Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Është zbardhur raporti i plotë i dëshmive të dy efektivëve të forcave Shqiponja, të cilët luftuan me Orges Bilbilin pranë sheshit ‘Shtrauz” në Tiranë. Gazetarja Klodiana Lala ka zbardhur raporti ne plotë, që tregon fije për pe dëshimtë e dy efektivëve të identifikuar si Shigjeta X dhe Shigjeta Y, dhe tregojnë se si u përballën me Bilbilin ditën e arrestimit dhe ikjen e mikut të tij me kapele.
Në raport përshkruhet se si efektivi X është vënë në ndjekje të Bilbilit, ndërsa Shigjeta Y, po ndiqte personin me kapele, por pasi ka dëgjuar të shtënën me armë është kthyer për t’i ardhur në nëihmë kolegut të tij. Kështu shpëtoi edhe miku i autorit të masakrës së Lushnjës. Ata tregojnë më tej se Bilbilin e kanë prangosur me duart para pasi ka bërë rezistencë për t’ja çuar duart pas.
Dosja.al zbërtheu paraditen e sotme, ngjarjen e ndodhur më 10 prill në zonën e Xhamllikut në kryeqytet, ku u plagos dhe arrestua Orgest Bilbili, dhe mënyrën se si ky i fundit theu telefonin në sy të efektivëve.
Pasi Bilbili është rrëzuar në tokë, polici ka tentuar t’i marrë telefonin, si një provë që mund të çonte në zbardhjen e shumë të dhënave të rëndësishme, se kush e ka ndihmuar një person me precedent të rëndë kriminal për të gjetur një banesë në një nga zonat më të populluara të Tiranës dhe se ku mund të ketë qëndruar ai përgjatë gjithë kohës që ishte në arrati.
Bilbili, megjithëse i plagosur e ka thyer telefonin e tij, duke hequr kështu nga duart e policisë një provë të madhe. Megjithëse i thyer, sërish ai u sekuestrua. Ndërsa vetë Bilbili ka qenë i rezervuar në deklaratën e dhënë para policisë, prokurorisë por edhe ditën e që u caktua masa ndaj tij.
RAPORTI I PLOTË
Në orën 13:00 datë 10.04.2020 nga ana e dy punonjësve të forcës së posaçme Shqiponja, u përpilua ky raport shërbimi: “Ne punonjësit e policisë së Forcës së Posaçme Shqiponja, seksioni Shigjeta, me kod Shigjeta X dhe Shigjeta Y, turn i parë nga ora 06.00 deri në orën 14.00 të datës 01.04.2020, si zakonisht në orën 05.30 kemi zhvilluar intruktazhin nga komandimi i togës. Sipas librit të planizimit, të shërbimit kemi qenë të planizuar me detyrë në sektorin e Shigjetës X me motoçikletën me targa AA 5xx dhe Shigjetës X me motoçikletën me targa AV 5xx.
Pasi kemi dalë në shërbim kemi filluar patrullimin në dy sektorët, me qëllim përmbushjen e detyrave tona funksionale. Herë pas here kemi ndaluar edhe qytetarë duke u kërkuar autorizim për dalje dhe dokument identifikimi. Në asnjë moment nuk e kemi ulur vigjilencën edhe ndaj personave të dyshimtë apo me rrezikshmëri të lartë shoqërore.
Rreth orës 11:35 kemi qenë duke patrulluar me motoçikleta në kryqëzimin e rrugës “Sitki Çiço” me rrugën “Arkitekt Sinani”. Në këtë moment teksa ne po patrullonim, në këtë segment rruge, në krahun e majtë të saj kemi parë dhe konstatuar dy shtetas të cilët po ecnin me këmbë në krah të njëri-tjetrit, në drejtim për nga rruga kryesore që të nxjerr të sheshi Shtrauz. Ecja e tyre na bëri përshtypje dhe menduam t’i ndalojmë për t’i verifikuar në lidhje me lejen e lëvizjes në raport me detyrën tonë për masat ndaluese të infeksionit Covid-19.
Theksoj se në pamjen e parë këta dy persona dukeshin të dyshimtë në lëvizjen e tyre dhe na krijuan dyshime, për t’i ndaluar, sepse njëri prej tyre mbante në kokë të vendosur kapuçin e xhupit të errët, ndërsa personi tjetër mbante ne kokë një kapele sportive me ngjyrë te zezë. U bëmë thirrje të ndaloheshin, për të verifikuar, por nuk po u bindeshin thirrjeve.
SHIGJETA X
Unë punonjësi i policisë me emrin e Koduar Shigjeta X, me motorin AV 5xx u vura në ndjekje të njërit nga personat. Ai kishte pistoletë të cilën e manovroi në duar për ta mbushur dhe e drejtoi, duke thënë fjalët: “Mos u afroni, do t’ju vras”, “mos u afro se do të vras”. Në këtë moment, unë punonjësi i policisë me kodin Shigjeta X, kam nxjerrë armën e brezit duke i kam bërë thirrje herë pas here atij të ndërpresë veprimet, duke i thënë: “Ndal mos lëviz, policia”, por sa i nuk u bindej fjalëve të mia dhe ecte mbrapa, duke me drejtuar armën dhe duke u shprehur: “Mos u afroni se do t’ju vras”. Duke qenë se ky shtetas nuk po i përgjigjej thirrjes time si dhe kërcënimi, që po më bënte me armën e drejtuar, unë kam mbushur armën dhe kam qëlluar në ajër vetëm një herë me qëllim për të paralajmëruar të qëndronte dhe të ndërpriste veprimet kundraligjshme. Edhe pse unë i dallueshëm me veshjen e uniformës së policisë dhe të gjithë shenjat identifikuese i kam bërë thirrje me fjalët “hidhe armën”, ndal policia”, por ky shtetas nuk iu është bindur fjalëve të mia, por vazhdonte sërish të më kërcënonte me armën e drejtuar e më pas është kthyer plotësisht dhe ka ikur me vrap në drejtim të rrugës, që del tek shkolla “Niket Dardani”. Këto veprime kanë ndodhur në një interval të shkurtër i jam vënë në ndjekje. Në ndjekje e sipër edhe pse mbante pistoletën të drejtuar, pashë se këtij personi i ra në tokë pistoleta dhe ai është ulur dhe e ka marrë sërish atë, dhe në këtë çast ma ka drejtuar sërish armën për të më qëlluar, pasi unë isha ballë përballë tij dhe afër fizikisht. I ndodhur në këto kushte, kam qëlluar me armën e shërbimit tim në drejtim të gjymtyrëve të poshtme të këtij personi, me qëllim ndërprerjen e veprimeve të tij si dhe neutralizimin, pasi isha i bindur që ai do të më qëllonte. Kjo dukej qartë nga veprimet që bënte. Kam njoftuar sallën operative dhe autoambulancën dhe kam vënë re se afër këtij personi ndodhej edhe një vajzë e plagosur. Jam munduar t’ju jap ndihmën e parë edhe këtij shtetasi, por edhe qytetares.
SHIGJETA Y
Unë punonjësi i policisë e me emrin e Koduar Shigjeta Y, me motorin AV 4xx kam vazhduar të ndjek personin me kapele, I cili nuk ka patur armë zjarri në dorë. Siç e shpjegova me sipër unë mbaja veshur uniformën e policisë me të gjitha shenjat identifikuese e gjatë gjithë dialogut i jam drejtuar këtij shtetasi me fjalët: Ndal policia, ndal policia, por ky shtetas nuk ju është bindur fjalëve të mia, por vazhdonte të largohej na rrugica e lagjes. Në këtë moment unë kam dëgjuar një të shtënë arme dhe menjëherë ndërpreva ndjekjen e këtij shtetasi dhe shkova në ndihmë të kolegut tjetër. Kur jam kthyer kam parë që personin të cilin ndoqi kolegu im shtrirë në tokë dhe në këtë moment atij i kishte rënë në toka arma e zjarrit dhe një aparat celular. Unë kam prangosur personin, i cili ndodhej i shtrirë në tokë, pasi ai po mundohej të çohej dhe të bënte rezistencë. Pasi e kam prangosur me duart përpara këtë shtetas pasi nga mbrapa ai nuk më lejonte ta prangosja, për shkak të rezistencës që ai bënte, ky shtetas ka marrë në tokë një aparat celular dhe e ka thyer në praninë time. Unë kam ndërhyrë për të mos e lejuar që ai ta thyente aparatin celular, por ai arriti ta thyente atë. Gjatë momentit që po prisja përforcimet dhe autoambulancë, kam vënë re se afër këtij personi ndodhej edhe një vajzë e plagosur. Unë e kolegu im jemi munduar ti japim ndihmë edhe këtij shtetasi, por edhe qytetares. Më pas është bërë transportimi i këtyre shtetasve në drejtim të spitalit të Traumës.
Orges Bilbili, një nga autorët e masakrës së Lushnjes, dhe pjesë e bandës së Lushnjes, u plagos me armë zjarri nga një efektiv i policisë Shqiponja. Bilbili u pikas duke ecur në zonën e Xhamllikut, dhe kundështoi urdhërin e Policit për t’i paraqitur kartën e identitetit. Në këtë moment ai vrapoi dhe nxorri nga çanta një armë zjarri. Pasi e ka ndjekur, polici e ka paralajmëruar të ndalojë por Bilbili i ka thënë se do e qëllojë nëse nuk largohet. Efektivi ka qëlluar një herë në ajër, më pas e ka plagosur në këmbë. Për pasojë u plagos edhe një grua aksidentalisht.
(f.m/Dosja.al)
1 vit nga zgjedhjet e 25 prillit si e shikoni gjendjen e vendit:
ITALI– Numri i viktimave në Itali për shkak të Covid-19, sa vjen e ulet. mediat vendase raportojnë se gjatë 24 orëve të fundit janë shënuar 482 viktima në...
TIRANË– Minsitria e Shëndetësisë ka mohuar që 69-vjeçari i vdekur pasditen e sotme në Infektiv, të ketë ndërruar jetë për shkak të Covid-19. Në një ...
TIRANË -Një dasmë me mbi 400 të ftuar, mes miqsh dhe të afërmit, me oborrin e shtëpisë që do të gumëzhinte për disa ditë, djegien e shamisë së beqarit apo ...
TIRANË– Një tjetër pacient me Covid-19 ka ndërruar jetë në spitalin e Infektivit. Mësohet se bëhet fjalë për një 69-vjeçar, që pak ditë më parë isht...
TEPELENË– Një ngjarje e rëndë ka ndodhur në Tepelenë ku disa persona të paidentifikuar kanë tentuar të djegin Tyrben dhe Mezarin e Baba Jonuz Gjiritit në f...
TIRANË– Kryeinfermierja e Spitalit Infektiv, Ana Luca i ka dedikuar një status prekës të birit, të cilin nuk e takon prej një muaji, nga frika se mos i tra...
ELBASAN– Një automjet i llojit “Renault” është djegur pasditen e sotme në bulvardin “Aqif Pasha” në Elbasan. Sipas njoftimit të po...
TIRANË– Pamjet që shikoni vijnë nga laboratori brenda QSUT-së ku nga e hëna fillojnë testet seriologjike për personelin shëndetësor të QSUT-së. Ky lloj te...
