Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
SPANJË- Më 3 gusht, ndërsa ai ishte duke ecur nëpër qendrën e Madridit, tre policë iu afruan Domenico Paviglianitit për ta arrestuar. Por ai nuk konsiderohet si vetëm dikushi, pasi Paviglianiti njihet si “shefi i shefave” të ‘Ndranghetas. Kjo organizatë mafioze u krijua në vitet 1860 në Kalabri (Itali), por fuqia e saj duke u kthyer në një institucion global të përbërë nga klane të lidhura që janë shpërndarë në Itali, Gjermani, Kanada, Shtetet e Bashkuara dhe Amerikën Latine. Ky grup kriminal mund të ndikojë në çmimin e kokainës në gjysmën e botës. Më 5 maj, hetimi i njohur si operacioni “Platinum” arriti kulmin pasi çoi pas prangave me arrestimin e 32 mafiozëve në Itali dhe Gjermani. Një prokuror gjerman u shpreh se me finalizimin e operacionit bota e krimit po përballet me një anë të errët. Autoritetet gjermane dhe policia italiane antimafia kishin kaluar vite duke vëzhguar një nga anëtarët e klanit, Sebastiano Giorgi – i njohur si “Bacetto”, që në spanjisht do të thotë “puthje e vogël”. Ai ishte i vendosur në qytetin piktoresk gjerman të Überlingen, në bregun verior të Liqenit të Konstancës. Atje ai drejtonte një restorant italian të frekuentuar nga turistët, i cili në fakt përdorej vetëm për pastrimin e parave që siguronte nga shitjet e kokainës që merrte nga Amerika Latine në Evropë.
Në shtëpinë shpirtërore të ‘Ndranghetas, në qytetin kalabrez të San Lucas, Giorgi-i njohur si “Boviciani” kishte krijuar aleanca me familjet kryesore të’ Ndrangheta për të formuar një kartel blerësish të drogës. Nga baza e tij në Gjermaninë jugore, Bacetto zgjeroi rrjetin për të përfshirë grupe ndërkombëtare që donin të merreshin me këtë biznes.
Shtrirja e ‘Ndrangheta shkon deri tek kartelet kolumbiane dhe meksikane. Përmes ndërmjetësve në Paraguai dhe Uruguaj – me logjistikën e ofruar nga një bandë e burgjeve të frikshme në Brazil – ata i dërgojnë drogën në portet e Antwerp (Belgjikë), Rotterdam (Holandë) dhe Hamburg (Gjermani), shpesh përmes Afrikës Perëndimore. Sapo kokaina mbërrin në Evropën veriperëndimore, italianët e marrin nën kontroll.
Një rrjet i mirëorganizuar shqiptarësh, rumunësh, kolumbianësh, meksikanësh dhe brazilianësh, kujdesesn për dërgesat në portet e Europës por edhe në qendrat e krimit në Amerikën Latine dhe Afrikën Perëndimore. Megjithëse shumica e klanit Giorgi-Boviciani u prangos në maj të këtij viti, ditën më të keqe “Bacetto” e kishte kaluar 9 muaj më parë, kur ai u arrestua në një pikë kontrolli të policisë ushtarake pranë Überlingen. Sebastiano Giorgi dhe personazhe të tjerë janë ende në pritje të gjykimit pasi akuzat ende nuk u janë provuar.
KLANI GIORGI-BOVICIANI
Edhe pse kishte një vendndodhje piktoreske në brigjet e Liqenit të Konstancës, restoranti Paganini merrte vlerësime mediokre. Konsumatorët ankoheshin për “sallatën e tmerrshme”, spagetti-t pa shije, megjithëse pranonin se stafi ishte shumë miqësor. Paganini renditej i 61 -ti nga 62 restorantet në Überlingen, duke lënë të kuptohej se ushqimi i mirë nuk ishte shqetësimi më i madh i pronarit. Giorgi-t nuk janë aristokratë të ‘Ndranghetas’, por brenda strukturës së tyre të ngurtë ata luajtën një rol vendimtar vendimtar duke blerë kokainë nga ndërmjetësit italianë me qendër në Amerikën Latine. Më pas e nisnin në Evropë dhe më pas duke e shisnin tek blerësit më të vegjël. Si mbulesë, ata përdorën restorante dhe një kompani import-eksporti. Të dhënat e policisë tregojnë se si ata përdornin kamionë me ushqime për të transportuar kokainën nga Holanda në Spanjë. Në Überlingen, Giorgi u përfaqësua nga Bacetto dhe kunati i tij Sebastiano Signati, ndërsa tre vëllezërit e Bacettos – Domenico, Francesco dhe Giovanni – mbetën në Itali. Domenico dhe Francesco jetojnë në San Luca, ndërsa Giovanni në Alghero, Sardenjë. Sipas hetuesve, Giorgi-t importonin ushqim nga Italia dhe e shisnin nëpër restorante italiane në Gjermani pa paguar taksën e shitjes, duke iu shmangur pasgesës së më shumë se 2 milionëve euro taksa. Megjithëse ai ishte kërkuar në Itali që nga viti 2012, Bacetto operonte lirshëm në Gjermani, sepse urdhër-arresti italian nuk ishte i vlefshëm në vendin ku ai po qëndronte.
POLICIA PËRGJON KOMUNIKIMET
Megjithë përpjekjet e tyre të mëdha për të fshehur aktivitetet ilegale brenda ekonomisë ligjore, Giorgi-t dështuan në fusha të tjera vendimtare, veçanërisht në lidhje me komunikimet e tyre të brendshme. Ata dëmtoheshin edhe nga të penduarit që vendosnin që të flisnin me Policinë. Grupi përdorte aplikacionin e koduar EncroChat, duke e bërë të pamundur përgjimin e komunikimeve të tyre. Por hetuesit e Torinos përfituan nga një boshllëk kur vëllai i Bacetto-s, Giovanni, i cili kishte qenë në arrest shtëpiak në San Luca, mori leje për t’u transferuar në një shtëpi në Sardenjë. Pasi u vendosën mikrofona në këtë shtëpi, hetuesit ishin në gjendje të dëgjonin bisedat e Giovanni me familjen dhe miqtë.
Bacetto qëndroi kryesisht në Überlingen, duke mbyllur marrëveshjet për furnizimin e kokainës në Belgjikë, Holandë dhe gjetkë me bandat rumune, shqiptare dhe kolumbiane, të cilat luajnë një rol kyç në tregtinë e drogës rreth porteve të Antwerpenit dhe Roterdamit. Një industri me rrezik të lartë që, me sa duket, shpesh i vinte marrëdhëniet familjare nën tension dhe përçarje.
Në një bisedë me nipin e tij Antonio, Giovanni shan të vëllanë se mbante një pjesë shumë të madhe të fitimeve për vete dhe partnerët e tij në Gjermani. Antonio akuzoi të afërmit e tij në Gjermani se vidhnin rreth 3,000 dhe 4,000 euro në ditë sa herë që ata “punonin”, fjalë që nënkuptonte trafikun e drogës. Edhe pse u nënvleftësua nga familja, Bacetto ishte në fakt “gjaku i jetës” i biznesit të kokainës.
Hetuesit besojnë se “Bacetto” autorizoi Giorgin që të kontaktonte me një person: Denis Matoshi! Një nga bosët e kartelit shqiptar “Kompania Bello”, i cili drejton një bandë shqiptarësh në Roterdam dhe Antwerp, e cila merret me mbikëqyrjen e dërgesës së kokainës në Evropë nëpërmjet Amerikës Latine.
Giuseppe Tirintino, një ish -trafikant i Ndrangheta-s, i cili vendosi që të bashkëpunonte me autoritetet në vitin 2015, tha se Bacetto, “i armatosur” me licencën e blerësit të frutave, kishte përdorur një kamion frigorifer për të kamufluar kokainën e dërguar nëpër Roterdam. Tirintino rrëfeu se kushëriri i tij e furnizoi Bacetto-n me “mallin”, domethënë kokainën, për të cilën paguhej 32,000-33,500 euro për kilogram.
“Ata kurrë nuk blinin më pak se 30 kilogramë kokainë në të njëjtën kohë.”
Bacetto gjithashtu dukej se e shihte veten si një lojtar të rëndësishëm. Në një bisedë të përgjuar në Nëntor 2018 në një Audi A3 që kishte mikrofona, ai u mburr tek i vëllai dhe nipi se fitonte 400,000 euro në vit “neto” dhe ata duhet që të kishin “tope” për të arritur atë që kishte bërë ai në Gjermani.
“Askush nuk më ndihmoi ta bëja këtë. Kush tjetër përveç meje mund ta bënte?,”-mburrej ai.
LIDHJA E ANTWERP
Çdo vit më shumë se 750 milionë kontejnerë nëpër det, e më pak se 2% e tyre kontrollohen. Në vitin 2017, porti i Antwerpit regjistroi deri në 3.5 milion kontejnerë nga anijet hyrëse, nga të cilat vetëm 1% u kontrolluan .
Si porti më i madh evropian i transportit të frutave, Antwerp ka shërbime të drejtpërdrejta të ngarkesave nga Kolumbia, Ekuadori, Guatemala dhe Panamaja. Produktet e freskëta duhet të përpunohen shpejt, që do të thotë se doganat dhe zyrtarët shpesh e kanë të vështirë të kontrollojnë të gjitha dërgesat. Kjo e bën portin një pikë hyrëse të kokainës në Europë. Në vitin 2017, pothuajse 42 tonë kokainë u kapën në port, dhe rreth 50 tonë në 2018. Deri në vitin 2020, kjo shifër është rritur me rreth 65 tonë, ndërkohë që dhjetra të tjera kapen para se të arrijnë në port.
Trafikantët tërhiqen gjithashtu nga aksesi i lehtë rrugor nga Antwerp në Holandë, një treg kyç evropian ku sasi të mëdha të drogës përpunohen para se të shpërndahen. Gjatë gjithë vitit 2018, studiuesit gjurmuan Bacetto dhe Giorgi të tjerë në udhëtime të ndryshme në Holandë. Gjatë këtyre udhëtimeve, Bacetto u takua me disa trafikantë të dyshuar droge, përfshirë rumunin Adrian Bogdan Andrei, alias Andy, të cilin policia e identifikoi si një “shërbëtor” të italianit. Andy e lejoi Bacetto -n të flinte në apartamentin e tij në Rotterdam dhe ta përdorte atë si një bazë logjistike teksa udhëtonte nëpër Holandë për t’u takuar me furnizuesit kolumbianë. Në Tetor 2018, Giovanni Giorgi u dëgjua duke i thënë një partneri se Bacetto kishte të bënte me “të huaj” në Holandë dhe se ata prisnin një dërgesë prej 170 dhe 180 kilogramë kokainë.
Bisedat e ndërhyra midis Andy dhe Giorgis treguan sesi arritja e sigurt e dërgesës do të garantohej nga një person që mbahej peng.
– ” Njëri prej tyre po qëndron me ne,”- u dëgjua të thoshte Domenico Giorgi.
Dhe ashtu rezultoi: Një i ri nga Medellína po mbahej peng nga Sebastiano Signati deri më 29 nëntor, më pas kur u kthye në Kolumbi kishte me vete një çantë shpine me 300,000 euro para të gatshme.
Disa muaj më vonë, hetuesit gjermanë dëgjuan Bacetto-n të fliste në banesën e tij në qytetin Seelfingen – që gjithashtu përgjohej- për një marrëveshje tjetër të kokainës me një shqiptar dhe një rumun, të dy banues në Belgjikë. Policia dyshon se ky biznes përfshinte një dërgesë prej 240 pako një kilogram kokainë. Si shqiptari ashtu edhe rumuni dyshohen si trafikantë me qendër në Belgjikë.
MARRËDHËNIET KRYESORE NË AMERIKËN E JUGUT
Giorgi kishte një furnizues kryesor: Giuseppe Romeo, me nofkën “Maluferru”, pseudonim që përdoret për t’ju referuar dikujt të armatosur dhe të rrezikshëm. Por Giorgis-it kishin pseudonimin e tyre për të, me konotacion përçmues, Xhuxhi! Por pavarësisht talljeve, Bacetto dhe ekipi i tij e dinin që kishin shumë nevojë për shërbimet që ai mund të ofronte.
Maluferru është djali i një prej krerëve më të frikshëm të San Luca që kishte lidhje kyçe në tre porte evropiane. Në përgjime, Giovanni Giorgi ankohej se Maluferru ia shiste “mallin” familjes së tyre me çmime të fryra. Por duke qenë se kishin nevojë për të, iu desh që të “kafshonte gjuhën”.
Për një kohë të gjatë, Maluferru ishte një fantazmë për autoritetet, ndërkohë që flitej se i ishte parë në Brazil, Holandë dhe Meksikë, madje hiqeje dhe si prift. Giorgi-t kishin krijuar lidhje edhe me dy furnizues edhe më të fuqishëm: çiftin italian Nicola dhe Patrick Assisi, babë e bir, dy mega-trafikantë nga ‘Ndrangheta, të cilët kishin qenë në arrati për vite në Brazil.
Edhe pse përdornin EncroChat, italianët nuk e kishin kuptuar ende se duhet të tregoheshin diskretë. Në një bisedë, Giovanni i tha Francesco -s të zhbllokonte një telefon EncroChat me fjalëkalimin “pecora” (“dele” në spanjisht), ndërsa përmendi edhe një tjetër fjalëkalim; “Maria”. Por nuk mbaroi këtu. Edhe pse duhet që të dyshonin se banesa ku qëndronin ishte e përgjuar, sërish nuk e kanë bërë. Giovanni dhe Marvelli më vonë do të fillonin të lexonin bisedat e tyre me Patrick Assisi në EncroChat me sa kishin në kokë, ndërsa tregonin edhe itinerarin e operacionit.
Assisi donte që shkarkimi të ndodhte në Hamburg dhe i kërkoi Marvelli të dërgonte “një kinez” për të mbledhur dërgesën.
“Ai më thotë: Dërgo disa djem, në mënyrë që të jetë i juaji që në fund të fundit edhe në të jemi të qetë se përgjegjësia është e juaja,”– lexoi Marvelli, duke cituar Assisin. Sipas bisedimeve, Assisis tha se ata do të dërgonin një dërgesë prej 500 kg, por kur u bënë inspektime në Hamburg në Tetor 2018, asnjë gram drogë nuk u gjet. Detektivët patën më shumë fat një muaj më vonë, kur bastisën një kontejner dhe zbuluan 300 kilogramë kokainë të fshehur në pako me sytha pambuku.
Në Tetor 2018, lidhjet e Giorgi -t me Amerikën Latine u kërcënuan
Assisi preferoi të merrej me Maluferru-n, i cili ishte i besueshëm, i padukshëm dhe kishte çelësat për të hapur disa nga portet kryesore evropiane.
Marrë nga infolibre.es
(k.m/dosja.al)
Iftar dhe politikë, a u prek Muaji i Ramazanit nga politikanët?
GJIROKASTËR– Një tjetër vatër zjarri është aktivizuar pasditen e sotme në fshatin Memaliaj, pjesë e Bashkisë Memaliaj. Mësohet se si pasojë e flakëve kanë ...
Trendi në rritje e përhapjes së mutacionit Delta në Shqipëri po shkaktohet nga personat ende të pavaksinuar.Sipas ekspertëve të shëndetit publik, po preket krye...
TIRANË– Gazetari dhe komentatori sportiv Kosta Grillo është infektuar me Covid-19 dhe është nisur me urgjencë drejt Turqisë. Mësohet se Grillo ka rezultuar...
SARANDË– Një person është sjellë me urgjencë në Tiranë pasi ka pësuar një goditje në tru, duke iu rrezikuar jeta. Mediat lokale të Sarandës bëjnë me ...
TIRANË– Sërish sot nuk ka asnjë humbje jete nga pandemia e koronavirusit por sërish rastet janë duke i rritur dita-dite. Ministria e Shëndetësisë ka bërë m...
TIRANË– Një 29-vjeçare është vënë në pranga pasi është dënuar për suhtrim prostitucioni. Në njoftimin e policisë bëhet me dije se është vënë n...
TIRANË– Xhevahir Palushi, 27 vjeç, i dënuar me më 3 vjet e 4 muaj burg, për veprën penale “Vjedhja me dhunë” është vënë sot në pranga. Mësohet...
SHQIPËRI– Sot Shqipëria është në ditën e njëzetë të luftës me flakët. Situatë kritike paraqitet në fshatin Radat në bashkinë e Dropullit. Zjarri dyshohet s...
VLORË– Dy persona, të identifikuar si Serdjan Barjamaj dhe Besmir Zotaj janë arrestuar në Vlorë pasi akuzohen se kanë kultivuar kanabis. Gjatë kontrolleve ...
KAMËZ– Dëshmitare e atentatit të çiftit Preng dhe Antoneta Paluca, 50 dhe 41 vjeç ka qenë edhe vajza e tyre, vetëm 15 vjeçe. Mës...
