Bota

Tërmet tragjik në Turqi, 18 të vdekur e qindra të plagosur nga lëkundjet 6.8 rihter (FOTO+VD)

  • Ambulancat me urgjencë tek banesat e rrënuara, njerëzit me vrap dalin në rrugë
  • Tërmeti ‘shkund’ studion e lajmeve, ia plasin të qeshurit live
  • Tërmeti lëkund Turqinë. Sipas mediave vendase, lëkundjet kanë pasur magnitudën 6.8 të shkallës Rihter dhe epiqendra ka qënë në provincën Elazig që ndodhet në lindje të vendit. Mësohet se tërmeti u ndje në Izrael, Siri dhe Irak. Deri më tani raportohet për 18 persona të vdekur.
    Featured image of article: Tërmet tragjik në Turqi, 18 të vdekur e qindra të plagosur nga lëkundjet 6.8 rihter (FOTO+VD) Pamjet nga tërmeti në Turqi

    TURQI– Një tërmeti i fuqishëm me magnitutë  6.8 ka goditur Turqinë në provincën Elazig që ndodhet në lindje të vendit. Sipas informacioneve të deritanishme tërmeti goditi rrethin Sivrice të Elazığ në 20:55 (me orën lokale) një thellësi prej 6.7 kilometra. Por kjo nuk ishte lëkundja e vetme, pasi i gjithë qyteti ndjeu dhe paslëkundje me magnitutë nga 5.4 deri në 3.3. Sipas raporteve fillestare, tërmeti u ndje dhe në Siri dhe Irak.

    Mediat vendase bëjnë me dije se janë shënuar dhe vitkimat e para, ku 18 persona kanë humbur jetën dhe disa të tjerë janë plagosur. Shfrat e viktimave janë konfimuar dhe nga Ministri i Brendshëm, Sulejmani Soylu, i cili pas tërmetit doli në një deklaratë urgjente.

    Godina e shembur nga tërmeti në Turqi

    Nga ana tjetër mësohet se ekipet e urgjencës dhe forca të shumta policie kanë mbërritur në Elazig, ku po ndihmojnë qytetarët të cilëve u janë dëmtuar banesat. Autoritetet vendase shkruajnë se ka ndërtesa të dëmtuara, por ende nuk ka një raport të saktë.

    Për më shumë bëhu pjesë e grupit më viral në Facebook, Dosja.al
    Epiqednra dhe përhapja e tërmetit

    Turqia është ndër vendet më sizmike aktive në botë pasi ndodhet në disa linja aktive të pllakave tektonike. Pllaka tektonike më e rrezikshme është ajo që kalon Anadollit e Veriut, ku takohet me pllaka Anatoliane dhe Euroaziane. Një tërmët i fortë u shkaktua nga kjo pllakë vite më parë, ku u regjistrua dhe tëmreti më i rëndë për Turqinë.

    Më shumë se 17,000 njerëz u vranë dhe mbi 43,000 u plagosën kur një tërmet me madhësi 7.4 tronditi rajonin Marmara për 37 sekonda në orët e para të 17 gushtit 1999, me epiqendrën e tij të vendosur në provincën Gölcük, rreth 75 kilometra në juglindje të Bosforit. Tre muaj më vonë, më 12 nëntor 1999, 845 njerëz u vranë dhe gati 5,000 u plagosën kur një tërmet me madhësi 7.0 goditi provincën Düzce, rreth 120 kilometra në veri-perëndim të Gölcük. Në shtator, një tërmet me madhësi 5.8 në Detin Marmara tronditi Stambollin dhe shkaktoi panik në të gjithë qytetin, duke plagosur 34 dhe duke dëmtuar 473 ndërtesa.

    (K.M. A.B. Dosja.al)

    • 0:10

      Edi Rama: Lutemi që Zoti t’i japë Erdoganit forcën për ta përballuar tragjedinë

      Edi Rama

      Kryeministri Edi Rama ka shprehur ngushëllimet e tij për viktimat e tërmetit në Turqi. Me anë të një statusi në Twitter, Rama shkruan se ‘lutet’ që Zoti t’i japë forcë autoriteteve që ta përballojnë tragjedinë.

      “Shumë e trishtueshme fatkeqësia që ra mbi Turqinë mike prej një tërmeti të rëndë, ku janë shënuar edhe jetë të humbura! I jemi pranë popullit turk dhe lutemi që Zoti t’u japë autoriteteve të vendit dhe Presidentit të gjithë forcën për ta përballuar këtë tragjedi,”-shkruan kreu i qeverisë shqiptare.

    • 0:10

      Tërmeti me viktima në vend, presidenti Erdogan: I gjithë shteti është pranë jush!

      Presidenti i Turqisë, Recep Tayyip Erdogan ka reaguar pas tërmeti të fuqishëm me magnitudë 6.8 Rihter që lëkundi vendin. Erdogan shkruan në Twitter, se po ndiqte nga afër punimet duke i siguruar që shteti është në këmbë për ta.

      Si president i Turqisë dua t’ju bëj me dije që po ndjek nga afër punimet që po bëhet. Në fillim dua t’ju them AFAD dhe Kizilay (zonat e prekura) që i gjithë shteti është pranë jush. Vëllezërit tanë që kanë humbur jetën nga tërmeti i mëshiroftë zoti, të dëmtuarve dua t’ju uroj shërim sa më të shpejtë,”– shkruan Erdogan.

    • 22:06

      Tërmeti ‘halli’ më i vogël, qytetarët turq mbushin rrugët, natën parashikohen temperatura me minus

      Nuk mjaftoi tërmeti! Qytetarët e provincës së Elazığ do të duhet që të përballojnë edhe temperaturat e acarta gjatë natës. Sipas programeve të motit, temperaturat gjatë natës parashikohen që të arrijnë pranë -11 gradë celcius. Kushte këto që e bëjnë edhe më të vështirë nxjerrjen e të mbijetuarve që kanë mbetur nën rrënoja.

      Temperaturat
    • 22:07

      Qeveria shqiptare: Thellësisht të tronditur, jemi me vëllezërit tanë turq

      Minsitri në Detyrë për Evropën dhe Punët e Jashtme, Gent Cakaj, ka reaguar pas tërmetit që tronditi Turqinë. Në një reagim në mediat sociale, Cakaj shprehet shumë i tronditur për situatën që është krijuar në turqi. Më tej shton se në këto momente të vështira është afër turqëve dhe mendimet dhe lutjet shkojnë për jetët e humbura.

      Gent Cakaj, Ministër në detyrë

      I shqetësuar thellësisht për tërmetin e fundit në Turqi. Në këto momente të vështira ne jemi afër vëllezërve tanë turq të prekur nga tërmeti. Mendimet dhe lutjet tona janë për Turqinë. Lutuni për Turqinë”, shkruan Cakaj. Por ndryshe nga Hashim Thaçi që premtoi ndihmë, Cakaj përveç lutjeve nuk ofron asgjë më shumë për qeverinë turke.

      Ndërkohë pas tij ka ardhur një reagim dhe nga Ministrja e Mbrotjes, Olta Xhaçka, e cila shkruan se lutet që të ketë sa më pak viktima. “Me mendje e me zemër pranë popullit turk në këto momente tragjedie. Ndajmë me miqtë tanë dhimbjen e çdo shqiptari që nuk mund të harrojë solidaritetin e ndihmën e pakursyer që populli turk na dha në të njëjtën situatë tragjedie. Lutem për sa më pak viktima e të lënduar, nga kjo ngjarje e tmerrshme”, shkruan Xhaçka. 

    • 21:42

      Kosova solidarizohet menjëherë, Thaçi ofron ndihmë: Jemi të gatshëm që…

      Presidenti i Kosovës, Hashim Thaçi ka ofruar ndihmën e forcave operacionale të vendit për Turqinë. Thaçi ofron ndihmë për të nxjerrë nga rrënojat personat që janë zënë poshtë, ndërsa shton se lutjet e tij shkojnë për familjet e viktimave e të plagosurve.

      Postimi i Hashim Thaçit

      “Lutjet tona shkojnë për familjet e viktimave dhe të plagosurve nga tërmeti që goditi Elazigun. Kosova është e gatshme të dërgojë ndihmë të menjëhershme dhe të jetë në krah të njerëzve dhe qeverisë së Turqisë në këto momente tragjike,”-shkruan Thaçi.

    • 21:29

      Pamjet RRËQETHËSE nga Turqia/ Babai mbron fëmijët me trup, sipër i bien rrënojat e pallatit, vdesin të tre

      Pamje tragjike dhe rrëqethëse vijnë nga Turqia pas tërmetit 6.8 të shkallës Rihter që tronditi vendin. Video e dhimbshme e një babai të zënë poshtë rrënojave po i përlot të gjithë. Siç duket edhe nga pamjet poshtë tij janë fëmijët, të cilët ai ka tentuar që t’i mbrojë me trup por pa rezultat.

    • 20:45

      Turqit e marrin me sportivitet, tërmeti ‘shkund’ studion e lajmeve, ia plasin të qeshurit live në transmetim

      Një video virale po qarkullon rrjetin. Teksa Turqia lëkundej nga tërmeti me magnitudë 6.8 i shkallës Rihter, katër persona kanë qënë në transmetim live. Teksa toka lëkundej, ata e morën me humor e sportivitet gjithë situatën dhe e superuan tmerrin e frikën me nga një buzëqeshje. Vërtet thonë se e qeshura të zgjat jetën por nuk besojmë që ky të jetë rasti edhe kur bie tërmeti.

    • 20:26

      “Mami im…”/ Shënohen viktimat e para në Turqi, rrënojat zënë poshtë njerëz, vajza qan për të ëmën

      Shënohen viktimat e para nga tërmeti në Turqi. Një video po bën xhiron e rrjetit, ku një vajzë qan në sfond dhe kërkon nënën e saj. Ndërtesa është shembur në Elaziğ menjëherë pas tërmetit 6.8 të shkallës Rihter që tundi vendin.

      Personi që ka shpërndarë videon në Twitter shkruan: Në momentin që e pashë, po qaja, nga sytë më rrodhi një pikë loti. E di shumë mirë se sa e dhimbshme është të humbasësh njeriun më të afërt. Zoti im mbroji të gjithë!

    • 19:59

      Tërmeti 6.8 rihter ‘shkundi’ vendin, ky është kamarieri më i përkushtuar në Turqi, s’del nga lokali pa lënë porosinë mbi tavolinë

      Një tërmet me magnitudë 6.8 të shkallës Rihter ka goditur Turqinë duke shkaktuar panik në njerëz dhe banesa të rrënuara.

      Por lëkundjet nuk e kanë ndaluar një kamarier që të bëjë punën e tij dhe shumë mirë madje. Teksa njerëzit në lokalin që ai po shërbente ndjenë tërmetin, dolën me vrap jashtë.

      Ndërsa ai me shumë guxim, doli i fundit duke lënë mbi tavolinë edhe porosinë që i kishin dhënë. Pasi la të gjitha filxhanët e kafeve, në fund kamarieri që duhet marrë shembull doli edhe vetë për të shpëtuar kokën. S’mund të themi asgjë tjetër veçse: profesionist djalë!

    • 19:50

      Ambulancat me urgjencë tek banesat e rrënuara, njerëzit me vrap dalin në rrugë, ulërasin nga frika e tërmetit: Allahu na ndihmoftë!

      Një tërmet i fortë me magnitudë 6.8 të shkallës Rihter ka lëkundur Turqinë pasditen e sotme. Mësohet se epiqendra e tërmetit ka qënë në një zonë pranë Ankarasë, ndërkohë që dyshohen edhe për viktima.  

      Qytetarët turk kanë “vërshuar” në Twitter ku edhe kanë publikuar pamje nga pasojat që ka lënë pas tërmeti, ku nuk mungojnë as shtëpitë e shembura, në të cilat ekziston mundësia që të kenë zënë persona brenda. 

      “Allahu na ndihmoftë! Shpresoj mos të ketë jetë të humbura. Zot mbroje kombin tonë. Faleminderit zjarrfikësve që po punojnë me urgjencë nën rrënoja,”-shkruan një qytetar në Twitter, ndërkohë që sjell edhe pamjet e para nga vendi.

      Ndërkohë në sfond dëgjohen të qarat e njerëzve të frikëshuar që kanë dalë menjëherë në rrugë dhe sirenat e ambulancave që kanë rrethuar rrënojat. 

    Shto Koment