do të ishte më e thellë. Por këto të fundit opozita nuk i ndalte dot. Mund të vazhdoja më tutje me nëse opozita nuk do të bënte gabimin X e Y po do të ishte teprim i panevojshëm. Motivi për këtë shënim nuk është të qarët mbi qumështin e derdhur. Jeta politike vazhdon. Po ashtu edhe detyrimi për të nxjerrë mësime e për të mos përsëritur gabimet. 

  • 17:13

    Zgjedhjet 2021/ Ambasadorja Yuri Kim jep “ok”: Populli foli qartë! Përgëzime Ramës e Bashës. Shkeljet? Prisni raportin e OSBE, ndiqni penalisht ata që shkelën ligjin…

    Yuri Kim

    Ambasadorja amerikane, Yuri Kim ka komentuar për herë të parë procesin e zgjedhjeve parlamentare të 25 prillit, ku fituese ka dalë Partia Socialiste. Kim falenderoi të dy liderët e partive të mëdha, Edi Rama dhe Lulzim Basha për fushatën e bërë, ndërsa shtoi se populli foli qartë. Sa i përket shkeljeve të pretenduara gjatë procesit zgjedhor por edhe numërimi, ambasadorja Kim kërkoi që palët të presin publikimin e raportit final të OSBE, duke shtuar se duhet të përdoret për të përmirësuar votimet e radhës. Në fund, Kim ka përcjellë edhe një mesazh për të gjithë ata që kanë shkelur ligjin, duke kërkuar ndjekjen e tyre nga instancat e drejtësisë. 

    “Ne e përgëzojmë kryeministrin Edi Rama dhe PS në fitoren e tyre elektorale. Ne gjithashtu përgëzojmë Kryetarin e PD-së, Lulzim Basha për udhëheqjen e një fushate të fortë që u dha zë shumëkujt & frymëzoi shpresë. Më e rëndësishmja, ne përgëzojmë popullin shqiptar, i cili foli qartë. Duke njohur rezultatet e këtyre zgjedhjeve dhe duke bashkëpunuar me njëri-tjetrin, udhëheqësit do të veprojnë me përgjegjësi për të mirën e popullit shqiptar. Ne shpresojmë të punojmë me Shqipërinë për të forcuar më tej bashkëpunimin mbi demokracinë, mbrojtjen dhe biznesin. Prisni raportin final të OSBE, i cili duhet të përdoret për të përmirësuar më tej zgjedhjet e Shqipërisë. Ne përsërisim që instancat ligjore duhet të ndjekin penalisht cilindo që shkeli ligjin dhe pengoi të drejtën e qytetarëve për të votuar lirshëm dhe në paqe,”-shkruan Kim në postimin e saj. 

  • 17:10

    Zgjedhjet e 25 prillit, DASH përgëzon Shqipërinë: Respektimi i rezultateve legjitime forcon demokracinë, Opozita bëri fushatë të fortë

    Foto ilustruese

    Ned Price, zëdhënësi i Departamentit Amerikan të Shtetit ka përgëzuar Shqipërinë për procesin e zgjedhjeve të 25 prillit. Në një status në rrjetet sociale, Price shkruan se vazhdojnë të shpresojnë për një partneritet të ngushtë me Kryeministrin Rama dhe të përgëzojnë fushatën e fortë të opozitës. Ndër të tjera, zëdhënësi i DASH shton se respektimi i rezultateve të zgjedhjeve legjitime forcon demokracinë e Shqipërisë.

    “SH.B.A. përgëzon popullin e Shqipërisë për zgjedhjet e tyre të fundit. Ne shpresojmë të vazhdojmë partneritetin tonë të ngushtë me Kryeministrin Rama dhe të përgëzojmë fushatën e fortë të opozitës. Respektimi i rezultateve të zgjedhjeve legjitime forcon demokracinë e Shqipërisë,”- shkruan Price. 

  • 16:50

    PD ka ende shpresa! Alibeaj: Gjithçka mund të përmbyset, 6% e votave dolën të pavlefshme dhe asgjë s’ka përfunduar. Basha nuk do largohet, vetëm ai do ta përmbysë regjimin

    Enkelejd Alibeaj

    Partia Demokratike ka ende shpresa se mund të përmbyset rezultati. I ftuar në studion e lajmeve në News 24, Enkelejd Alibeaj tha se beteja për PD-AN-në ishte shumë e vështirë pasi përballë tyre qëndronte krimi që livadhiste lirshëm në vend. 6% të votave që rezultuan të pavlefshme, sipas Alibeajt janë pika që mund të përmbysin rezultatin sepse PD dhe PS i ndajnë vetëm 6 apo 7 ulëse në Parlamentin e Shqipërisë. Alibeaj tha më tej se maxhiranca ka bërë kërdinë në blerjen e votave, sidomos në administratë, ku njerëzit edhe janë kërcënuar me vendin e punës. Përsa u përket zërave që kërkojnë largimin e kryedemokratit Lulzim Basha, Alibeaj tha se kjo gjë nuk do të ndodhë, pasi ai është i vetmi që mund ta përmbysë regjimi

    “Përballë nesh ishte krimi që livadhiste lirshëm në vend. Nuk mendoje se duhet ndërruar lidershipi. Ç’lidhje ka kjo? Ku ishin deri dje ata që dolën sot dhe kërkuan këtë gjë? Çfarë bënë? Ishte një administratë përpara, e dini ju çfarë do të thotë administrate e të gjitha bashkive që nën kërcënimin mos hmbasin vendin e punës, duhet të siguronin votat. Ai maturanti që ka frikën e shkollës. Është Lulzim Basha ai që do ta shembë regjimin, pavarësisht kritikave që mund të ketë. 6% e votave dolën të pavlefshme dhe lëvizin vetëm 6 apo 7 deputetë. Ato mund të përmbysin rezultatin, me gjithë këto shkelje që janë raportuar edhe pse është deklaruar tashmë rezultati. Gjithçka mund të ndryshojë. Ky është vetëm fillimi i betejës. Basha mori 622 mijë vota në një situatë më të padrejtë. Situate nuk do të jetë e qetë,”- tha Alibeaj.

  • 16:43

    Petrit Vasili: 20 vota të LSI-së ia kaluan PS-së në Durrës, ja çfarë ndodhi gjatë procesit të numërimit


    Nënkryetari i Lëvizjes Socialiste për Integrim, Petrit Vasili ka denoncuar tjetërsimin e votave në Durrës. Në një deklaratë për mediat, Vasili teksa publikoi disa foto tha se nga qindra kuti që janë për t’u numëruar, vetëm në 4 kutitë e para janë gjetur rreth 20 vota që i përkasin Lëvizjes Socialiste për Integrim, ose që janë vlerësuar të pavlefshme, por që çuditërisht janë numëruar si vota të Partisë Socialiste.

    Deklarata për mediat e Nënkryetarit të LSI-së, Petrit Vasili.

    Të nderuar qytetarë! Të gjithë e keni shumë të qartë, atë që po ndodh me procesin zgjedhor dhe me manipulimin masiv të këtij procesi. Jam këtu para jush për të denoncuar live në kohë reale, atë që po ndodh në Durrës, një masakër e vërtetë elektorale, gjatë procesit të numërimit të votave për kandidatët që kanë marrë pjesë në zgjedhje. Vetëm në 4 kuti, nga qindra kuti që janë për t’u numëruar, vetëm në 4 kutitë e para janë gjetur rreth 20 vota që i përkasin Lëvizjes Socialiste për Integrim, ose që janë vlerësuar të pavlefshme, por që çuditërisht janë numëruar si vota të Partisë Socialiste. Dhe ndodhen aty si vota të Partisë Socialiste. Vetëm disa dhjetëra vota dihet që zhbëjnë rezultatin e Durrësit dhe i japin kandidatit të LSI-së mandatin e deputetit.

    Situata është vërtetë skandaloze, në kufijtë e një paligjshmërie absolute. Ndaj ftoj publikisht operacionet ndërkombëtare dhe vëzhguesit ndërkombëtarë si dhe përfaqësuesit e KQZ në Tiranë që të jenë pjesë dhe të monitorojnë të gjithë tavolinat e numërimit nga afër dhe ta monitorojnë çast pas çasti këtë proces. Ndërkohë procesi i numërimit siç e dini bëhet nul pa një proces transparent ligjor, e ndërkohë ju keni mundësi të ndiqni proces verbalet origjinale ku evidentohen votat të cilat janë futur në zarfet e kandidatëve, vota të pavlefshme të cilat janë konsideruar si vota të PS. Ky proces është i shpërndarë në të gjithë qendrat e votimit dhe monitorimi, verifikimi gjatë numërimit i çdo vote dhe çdo procesverbali do të shikoni sesi do vazhdojë të provojë këtë masakër elektorale që ndërkohë po ndodh në Durrës por që ka ndodhur anë e mbanë vendit. Ju ftoj sërish dhe njëherë monitoruesit ndërkombëtarë dhe KQZ që të mos humbasin asnjë minutë kohë por të nisen drejt Durrësit dhe të verifikojnë në çdo tavolinë numërimi se çfarë po ndodh me votat dhe me të gjithë sistemin mafioz të pavlefshmërisë dhe transferimit të votave ndaj Rilindjes.

  • 16:43

    Zgjedhjet 2021/ LSI si PD, kërkesë KQZ: Duam kopje të pamjeve filmike dhe të PEI, sa më shpejt!

    Pas Partisë Demokratike, edhe Lëvizja Socialiste për Integrim ka kërkuar nga Komisioni Qendror i Zgjedhjeve kopje të materiali elektronik të Qendrave të Votimit. Në shkresën dërguar kryekomisionierit Ilirjan Celibashi, LSI kërkon me urgjencë kopje të pamjeve filmike dhe të pajisjes së identifikimit elektronik.

    I nderuar Komisioner, në përfundim të procesit zgjedhor për zgjedhjet kërkojmë nga ana juaj vënien në dispozicion të kopjeve të pamjeve filmike për 5199 QV në rang vendi. Kopje të materialit elektronik të pajisjeve PEI në rang vendi. Lutem vënia në dispocion e tyre të bëhet brenda një afati sa më të shpejtë,”-shkruhet në kërkesën e LSI.

  • 16:33

    ME VIDEO/ Numëruesja me stilolaps në dorë kthente votat në të pavlefshme, çështja shkon në SPAK

    Prokuroria e Posaçme e njohur ndryshe si SPAK ka nisur hetimet lidhur me denocimin e bërë nga kandidati për deputet i Partisë Demokratike në Tiranë, Aldo Bumçi. Dje, ky i fundit ka publikuar pamjet ku një përfaqësuese e Partisë Socialiste shihet me vota dhe me një stilolaps në dorë. Sipas demokratëve, numëruesja shënonte mbi vota, shumicën të Partisë Demokratike,  duke i nxjerrë të pavlefshme.

    Në zgjedhjet parlamentare të 25 prillit, në total u shënuan gjithsej 83015 vota të pavlefshme, një shifër rekord.

  • 16:20

    Zgjedhjet e 25-prillit, Berisha: Vota u ekzekutua para se të hidhej në kuti, klanet e krimit blenë të paktën 10-12 mandate, droga u kthye në ulëse Parlamenti

    Sali Berisha

    Ish-kryeministri Sali Berisha e ka cilësuar 25 prillin si një ditë të zezë në historinë e demokracisë në Shqipëri dhe ditën e zgjedhjeve jo-demokratike. Në një analizë të publikuar në faqen e tij në Facebook, Berisha shkruan se vota e lirë e shqiptarëve është ekzekutuar para se të hidhej në kuti, duke akuzuar kështu maxhorancën për blerje votash.

    Berisha shton se kanabisi i mbjellë në të gjithë Shqipërinë në vitin 2020 u kthye në të paktën 12 mandate në vend, dhe këto mandate do të kthehen sërish në drogë. Ai shton e klanet Gjici, Frroku, Beqaj, Sterkaj, Ndreu, Ndreca, Malaj, Rraja, Ahmeti, Manstirliu, Balluku, Koka, Çyrbja, Balla, Gjiknuri, Brace Peleshi, Klosi, Çuçi, kanë shpenzuar mijëra euro, së paku dhjetëfishi i shumave të shpenzuara nga Tom Doshi po për të njëjtin qëllim, për blerje votash me ushqime, para e favore të tjera per blerje votash me euro, ushqime, dhe favore te tjera për të siguruar 10-12 mandate.

    Referuar fjalëve më lart dhe ngjarjes së rëndë në Elbasan ku u vra Pjerin Xhuvani, Berisha paralajëmron e Librit e Zi të zgjedhjeve jo demokratike të vitit 2021 në Shqipëri. Ai shton se ky libër në kohën më të shkurtër do t’ju dërgohet institucioneve të shtetit njepartiak, OSBE ODHIR, institucioneve ndërkombëtare, Këshillit të Europës, Komisionit Europian, Parlamentit Europian, Kongresit te SHBA, Bundestagut, parlamenteve, ministrive të jashtme, qeverive të vendeve anëtare te BE dhe NATO-s.

    Shkrimi i plotë:

    25 prilli, dite e zeze ne historine e demokracise ne Shqiperi! Zgjedhjet jo demokratike! Mandat mbi drogen, krimin, blerjen dhe abuzimin me pushtetin! Vota e lire e shqiptareve u ekzekutua para se te hidhej ne kuti! Te dashur miq, zgjedhjet apo me sakte farsa e tyre perfundoi. Gjate fushates dhe keto dite me eshte rikujtuar viti 2000. Ne tetor do zhvilloheshin zgjedhjet lokale. Ish presidenti Xhimi Karter dergoi nga Qendra e tij, qe ne gusht te atij muaji, nje mision faktmbledhes per te marre persiper vezhgimin e zgjedhjeve. Misioni i Presidentit Karter pas dy jave qendrimi u largua nga Shqiperia dhe vendosi te mos i vezhgonte zgjedhjet pasi konstatoi se qeveria socialiste i kishte ekzekutuar ato para se te zhvilloheshin. E njejta gje ndodhi pas 20 vitesh me zgjedhjet e 25 prillit te vitit 2021. Vota e lire e shqiptareve u dhunua para se te hidhej ne kuti per asrsyet qe vijojne.

    1- Nga droga.

    Viti 2020, pra viti para zgjedhor ishte viti ne te cilen me ftese te kreut te narkoshtetit Shqiperia u mbulua me kanabis de juro medicinalis kurse de facto ‘electoralis’. Ne keto zgjedhje me shume se ne te gjitha tjerat vetem droga medicinale u kthye te pakten 12 mandate dhe mandatet do kthehen ne droge.

    2- Narkoshteti.

    Ne keto zgjedhje me shume se ne çdo fushate tjeter narkoshteti u shnderrua ne makineri elektorale te Kreut te Meduzes. Parlamenti ne shkelje te konsensusit te vendosur mes forcave politike beri ndryshime kushtetuese ligjore, me te cilat favorizohej me disa mandate partia e qeverise. KQZ, Kolegji, Policia e shtetit, Porkuroria dhe gjykatat e partise ne 98% te vendimeve qendruan besnike te palekundura te partise shtet. Po ndalem ketu vetem ne ngjarjen tragjike te Elbasanit. Banda e personave ne shoqerim te Edi Rames sulmoi shtazerisht e keqtrajtoi fizikisht para kamerave dhe ne prani te bossit te tyre mbeshtetes te opozites. Asnje nga keta bandite nuk u penalizua nga policia, prokuroria e partise sepse duheshin te vazhdonin misionin tyre kriminal te terrorizimit te popullates dhe blerjes se votes.  Ndaj dhe me 21 Mars kjo bande kishte dale publikisht dhe e armatosur per blerje votash, gje qe solli pergjakjen e Elbasanit. Pas ngjarjes narkopolicia dhe narkoprokuroria fshehen ne menyre kriminale provat qe faktonin se ne makina u gjeten materiale per blerje te votes.  Perveç kesaj, dispozitat e kodit elektoral por dhe nenet e Kartes se Kopenhegenit per zgjedhjet e lira qe ndalojne perdorimin e burimeve te qeverise dhe shtetit per ndikim ne procesin zgjedhor, u shkelen me urdhera, ligje, vendime dhe akte te gjitha publike me qindra here nga Edi Rama dhe zyrtaret e tij.

    Nuk po ndalem ketu ne perdorimin e mjeteve shteterore dhe administrates per fushate nga Edi Rama dhe ministra e narkozyrtaret e tij as tek qindra tendera dhe prokurime publike  ne funksion te zgjedhjeve, as ne dhjetra e dhjetra inaugurime elektorale po po jap ketu vetem nje fakt; Vetem bashkia e Durresit ka levruar pas dates 25 Mars transferta nga Thesari per individin (te demtuarit nga termeti) 83 here me shume se sa ka levruar nga 1 dhjetori i vitit 2019 deri me 25 Mars te vitit 2021. Pengmarrja e votes me te dhenat personale te qytetareve. Dergimi i te dhenave personale te mbrojtura me ligj dhe kushtetute ne çdo vend demokratik te botes nga e-Albania ne seline e partise socialiste perben megakrimin elektoral me te madhin ne histori, perben aktin me te rende pas burgosjes politike qe nje shtet mund te kryej ndaj qytetareve te tij. Ky akt de fakt shenon jo vetem deligjitimin e zgjedhjeve por edhe te shtetit bandit qe kryen ate.

    Edi Rama pajisi patronazhistet e tij me te dhena qe dikur sigurimi i shtetit pajiste patronazhistet e partise shtet qe te merrnin peng dhe te konfiskonin voten e qytetareve shqiptar. Po ne kete kontekst, narkoshteti me kontrollin e tij te rrepte ndaj mediave dhe blerjen e polleve per manipulimin e opinionit, shenon ne çdo aspekt nje rekord te zi ne pabarzine e paraqitjes se fushtes elektorale te paleve ne gare.  Keshtu, me shnderrimin e narkoshtetit ne makineri elektorale u asgjesua barazia midis paleve, kushti i te gjitha kushteve per zgjedhje te drejta sipas standarteve nderkombetare dhe vota e lire u fut ne agoni.

    3-Blerja e votes ne zgjedhjet e 25 Prillit ishte me masive se kurre me pare.  Ajo u shnderrua ne nje treg pothuaj publik. Partia Doshi eshte vetem nje shembull i “industrializimit” te blerjes se votes per llogari te Edi Rames sepse makineria me e madhe e blerjes se votes e ketij megakrimi elektoral qendron ne Partin Socialiste. Keshtu nga klanet Gjici, Frroku, Beqaj, Sterkaj, Ndreu, Ndreca, Malaj, Rraja, Ahmeti, Manstirliu, Balluku, Koka, Çyrbja, Balla, Gjiknuri, Brace Peleshi, Klosi, Çuçi, etj jane shpenzuar per blerje votash me euro, ushqime, dhe favore te tjera se paku dhjetfishi i shumave te shpenzuara nga Doshi per kete qellim. Me keto shuma jane blere me se paku 10-12 mandate.

    Per te gjitha sa me siper dhe te tjera per te cilat nuk po ndalem, dua te them se vota e lire si shprehje e vullnetit te qytetareve te lire vdiq pa u futur ne kuti dhe natyrisht ne kuti nuk mund te kishte fat tjeter nga ai para kutise. Ne keto rrethana, me te drejte shtrohet pyetja: A duhej opozita te ndiqte kete farse elektorale? Pergjigja ime eshte e prere Po. Kjo sepse ajo duhet ti permbahet e palekundur parimit te saj themelor te ardhjes ne pushtet me voten e qytetareve dhe se dyti duke mos marre pjese ne zgjedhje ajo humbiste te drejten per te qene avokate e besueshme e votes se lire tek shqiptaret dhe miqte dhe partneret tane nderkombetar. Keshtu qe pavaresisht nga te gjitha mendoj se ajo veproj drejte qe mori pjese ne keto zgjedhje. Duke mos mohuar rendesine e padiskutueshme dhe detyrimin e pashmengshem e nje analize te thelle per nxjerrjen e pergjegjesive per rezultatin e ketyre zgjedhjeve nga cilido dhe te drejten e pamohueshme te gjithsejcilit per te kerkuar ne gje te tille, mendoj se e nje rendesie jetike per qytetaret, opoziten, militantet dhe mbeshtetesit e saj qe sakrifikuan aq shume ne keto zgjedhje si dhe per vendin ne teresi eshte mbledhja, administrimi dhe sistemimi i çdo dokumenti, fakti, argumenti dhe pregatitja me seriozitet e objektivitet e Librit te Zi te zgjedhjeve jo demokratike te vitit 2021 ne Shqiperi.

    Ky liber duhet ne kohen me te shkurter tju dergohet institucioneve te shtetit njepartiak, OSBE ODHIR, misioni vezhgues i te cilit ka bere nje raport paraprak te paanshem dhe objektiv per keto zgjedhje. Libri duhet tju dergohet dhe te gjitha institucioneve nderkombetare, Keshillit te Europes, Komisionit Europian, Parlamentit Europian, Kongresit te SHBA, Bundestagut, parlamenteve, ministrive te jashtme, qeverive te vendeve anetare te BE dhe NATO-s dhe menjehere per te gjitha shkeljet e tmerrshme te Konventes Europiane te te Drejtave te Njeriut te paprecedent ne historine e Keshillit te Europes duhet drejtuar Gjykates Nderkombetare te te Drejtave te Njeriut ne Strasburg. Kjo nuk eshte nje beteje e lehte por nisur dhe nga precedenti eshte beteje qe fitohet plotesisht. Zyrtaret, qeveritaret qe qendrojne per voten e lire mirepresin Librin e Zi te zgjedhjeve 2021 te Shqiperise se nje perpjekje serioze, legjitime te opozites shqiptare. Ky eshte nje mision i larte sa shqiptar aq dhe nderkombetar per te gozhduar para botes Lukadrogen e Shqiperise dhe per tju rikthyer shqiptareve voten e lire. sb

Një Koment në “Zgjedhjet 2021/ PD s’e përtyp humbjen, shpresa tek votat e pavlefshme, Alibeaj: Mund të përmbyset gjithçka. LSI: Na kanë tjetërsuar votat. SHBA njeh rezultatin: Përgëzojmë Opozitën dhe kryeministrin Rama

  1. Çjane keto marrina,nuk e pertypka humbjen pd,o te shplafte m..ti qe pranon kasaphanen e zgjedhjeve.Dhe ti moj ndyresire koreje qe gjithe kohen mbeshtete ramen tani dashke tr pranojme rezultatn.Lufte civile do kete moj qelbesire,mjaft qe dikush te kete kellqe dhe ti mos i pyese nderkombetaret e leshit

Shto Koment