Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Ka vetëm një mënyrë që juristja Arta Vorpsi të mos emërohet anëtare e Gjykatës Kushtetuese; ajo duhet të mos i përgjigjet thirrjes së shpallur nga Kuvendi mesditën e kësaj të Mërkure për plotësimin e një vendi vakant në institucioni e lartë të drejtësisë.
Por, gjasat që Vorpsi të qëndrojë jashtë garës dhe, rrjedhimisht të heqë dorë nga mundësia për të qenë në Kushtetuese, janë shumë të pakta. Dhe këtu ndërthuren elementë të ambicjes së juristes me investimin politik të maxhorancës socialiste për emrin e saj.
Emri i saj shërbeu si një “mollë sherri” në përplasjen e ashpër institucionale mes Presidencës, Kuvendit dhe Këshillit të Emërimeve në Drejtësi, në fund të vitit 2019, situatë e cila detyroi të investohej edhe Komisioni i Venecias.
Gara e paracaktuar
Kuvendi i Shqipërisë publikoi thirrjen e radhës për plotësimin e një vakance në Gjykatën e Kushtetuese, pasi një garë e mëhershme e shpallur nga institucioni ligjvënës përfundoi me skualifikimin e të gjithë kandidatëve nga Këshilli i Emërimeve në Drejtësi (KED).
Në faqen zyrtare të Parlamentit, krahas thirrjes, janë plotësuar të gjithë kriteret që duhet të përmbushin kandidatët që synojnë postin në Gjykatën Kushtetuese.
Përparësi kanë kandidatët që, krahas kritereve formale që lidhen me vjetërsinë në karrierë, integritetin dhe pasurinë, të kenë ushtruar edhe funksionin e këshilltarit në Gjykatën e Lartë ose Kushtetuese.
Ky kriter, i cili gjendet në ligjin organik të Gjykatës Kushtetuese, favorizon Arta Vorpsin, e cila ushtron prej vitesh detyrën e këshilltares në Gjykatën Kushtetuese.
Por nuk është i vetmi. Vorpsi kandidoi edhe më herët për një post në Gjykatën Kushtetuese dhe ajo u kualifikua nga Këshilli i Emërimeve në Drejtësi, pavarësisht se u zbulua se juristja nuk arriti të merrte pikët kualifikuese në Shkollën e Magjistraturës.
Më pas, Komisioni i Ligjeve, i drejtuar nga Ulsi Manja, bëri çmos për ta emëruar në Gjykatën Kushtetuese, duke tentuar t’i marrë të drejtën Presidentit të Republikës për emërimin e anëtarit nën kompetencë të tij.
Kreu i Shtetit, Ilir Meta, nuk pranoi të konfirmonte atë që e konsideroi si “puç institucional”. Në këto kushte, maxhoranca socialiste e nxiti juristen Arta Vorpsi që të betohej si anëtare e Gjykatës Kushtetuese, e zgjedhur nga Parlamenti, pranë një noteri publik.
Ky veprim i saj shkaktoi ilaritet në radhët e juristëve, por edhe një krizë të fortë institucionale. Presidenti Meta kallëzoi penalisht kryetarin e Këshillit të Emërimeve në Drejtësi të asaj kohe, Ardian Dvorani, për shpërdorim detyre.
Ndërkohë, Kuvendin, nën nxitjen e Ulsi Manjës, iu drejtua Komisionit të Venecias për një opinion mbi situatën.
Disa muaj më pas, në Qershor 2020, Komisioni i Venecias konstatoi se veprimet e Presidentit ishin korrekte dhe se betimi tek një noter “anës Lanës” ishte një veprim jo-kushtetues.
Pas kësaj beteje institucionale, e cila shpenzoi energji të tepërta, Kuvendi i Shqipëri ka shpallur sërish thirrjen për plotësimin e një vendi vakant në Gjykatën Kushtetuese.
Gara, megjithëse formalisht e hapur, duket se është e paracaktuar që në fillim. Mjafton që Arta Vorpsi të shprehë vullnetin për kandidim dhe ajo duhet të presë vetëm çertifikimin nga maxhoranca socialiste në Parlament, pavarësisht faktit nëse në garë do të ketë kandidatë të tjerë apo jo.
(Dosja.al)
1 vit nga zgjedhjet e 25 prillit si e shikoni gjendjen e vendit:
TIRANE– Shtyhet mbledhja e përbashkët mes Shqipërisë dhe Kosovës që ishte parashikuar për të premten në 25 shtator.Lajmi konfirmohet nga kryeministri i Kosovës ...
KUKËS– Ishte fushata elektorale e vitit 2017, kur kryeministri Edi Rama bëri disa herë një premtim që trazoi jo pak opinionin publik. Duke akuzuar LSI-në p...
TIRANË- Gjermania i ka dhuruar Shqipërisë 10 respiratorë të rinjë për të kaluar sa me lehtë situatën e koronavirusit. Ambasadori gjerman Peter Zingraf ishe...
TIRANË- Kuvendi i Shqipërisë hapi ditën e sotme aplikimet për vendin vakant për anëtar të Gjykatës Kushtetuese. Procedura rinisi pas vakancës së parakohshm...
LEZHË – Një ngjarje e paprecedentë ka ndodhur në Lezhë, ku Gjykata dhe Prokuroria e këtij qyteti janë futur në një konflikt institucional që të premt...
DURRËS– Një plagosje me thikë ka ndodhur në Durrës. Policia është njoftuar nga urgjenca e spitalit të Durrësit se rreth orës 17:10 është shtruar një 60-vje...
TIRANË- Nisja e vitit të ri akademik në muajin nëntor, mbetet sfidë për rektorin e ri të Universitetit të Tiranës Artan Hoxha, i cili thotë se skenarët e z...
GJIROKASTER– Një 66-vjeçar është arrestuar nga Policia e Gjirokastrës pasi dhunoi fqinjën e moshuar. Arsyet e kësaj ngjarje nuk u bënë të ditura mirëpo v...
