Aktualitet

Transporti publik në Tiranë rinis punën pas 4 muajsh, autobusët pothuajse bosh, për korrikun s’ka abone, shpërndarja nis në gusht

FOTO
Transporti publik në Tiranë rinis punën pas 4 muajsh. Lëvizja e autobusëve ka nisur që prej orës 05:00 të mëngjesit. Ndërkohë abonetë e muajit marsit janë të “djegura”. Ndërsa, korriku do të jetë me biletë dhe shpërndarja e aboneve do të rinis në gusht.
Featured image of article: Transporti publik në Tiranë rinis punën pas 4 muajsh, autobusët pothuajse bosh, për korrikun s’ka abone, shpërndarja nis në gusht Foto nga autobusët në Tiranë

TIRANË- Pas 4 muajsh ka nisur transporti publik në Tiranë. Që prej orës 05:00 të mëngjesit të sotëm autobusët e linjave të ndryshme kanë nisur lëvizjen në qytet. Ajo që vihet re është se urbanët janë pothuajse bosh.

Foto nga autobusët në Tiranë

Ndërkohë që abonetë e blera nga qytetarët për muajin mars, janë të djegura, pasi nuk janë të vlefshme.  Ndërsa, muaji korrik do të vazhdojë me bileta, dhe shpërndarja e aboneve do të rinisë në muajin gusht.

Foto nga autobusët në Tiranë

Transporti publik rinisi punën pas arritjes së marrëveshjes me Bashkinë e Tiranës për të marrë një pagë të dytë lufte prej 40 mijë lekësh dhe ndryshim të protokollit. Tashmë, fatorinot dhe shoferët nuk do të mbajnë përgjegjësi në rast se në autobus do të ketë qytetarë pa maskë, por përgjegjësia do të jetë individuale.

Për më shumë bëhu pjesë e grupit më viral në Facebook, Dosja.al

Protokolli i sigurisë që do të zbatohet
1.Çdo përdorues i transportit publik qytetas/rrethqytetas është i detyruar të përdorë maska gjatë udhëtimit me autobus, si dhe këshillohen të mbajnë një distancë sigurie.
2.Në stacionet e qëndrimit udhëtarët janë të detyruar të përdorin maska gjatë pritjes së autobusit ndërsa personeli i transportit publik qytetas/rrethqytetas (shoferë, faturino, kontrollorë) do të jenë të detyruar të përdorin maska.
3.Për të maksimalizuar sigurinë ndaj COVID-19, edhe punonjësit e shërbimit të operatorëve si: kontrollor, dispecer, si dhe stafe të tjera plotësuese do të jenë të pajisur me maskë mbrojtëse në momentin që janë prezent në mjet gjatë kryerjes së shërbimit.
4.Ndërkaq, sikurse është rënë dakord mes Kryetarit të Bashkisë Erion Veliaj dhe Shoqatës së Shoqërive të Transportit Publik, mjetet e operimit do të dezinfektohen në mënyrë periodike në ambientet e operatorit transportues nga stafi i tij dhe mjetet e operimit në transportin qytetës/rrethqytetas për personelin e shërbimit (shoferë, faturino, kontrollorë) do të pajisen me dizinfektantë me bazë alkooli.|
5.Gjatë udhëtimit duhet të bëhet e mundur ajrimi i ambienteve të brendshme të mjetit, përgjatë gjithë kohës së udhëtimit, nëpërmjet sistemeve të ajrimit të vendosura në pjesën e sipërme të mjetit ose duke mbajtur hapur pjesët strukturore të dritareve që e kanë këtë mundësi në rastet kur mjeti është i pajisur me dritare ose me sisteme ajrimi.
6.Në çdo mjet do të vendosen postera për respektimin e rregullave të higjienës, të rekomanduara nga OBSH-ja, të vendosura në vende të dukshme për udhëtarët.
7.Për zbatimin me rigorozitet të masave të sigurisë, çdo udhëtar dhe punonjës i transportit publik mban përgjegjësi personale për mosrespektimin e këtij protokolli, si dhe janë objekt kontrolli nga organet kompetente dhe masat e parashikuara në protokollin e sigurisë do të kontrollohen nga organet kompetente.

J.V/Dosja.al

Shto Koment