Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Kryetarja e Lëvizjes Socialiste për Integrim, Monika Kryemadhi ka mbajtur një fjalim të shkurtër para mediave një ditë pasi u rizgjodh në krye të LSI-së. Në një deklaratë të shkurtër për shtyp, Kryemadhi ka treguar vështirësitë e detyrës, duke u premtuar qytetarëve se partia që ajo drejton do të bëjë më të mirën për vendin.
“Të dashur anëtarë të LSI-së! Unë e mora drejtimin e LSI-së në një kohë mjaft të vështirë për të, kur sapo kishim dalë në opozitë. Na është dashur të përballojmë sfida e vështirësi të mëdha. Por falë mbështetjes tuaj, falë angazhimit tuaj, ne ia dolëm. Ia dolëm duke fituar sfidën e parë me veten tonë,”-shkruan Kryemadhi.
Kryemadhi u zgjodh krye të LSI-së me 42 807 vota pro nga 44 413 vota që ishin gjithsej duke marrë kështu mandatin e dytë në krye të LSI-së. Zgjedhjet për drejtuesit e LSI dhe delegatët e Konventës Kombëtare u zhvilluan dje online dhe në qendrat e votimit. Në këto zgjedhje morën pjesë 44.413 anëtarë ose 80.7% e anëtarësisë.
DEKLARATA E PLOTË:
Të dashur anëtarë të Lëvizjes Socialiste për Integrim! Nuk gjej dot fjalë që t’iu shpreh nderimin dhe mirënjohjen që kam për të gjithë, por me zemër dua t’iu them: Faleminderit! Dua t’iu falënderoj për gjithë përkushtimin, për gjithë vendosmërinë dhe rezistencën, për qëndresën shembullore, por edhe për të gjithë respektin dhe dashurinë që ju më falët në zgjedhjet e 21 nëntorit, të ditës së shtunë, me një anëtar një votë, në Lëvizjen Socialiste për Integrim. Pjesëmarrja juaj në zgjedhje ishte një manifestim i shkëlqyer solidariteti dhe besimi. Pjesëmarrja juaj në zgjedhje është një mesazh përgjegjësie dhe angazhimi. Pjesëmarrja juaj në zgjedhje është tashmë një sfidë e fituar, së pari me vetveten në një proces rindërtimi e vetëpastrimi, çka më bën mua sot, kryetaren më të nderuar, sepse kam nderin që të kem në krah njerëz të ndershëm, jo vetëm në partinë tonë, por njerëz që punojnë më përkushtim dhe e duan vendin e tyre.
Ndaj ndjej detyrim dhe mirënjohje për të gjithë ju. Prandaj dua me dorë në zemër edhe njëherë të them FALEMINDERIT LSI!
Sot është vetëm fillimi. Ne jemi të vetëdijshëm për vështirësitë e mëdha që na presin, por ne jemi mësuar tashmë me vështirësitë, sepse ato kanë qenë sfida jonë, sepse ne prandaj jemi bashkë që të fitojmë mbi të gjitha sfidat që i kanë dalë përpara LSI-së. Dhe që të fitojmë mbi vështirësitë, ne duhet t’u ofrojmë shqiptarëve shpresën, atë shpresë që u mungon, atë shpresë e cila i është grabitur dhe vrarë nga qeveria pseudo rilindase.
Ne e kemi për detyrë t’ua kthejmë shqiptarëve shpresën dhe dimë ta bëjmë këtë gjë, sepse ne do të krijojmë vende të reja pune, sepse ne do të ndihmojmë familjet të menaxhojnë kostot e jetesës, të cilat kjo qeveri i ka rritur çdo ditë e më shumë. Ne do të dimë të garantojmë për fëmijët e shqiptarëve që të kenë një arsim të mirë dhe cilësor, në mënyrë të tillë që të gjejnë vende pune me pagë të mirëpaguar. Ne do të bëjmë të mundur që çdo shqiptar të ndjehet ë Shqipëri si në shtëpinë e tij.
Unë sot jam e lumtur që LSI vazhdon të jetë partia e të rinjve. Sepse ne nuk themi vetëm që rinia jonë ka nevojë për më shumë mundësi, por ne u japim më shumë mundësi të rinjve tanë. Ne u krijojmë mundësi të rejave dhe të rinjve tanë. Ne u krijojmë shkollim të mirë dhe cilësor, në mënyrë të tillë që ata të gjejnë një vend pune të mirëpaguar, një vend pune në tregun e punës, në të cilin paguhen si të gjithë bashkëmoshatarët e tyre europianë. Ne u krijojmë mundësi të gjithë qytetarëve shqiptarë për të qenë qytetarë dinjitozë në shtëpinë e tyre që është Shqipëria, si çdo qytetar europian.
Unë sot jam shumë krenare për të gjithë ju, sepse më bëtë mua një grua e cila është udhëheqëse e një partie politike. Unë dua të dëshmoj se gratë jo mund, por dinë të drejtojnë dhe dinë të përballen me sfidat dhe vështirësitë që kalon çdo lider politik. Gratë i njohin betejat me të cilat përballen familjet e tyre çdo ditë dhe në një mënyrë më të plotë se kushdo tjetër. Gratë dinë të udhëheqin familjet e tyre, dinë të edukojnë fëmijët e tyre. Ato ditë të jenë edhe udhëheqëse të zonja, prandaj është e nevojshme që të kemi sa më shumë gra dhe vajza në politikë, në mënyrë të tillë që ato të jenë drejtuese për t’u përballur me sfidat dhe për të zgjidhur problemet që u kanë dalë shqiptarëve sot, në këto kushte mjaft të vështira.
Të dashur anëtarë të LSI-së! Unë e mora drejtimin e LSI-së në një kohë mjaft të vështirë për të, kur sapo kishim dalë në opozitë. Na është dashur të përballojmë sfida e vështirësi të mëdha. Por falë mbështetjes tuaj, falë angazhimit tuaj, ne ia dolëm. Ia dolëm duke fituar sfidën e parë me veten tonë. Mbështetja juaj ka qenë vendimtare dhe përcaktuese në të gjithë rrugëtimin tim si Kryetare e LSI-së, ndaj unë sot solemnisht shpall sot se do të vazhdoj ta bëj këtë parti, një parti të mirëpritur jo vetëm për anëtarët e LSI-së, të cilët me një devotshmëri, me një angazhim, me një forcë, në datën 21 nëntor ju drejtuan qendrave të votimit në zyrat e LSI-së, duke i bërë ballë çdo presioni politik, qeveritar, policor dhe rrugaçëror. Treguan edhe njëherë që LSI nuk është më prezente, por një realitet. Një realitet i madh për shpresat e shqiptarëve në të ardhmen. Prandaj ne do të kemi një parti jo vetëm me dyer të hapura për të pritur këdo që do të vijë, por sidomos për të rinjtë dhe për të rejat, të cilët ishin pjesa dërrmuese në të gjithë procesin zgjedhor, jo vetëm në menaxhim, por edhe në procesin e shpërndarjes së mesazhit, të angazhimit, të ndihmës që i dhanë strukturave të LSI-së ditën e zgjedhjeve të 21 nëntorit. Prandaj vazhdoj të ftoj të rinjtë dhe të rejat, që të jenë pjesë e LSI-së, jo për të qenë thjesht anëtarë të saj, por për të qenë vendimmarrës dhe politikëbërës në të ardhmen e LSI-së, në jetën e LSI-së. Por jo vetëm për të ardhmen, por edhe për të sotmen. Sepse sot më shumë se kurrë, Shqipëria ka nevojë për të rinjtë dhe të rejat. LSI-ja i ka të hapura dyert e saj. T’i imponohemi politikës shqiptare për të përfshirë të rinj dhe të reja, gra dhe vajza, në jetën tonë, në jetën e përditshme të popullit shqiptar, sepse vetëm kështu mund të ndryshojmë këtë realitet të hidhur, vetëm kështu ne mund të krijojmë hapësira dhe të kthejmë shpresën te familjet shqiptare. Faleminderit, Zoti ju ruajttë të gjithëve, Zoti e bekoftë Shqipërinë dhe shqiptarët kudo që janë.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Gjykata e Tiranës ka vendosur që të regjistrojë partinë e Jozefina Topallit “Lëvizja për Ndryshim” për zgjedhjet parlamentare që pritet të zh...
TIRANË– Ministri në detyrë për Evropën dhe Punët e Jashtme, Gent Cakaj, priti sot në një takim në Tiranë, Ministrin e Jashtëm të Zvicrës, Ignazio Cassis.Të...
TIRANË– Ish-deputeti i Partisë Demokratike, Enkelejd Alibeaj ka denoncuar se qeveria shqiptare po përgatit një koncesion të ri. Sipas tij, bëhet fjalë për ...
TIRANË– Mësimi në universitete do të vijojë të jetë online! Ky është vendimi që u tha ditën e sotme nga Komiteti Teknik i Eskpertëve. Sipas zv/ministres së...
TIRANË– Kryetari i PD, Lulzim Basha, ishte në një biznes të produkteve bazë të konsumit në Tiranë.Gjatë bashkëbisedimit me menaxheren e biznesit Rolanda Ca...
TIRANË– Kryeministri Edi Rama ka publikuar në rrjetet e tij sociale, fotot e dy fëmijëve teksa pozonin tek pema e Krishtlindjeve, e vendosur në qendër të s...
TIRANË– Partia Demokratike kërkon që në Tropojë të nisin investigimet pasi në Bashki nuk paraqitet në punë juristi Lorent Vukçaj dhe Drejtoresha e P...
TIRANË– Kryeministri, Edi Rama ka zgjedhur që këtë fundjavë ta kalojë me familjen ku mesa dukt kohën më të madhe ja ka kushtuar djalit të tij Zahos.N...
TIRANË – Nëpërmjet një deklarate të përbashkët, Ministri në detyrë për Evropën dhe Punët e Jashtme, Gent Cakaj dhe Ministrja e Punëve të Jashtme dhe ...
