Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË– Mjekja Silva Bino nga Instituti i Shëndetit Publik ka dhënë së fundmi një intervistë për ‘DW’ aty ku ka folur për sigurimin e vaksinës në Shqipëri dhe mënyrën se si do të funksionojë në tre muajt e parë të vitit.
Gjatë intervistës Bino pohoi se Bino është pjesmarrëse në COVAX dhe bën pjesë në vendet me vetëfinancim të vaksinës anti-covid-19.
Grupet që do e përfitojnë vaksinën të parët janë mjekët, rezidentët si dhe të moshuarit, tregoi mjekja duke shtuar se vaksinimi do të nisë në tre muajt e parë të vitit të ardhshëm.
INTERVISTA:
DW: Dr. Bino, a përfiton Shqipëria nga COVAX, siç njihet skema globale e Programit të Organizatës Botërore të Shëndetësisë, (OBSH) për vaksinimin kundër virusit Corona në vende me të ardhura të ulëta apo të mesme? Shqipëria është anëtare e OBSH dhe është klasifikuar nga Banka Botërore si një vend me të ardhura të mesme të larta.
Dr. Silvia Bino: Po, Shqipëria është pjesëmarrëse në COVAX dhe bën pjesë në vendet me vetëfinancim të vaksinës anti-COVID-19.
DW: Bordi i Aleancës Globale për Vaksinat dhe Imunizimin, që drejton COVAX-in, zhvilloi ditët e fundit një takim lidhur me përfitimin e vaksinave edhe nga rajone të varfëra të Europës, si Ballkani Perëndimor, ku bën pjesë edhe Shqipëria. Çfarë doli nga ky takim?
Dr. Silvia Bino: COVAX ka tani marrëveshje për të siguruar rreth dy bilionë doza të disa llojeve të ndryshme të vaksinave dhe po ashtu po siguron edhe doza të tjera nëpërmjet kontributeve nga donatorë të ndryshëm. Këto marrëveshje tregojnë që të 190 vendet, që bëjnë pjesë tek COVAX, do të jenë në gjendje të marrin dozat e duhura të vaksinës për të mbrojtur grupet vulnerabël në gjysmën e parë të vitit 2021 me furnizimet e para në tremujorin e parë të vitit 2021 bazuar edhe në gatishmërinë e vendeve për të marrë vaksinën dhe aprovimin e agjencive rregullatore.
DW: Cila është strategjia e Shqipërisë për furnizimin me vaksinën kundër virusit Corona?
Dr. Silvia Bino: Si vura në dukje në krye të intervistës sonë, Shqipëria është pjesë e COVAX me vetëfinancim. Pra ajo ka paguar/blerë tek COVAX për të patur vaksinën anti COVID-19. Ndërkohë ka edhe disa propozime të tjera dhe po vlerësohen marrëveshje me vende të BE, të cilat mund të ofrojnë një sasi vaksinash si dhe me vetë Komisionin Europian për grupe të ndryshme vulnerabël. Po ashtu po bëhen përpjekje për marrëveshje direkte mes Shqipërisë me kompani prodhuese.
DW: A ka parashikuar Komiteti Teknik i Eksperteve disa skenarë të mundshëm për furnizimin me vaksina anti COVID-19? Cili skenar ka gjasa më të mëdha për t’u përdorur?
Dr. Silvia Bino: Komiteti i Ekspertëve po vlerëson skenarë të ndryshëm të furnizimit me vaksina si dhe skenarë të ndryshëm të vaksinimit në vendin tonë. Një skenar është për vaksinën e prodhuar nga PFIZER (BioNTech-Pfizer, shën. red.)që kërkon të ruhet në minus 80 gradë Celcius dhe për këtë lypset një investim për një infrastrukturë të re; skenari tjetër është për vaksinën anti Corona të prodhuar nga kompania MODERNA që kërkon më tepër investime; skenari i tretë është për vaksinën e prodhuar nga kompania AstraAzeka për të cilën Shqipëria i ka kapacitetet dhe duhen vetëm të ketë pak shtesa. Por nuk përjashtohet edhe marrja e vaksinave nga kompania Johnson &Johnson apo kompani të tjera.
DW: Çfarë logjistike ka Shqipëria për të ruajtur vaksinat anti Corona sipas standarteve të përcaktuara si të domosdoshme tanimë, pra pasi të jetë furnizuar me vaksinat nga COVAX, vendet e BE apo Komisioni Europian?
Dr. Silvia Bino: Shqipëria ka përgatitur disa skenarë në vartësi të furnizimit me vaksina të llojeve të ndryshme dhe ka përcaktuar nevojat për secilin nga këto skenarë dhe kostot përkatëse. Janë specifikuar gjithashtu llojet e pajisjeve që duhen për vaksina të cilat duhen ruajtur në minus 80 gradë Celcius
DW: Kur mendohet të fillojë vaksinimi dhe me cilat shtresa të popullsisë?
Dr. Silvia Bino: Në 3 mujorin e parë 2021. Komiteti i Ekspertëve të vaksinimit ka identifikuar si grupe prioritare punonjësit e shëndetësisë, rezidentët dhe punonjësit e institucioneve të kujdesit afatgjatë dhe më pas personat mbi 75 vjeç, ata mbi 65 vjeç, personat më të rinj se 65 vjec me sëmundje bashkë shoqëruese, personelin e shërbimeve kritike.
DW: Si parashikohet grafiku i rasteve të reja të infektuara në muajt e parë të vitit 2021?
Dr. Silvia Bino: Në 4 javët e fundit kemi vënë re një qëndrueshmëri lidhur me rastet e reja, por më tej kjo do të varet shume nga zbatimi i masave gjatë festave të fund-vitit, pra atyre të distancimit social dhe fizik.
(a.b)/Dosja.al
1 vit nga zgjedhjet e 25 prillit si e shikoni gjendjen e vendit:
TIRANË– Situata në pikën kufitare të Kakavijës është tepër e qetë, pasi mesa duket emigrantët shqiptarë kanë vendosur që të mos kthehen në vendlindje...
FIER– Sot ka nisur shpërndarja e shpërblimit të Vitit të Ri për pensionistët, e cila do të jetë në vlerën e 5 mijë lekëve të reja.Pensionistët në qytetin e Fier...
SHQIPËRI– Ndërkohë që e gjithë Europa është vënë në lëvizje dhe ka mbyllur kufijtë me Britaninë e Madhe pas përhapjes së mutacionit të ri të Covid-19, Komi...
MAQEDONI– Për shkak të variantit të ri të virusit që po qarkullon në Britaninë e Madhe, Maqedonia e Veriut ka pezulluar fluturimet me këtë shtet deri në fund t...
TIRANË-Epidemiologu Skënder Murtezani, i cili është licensuar për vaksinën kundër Covid shpjegoi efektet anësore që mund të ketë tek disa pacientë. Në një ...
TIRANË– Altin Avdyli kërkon përjashtimin nga çështja në gjykim “339”, gjyqtaren Daniela Shirka.Në kërkesën e tij dhe avokatit të tij, Avdyli s...
TIRANË– Miratohet akti normativ i qeverisë për vrasjet nga policia e shtetit. Në të thuhet se familja do të marrë pensionin e ndihmës sociale mirëpo 8 fish...
TIRANË– Vrasja e Xhulio Prelës ka një autor që është identifikuar nga grupi hetimor, por që për publikun mbeten ende ‘sekret’ gjeneralitetet e tij. Gazetar...
BERAT– Një 32 vjeçar është arrestuar nga policia pasi kanosi me mjete të forta një person.Arrestimi i tij u bë pasi në lagjen “30 Vjetori”, te treg...
TIRANË– Shefi i Laboratorit të Mikrobiologjisë në QSUT, Andi Koraqi u shpreh në ‘Euronews Albania’ se do të ketë ndryshime të masave anti-COVID...
