Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Prokurorja e shkarkuar nga Vettingu, Antoneta Sevdari, (Lexo këtu) u ka dërguar një letër diplomatëve të akredituar në Tiranë. Ajo i drejtohet me një apel, ambasadores në detyrë të SHBA, ambasadorit të BE në Shqipëri, por dhe krerëve më të lartë të shtetit.
Në letrën e saj, prokurorja që ishte dhe anëtare e KLP-së, shprehet se shkarkimi nga detyra i ka shkaktuar një zemërim dhe pështjellim dhe prandaj ka heshur këto ditë dhe po reagon vetëm sot, duke iu drejtuar një mesazh dhe qytetarëve.
“Kam luftuar fort! Kam sakrifikuar! Jam përplasur e i kam bërë qëndresë kujtdo që është përpjekur të më pengojë në misionin tim kundër kriminalitetit për sigurimin e paqes e drejtësisë në vendin tonë! Nuk e kam shkelur premtimin e dhënë! Nuk jam zmbrapsur! Nuk jam lëkundur!”, është ky mesazhi që prokuroja i dërgon qytetarëve, dhe siç thotë ka punuar për të për 16 vite me radhë.
Në fund të letrës së saj Sevdari ka një mesazh për të gjithë, dhe thotë se beteja e saj për të vënë drejtësinë në vend nuk përfundon këtu.
“Unë nuk linda Prokurore. Unë zgjodha të bëhem. Si e tillë u kalita çdo ditë nëpër betejat gjatë procesit të hetimit si dhe në sallën e gjyqit duke punuar që paqja dhe siguria në jetët tona të mos kërcënohen. Unë isha, jam dhe do të mbetem një prokurore krenare. Beteja ime nuk përfundon këtu. Unë jam betuar solemnisht t’Ju shërbej dhe do ta bëj këtë, edhe më e fuqishme, edhe më e guximshme!”, përfundon prokurorja.
LETRA E PLOTË E SEVDARIT
E nderuar znj. Ambasadore në detyrë e SHBA në Shqipëri!
I nderuar z. Ambasador i Bashkimit Europian në Shqipëri!
Të nderuar Anëtarë të Operacionit Ndërkombëtar të Monitorimit!
Të nderuar Anëtarë të Komisionit të Pavarur për Koordinimin, Monitorimin dhe Ndjekjen e Zbatimit të ligjit nr. 115/2016, “Për Organet e Qeverisjes të Sistemit të Drejtësisë”
I nderuar z. President i Republikës së Shqipërisë!
I nderuar z. Kryeministër i Republikës së Shqipërisë!
E nderuar znj. Prokurore e Përgjithshme e Republikës së Shqipërisë!
E nderuar znj. Ministre e Drejtësisë e Republikës së Shqipërisë!
Të nderuar Qytetarë të Republikës së Shqipërisë!
Ju drejtohem sot të gjithëve Ju, forcave dhe aktorëve të përfshirë e të interesuar për zhvillimin e një sistemi drejtësie transparent, të fuqishëm e të drejtë në Shqipëri, në një gjendje dhimbjeje e indinjimi të thellë e, për më tepër, shqetësimi në rritje për të ardhmen e kësaj drejtësie që procesi i Vettingut kërkon të vendosë.
Vetëm disa ditë më parë, më 28 Shkurt 2019, unë, Antoneta Sevdari, deri atë ditë një prokurore prej mbi 16 vitesh në detyrë, anëtare e Këshillit të Lartë të Prokurorisë, u shkarkova nga detyra e prokurores, me vendim të Kolegjit të Posaçëm të Apelimit.
Më duhet qysh në fillim të pohoj se shpallja e vendimit më shkaktoi të tillë gjendje tronditjeje, pështjellimi dhe zemërimi mbytës, sa që m’u desh të lija të kalonin disa ditë, përpara se të bëja këtë deklaratë.
E gjej të nevojshme të bëj publike, e jo për interesat e mija personale, ndjenjën e pamundësisë për të kuptuar, kur dëgjova shprehjen “Shkarkohet për shkak të humbjes së besimit të publikut”.
Të publikut!
Të atij publiku për të cilin unë kam punuar me çdo qelizë të qenies sime gjatë gjithë 16 viteve të punës sime si prokurore!
Të atij publiku të cilit unë i kam përkushtuar vite të gjatë ditë-netësh jashtëzakonisht të vështira të një pune shumë serioze në mënyrë që të bëja gjithçka varej nga unë që të vendosej drejtësia!
Të atij publiku të cilin unë e mbaja brenda meje për të më dhënë forcë shpirtërore në të gjitha betejat jashtëzakonisht sfiduese në luftën kundër kriminelëve të rrezikshëm!
Të publikut, të qytetarëve shqiptarë, interesin e të cilëve kam respektuar, pa përjashtim, e nuk e kam shkelur kurrë, duke punuar ndeshmërisht, pa u ndikuar nga interesat e kujdo, në një vend si ky yni ku korrupsioni, fatkeqësisht, mbretëron!
Qytetarëve shqiptarë, vëllezërve e motrave të mija, bashkëqytetarëve të mi të zakonshëm e të thjeshtë, mbështetja, konfirmimi e mirënjohja e të cilëve më ka dhënë çdo ditë kurajo të ndjek paluajtshmërisht ligjin, e vetëm ligjin, për të siguruar barazinë e të gjithëve para tij!
Qytetarëve shqiptarë, babait e nënës sime e bashkëfshatarëve të tyre fermerë, puna e ndershme e të cilëve, për të siguruar jetesën e përditshme më ka pajisur me një mburojë të padepërtueshme nga nënqeshjet, jo të rralla, përreth meje për “naivitetin” e “paaftësinë” time për të përfituar nga “benefitet” e profesionit dhe për të bërë të “natyrshmen”, “përmirësimin e kushteve” të mija personale e familjes sime nëpërmjet favoreve të natyrave të ndryshme të fituara lehtë!
I nderuar publik! Të shumënderuar Qytetarë Shqiptarë! Të dashur bashkëqytetarë!
Unë, Antoneta Sevdari, qëndroj sot këtu përpara jush me dhimbje, indinjatë e shqetësim të thellë por, krenare dhe e vendosur!
Kam luftuar fort! Kam sakrifikuar! Jam përplasur e i kam bërë qëndresë kujtdo që është përpjekur të më pengojë në misionin tim kundër kriminalitetit për sigurimin e paqes e drejtësisë në vendin tonë! Nuk e kam shkelur premtimin e dhënë! Nuk jam zmbrapsur! Nuk jam lëkundur!
Ju kam shërbyer, ashtu siç u betova solemnisht, me transparencë, me ndershmëri, me profesionalizëm të lartë por, më e rëndësishmja, me devotshmëri dhe me ndjenjë të lartë përgjegjësie personale.
Të nderuar Zonja dhe Zotërinj!
Duke gjykuar nga rasti im, kam arsye të forta për të dyshuar nëse procesi i Vetting-ut po i shërben qëllimit, i cili unë besoj se është: “Largimi i prokurorëve dhe gjyqtarëve të korruptuar dhe profesionalisht të paaftë dhe sigurimi i kushteve që prokurorët dhe gjyqtarët me integritet dhe profesionalisht kompetentë të vazhdojnë t’i shërbejnë drejtësisë shqiptare ashtu siç kanë bërë deri tani”.
Kur procesi i Vettingut filloi, unë, personalisht, u mbusha me shpresë, sepse besoja që drejtësia do të vihej në vend. Në rastin tim, faktkeqësisht, nuk ndodhi kështu.
Mos po shndërrohet edhe ky në një proces të korruptuar, në një vegël në shërbim të hakmarrjes prej kriminelëve të cilët gjyqtarët dhe prokurorët, që i nënshtrohen këtij proçesi, i kanë çuar përpara drejtësisë?
Mos ndoshta po përdoret edhe ky proces, si një vegël në shërbim forcash politike të cilat, jo rrallë, fatkeqësisht, u shërbejnë interesave të tyre të ngushta politike dhe jo interesave kombëtare?
Të nderuar Zonja dhe Zotërinj!
Gjatë këtyre ditëve jam përpjekur të kuptoj një vendim të pakuptueshëm. Në analizën time të fakteve dhe ngjarjeve kam arritur në konkluzionin se shkarkimi im, u bë për një nga këto dy arsye:
•Ose si rezultat i profesionalizmit të dobët në gjykim nga anëtarët e trupës së Kolegjit të Apelimit, që votuan për shkarkimin;
•Ose (dhe ky rast është edhe më flagrant, sa i përket të ardhmes së drejtësisë shqiptare) ai ishte një shkarkim i urdhëruar, në shërbim të interesave me të cilat unë në punën time si prokurore jam përballur.
Unë Ju ftoj të investigoni dhe të merni të gjitha masat e mundshme në mënyrë që populli shqiptar të mos zhgënjehet edhe këtë herë. Kjo do të na kushtonte besimin e shqiptarëve në reformimin e sistemit të drejtësisë dhe në proceset demokratike për zhvillimin e vendit drejt anëtarësimit në Bashkimin Europian.
Të dashur bashkëqytetarë shqiptarë!
Unë nuk linda Prokurore. Unë zgjodha të bëhem. Si e tillë u kalita çdo ditë nëpër betejat gjatë procesit të hetimit si dhe në sallën e gjyqit duke punuar që paqja dhe siguria në jetët tona të mos kërcënohen.
Unë isha, jam dhe do të mbetem një prokurore krenare. Beteja ime nuk përfundon këtu. Unë jam betuar solemnisht t’Ju shërbej dhe do ta bëj këtë, edhe më e fuqishme, edhe më e guximshme!
Ju falenderoj për besimin dhe mbështetjen gjatë gjithë këtyre viteve dhe, në veçanti, gjatë këtyre ditëve.
Sinqerisht Juaja!
Antoneta Sevdari
Prokurorja, Antoneta Sevdari, është shkarkaur nga KPA në datën 28 shkurt me aryestimin se kjo e fundit nuk justifikonte dot pasurinë. Komisini i Pavarur i Kualifikimit i ka gjetur asaj probleme me pasurinë e bashkëshortit, pasi sipas prokurorës burri i saj kishte punaur në Araninë Saudite dhe nuk e dokumentonte dot burimin e të ardhurave, pasi punëdhënësi kishte ndërruar jetë.
Komisioneri Publik sqaroi se të dhënat janë të pamjaftueshme për rikonfirmimin e saj në detyrë për shkak të problemeve me pasurinë në pagesën e tatimeve dhe në aftësinë profesionale. Në argumentimin e Komisionerit thuhet se prokuroroja nuk e ka justifikuar me dokumentacion pasurinë e saj.
Po ashtu sevdari ka lënë bosh dhe vendin e saj në Këshillin e Lartë të Prokurorisë, dhe ëpr zevenësimin e saj është një procedurë e gjatë, dhe tregon se KPL ësthë ende një institucion i pa konsoliduar. (Lexo këtu)
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Edion Bajraktari është një djalë 13-vjeçar që po lufton me autizmin, ujin në kafkë, paralizimin dhe njëkohësisht me dëbimin nga Suedia. “Aftobladet” shkr...
DIBËR- Ish-kryeministri Sali Berisha ka vijuar me publikimine e denoncimeve të mbërritura në adresën e tij.Me anë të një postimi në rrjetet sociale, Berish...
SARANDË- Një 52 vjeçar u gjet i plagosur në aksin rrugor Sarandë – Borsh, pranë fshatit Volloder të Himarës. I plagosuri është Nikoll Kola, l...
VLORË– Përgjatë viteve të fundit qyteti i Vlorës është bërë ‘qendra’ e ngjarjeve kriminale. Dhjetëra të vrarë e të zhdukur në një trekëndësh që po lidh gji...
Krim në familje në Korçë. Djali i dehur dyshohet se ka mbytur mbytur nënën e tij 85-vjeçare, me të cilën jetonte në një shtëpi dhe se e dhunonte p...
Në qytetin e Vlorës në zonën e Ujit të Ftohtë janë djegur 5 makina gjatë orëve të para të mëngjesit të sotëm. Dosja.al mëson se ngjarja ka ndodhur rreth orës 01...
GREQI- Banka e Pireut e përfundoi shitjen e filialit shqiptar Tirana Bank tek Balfin Group dhe Komercijalna Banka, duke e rritur vlerën e kapitalit, njofton vet...
TIRANË– Gjykata e Tiranës ka caktuar masën e sigurisë “detyrim paraqitjeje” për Ervin Matën. Ai u vetëdorëzua në Polici dy ditë më parë pasi ishte shpallur...
GJIROKASTËR- Ditën e sotme banorët e Këlcyrës kanë zhvilluar një protestë para bashkisë, pas vendimit për shembjen e 28 objekteve në qendër, shumë mes të c...
PËRMET– Ditën e sotme mbi 28 familje në Këlcyrë kanë protestuar në sheshin para bashkisë kundër prishjes së shtëpive të tyre. Shkak është bërë një projekt ...
