Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
TIRANË– Kuvendi i Partisë Demokratike I zhvilluar më 30 prill në Pallatin e Kongreseve ishte Kuvendi i bashkimit të demokratëve sipas ish-kryeministrit Sali Berisha. Në një konferencë për gazetarët ng selia blu, Berisha tha në atë Kuvend dominoi vota e lirë përmes të cilës u zgjidhën kandidatët më të mirë të mundshëm ai anëatrë të Këshillit Kombëtar. Por, lideri historik i PD-së nuk hodhi poshtë as ata që mbetën pa u zgjedhur, të cilët i konsideroi mjaft të rëndësishëm dhe ftoi që t’i drejtoheshin Komisionit të numërimit të votave për çdo pakënaqësi në lidhje me vendimin e marrë. 30 prillin Berisha e krahasoi me Kongresin e Partisë Socialiste dhe tha shqiptarët kishin parë dy botë të ndryshme, atë të votës së lirë dhe atë ku u fol vetëm për drogë. Marrja pjesë e mbi 40 mijë demokratëve në zgjedhjet për kryetar dege të PD-së, sipas Berishës është diçka historike dhe tregon se kjo parti është e bashkuar.
I pyetur për kandidaturën për kryetar të PD-së Berisha tha se nuk e ka dorëzuar ende, po që do të respektojë afatin, i cili është 7 maji. Në lidhje me të pasurit apo jo rivalë të tjerë në garë, lideri historik i PD-së tha se ai nuk do të sajojë kundërshtarë dhe se nuk është në dorën e tij të vendosë se kush do të garojë. I pyetur në lidhje me vendimin e Gjykatës që sot sekuestroi pronat e deputetit të Partisë Demokratike Kasëm Mahmutaj, Berisha tha se e ka marrë vesh lajmin e se po ndjekin zhvillimet. Ai nuk harroi të shtonte se SPAK është i Partisë Socialiste, duke e quajtur ‘SKAP’. Fakti që vendimi ishte marrë sot, në një ditë pushimi dhe pasi deputeti Mahmutaj iu bashkua Kuvendit të 30-prillit, për Berishën është dyshues. Berisha u pyet edhe për marrëveshjen ‘Rama-Basha’ për roformën zgjedhore e territorial që u publikua një natë më parë, por nuk u përgjigj, ai tha se këtë pasdite ia kishte dedikuar çështjes së Kuvendit, ndërsa të premten, në një tjetër konferencë mund të fliste edhe për këtë marrëveshje.
Në lidhje me bërjen të mundur votimin e emigrantëve, Berisha u pyet se si do ta bënte këtë gjë kur qeveria nuk e njeh dhe tha se kishte kohë në dispozicion për të bërë që Rama ta njihte e madje ‘shumë mirë’. Lideri historik i PD-së dha edhe një mesazh të fortë për Shtetet e Bashkuara të Amerikës. I pyetur në lidhje me zyrtaren e lartë të DASH, Karen Donfried e cila e anashkaloi, Berisha tha se në mënyrë absolute, e majta në Shqipëri, e majta në Amerikë apo kudo në botë, nuk do të caktojë kreun e PD-së në vendin tonë.
Pjesë nga fjala e Berishës:
Mirëdita! Jam sot para jush për të paraqitur disa nga tiparet më kryesore, zhvillimet më të rëndësishme të Kuvendit të Partisë Demokratike. Një proces që nisi gjysmën e dytë të shtatorit, u finalizua me sukses të plotë në Kuvendin e datës 30 Prill. Ata që rikujtojnë hapat e parë të kësaj lëvizje, premtimet gjatë saj, do të gjejnë se vota e lirë ishte premtimi më solemn që u bëmë demokratëve shqiptarë. Në fillim dhe më pas në mënyrë të përsëritur theksova para tyre se ne sollëm në Shqipëri votën e lirë, ndërkohë Edi Rama, për ngjashmëri Lulzim Basha, e përzunë atë nga Shqipëria. Ne do e rikthejmë atë. Ky ishte zotimi ynë solemn. Mund t’ju them se nga ato ditë e gjer sot, Partia Demokratike kaloi procese si kurrë ndonjëherë më parë. Kuvende gjigante, referendume të papara, kaloi në zgjedhje në çdo seksion, grupseksion, degë dhe së fundi në Kuvendin e datës 30 prill ajo bëri zgjedhjet për forumin më të rëndësishëm pas Kuvendit Kombëtar, që është Këshilli Kombëtar i PD. Në të gjithë këtë proces, ka patur dominim absolut vota e lirë. Ju e keni ndjekur, ju nuk gjeni një rast të vetëm që të thotë se nuk ishte i drejtë numërimi i tyre, se pata një presion qoftë më të vogël nga sipër, për të votuar në këtë apo atë mënyrë. Kjo mendoj unë përbën përmbushjen e një zotimi të një rëndësie themelore, jo vetëm për PD, por për shoqërinë shqiptare. Në këtë proces shumë mujor është votuar apo kanë garuar për votim qindra e qindra kandidatura. Në mënyrë absolute, asnjë prej tyre i sugjeruar, i përzgjedhur, apo të themi i emëruar nga instancat e epërme të kësaj partie. Që të gjithë pa papërjashtim kanë qenë propozim i anëtarësim apo vetiniciativë për të marrë pjesë në garë ashtu siç e përcakton statuti. Jo vetëm u rikthye vota e lirë në këtë forcë politike, por u arkivua në harresë ajo që quhet kryetarokraci, apo presidencokraci. Unë mund t’ju them ju se janë zgjedhur kandidatët më të mirë, janë votuar përfaqësues të shkëlqyer të demokrateve dhe demokratëve dhe si kurrë ndonjëherë më parë në historinë e kësaj force apo të ndonjë force politike, në 8 degë të PD, nga Saranda në Mat, kanë fituar në garë 8 zonja të nderuara, duke garuar me rivalët e tyre. Në rast se kthehemi bashkë në fillimet e këtij revolucioni, në mënyrë të përsëritur ju do të gjeni zotimin tonë se çdo njeri do të ketë të drejtë të verifikojë votën e tij. Tre ditë më parë, midis 430 kandidaturave u votuan 150 prej tyre dhe u zgjodhën anëtarë të Këshillit Kombëtar. Risia ishte e madhe. Ishte një hap i madh i PD drejt konstituencave që normalisht janë të saj, grave dhe të rinjve. Në këto zgjedhje të Këshillit Kombëtar për herë të parë, garë dhe të rinjtë janë mbi 50% e këtij Këshilli dhe kjo është një arritje tjetër shumë e rëndësishme.
ZHVILLIMET ORË PAS ORE:
Marrëveshja Rama-Basha në Dhërmi, Berisha: Flasim të premten për këtë
Sali Berisha: Do ta bëj Edi Ramën të na njohë mirë, këtu do jemi
Mahmutajt iu sekuestrua pasuria, Berisha: SPAK i PS, u bë pas Kuvendit e në ditë pushimi
22 maji pa asnjë rival? Berisha: S’e kam unë në dorë, gara është transparente
Zyrtarja e DASH e anashkaloi, Berisha: E majta amerikane s’e cakton drejtuesin e PD!
Afat 7 maji, Berisha: S’e kam depozituar ende kandidaturën, sot u informova
Berisha krahason 30 prillin me Kuvendin e PS: Cosa Nostra, u fol vetëm për drogë
Deputetët bojkotuan Kuvendin, Berisha: Vendi juaj është në PD, 30 prilli nuk shtyhej
Berisha i bindur: Edhe ato grupet e vogla do bashkohen me ne
Kuvendi/ Berisha: Kush është i pakënaqur të kërkojë rinumërim të votave
(f.m/dosja.al)
Aksidenti i rëndë në Tiranë, si mund të shmangen ngjarje të tilla?
ITALI- Një shqiptar është arrestuar në Itali, pasi theu masën e sigurisë ‘arrest shtëpie’. Torinotoday shkruan se ai së bashku me një shokun e tij d...
TIRANË– 14 persona janë infektuar nga pandemia e koronavirusit në Shqipëri. Ministria e Shëndetësisë ka bërë me dije se gjatë 24 orëve të fundit, nuk ka as...
TIRANË– Kasëm Mahmutaj, deputeti i Partisë Demokratike të cilit Gjykata e Posaccme Kundër Korrupsionit dhe Krimit të Organizuar është shprehur se gji...
VLORË– Lisjan Myrtaj, efektivi i forcave “Delta” në Vlorë është liruar nga qelia dhe do të hetohet në gjendje të lire, pak ditë pasi u përplas me arm...
TIRANË– Hapet procesi i pranimit të kandidaturave për të gjithë ata që duan të bëhen pjesë e garës për kryetar të Partisë Demokratike, që ka mbetur p...
DUBAI- 17 shqiptarë kanë investuar miliona në prona “offshore” në Dubai. Të dhënat e publikuara nga “EU Tax” ka nxjerrë një dokument 46 faqe, i cili ka si të dh...
GJERMANI– Një shqiptar i shpallur në kërkim ndërkombëtar për vrasje është vënë në pranga në Gjermani. Mediat gjermane shkruajnë se shqiptari, 31 vje&ccedi...
TIRANË– Conor McGregor, ish-kampioni në Ultimate Fighting Championship (UFC) ka etiketuar Presidentit Ilir Meta në një foto që ka publikuar në Instag...
KORÇË– Nikolina Bode, neuripsikiatrja që trajtoi e para Valmira Hasimllari pasi ajo mbyti foshnjën e porsalindur ka zbuluar detaje të tjera li...
Organizata Gazetarët pa Kufij, në Treguesin Botëror të Lirisë së Shtypit, radhiti Shqipërinë dhe Kosovën në mesin e vendeve problematike. Por, sipas treguesit q...
