Aktualitet

E RËNDË në Durrës! E reja ndërron jetë 5 ditë pas lindjes së djalit, familjarët akuza mjekëve: Ra në dysheme sapo piu ujë! Burri e solli në jetë, e çuam në urgjencë, mjekët thanë “e sollët vonë”

  • Familja e Ardita Muçës denoncon mjeken: Të arrestohet direkt, goca s’vjen më mbrapa! La dy fëmijë jetim…
  • ‘Mbërriti në spital pa ndjenja’/ Vdekja e të resë pas lindjes, reagon Policia e Durrësit: Po kryhet ekspertiza
  • Familjarët kanë bërë me dije se lehona ndërroi jetë teksa po konsumonte ujë, ndërsa akuzojnë mjekët për mjekim të pakujdesshëm duke bërë edhe një denoncim ndaj tyre në drejtorinë e Policisë së Durrësit.
    Featured image of article: E RËNDË në Durrës! E reja ndërron jetë 5 ditë pas lindjes së djalit, familjarët akuza mjekëve: Ra në dysheme sapo piu ujë! Burri e solli në jetë, e çuam në urgjencë, mjekët thanë “e sollët vonë” Ardita Muça

    DURRËS– Një 29-vjeçare në Durrës ka ndërruar jetë ditën e djeshme, 5 ditë pasi solli në jetë fëmijën e saj. E ndjera është identifikuar si Ardita Muça nga fshati Arapaj i Durrësit ka vdekur një ditë pasi ka dalë nga spitali në rrethana ende të paqarta.

    Familjarët kanë bërë me dije se lehona ndërroi jetë teksa po konsumonte ujë, ndërsa akuzojnë mjekët për mjekim të pakujdesshëm duke bërë edhe një denoncim ndaj tyre në drejtorinë e Policisë së Durrësit.

    Ata kanë treguar se e reja lindi me operacion cezarian në datë 30 qershor, por doli nga spitali vetëm dje. Pasi takoi të motrën në shtëpi, u çua për të konsumuar një gotë me ujë por ra në dysheme. Po ashtu, në një rrëfim për BË, familjarët kanë shtuar se ndihma e parë iu dha nga bashkëshorti, i cili e solli në jetë, por ambulanca mbërriti vonë.

    Për më shumë bëhu pjesë e grupit më viral në Facebook, Dosja.al

    Ambulanca mbërriti vone dhe pa pajisjet e duhura. Ekipi që erdhi në banesë bëri procedurën, por kërkuam që të vijë një mjek, pasi ata nuk ishin të përgatitur për paciente lehonë. Më vonë erdhi mjeku. Në urgjencë mbërriti me rrahje zemre, por mjekët thanë se truri nuk funksionon pa oksigjen. E keni sjellë vonë, na thanë mjekët,”- tregojnë të afërmit.

    Trupi i pajetë i të resë është dërguar në morgun e qytetit ku edhe pritet të bëhet ekspertiza mjeko-ligjore që do të zbulojë edhe shkakun e vdekjes, por paraprakisht dyshohet se e reja ka pësuar trombozë në mushkëri. Ndërsa deri më tani nuk ka asnjë reagim nga spitalit lidhur me ngjarjen e ndodhur.

    (k.m/dosja.al)

    Shto Koment