Aktualitet

Tragjedia me 50 viktima dhe 900 të plagosur/ Pezullohen kërkimet ‘Mira Mare’ në Durrës, nesër Lezha në hartën e gjendjes së jashtëzakonshme

  • Italianët bën ‘blozë’ Shqipërinë: I bëjnë shtëpitë shto ujë e miell. Mos të ishte për…
  • 50 viktima, 900 të lënduar dhe 63 të shtruar te Trauma. Po kështu vijojnë kërkimet në hotel Mira Mare në Durrës, dyshohet se një person ndodhet nën gërmadha. Ka qenë qeni një grupi kroat i cili ka nuhatur për një trup nën rrënoja. Nisen drejt Italisë për një mjekim të specializuar Ramë Lal dhe Albert Cara.
    Featured image of article: Tragjedia me 50 viktima dhe 900 të plagosur/ Pezullohen kërkimet ‘Mira Mare’ në Durrës, nesër Lezha në hartën e gjendjes së jashtëzakonshme Foto nga tërmeti dhe nga homazhet në Thumanë dhe Durrës
    Përditësuar:

    DURRËS- 50 viktima, 900 të lënduar dhe 63 të shtruar në spitalin e Traumës. Ky është bilanci i tërmetit të 26 nëntorit. Pas shumë orësh kërkimesh sot, tek hotel Mira-Mare janë pezulluar kërkimet në orën 18:00. Nën rrënojat e këtij hoteli dyshohet se ndodhen ende një trup, i cili është nuhatur nga një qen i forcave kroate, por ky informacion ende nuk është konfirmuar.

     

     

    Kjo e vetmja pikë ku do vijojnë kërkimet pasi pak pas mesnate u nxorën edhe dy trupat e fundit të pajetë nga rrënojat e dy ndërtesave të shembura në Durrës, atë të Ilir Lalës në vilën 4 katëshe në Kënetë të Durrës, aty ku tragjedia goditi më fort me vdekjen e 8 anëtarëve të një familjeje, dhe të Xhuljeta Gjonajt në pallatin tek “2 Gjelat”.

    Ndërkohë drejt Italisë për një mjekim të specializuar është nisur drejt Italisë Ramë Lala, 17-vjeçari i vetëm i mbijetuar në familjen Lala. Gjendja e tij shëndetësore është komplikuar. Po kështu pak minuta më parë është trasportuar drejt Italisë me helikopter edhe Albert Cara, i cili humbi nga tërmeti 8 anëtarët e familjes.

    Për më shumë bëhu pjesë e grupit më viral në Facebook, Dosja.al

    Në një konferencë për mediet Xhaçka iu ka bërë thirrje qytetarëve që të mosj bëjnëekspertin vetë për banesat me dëmtime, por të drejtohen te qeveria. Ajo theksoi se  ka mundësi vendstrehimi.

     

    J.V/Dosja.al 

    • 21:50

      Mori vesh se i ishin plagosur të afërmit nga tërmeti, e reja shqiptare në Ankona e përjeton keq, tenton të hidhet nga ballkoni

      Foto ilustruese

      Një e re shqiptare ka tentuar që të vrasë veten pasi mori vesh se të afërmit e saj ishin plagosur nga tërmeti i tre ditëve më parë që shënoi 7 ballë, e shkaktoi 50 viktima. 25 vjeçarja nga Ankona mësoi se disa nga të afërmit e saj ishin plagosur rëndë dhe tentoi që të hidhej nga ballkoni i shtëpisë rreth 10 metra i lartë. Për fatin e saj të mirë ishin oficerët e skuadrës “Flying” ata që ndërhynë me urgjencë dhe i shpëtuan jetën të resë.  Sipas mediave italiane, në momentin kur ishte shpëtuar, 25-vjeçarja kishte vënë dy këmbët në pravazin e ballkonit dhe i kërkoi efektivëve që ta linin aty.

      “Mjaft … më lini të qëndroj, unë do hidhem, dua të vdes,“-u thoshte efektivëve e reja.

    • 21:44

      Gjesti që prek zemrat/ Vogëlushi jep gjithë çfarë ka për të prekurit e tërmetit, dhuron pa e menduar dy herë arushin e tij të dashur

      Me të prekurit nga tërmeti janë solidarizuar të gjithë. Qindra mijëra qytetarë kanë dhënë ndihmën e tyre që të lehtësojnë sa do pak dhimbjen e banorëve të cilëve iu shemb shtëpia apo humbën një familjar.

      Fëmija duke dhuruar arushin

      Por një fëmijë ka bërë një gjest shumë prekës. Ai ka shkuar tek vendi ku grumbullohen ndihmat dhe a dhuruar gjënë më të shtrenjtë për të. Me një arush në dorë ky fëmijë, pa habitur dhe vullnëetarët që mblidhnin ndihmat, pasi askush nuk priste një gjest të tillë.

    • 21:46

      Situata pas tërmetit, Mynyr Koni: Universiteti i Tiranës i mbyllur deri në 6 dhjetor

      Rektori i Universitetit të Tiranës, Mynyr Koni, ka bërë me dije se universiteti do të vijotë të qëndrojë i mbyllur të paktën deri në datën 6 dhjetor 2019.  Koni në një reagim shkruan se situata është shumë shqetësuese dhe mësimi do vijojë të jetë i pezulluar deri në një njoftim të dytë. 

      Mynyr Koni, Rektor i UT

      Në vijim të Urdhërit nr. 21, datë 26.11.2019, duke ndjekur me shumë shqetësim dhe me shumë vëmendje situatën aktuale, tepër të rënduar edhe nga ana psikologjike, deri në qetësimin e saj dhe garantimin e sigurisë teknike të ambjenteve në të cilat zhvillohet procesi mësimor dhe më gjerë, në cilësinë e Rektorit të Universitetit të Tiranës, urdhëroj pezullimin e procesit mësimor deri në datën 6 Dhjetor 2019”, shkruan Koni.

    • 21:14

      Shembet tavani tek gjimnazi “Sami Frashëri”, e pamundur që rifillojë mësimi (VD)

      Gjimnazi “Sami Frashëri” ka pësuar dëmtime të mëdha nga tërmetet që po vijojnë të bien në vendin tonë.Sipas informacioneve tavani ka rënë sot, nga tërmetet që kanë rënë gjatë ditës së sotme.

      Siç shihet nga nga një video e publikuar nga JOQ, tavani është shembur plotësisht. Zhvillimi i mësimit në këtë godinë është bërë i pamundur dhe pritet që Minisitriae Arsimit të dalë në një njoftim për të qartësuar situatën.

      Nuk dihet nëse do të pezullohen orët e mësimit deri në rikonstruktimin e saj apo do të zhvendosen në një shkollë tjetër.

    • 21:03

      Krevatë portativë, gjeneratorët, batanije e jorganë, ndihmat që Shqipëria kërkon nga NATO

      NATO ka deklasifikuar një dokument, ku Shqipëria i ka kërkuar ndihmë për tërmetin e 26 nëntorit 2019. Në dokument shihen të gjitha pajisjet dhe materialet që vendi ynë i kërkon aleancës.

      Në kërkesë përfshihen tendat, mjetet e ndihmës së parë, krevate portative, gjeneratorë, ushqime, mjete për femijë, mjete teknike që shërbejnë për kërkime e shumë materiale të tjera, që tregojnë se shteti ka qenë i papërgatitur nga një tragjedi e tillë.

      KËRKESA E PLOTË

      1. Tenda per 5-10 persona 1500
      2. Tenda fushore 600
      3. Streha të përkohshme 1500
      4. Kuti të ndihmes së parë 1500
      5. Jorgan 1500
      6. Batanije 3000
      7. Krevate për gjumë/krevate për fëmijë 3000
      8. Krevat portativ 600
      9. Çarçafë 1500
      10. Jastikë 1500
      11. Pompe kullimi uji/ pompa me kapacitet të lartë 150
      12. Gjeneratore 100
      13. Elektrik për koke/elektrik dore 900
      14. Shkallë zgjatuese 60
      15. Motorsharrë, hidraulik, gurë fresibël 30
      16. Matrapik 30
      17. Ura provizore 165
      18. Produkte ushqimore (miell, vaj, oriz, makarona, sheqer, mish ne kuti, kripe, detergjent, sapun) 3000
      19. Jastike ajri 25
      20. Sharre elektrike 10
      21. Mjete shpetimi 12
      22. Kamera kerkimi 3
      23. Mjete prerese hidraulike 1
      24. Mjete per degjimin akustik 10
      25. Imazhe termike 10
    • 20:41

      Rama: Nesër shpallet gjendje e jashtëzakonshme dhe për Lezhën, gishtin kokës të gjithë së bashku

      Nga nesër Lezha do të përfshihet në perimetrin e statusit të veçantë të gjendjes së jashtëzakonshme. Lajmin e ka bërë të ditur vetë kreu i qeverisë, Edi Rama, nga një vizitë në qytetin e Lezhës ku ka parë nga afer situatën e krijuar aty.

      I shoqëruar nga kreu i Bashkisë Lezhë, Pjerin Ndreu dhe Zv. Kryeminsitri Erion Braçe, Rama ka takaur dhe ka qetësuar banorët se e keqja ka kaluar.

       “Nesër edhe Lezhën do ta përfshijmë në perimetrin e statusit të veçantë të Gjendjes së Jashtëzakonshme nga Emergjenca Natyrore! PËRSËRIS LUTJEN PËR DURIM. Kjo që na ka rënë në kurriz nuk është as shaka, as film, as sfidë e zakonshme e këtij shteti me trup ende të paformuar sa duhet! KJO ËSHTË SPROVË QË TUNDI TOKËN SHQIPTARE dhe na këputi në shpirt e në trup! Prandaj GISHTIN KOKËS TË GJITHË SË BASHKU dhe O IA DALIM BASHKË O HAJËR NUK BËJMË më kurrë!”, shkruan Rama.

    • 19:56

      Artistë e qytetarë bëhen bashkë, homazhe tek sheshi “Skënderbej” për viktimat e tërmetit (FOTO)

      Qindra qytetarë janë mbledhur sot në sheshin Skënderbej dhe kanë bërë homazhe në nderim të viktimave të tërmetit të 26 nëntorit. Ata kanë ndezur qirinj dhe janë lutur për të prekurit nga tërmeti tagjik që goditi vendin.

      Qytetarët kanë zhvilluar një marshim për nderim të jetëve të humbura, ku bashkë me ta kanë qenë dhe shumë artistë e njerëz të medias.

    • 19:05

      “Ndihmë o xhaxhi, të lutem më shpëtoni”, rrëfimi i të afërmve të Kelit pas tragjedisë në familjen Çupi

      Klement Çupi

      Familjes Çupi, gëzimi i pritshëm për fejesën e djalit të vogël Micolit, iu kthye në tragjedi. Kelmenti kishte dy ditë që ishte kthyer për këtë gëzim nga Anglia, ku kishte emigruar prej disa vitesh dhe punonte për të siguruar jetesën.

      “Njëri jetonte në Angli, tjetri shumicën në Greqi dhe Itali. Dy ditë përpara kishte ardhur Kelmenti, për një gëzim familjar, për të fejuar Micolin. Prisnim ditën kur ishte caktuar, ndodhi tragjedia dhe çdo gjë u ndërpre”.

      Dy xhaxhallarët e tij, Adriatiku dhe Hamzai tregojnë bisedat me nipin në 16 orë, gjatë përpjekjeve heroike të grupeve të specializuara për ta shpëtuar nipin e tyre.

      “Herën e fundit kam folur, 5 minuta para se me dhënë jetë. Thoshte më ndihmoni, ndihmë o xhaxhi, ndihmë më shpëtoni. Nuk arritëm dot. Nuk ishte mundësia, nuk e di, ishin shumë betone sipër, shumë gjëra… U munduan boll ata të ndërhyrjes greke dhe të Kosovës. U munduan boll, madje njëri nga Kosova bërtiste, Kel qëndro dhe pak, por nuk arritën dot ta shpëtonin”.

      “Në momentin që kanë arritur tek i ndjeri, në momentin që kanë prerë traun ai ka dhënë jetë. Atëherë e lanë në moment aty, mbrapa kemi ndërhyrë e kanë filluar dhe e kanë nxjerrë, është nxjerrë në mëngjes”.

      U tha që hëngri bukë, kërkoi cigare…

      “Ne ia dhamë të gjitha. Kemi komunikuar, kanë komunikuar njerëzit, nipërit”.

      Po çfarë u thoshte Keli?

      “Aman më shpëtoni, jam gjallë, aman vetëm më shpëtoni. Ishte i bllokuar në të dy krahët, në këmbë dhe në mes. Jetën e humbi nga rrjedhja e gjakut nga këmba”.

      Vëllezërit e Hajredin Çupit kanë një shqetësim. Sipas tyre, për shtetin, viktimat e familjeve të tyre as nuk ishin shënuar në listat e të vdekurve nga tërmeti, ose iu ishte shënuar emri gabim.

      “Kelmentit ia kanë bërë Klevis, ia kanë ngatërruar. Njëkohësisht edhe nuses nuk i ka dalë emri në listat zyrtare, Lutfies.”

      Ata rrëfejnë dhe dëshminë e Micolit, nipit që mbijetoi nën rrënoja, i cili u arrit të nxirrej shëndoshë e mirë pas disa orësh dhe aktualisht ndodhet në Spitalin e Traumës, i plagosur.

      “Kur erdhën në mëngjes, kunata Lutfia gjendet e vdekur, konfirmohet dhe më pas rreth orës 12 morëm vesh se edhe Hajredini nuk jetonte. Para orës 12 kanë shpëtuar vetëm Micolin. E nxorën forcat e ndërhyrjes së policisë shqiptare. Micoli ka qëndruar disa orë i varur nën rrënoja. vetëm thoshte më ndihmoni se jam shumë mirë, më ndihmoni më nxirrnin nga rrënojat. Ishte i varur dhe bërtiste, kaq”.

      Tvklan.al do të sjellë të tjera histori nga Thumana me të tjera histori tragjike të familjeve, të cilat kanë humbur njerëzit e tyre të shtrenjtë./ Tvklan.al

    • 19:05

      Rikthimi i nxënësve në shkolla, Besa Shahini jep “lajmin”: Ende se dimë kur rifillon mësimi, do rivlersohen godinat

      Besa Shahini

      Ministrja e Arsimit, Besa Shahini ka “sqaruar” të gjithë qytetarët për datën e rikthimit të nxënësve dhe studentëve në shkolla. Me anë të një statusi në Facebook, Shabini është shprehur se ende nuk ka një datë për rikthimin në bankat e shkollës pasi godinat duhen rivlerësuar.

      “Nxënës, prindër dhe mësues të dashur! Njoftimin zyrtar për rifillimin e mësimit do ta bëj pasi të mbyllim të gjithë analizat e vlerësimeve të infrastrukturave shkollore. Ndaj, MOS MERRNI në konsideratë LAJMET “FAKE” si kjo këtu! Njoftimet e mia i publikoj tek kjo faqe dhe ato pastaj përcillen edhe në kanalet e ndryshme mediatike,“-shkruan ministrja.

    • 18:58

      Basha në Shijak: Banorët kanë 4 ditë që flenë jashtë, banesat e tyre janë të dëmtuara

      Kreu i Partisë Demokratike, Lulzim Basha, ka vizituar sot qytetin e Shijakut, ku ka parë nga afër banesat e dëmtuara nga tërmeti i fundit.

      Basha në një reagim në Facebook, shkruan se shumë banorë nga frika flenë në makina, pasi banesat e tyre janë të dëmtuara dhe autoritetet nuk kanë shkuar për t’ i parë. Numri një i opozitës shton më tej se këta qytetarë kanë nevojë për ndihma dhe shteti duhet të kthejë sytë nga ta.

      Lulzim Basha duke takuar banorët në Shijak

      “Sapo pashë nga afër situatën në Shijak ku qindra banesa janë të pabanueshme sidomos në zonën e “Luginës”. Shumë qytetarë flenë nëpër makina, dhe një pjesë tek të afërmit. Banorët kërkojnë vëmendje më të madhe. Ata më thanë se përveç ditës së parë, nuk ka patur asnjë kontakt më nga autoritetet. Nuk kanë asnjë ide çfarë do të bëhet me ta.

      Sot është nata e katërt që nuk futen dot në banesa. Kanë nevojë për ndihma materiale, ushqime, dyshekë dhe batanije. Banorët ankohen se ndihma e ofruar deri më tani është e pamjaftueshme. Përveç zonave të goditura rëndë si Durrësi dhe Thumana, duhet menjëherë tu vihet në ndihmë edhe zonave të tjera ku njerëzit janë në vështirësi të mëdha dhe ndihen të braktisur”, shkruan Basha.

    • 18:37

      Pas tragjedisë bëhen bilance, si do të veprohet për banesat e dëmtuara që janë me kredi?

      Mes banesave të dëmtuara nga tërmeti ka edhe nga ato që janë blerë me kredi. Një pjesë e banorëve janë njoftuar nga sistemi automatik i bankës për pagesën e këstit të radhës, teksa ata ndodhen në qiell të hapur e tashmë nuk kanë një shtëpi.

      Ekspertët e Shoqatës së Bankave dhe shoqërive të sigurimit shpjegojnë sesi do të veprohet me këto raste. Një proces që vlerësohet me 4 etapa dhe që nis me verifikimin e policës së sigurimit që çdo klient duhet ta ketë në momentin që ka nënshkruar një kontratë kredie me bankën për të blerë shtëpi. Në një mesatare, një banesë me vlerë 100 mijë euro sigurohet për 100 euro në vit, përfshihen edhe pajisjet elektroshtëpiake.

    • 18:27

      Pezullohen kërkimet te hotel ‘Mira Mare’ në Durrës, operacioni rinis nesër

      Operacioni i kërkim-shpëtimit në hotelin Mira-Mare është pezulluar. Sipas informacioenve mësohet se deri në orën 18:00 është vijuar puna, por duket se oficerët do të kthehen nesër në Mira-Mare për të gërmuar sërish.

      Zjarrëfikësi

      Poshtë rrënojave dyshohet se është një trup i pajete, por nuk dihet ende nëse ky informacion është i saktë. “Qytetarët e Durrësit të ndihen të qetë, të sigurtë, jemi një grup zjarrëfikësish që jemi gati në çdo kohë”, tha kreu i i gruptit të operacion kërkim shpëtimit.

    • 18:02

      Nga tragjedia mbijetoi vetëm kryefamijari, vëllai i Albert Carës: Na thotë vetëm një të më ketë shpëtuar, aq do! Rama: A thu' e di? Mua më tha se ndjeu dorën e djalit t'i ftohej

      THUMANË– Familja Cara nga Thumana ka qënë një nga më të prekurar nga tragjedia e tërmetit të 26 nëntorit, duke humbur 6 anëtarët e saj. I mbijetuari i vetëm nga banesa është kryefamiljari Alberti, i cili u nis me avion nga Rinasi për mjekim të specializuar në Itali në gjendje të rëndë për jetën.

      Pasditen e sotme, kryeministri Edi Rama ka qënë pranë të afërmve të tij, duke disktuar lidhur me rastin e tragjedisë së familjes. Të afërmit i kanë treguar kryeministrit se ende nuk i kanë treguar asgjë dhe se kryefamiljari mendon që i ka gjallë njerëzit e tij më të dashur.

      PJESË NGA BISEDA:

      Edi Rama: Ku ishte ti kur ndodhi kjo?

      Sulë Cara: Pasi nxorra familjen time, mora vëllezrit dhe motrat. Ai nuk na përgjigjej. Në 5 e gjysmë kam ardhur këtu. Nuk patëm asnjë lloj komunikimi.

      Erjon Braçe: Kur ra i madhi në 07:05 mund të kishte më marrë më shumë pasi të gjithë ishin duke punuar. Unë ulërita kur filloi të dridhej, zbritën të gjithë punëtorët, ai i shkreti rrëshkiti e kapi dorën keq, u ngrit dhe erdhi. Ai i 07:05 bëri shoshitjen e asaj që kishte ngelur. Ai e bëri dëmin edhe më të madh, pasi po shembeshin ato ajo peshë i ka masakruar të gjithë.

      Sulë Cara: Mund të kishim ndihmuar edhe ne, por  sa futeshim ne, binte tjerër dhe na çonte 4 orë mrapa.

      Edi Rama: Sot unë e çova atë. O Zot kur ta marri vesh! Ai ka shtyllën kurrizore të goditur, plagë gjithandej. Do Zoti ka jetë e shpëton për vete.

      I afërm: Na thotë të lutem më thoni që një fëmi më ka shpëtuar dhe jam në rregull. I thashë fëmijët i ke në rregull dhe ai na sheh por atëherë do ketë tragjedi. Ai u zhduk si familje. Na ka goditur vend.

      Rama: O zot kishte autokolonë të vdekurish. Funeral autokolonë.

      Sulë Cara: Ne i thamë doktorit që të mos i tregojë. Nuk ka asnjë dijeni. Ne do e përgatisim vetë por shumë vështirë.

      I afërm: Ai në vetëvete e di.

      Edi Rama: E di thu? Ai më tha kur u përmend tha që kisha një përdore dhe dora nisi t’i ftohej. Aq mban mend.

      I afërm: Atë ditë ka pasur edhe ditëlindjen e vajzës.

    • 17:43

      Agjencia e huaj ‘qetëson’ shqiptarët: Pasgoditjet janë të kufizuara, shpresojmë të gjeni pak paqe

      Agjencia e huaj, EMSC,  e cila është e specializuar në përllogaritjen e tërmeteve ka përditësuar vëzhgimin për paslëkundjet e tërmeteve në Shqipëri. Në një reagim në Twitter, EMSC bën me dije se intensiteti i paslëkundjeve është ulur duke bërë edhe thirrje shqiptarëve që të qetësohen.

      “Aktiviteti i paslëkundjeve është kufizuar. Shpresojmë që shkallës së pasojës do të vazhdojë të ulet kështu që miqtë tanë në Shqipëri të gjejnë pak paqe. Qëndroni të sigurtë.”

    • 17:09

      'Ku i duket balta më e ëmbël se mjalta', ambasada e SHBA uron shqiptarët me vargjet e Çajupit: Me nder jetoni në Shqipëri... (FOTO)

      Ambasada Amerikane në Tiranë iu uron të gjithë shqiptarëve ‘Ditën e Clirimit”, me vargjet e poetit Andon Zako Çajupi. Në postimin e ambasadës, krahas flamurit kuqezi shkruhen vargjet: Ku i duket balta m’e e embel se mjalta? Në vend të tij. Ku munt te gezoje dhe me nder te rroje? Ne Shqiperi.

      Në këtë moment të vështirët për shqiptarët pas tërmetit të 26 nëntorit 2019, Ambasada e SHBA shkruan: Më këto vargje frymëzuese nga poeti i madh shqiptar Andon Zako Çajupi, ne nderojmë Ditën e Çlirimit!

    • 16:55

      VIDEO/ Dolën gjallë dhe të vetëdijshëm: Pse vdiqën më pas Diena Karanxha, Klement Çupi dhe Saimir Gregu?

      Diena Karanxha, Saimir Gregu dhe Klement Çupi ishin mes 49 viktimave që shkaktoi tërmeti tragjik i tre ditëve më parë në vend. Ata u nxorrën gjallë dhe të vetëdijshëm nga rrënojat, ndërsa papritur u dha lajmi se kishin ndërruar jetë në spital.

      Diena ishte e vetëdijshme duke u thënë ekipeve të shpëtimit që ta linin të ndërronte jetë nën rrënoja ku kishte humbur edhe vajzën, ndërsa Klement Ccupi bënte shaka me ekipin e shpëtimit grek dhe të afërmit duke thënë se duhej të pinin kafe pasi të mbaronte e gjithë kjo. Ndërkohë, Saimir Gregu komunikoi gjatë gjithë ditës me ekipet e shpëtimit deri në nxjerrjen e tij në orët e pasdites së datës 26 nëntor. Por, nëse dolën gjallë dhe të vetëdijshëm pse vdiqen Diena Karanxha, Saimir Gregu dhe Klement Ccupi? Sigurisht, kjo nuk ka të bëjë me neglizhencën e mjekëve, por sipas kreut të Qendrës Kombëtare të Urgjencës Mjekësore, Skënder Brataj lidhet me një fenomen që zhvillohet tek muskujt e njëriut kur ato shtypën.

      I ftuar tek “ABC-ja e mëngjesit”, Brataj shpjegon se vdekja lidhet me shkatërrimin e muskujve fillimisht, e cila bën që në gjak të injektohet emiozinë me sasi të lartë duke nxjerrë jashtë funksionit fillimisht veshkat dhe më pas organet e tjera.

      “Probemi i personave që dalin nga rrënojat lidhet me kohën që kanë ndejtur aty dhe sa dëmtime kanë tek indet e buta, pra muskujt. Shkatërrimi i muskujve shkakton çlirimin e emiozinës, e cila futet fillimisht në gjak dhe përfundon në veshka duke mos u eliminuar nga veshka gjë që shkakton insuficiencë renale dhe më pas mos funksionim të organeve të tjera që çon në vdekje”, shpjegon Brataj.

      Përveç 49 të vdekurve, tërmeti ka shkaktuar edhe rreth 750 të lënduar, ku një pjesë e madhe kanë marrë trajtim në spital. Dëmet materiale janë të konsiderueshme dhe do të duhet një ndërhyrje e madhe e qeverisë për të rikthyer zonat në gjëndjen e mëparshme./abcnews.al

    • 15:55

      Basha në Kavajë, thirrje banorëve: Askush të mos hyjë në pallatet e dëmtuara, autoritetet të vijnë të kryejnë inspektimet

      Lulzim Basha me banorët në Kavajë

      Kreu i Partisë Demokratike, Lulzim Basha ka qenë sot pranë banorëve në Kavajë, të cilët janë prekur nga tërmeti i 26 nëntorit. Krah tyre Basha u ka premtuar ndihmë dhe i ka bërë thirrje autoriteteve që të inspektojnë banesat dhe të qetësojnë banorët në Kavajë. Nga ana tjetër banorët iu ankuam Bashës se prej ditësh janë të detyruar të flenë nëpër makinë, ndërsa shtuan faktin se janë në pritje të ekspertëve për të përcaktuar nëse banesat e tyre përmbushin kushtet për banim apo jo.  Numri një i opozitës u bëri thirrje banorëve që të jenë të kujdesshëm dhe të mos futen në banesa e pallate, që kanë pësuar çarje në strukturë Më tej Basha u ka thënë banorëve se shumë biznesmen në Elbasan kanë premtuar se do ndihmojnë të prekurit nga tërmeti. “Erdha nga Elbasani, miqtë tanë atje kanë hapur vende nëse keni nevojë. Jeta është mbi të gjitha. Askush të mos hyjë në pallatet e dëmtuara”, u shpreh Basha.

    • 12:50

      Tërmeti/ Nisin nën çadër homazhet e lamtumirës për familjen Cara e Greku, të pranishëm Rama dhe Lleshaj

      Foto nga homazhet

      Mes dhimbjes së madhe dhe lotëve, në Thumanë po bëhen nderimet e fundit në kujtim të dhjetra personave që humbën jetën pas tërmetit të 26 nëntorit. Tani po zhvillohet ceremonia e varrimit të dy familjeve, asaj Cara dhe Greku të cilët u zunë poshtë nga rrënojat e pallateve. Familja Cara është një nga më të prekurat e kësaj fatkeqësie, pasi 6 anëtarë të kësaj familje kanë gjetur vdekjen në gërmadhat e pallateve të shembura. Ndërsa në familjlen Greu humbën jetën 3 anëtarë. Homazhet po bëhen nën një çadër pranë një godine që njihet edhe si teatri i Thumanës. Të pranishëm aty janë kryeministri Edi Rama dhe ministri i Brendshëm Sandër Lleshaj. Nuk mungojnë vajtimet e të afërmve.

    • 12:23

      Shkon në 900 numri i të lënduarve nga tërmeti, në 24 orët e fundit 52 qytetarë marrin ndihmën mjekësore

      Foto nga termeti i 26 nentorit

      Teksa kanë kalaur 3 ditë nga ngjarja e rëndë që prekur banorët e Durrësit dhe të Thumanës ka, numri i të plagosurëve ka shkuar në 900. Vetëm gjatë 24 orëve të fundit në Spitalin e Durrësit dhe të Traumës, në Tiranë janë paraqitur 52 qytetarë të lënduar.

      Mësohet që nga 900 të plagosurit prej tërmetit që kanë marrë trajtim në spitale, vetëm 731 kanë qenë në spitalin e Traumës dhe Durrësit.

      Aktualisht janë të shtruar 63 të lënduar, gjendja e të cilëve paraqitet e stabilizuar, përveçse një qytetari që paraqitet në gjendje më të rënduar.

      Përpos qytetarëve që po marrin trajtim në spitale, janë rreth 1107 vizita mjekësore të kryera për banorët e prekur nga tërmeti që po marrin trajtim në qendrat shëndetësore 24/7 të hapura pranë zonave të prekura. Ndërsa mbi 350 persona kanë marrë shërbimin mjekësor pranë kampit të emergjencës në Thumanë dhe pikave të ngritur në Durrës. Me ekipet e ngritura në terren është siguruar pajisja me medikamente për të sëmurët kronikë.

      Urgjenca kombëtare ka përballuar 5094 thirrje për ndihmë që nga momenti i rënies së tërmetit dhe ka realizuar 1311 misione me autoambulancë.
      Të gjitha spitalet dhe qendrat shëndetësore pranë zonave të prekura nga tërmeti janë në gatishmëri të përforcuar.

    • 12:06

      Niset me helikopter drejt Italisë i plagosuri Albert Cara për mjekim të specializuar

      Foto nga tërmeti.

      Niset me helikopter drejt Italisë i plagosuri Albert Cara, humbi në tërmet anëtarët e një familjeje. 8 prej 9 pjesëtarëve të familjes Cara u shuan në tërmetin tragjik të së martës. Albert Cara, një prej të mbijetuarve ndodhet i dëmtuar në Spitalin Ushtarak në Tiranë. Ai nuk e di ende që 3 fëmijët e tij, 2 djemtë dhe një vajzë, sëbashku me bashkëshorten, nuk jetojnë më, ashtu sikurse edhe e fejuara e një prej djemve. Familja jetonte në katin e 5 të këtij pallati në Thumanë, që është rrënuar tërësisht. Në katin e katërt jetonin pjesëtarë të tjerë të familjes Cara.

    • 11:41

      Ambasada amerikane tregon ndihmat për Shqipërinë: Kemi sjellë ekspertë fakeqësish natyrore për vlerësimin e dëmeve

      Ambasada amerikane

      Ambasada amerikane ka njoftuar së fundmi se  SHBA po vazhdon të mbështesë ndihmat humanitare në Shqipëri. Në njoftim theksohet se zyra për Ndihmë të Jashtme në raste fatkeqësish e USAID ka sjellë gjithashtu edhe një ekspert fatkeqësish natyrore në Shqipëri, për të ndihmuar në vlerësimin e dëmeve dhe identifikimin e nevojave prioritare për ndihmë humanitare. “Qeveria e Shteteve të Bashkuara po vazhdon të mbështesë ndihmat humanitare në Shqipëri. USAID po bashkëpunon me Kryqin e Kuq Shqiptar për të siguruar rezerva emergjence për njerëzit e prekur nga tërmeti. Me financim të USAID, Kryqi i Kuq po shpërndan artikuj jetikë humanitarë, si batanije dhe paketa higjenike, në vendet e prekura më shumë. Zyra për Ndihmë të Jashtme në raste Fatkeqësish e USAID ka sjellë gjithashtu edhe një ekspert fatkeqësish natyrore në Shqipëri, për të ndihmuar në vlerësimin e dëmeve dhe identifikimin e nevojave prioritare për ndihmë humanitare.”, thuhet në reagimin e ambasadës.

    • 11:32

      FOTO/ Dhimbja nuk njeh kufij, tifozët grekë hapin zemrat për popullin shqiptar, vjen mbështetja gjigante nga Athina

      Tifozët e klubit të madh të Greqisë, Panathinaikos kanë përcjellë mbështetjen e tyre për tragjdinë që po kalon populli shqiptar teksa hapur në stadium një banderolë gjigante. Siç shihet edhe në foto, tifozët e Panathinaikosit të Athinës, një nga ekipet më të pëlqyer emigrantët shqiptarë kanë hapur një banderolë të madhe në stadium ku shkruhet se dhimbja nuk njeh kufij.

      Dhimbja dhe mbeshtetja nuk njohin kufij, guxim për popullin shqiptar”-  shkruhet në gjuhen greke në bnderolën gjigante që qëndroi e hapur në stadium.

    • 11:32

      FOTO/ Detaji që të pek në shpirt, efektivi s’e ndan dot Kosovën nga Shqipëria, i vendos të dyja logot në uniformë

      Një efektiv policie nga Kosova që u ka ardhur në ndihmë shqiptarëve të prekur nga tërmeti nuk e ka ndarë dot vendin e tij të lindjes nga Shqipëria. Në një foto të publikuar në rrjetet sociale, efektivi shihet që mban dy logo në krahun e tij të djathtë të uniformës, atë të Kosovës edhe atë të Shqipërisë.

      Ky detaj ka prekur të gjithë shqiptarët dhe kjo foto është shpërndarë masivisht në rrjetet sociale. Identiteti i efektivit nuk bëhet me dije por ai ka ardhur në Shqipëri si pjesë e forcave të policisë për të ndihmuar dhe për të qenë në gatishmëri të të prekurve nga tërmeti i tmerrshëm.

    • 11:32

      VIDEO/ “Ëngjëll që më dha fuqi”, Rama zbulon heroin e zemrës: Do ta gjej e do t’i puth ballin, shpirt i madh sa malet e Shqipërisë

      Kryeministri Edi Rama ka publikuar një video në rrjetet sociale ku shihet një i moshuar nga Medvegja që tregon se sapo ka marrë pensionin ka dhuruar 10 euro për të prekurit nga tërmeti, se më shumë nuk kishte.

       

       

       

      I prekur nga ky gjest, Rama e ka publikuar videon e të moshuarit të cilin e ka konsideruar si njeriun më të pasur që ka njohur dhe si një hero që i jep fuqi për të ecur përpara. Ndër të tjera krah videos, kryeministri shkruan se do ta gjejë atë njeri dhe do t’i puthë ballin, pasi e meriton parajsën për gjestin që ka bërë. “MY HERO❤️ ja ky është heroi im, njeriu më i pasur që kam njohur dhe që kur e pashë sot, m’u duk si një ëngjëll që më dha fuqi për të ecur pa u ndalur, me edhe më shumë vendosmëri përpara, me shpirtin e tij të madh sa të gjitha malet e Shqipërisë🙏Do ta mbaj në krye të disa videove motivuese që ruaj në telefonin tim dhe i shoh kur m’i vjedhin energjitë mendjet dembele e shpirtrat e zymtë… Dhe shpresoj të kem mundësinë të shkoj ta takoj aty ku jeton, e t’ia puth ballin e shkruar nga vuajtjet🤗”– shkruan Rama krahas videos.

    • 10:57

      Xhaçka thirrje qytetarëve: Ju lutem mos bëni ekspertin vetë për banesat, drejtohuni te qeveria, ju çojmë në vendstrehime

      Në një dalje për mediet ministrja e Mbrojtjes Olta Xhaçka iu bëri thirrje të gjithë qytetarëve, që të mos bëhen ekspertë të banesave të tyre, por të kërkojnë ndihmë në qeveri në mënyrë që të akomodohen në një vend më të sigurtë.  Ajo u shpreh më tej se qytetarët duhet të presin derisa të bëhet ekspertimi nga ekspertët. “Në total sipas vlerësimeve paraprake në terren janë 4000 banorë që nuk mund të kthehen në banesat e tyre. Por ky numër do të ndryshojë, e para se disa banesa nuk kanë dëmtime të rënda ose nuk kanë dëmtime, por janë larguar për shkak të frikës nga tërmetet.”, tha ministrja Xhaçka.

      Pjesë nga fjala e Xhaçkës:

      Nëse shtëpia juaj është e dëmtruar ju lutem mos e bëni ekspertin vetë, largohuni nga shtëpitë, janë qindra dhoma hoteli në Durrës, Vlorë… ku janë akomoduar banorët. Situata në banesat e dëmtuara është e rrezikshme edhe sot po aq sa ditën e tërmetit. Qytetarët duhet ta dinë se pavarësisht situatës së tragjedisë sot jemi në një situatë ku mund të sigurojmë veshmbathje, vendstrehim dhe ushqim për çdo banor.Në total sipas vlerësimeve paraprake në terren janë 4000 banorë që nuk mund të kthehen në banesat e tyre. Por ky numër do të ndryshojë, e para se disa banesa nuk kanë dëmtime të rënda ose nuk kanë dëmtime, por janë larguar për shkak të frikës nga tërmetet. Që prej orëve të para e deri më sot janë shpërndarë 1000 cadra dhe do vazhdojnë të shpërndahen edhe sot. Por dua të theksoj se zgjidhja me cadra është një zgjidhje emergjente dhe nuk mund të jetë afatgjatë. Do i cojmë në një vendstrehim të sigurt. I gjendem pranë cdo familje që ka humbur shtëpinë, por sot më shumë se kurrë na duhet mirëkuptimi i banorëve, e kuptoj që sot cdokush është i paduruar për të pasur shtëpi, por rikuperimi do të kërkojë kohën e vet se dëmi është i madh nga Durrësi në Tiranë, Laç, Thumanë… Prandaj duhet durim, duhet bashkëpunim duhet besim, këtë situatë duhet ta kalojmë së bashku.

    • 10:36

      U filmuan duke vjedhur ndihmat për tërmetin/ Arrestohen Shefi i Rendit në Rinas, një efektiv dhe një zjarrfikës, akuza për mashtrim

      Momentet kur marrin ndihmat

      Një ditë më parë u publikua në media një video ku shfaqej një punonjës policie i cili çonte ndihmat për të prekurit e tërmetit në shtëpinë e tij. Kjo video e cila u publikua edhe nga Dosja.al, mori vëmendjen e kryeministrit Edi Rama, i cili u shpreh mbrëmë live se kjo është një babëzi.  Policia sot njofton se për këtë çështje janë arrestuar,  Shefi i Seksionit të Rendit pranë Komisariatit Rinas  me iniciale A.Z , bashkë me komandant skuadrës në Rinas, A.T dhe një punonjës të shërbimit zjarrfikës pranë PMNZSH Kombinat, me iniciale A.T.  Sipas policisë ata akuzohen se kanë përvetësuar, një sasie të konsiderueshme pakosh ushqimore, të destinuara për  banorët e prekur nga tërmeti dhe mbi ta rëndon akuza për ” mashtrim në bashkëpunim”. Policia njofton se procedimi i tyre u krye pas hetimeve të zhvilluara në lidhje me publikimin e një video në media.

      Njoftimi i Policisë:

      SHÇBA arreston 2 punonjës policie, 1 punonjës të Shërbimit Zjarrfikës, si edhe procedon penalisht 2 shtetase për veprat penale të “Mashtrimit” dhe “Shpërdorimit të detyrës”. Shërbimi për Çështjet e Brendshme dhe Ankesat ka arrestuar mbrëmë në flagrancë shtetasit:A.Z., me detyre Shef i Seksionit të Rendit pranë Komisariatit të Policisë Rinas, për veprën penale të “Mashtrimit në bashkëpunim”; E.H., me detyrë Komandant skuadre në Seksionin e Rendit pranë Komisariatit të Policisë Rinas për veprën penale “Shpërdorim detyre”;– A.T., me detyrë punonjës i shërbimit zjarrfikës pranë PMNZSH Kombinat, për veprën penale të “Mashtrimit, e kryer në bashkëpunim”. Gjithashtu janë proceduar në gjendje të lirë shtetaset V.Z. dhe Sh.T. për veprën penale të “Mashtrimit”, kryer në bashkëpunim. Procedimi i tyre u krye pas hetimeve të zhvilluara në lidhje me publikimin e një video në media, ku shfaqeshin pamje të transportimit e përvetësimit të një sasie të konsiderueshme pakosh ushqimore (të sekuestruara në cilësinë e provës materiale) të destinuara për banorët e prekur nga situata e tërmetit. Ndërkaq, materialet hetimore proceduriale do t’i dërgohen Prokurorisë Tiranë për hetime të mëtejshme. SHÇBA fton çdo qytetar të denoncojë në numrin jeshil 0800 90 00, për çdo rast abuzimi të punonjësve të Policisë së Shtetit, duke garantuar reagim të shpejtë e në kohë.

    • 10:36

      Përhapi lajme të rreme për tërmetin në Facebook, arrestohet 25-vjeçarja në Durrës (EMRI)

      Xhuljana Aliaj

      Nga Policia e Durrësit është arrestuar 25-vjeçarja Xhuljana Aliaj pasi akuzohet se përhapte nëpërmjet Facebook, lajme të rreme që ngjallin panik tek populli. 

      Njoftimi i Policisë:

      Strukturat e specializuara të Policisë së Shtetit në vijim të masave të marra për parandalimin dhe ndëshkimin ligjor të atyre personave, të cilët nëpërmjet njoftimeve të rreme në rrjetet sociale, përhapin panik me lajme destabilizuese, ka vijuar intensivisht punën në evidentimin, dokumentimin dhe ndëshkimin ligjor të çdo rasti.Në këtë kuadër, Drejtoria e Antiterrorit arrestoi në flagancë shtetasen Xhuljana Aliaj, 25 vjeçe, lindur dhe banuese në Durrës, e dyshuar për kryerjen e veprës penale “Përhapja e informatave të rreme që ngjallin panik”. Gjatë monitorimit të burimeve të hapura (rrjeteve sociale) nga struktura të Drejtorisë së Antiterrorit është konstatuar se shtetasja Xhuljana Aliaj, ka postuar nga profili i saj në rrjetin social “Facebook”, në linkun https://www.facebook.com/xhulja.aliaj shkrime me përmbajtje të rreme dhe jo të vërteta, duke kryer kështu përhapje të panikut nëmërmjet efekteve të këtyre lajmeve. Drejtoria e Antiterrorit në bashkëpunim me strukturat e tjera të specializuara në Policinë e Shtetit kanë evidentuar edhe raste të tjera për të cilat në bashkëpunim me Prokuroritë e rretheve përkatëse po vijon me procedimet penale dhe për çdo rast do informohet media e publiku. Policia e Shtetit apelon edhe njëherë për të gjithë qytetarët që të mos bien pre e mashtrimeve të lajmeve që shpërndahen në rrjete sociale, të cilat krijojnë panik dhe fton cilindo që has në të tilla njoftime paniku të njoftojë menjëherë Policinë e Shtetit në numrin 112, apo në Komisariatin Dixhital.Një ditë më parë u arrestua nga Policia edhe një shef rendi pasi u kap duke futur ndihmat e tërmetit në banesën e tij.

    • 9:56

      Tërmeti/ Albin Kurti në Durrës, viziton të prekurit në stadiumin “Niko Dovana”

      Albin Kurti kreu i Vetëvendosjes ndodhet në qytetin e Durrësit për të parë nga afër situatën pas tërmetit.  Ai ndodhet në stadiumin  “Niko Dovana” në Durrës, ku po takohet nga afër me qytetarët. “Dua t’u inkurajoj për këtë situatë të vështirë.“, është shprehur ai teksa ka takuar disa policë.

    • 9:56

      Rëndohet gjendja e Ramë Lalës, niset drejt Italisë, Reuters: E shpëtoi lavatriçja, si humën jetën 8 anëtarët e familjes

      Ramë Lala

      Një tjetër i plagosur nga tërmeti është nisur drejt Italisë për një mjekim të specializuar. Bëhet fjalë për Ramë Lalën, 17-vjeçarin i cili është i mbijetuari i vetëm nga shembja e banesës së familjes 9 anëtarëshe në Durrës. Mësohet se gjendja e tij shëndetësore është komplikuar dhe pasditen e djeshme ai është nisur drejt Italisë për të marrë një mjekim më të specializuar. Për këtë tragjedi, ka bërë së fundmi edhe një shkrim  prestigjozja Reuters,  ku tregohet sesi shpëtoi 17-vjeçari nga rrënojat. Mësohet se 17-vjeçarin e ka ruajtur lavatriçja, pasi struktura metalike e saj ka  krijuarhapësirë sa për t’i mbrojtur trupin dhe kokën 17-vjeçarit. Blloqet e inerteve të rëna sipër lavatriçes, i kanë bllokuar çdo mundësi dalje Ramë Lalës, por fatmirësisht nuk e kanë shtypur.

      Familjarët që humbën jetën janë:

      Ilir Lala (Ishte i paralizuar prej vitesh)
      Marjeta Lala (Nëna e katër fëmijëve)
      Emilio Lala 6 vjeç (Djali i Marjeta Lalës)
      Dionis dhe Dionisa lala (Binjakët e Marjeta Lalës)
      Amelia Lala 9 vjeç (Vajza e Marjeta Lalës)
      Griselda Lala 22 vjeç (Motra e Ramë Lalës)
      Sadete lala 78 vjeç (gjyshja)

    Shto Koment