Rajoni

Pas propozimit të Vetëvendosjes/ Thaçi fton Kurtin në Presidencë në orën 12:00 për t’i dhënë mandatin

Thaçi në orën 12:00 ka ftuar në Presidencë Kurtit për t'i dhënë mandatin.
Featured image of article: Pas propozimit të Vetëvendosjes/ Thaçi fton Kurtin në Presidencë në orën 12:00 për t’i dhënë mandatin

Kosovë- Presidenti Hashim Thaçi i ka dërguar një ftesë Albin Kurtin që në orën 12:00 të ditës së sotme t’i japë mandatin e kryeministrit të Kosovës. Ky veprim i Thaçit vjen pasi Lëvizja Vetëvendosje e propozuar këtë të fundit  si mandatar për formimin e Qeverisë së re të Kosovës.

“Presidenti i vendit, Hashim Thaçi, pas pranimit të propozimit të mandatarit për formimin e Qeverisë nga Lëvizja Vetëvendosje, e ka ftuar të propozuarin Albin Kurti për ta pranuar dekretin sot më 20 janar 2020, në orën 12:00”, thuhet në njoftim.

Për më shumë bëhu pjesë e grupit më viral në Facebook, Dosja.al

Ditën e sotme Lëvizja Vetëvendosje ka propozuar Albin Kurtin si kandidat për kryeministër, për formimin e Qeverisë së re të Kosovës. Ky vendim vjen pas disa kërkesave të presidentit Hashim Thaçi për t’i formuar sa më shpejt institucionet e vendit. Vendimi i është dorëzuar presidentit Hashim Thaçi.

Dy ditë më parë Presidenti Hashim Thaçi u shpreh se e ka nënshkruar vendimin për t’ia dhënë mandatin Albin Kurtit. Disa javë më parë u themelua dhe legjislatura e 7-të e Kuvendit të Kosovës, por ende nuk është formuar qeveria e re. Negociatat deri më sot kanë dështuar, pasi LDK ka kërkuar që të marrë kreun e Kuvendit, Presidentin dhe 5 ministri, pra gjysmën e kabinetit. Pas zgjedhjes së Glauk Konjufcës si kryetar Kuvendi, LDK u tërhoq nga marrja e këtij posti dhe shprehu gatishmërinë për një marrëveshje të re, duke kërkuar sërish 5 ministri dhe Presidentin.  Ndërsa Kurti në ofertën e tij më të fundit kërkon që të shtohen edhe 2 ministri, nga 12 sa ishin rënë dakord më parë, tani të bëhen 14 ministri, ku 6 ministri do t’i ketë LDK, 5 LVV dhe 3 minoritetet.

J.V/Dosja.al

Shto Koment