Aktualitet

Tërmet 7 ballë godet Shqipërinë/ 24 të vdekur nën rrënoja, 600 të plagosur, gjendje alarmante në Thumanë e Durrës (VD)

  • 9 anëtarë të familjes nën rrënoja, Balluku: Jemi të gjithë këtu, po bëjmë ç’mundemi!
  • Ja çfarë duhet të bëni në rast tërmeti, mos lejoni t’ju përfshijë paniku (VD)
  • E mbështjellë më batanije, momenti kur gruaja e pajetë nxirret nga gërmadhat
  • Kërkoni ndihmë! Ja numrat që mund t’ju shpëtojnë jetën nëse i telefononi
  • Tërmet me magnitudë 6.4 të shkallës Rihter dhe me intensitet 7 ballë godet Shqipërinë me epiqendër në Shijak. Raportohet për 24 viktima, shqiptarët brakitisin banesat, mbi 600 persona të lënduar kanë marrë ndihmë nëpër spitale. SHBA, BE dhe Merkel në krah të shqiptarëve. Avionë me Forca Speciale vijnë për ndërhyrje.
    Përditësuar:

    SHQIPERI- Tërmet i fortë me magnitudë 6.4 të shkallës Rihter dhe me intensitet 7 ballë goditi vendin në orën 03:55 minuta të mëngjesit të sotëm. Epiqendra ka qenë në Shijak, 10 kilometra nga Durrësi dhe 31 kilometra nga Tirana dhe lëkundjet ishin shumë të forta sa rrëzuan pallate dhe banesa. Deri më tani raportohet për 24 viktima dhe mbi 600 të plagosur.

    Një viktimë u shënua në Thumanë një grua e moshuar humbi jetën, pasi u zu nën rrënoja por shpëtoi nipi i saj, i cili u nxorr gjallë nga gërmadhat.  Dy viktima të tjera u shënuan në Kurbin, pasi një person humbi jetën i përfshirë nga paniku në tentativë për t’i shpëtuar u hodh nga ballkoni. Po në këtë qytet, një tjetër ndërroi jetë, pasi duke drejtuar automjetin humbi kontrollin duke u përplasur për vdekje.

    Bilanci i viktimave është rënduar në Thumanë, kur nga rrënojat e shtëpive të shkatërruara janë nxjerrë dhe trupat e tjerë të pajetë.

    Për më shumë bëhu pjesë e grupit më viral në Facebook, Dosja.al

    Qytetet më të prekura janë Tirana, Durrësi, Lezha dhe Shijaku, ku aty ka shumë ndërtesa të shembura dhe njerëz të lënduar. Spitalet e vendit janë mbushur me të lënduar.  Tërmeti ka qenë shumë i fuqishëm, saqë ka ndjerë edhe në shtetet përreth si Maqedoni e Veriut, Kosovë, Serbi dhe Bullgari.

    (J.V;F.G;F.M;A.B;K.M/Dosja.al)

    • 19:07

      Mrekulli nën rrënoja, i riu ende gjallë pas 16 orësh, grekët hapin tunel për ta nxjerrë një minutë e më parë

      Foto ilustruese

      Mrekulli nën rrënoja e Durrësit. Mësohet se 24-vjeçari Daniel Qato është ende gjallë dhe pret të shpëtohet nga forcat që ndodhen në vendngjarje. Forcat e mbërritura nga Greqia kanë arritur që të hapin një tunel për të nxjerrë jashtë sa më parë të riun, i cili lufton me vdekjen.

       

    • 19:06

      Rama: Dimri s’kalohet nën qiell të hapur, marrëveshje me hotelet për strehim

      Edi Rama

      Kryeministri Edi Rama bën me dije lajmin se qeveria do të nënshkruajë marrëveshje me strukturat hoteliere të Durrësit, Kavajës dhe edhe Vlorës për të strehuar personat që kanë mbetur pa shtëpi nga tërmeti i mëngjesit të sotëm.  Me anë të një statusi në Facebook, Rama shkruan se marrëveshja do të bëhet që familjet e mbetura pa çati të kenë një vend për t’u strehuar për të mos e kaluar dimrin në çadra.

      “Dimri nuk kalohet dot as nën qiell të hapur e as në tenda, prandaj qeveria do të nënshkruajë një marrëveshje me strukturat hoteliere të Durrësit, Kavajës dhe edhe Vlorës po të jetë nevoja, që të gjitha familjet e mbetura pa çati, të strehohen në kushte optimale, të shërbehen në kushte optimale, t’i kalojnë edhe festat e fundvitit në kushte optimale bashkë me fëmijët e tyre, ndërsa këta të fundit jo vetëm të mos jenë të detyruar të braktisin shkollën asnjë ditë, po edhe të mësojnë në kushte optimale,”-shkruan Rama.

    • 13:58

      Ndodhen nën rrënoja, kush janë 2 vëllezërit nga Kosova që po kërkohen prej orësh në Durrës (EMRAT)

      Foto nga tërmeti.

      Tërmeti i fortë në Shqipëri la pasoja të mëdha edhe në njerëz. Ende vijojnë kërkimet për personat të cilat janë në rrënoja. Raportohet se nën rrënoja në një hotel në Durrës kanë ngelur edhe dy shtetas kosovarë.

      Mësohet se ata janë lokalizuar se ku ndodhen dy vëllezërit por ende nuk janë nxjerrë. Nuk dihet ende gjendja e tyre. Sipas Gazetës Ekspres dy vëllezërit janë  Shemsedin e Isa Abazi, njëri nga ta është 32-vjeçar.

    • 13:16

      Tërmeti i fortë në Shqipëri/ Reagon Soreca: Bashkimi Europian është pranë popullit shqiptar

      Foto nga tërmeti

      Për tërmetin e fuqishëm që goditi vendin në orët e para të mëngjesit të sotëm ka reaguar edhe ambasadori i OSBE-së në vendin tonë, Luigi Soreca. Ai është shprehur se janë Bashkimi Europian është pranë popullit shqiptar.

      “Jemi shumë të pikëlluar nga humbja e jetëve dhe dëmet e shkaktuara nga tërmeti shkatërrimtar. Zemrat tona janë me popullin shqiptar dhe të gjitha familjet e prekura nga kjo tragjedi. qëndron pranë popullit dhe mbetet në kontakt me autoritetet për të ofruar ndihmë.”, shprehet Soreca në një postim në Twitter.

    • 13:09

      I ndanë rrënojat për së gjalli! Polici thirret në operacion për të shpëtuar nënën (FOTO)

      Polici

      Rreth 1,900 forca policie janë të angazhuara në terren, për t’ju ardhur në ndihmë banorëve të prekur nga tërmeti. Por një prej tyre ka mbërritur pikërisht në pallatin ku jetonte nëna e tij, në Thumanë.

      Gazetari i Top Channel, Muhamed Veliu raportoi se polici, i cili mban edhe një shall jeshil, është përfshirë intensivisht për të nxjerrë nga rrënojat nënën e tij dhe banorët e tjerë të bllokuar.

      Në Thumanë numërohen deri më tani 15 viktima, ndërkohë që në total janë 13 persona që kanë humbur jetën si pasojë e shembjeve të godinave në Durrës dhe Kurbin. Marrë nga Top Channel

    • 13:05

      “Hapni rrugën”, i mbuluar me dhe dhe vetëm me të brendshme, i riu shpëtohet nga gërmadhat në Thumanë, banorët duartrokasin

      Një tjetër person është shpëtuar nga gërmadhat e banesave që janë shembur në Thumanë.

      Në dy video të publikuara nga zv/kryeminitri Erion Braçe në rrjetet sociale shihet se si një i ri është shptuar nga gërmadhat ku ka dalë I mbuluar me dhe dhe i veshur vetëm me të brendshme.

      Gjallë, është gjallë! Hapni rrugën ooo!”– dëgjohet thirrjet në video teksa shoqërohen edhe me duartrokitje për lumturinë që ndjehet kur shikon se ka një viktimë më pak në këto raste.

       

    • 12:49

      Foto/ Forcat e Armatosura hapin çadrat, ja ku do të strehohen të prekurit nga tërmeti i fuqishëm

      Ka nisur ngritja e çadrave nga Forcat e Armatosura në mënyrë që të bëhet i mundur strehimi i të gjithë banorëve të prekur nga tërmeti i fuqishëm.

      Në fotot e publikuara nga Forcat e  Armatosura të Shqipërisë shihet që ka nisur puna për ngritjen e çadrave.

      Fillimisht çadrat janë hapur në Fushë-Krujë dhe Durrës, por duke parë sasinë e personave të prekur nga tërmeti dhe numrin e biktimave të shkaktuara nuk dimë të themi nëse këto çadra janë të mjaftueshme.

    • 12:46

      Qeni ndjen tërmetin dhe largohet nga cepi i pallatit në Shëngjin, shihni si tundet nga themelet (VIDEO)

      Gjithmonë përflitet se kafshët janë të parat ato që e ndjejnë tërmetin. Kështu ka ndodhur edhe në Shëngjin, ku siç shihet edhe në këtë video të publikuar nga Report Tv, qeni e ndjen dhe largohet me shpejtësi nga cepi i pallatit, ndërsa më pas fillojnë lëkundjet e fortë të tërmetit.

    • 12:33

      “Pasojat e tërmetit në Durrës janë dramatike”/ Meta thirrje sipërmarrësve: Ndihmoni sadopak familjet në nevojë

      Ilir Meta

      Presidenti Ilir Meta ka reaguar në rrjetet sociale për tërmetin e fortë që goditi vendin në orët e para të mëngjesit të sotëm.

      Meta nga Durrësi në takimin me Shtabin e Emergjencës ka deklaruar se pasojat e tërmetit në Durrës janë dramatike dhe kërkojnë organizim të jashtëzakonshëm, jo vetëm shtetëror, por mbarëqytetar.  Ai iu ka bërë thirrje të gjithë sipërmarrësve që të kontribuojnë sado pak familjet në nevojë.

      “Sapo vizitova Shtabin e Emergjencës në stadiumin e Durrësit dhe takova shumë familjarë që s’mund të strehohen më në shtëpitë e tyre!
      Pasojat e tërmetit në Durrës janë dramatike dhe kërkojnë organizim të jashtëzakonshëm, jo vetëm shtetëror, por mbarëqytetar!Ndaj duke falenderuar institucionet për punën e tyre u apeloj të gjithë sipërmarrësve dhe qytetarëve që mund të ndihmojnë sadopak, të kontribuojnë që mijëra familje të tejkalojnë këtë moment dramatik.”, është shprehur Presidenti i vendit Ilir Meta.

    • 12:33

      E frikshme/ Shkaktoi 13 viktima dhe qindra të plagosur, tërmeti çan tokën përmes në Durrës (VD)

      Përveç dëmeve materiale dhe viktimave tërmeti i fortë i mëngjesit ka shkaktuar edhe çarje të mëdha toke.  Siç shihet në videon e mëposhtme në zonën e Durrësit toka ka pësuar çarje deri në disa centimetra.

      Më poshtë janë pamjet e filmuara nga qytetari Edorjan Ismaili, ku toka paraqitet e dëmtuar.

    • 12:29

      FOTO/ Zi edhe në Polici, kryekomisari Bajram Hajdarmataj vdiq nën rrënoja, pedagogu ekselent viktimë  e tërmetit tek Kavalishenca

      Ditë tragjike kjo për të gjithë kombin shqiptar, që është solidarizuar me dëmet fatale të tërmetit të fortë që goditi sot Shqipërinë. Mes viktimave dhe qindra të plagosurve, humb jetën edhe një polic. dosja.al mëson se ai është kryekomisari Bajram Hajdarmataj.

      Bajram Hajdarmataj, polici qe mbeti i vdekur nga termeti

      Hajdarmataj, ndodhej në godinën e Kavalishencës, aty ku po zhvillonte një kurs trajnimi. Ai ka shërbyer si pedagog në Akademinë e Sigurisë, dhe siç mësoi Dosja.al, ai njihet si një nga drejtuesit ekselent në Policinë e Shtetit. Ai u nxorr i pajetë nga rrënojat e Kavalishencës vetëm pak më herët, nga vetë kolegët e tij.

    • 12:23

      Tërmeti në Shqipëri/ Sizmiologu Koçi njofton se lëkundjet do të vazhdojnë, ju bën thirrje qytetarëve të mos qëndrojnë në banesa

      Rexhep Koçi

      Teksa gjendja në vend pas lëkundjes së fuqishme të tërmetit mëngjesin e kësaj  të marte raportohet teje e rëndë  me 13 viktima dhe 600 të plagosur, sizmioologu Rexhep Koçi ka thënë se lëkundjet do të vijojnë edhe në ditët e ardhshme, por me një magnitudë më të vogël nga ajo e madhja që rrafshoi qindra banesa.Zoti Koçi u  bën thirrje të gjithë banorëve që të mos qëndrojnë brenda shtëpive pa  një vlerësim të saktë të  specialistëve përkatës.

      “Kanë kaluar mbi 120 lëvizje, nën magnitudën 5, pra kanë qenë të vogla.”-ka thënë ai.

      E pyetur nga  sesi pritet të vijojë situata, ai është shprehur:  Kjo situatë do të shoqërohet edhe në ditët e tjera. Shqipëria është prekur  shpesh  herë nga aktivitet  sizmik. Por kjo e ditës  së sotme ka qenë  më e fortë por që nga momenti  në moment do të reduktohen.  Nuk duhen  të  frekuentohen  më banesat e  prekura nga  tërmeti vetëm pasi specialistët përkatës  të  kenë  vlerësuar  situatën dhe  të kenë dhënë një vendim.

    • 12:23

      Forcat e Emergjencave Civile ngrenë çadra për të pastrehët (FOTO)

      Çadrat e ngritura nga Emergjencat Civile

      Pas tërmetit të fuqishëm, forcat e emergjencës civile kanë ngritur çadrat e evakuimit për të strehuar familjet, të cilava iu dëmtuan banesat dhe tashmë janë në mes të katër rrugëve. Në qytetin e Durrësit janë ngritur disa pika, ku pritet të sistemohen përkohësisht të gjithë personat që kanë ngelur në rrugë pas dëmtimit dhe shembjes së shtëpive të tyre nga tërmeti i sotëm.

    • 12:23

      Pezullohet mësimi sot dhe nesër, disa shkolla të pasigurta pas tërmetit që goditi Shqipërinë

      Foto nga tërmeti në Shqipëri

      Pezullohet mësimi në të gjithë territorin e vendit tonë, si pasojë e tërmetit të fuqishëm që goditi vendin tonë në orët e para të mëngjesit të sotëm. E gjendur në këto momente të vështira, Ministria e Arsimit ka pezulluar mësimin sot dhe nesër në të gjithë për shkak të pasigurisë së disa shkollave në vend, ku 10 prej godinave nuk janë në gjendje të përshtatshmë për të zhvilluar mësimin.

    • 12:23

      “Djali kërkonte ujë”, gazetarja përlotet teksa raporton në lidhje direkte: Vinin zëra për ndihmë nga vila e shembur në Durrës

      Momente paniku për familjen me 7 anëtarë , të cilët mbetën të ngujuar në vilën 4 katëshe. Edhe pse nga vila e shkatërruar vinin thirrje për ndihmë nga një djalë, ajo u rrëzua totalisht. Gazetarja Klodiana Lala në një lidhje direkte nga banesa në zonën e Kënetës, bëri publike një dëshmi rrëqethëse që vinte nga vila e shembur në Kënetë të Durrësit.

      Gjatë një bashkëbisedimi me një të afërm të familjes me origjinë nga Dibra, djali 17-vjeçar kishte kërkuar ujë. Pasi i kishin dhënë ujë, forcat e ndërhyrjes në terren kishin tentuar t’i ofroheshin për ndihmë djalit, por fatkeqësisht banesa u shemb totalisht.

      Lidhur me këtë skenë të dhimbshme gazetarja Lala tregon mes lotësh se:

      “Nga ajo që bisedova me një të afërm të familjes, djali kërkonte ujë, dhe se kishte deklaruar se nuk shihte persona të tjerë rreth e qark. Ata i dhanë ti japin ujë…me shpresën që të ndërhynin…ai ishte bllokuar mes një kolone”.

    • 12:19

      Kishte prerë biletën për të takuar të dashurën, të riut i pritet jeta nën gërmadhat e “Vilës Plama” bashkë me të atin, gjyshi vdes nga dhimbja

      Nuk ndalen fatkeqësitë që ka shkkatuar tërmeti i fuqishëm, i cili sot tronditi masivisht të gjithë Shqipërinë. “JOQ”, shkruan se me anë të mesazheve të mbërritura në redaksi ka mësuar se babë e bir që ndodheshin brenda hotelit “Vila Palma” kanë ndërruar jetë.

      E njëjta medie shkruan gjithashtu se edhe gjyshi ka ndërruar jetë nga dhimbja në momentin që ka marrë vesh për tragjedinë që i ka ndodhur familejs së tij.

      Ndër të tjera bëhet me dije se djali që ka ndërruar sot jetë, kiste prerë biletën dhe do të takonte të dashurnë e tij, por fatkeqësisht ky rrugëtim i është prerë në mes.

      JOQ shkruan gjithashtu se pronarët e këtij hoteli janë shefja e Urbanistikës së Kavajës, Dëshira Qato, bashkëshorti i saj Arben Qato.

    • 12:13

      Del i pajetë trupi i policit Bajram Hajdarmataj, kolegët e nxjerrin nga rrënojat e Kavalishencës

      Forcat e Ushtrisë, bashkë me Forcat Speciale dhe ato të Policisë kanë nxjerrë nga rrënojat trupin e Policit Barjam Hajdarmataj. Hajdarmataj është nxjerrë i pajetë nga rrënojat nga vetë kolegët e tij. Ai është një nga viktimat e tërmetit katastrofik që goditi sot Shqipërinë me magnitudë 6.4 rihter dhe intesitet 7 ballë.

    • 12:04

      Shkon në 15 numri i viktimave! S'ka fund tragjedia, nxirret një fëmijë i mitur nga rrënojat, i mbuluar me batanije rozë (FOTO)

      Pamje tronditëse vijnë nga Thumana, aty ku bilanci i viktimave të tërmetit sa shkon e bëhet edhe më tragjik. Tashmë konfirmohet se numri i viktimave ka shkuar në 15, pas nxjerrjes së dy trupave të pajetë, në një pallat të shembur në Thumanë. Siç shihet edhe në foto, nga rrënojat është nxjerrë një fëmijë 6 vjeç, i pajetë. Ai është i mbuluar me batanijen rozë me të me shumë mundësi ka fjetur.

      Femija
    • 11:59

      Një komb/ Forcat Speciale nga Kosova vijnë për të ndihmuar në Thumanë: Jemi vëllezër!


      Forcat Speciale të Republikës së Kosovës kanë mbërritur në Thumanë të Durrësit, aty ku situata pas tërmetit që goditi vendin, është tragjike. Siç shihet edhe në pamjet që sjell Dosja.al, dhjetëra efektivë të FS të Kosovës janë në gatishmëri për të ndihmuar për nxjerrjen e trupave nga rrënojat. Ndërkohë në rrjet ka nisur sakaq një thirrje ndihme për të gjithë shqiptarët, edhe për ato të Kosovës. “Një komb, një atdhe, jemi vëllezër”,-është thirrja që qarkullon ndërkohë në rrjet.

    • 11:55

      Ambasadori gjerman solidarizohet me shqiptarët: Mbështesim fort Shqipërinë në këto orë të vështira

      Foto nga tërmeti

      Ambasadori gjerman Peter Zingraf ka reaguar pas tërmetit të fuqishëm që goditi vendin në orët e para të mëngjesit të sotëm, duke shkaktuar deri më tani 11 viktima, si panik tek qytetarët.

      Në një postim në faqen zyrtare të ambasadës gjermanen Zingraf ka shprehur hidhërimin e tij për viktimat, si dhe solidarizimin me Shqipërinë  në këtë ditë të vështirë.

      Pas kësaj nate të tmerrshme mendimet e mia shkojnë pranë qytetareve dhe qytetarëve shqiptarë.

      Shpreh hidhërimin tim për viktimat dhe shpresoj që të gjithë të lënduarit të shërohen së shpejti.

      Gjermania mbështet fort Shqipërinë në këto orë të vështira.”- shkruan ambasadori gjerman.

    • 11:55

      Tërmet i fuqishëm tundi Shqipërinë, spitali i Traumës mbipopullohet nga të plagosurit (VD)

      Foto nga spitali i Traumës

      Spitali i Traumës është mbipopulluar nga pacientë, të cilët kanë mbetur të plagosur, si pasojë e tërmetit të fuqishëm, i cili goditi Shqipërinë në orët e para të mëngjesit të sotëm.

      Burime për Dosja.al mëson se spitali i Traumës po stabilizon të plagosurit që kanë shkuar me plagë e fraktura të rënda, ndërkohë që bën me dije se në spital do të qëndrojnë vetëm pacientët që janë për t’u operuar, ndërsa pacietët e tjerë të shtruar do të dalin derisa të normalizohet situata pas tërmetit.

    • 11:51

      Vini dorën në zemër! Llogaritë bankare ku mund të dhuroni para, gjithçka për të ndihmuar shqiptarët e prekur nga tërmeti

      – Inspektorati Shtetëror i Punës dhe Shërbimeve Shoqërore ka publikuar disa llogari bankare, ku të gjithë mund të dhurojnë para për t’u ardhur në ndihmë familjeve të prekur nga tërmeti.

      Në një status në rrjetet sociale, Inspektoriati fton të gjithë bashkëpunëtorët, shoqatat dhe bizneset që të sensibilizohen në këtë moment tragjik për të gjithë Shqipërinë, pas tërmetit që ka lënë pas të paktën 13 viktima.

      Llogaritë bankare ku mund të kontribuoni:

      “Kontribute vullnetare, Emergjenca ” në banke te nivelit të dytë

      Banka Credins
      IBAN ne ALL (Lek): AL29 2121 1016 0000 0000 0030 0001
      IBAN ne EUR : AL72 2121 1016 0000 0000 0030 0003
      IBAN ne USD: AL02 2121 1016 0000 0000 0030 0002

      Banka Raiffeisen
      IBAN ne ALL (Lek): AL38 2021 1013 0000 0000 0015 7945
      IBAN ne EUR : AL85 2021 1013 0000 0000 0115 7945
      IBAN ne USD: AL35 2021 1013 0000 0000 0215 7945

      Banka ProCredit
      IBAN ne ALL (Lek): 10-86135000-01
      IBAN ne EUR : 10-86135001-02
      IBAN ne USD: 10-86135002-03

      Banka Kombetare Tregtare
      IBAN ne ALL (Lek): AL44 2051 1014 3288 86CL TJCL ALLA
      IBAN ne EUR : AL11 2051 1014 3288 86CL TJCF EURA
      IBAN ne USD: AL55 2051 1014 3288 86CL TJCF USDA

      Tirana Bank
      IBAN ne ALL (Lek): AL47 2061 1183 0000 0108 2000 0011
      IBAN ne EUR AL20 2061 1183 0000 0108 2000 0012
      IBAN ne USD AL74 2061 1183 0000 0108 2000 0010

      Intesa SanPaolo
      IBAN ne ALL (Lek): AL37 2081 1008 0000 0020 2453 0701
      IBAN ne EURO AL10 2081 1008 0000 0020 2453 0702
      IBAN ne USD AL80 2081 1008 0000 0020 2453 0703

      Union Bank
      IBAN ne ALL (Lek): AL50 2141 1209 0111 1009 2516 0413
      IBAN ne EURO AL40 2141 1209 0111 1009 2525 0221
      IBAN ne USD AL66 2141 1209 0111 1009 2525 0141

      Societe Generale Albania
      IBAN ne ALL (Lek): AL86 2131 1013 0000 0000 0084 1534
      IBAN ne EURO AL32 2131 1013 0000 0000 0084 1536
      IBAN ne USD AL05 2131 1013 0000 0000 0084 1537

      Banka Credit Agricole
      IBAN ne ALL (Lek): AL38 2101 1012 0000 0000 0003 8968
      IBAN ne EURO AL21 2101 1012 0000 0000 0007 1963
      IBAN ne USD AL38 2101 1012 0000 0000 0004 8280

      Banka e Bashkuar e Shqipërisë (UBA)
      IBAN ne ALL (Lek): AL60 2031 1003 2010 1520 1101 0928
      IBAN ne EURO AL71 2031 1003 2010 1490 1101 0929
      IBAN ne USD AL88 2031 1003 2010 1400 1101 0929

    • 11:39

      VIDEO/ Pallati në Durrës fundoset dy kate nën dhe, çifti në ulërima poshtë rrënojave: Jemi gjallë, na nxirrni

      Një pallat gjashtë katësh është fundosur dy kate nën tokë në Durrës si pasojë e lëkundjeve të tërmetit të fuqishëm që sot tronditi Shqipërinë.

      Siç shihet edhe në videon e publikuar nga Balkanweb, pallati është zhytur dy kate nën dhe, ndërkohë që raportohet se dëgjohen thirje për ndihmë.

      E njëjta medie shkruan se një çift ndodhet nën rrënoja në pallatin që ndodhet në lagjen nr.6 në mes të Durrësit dhe kanë kërkuar ndihmë për t’i nxjerrë prej aty. Mësohet se po punohet për nxjerrjen e tyre.

      E pabesueshme/ Fundoset nga tërmeti dy kate pallati në Durrës, një çift nën rrënoja i gjallë, thirrje për ndihmë (Video)

    • 11:37

      Tërmeti 7 ballë goditi Shqipërinë/ Lëkundjet u ndjenë edhe në Kosovë, s’ka të lënduar (FOTO)

      Foto nga tërmeti

      Tërmeti i fuqishëm i cili goditi vendin në orët e para të mëngjesit të sotëm u ndje edhe në disa shtete të tjera të Ballkanit.  Tërmeti është ndjerë edhe në Kosovë, aq sa qytetarët janë shqetësuar dhe shumë prej tyre kanë dalë jashtë shtëpive.

      Në Kosovë nuk raportohet asdëme materiale dhe për asnjë person të lënduar. Ndërsa forca ushtarake nga Kosova janë nisur drejt Shqipërisë, për t’i ardhur në ndihmë vendit.

    • 11:29

      PAMJE që të prekin shpirtin/ Gjithë bota me sytë nga Shqipëria, si gllabëroi toka dhjetra godina

      Pamje të rënda shfaqen sot në sytë e të gjithë botës, kur vendi ynë është goditur nga një tërmet i rëndë me magnitudë 6.4 rihter dhe intesitet 7 ballë. Deri më tani raportohet për 13 viktima, ndërkohë që bilanci rëndohet pasi ende ka persona që janë nën rrënoja. 600 të plagosur kanë marrë ndihmën e parë në spitalet e vendit, ndërkohë që të gjitha mediat botërore, raportojnë ngjarjen dhe shprehin solidaritet me vendin tonë. ‘’BBC’’, ‘’La Repubblica’’, ‘’AFP’’ “CNN”, “BBC” dhe Euronews, kanë pasqyruar pamjet dhe përshkruajnë tërmetin e rëndë, duke pyetur nëse Shqipëria ka fuqi të përballojë këtë fatkeqësi natyrore.

    • 11:25

      U shembet vila dy katëshe mbi kokë, çifti nga Bubqi shpëton mrekullisht, tashmë janë mes katër rrugëve

      Dy persona burrë e grua kanë shpëtuar për mrekulli pasi tërmeti i fuqishëm u ka shembur totalisht shtëpinë, në fshatin Bubq.  Siç shihet edhe në videon e siguruar nga Dosja.al, vila dy katëshe është rrëzuar krejtësisht pas lëkundjeve të forta të tërmetit me magnitudë 6.4 gradë të shkallës righter.

      Burime për Dosja.al bëjnë me dije se banesa është në emër të Besim Bardhit, i cili ka qenë bashkë me të shoqen në momentin e tronditjeve. Mrekullisht të dy kanë shpëtuar pa u lënduar por tashmë ndodhen në mes të katër rrugëve dhe pa një çati mbi kokë.

    • 11:24

      Tjetër rrezik në Durrës, 250 litra gaz në bodrumin e hotelit, policia dhe zjarrfikëset në alarm

      Në hotel Lubjana në Durrës i cili u prek nga tërmeti është vënë gjendja e alarmit jo vetëm për pasojat ndaj lëkundjeve të fuqishme sizmike, por për shkak të alarmit që ka ngritur pronari i këtij hoteli.  

      Pamjet e hotelit

      Sipas Shqiptraja.com, në bodrumin e tij ndodhet një bombol gazi 250 litra, e cila mund të rrezikojë të shpërthejë. Policia ka vënë perimetrin e sigurisë, ndërsa në vendin e ngjarjes kanë shkuar edhe forcat zjarrfikëse.

    • 11:20

      TRAGJIKE! Shkon në 13 numri i viktimave të tërmetit, nxirret trupi i pajetë i një burri nga hotel "Miramar"

      Foto ilustruese

      Shkon në 13 numri i viktimave nga tërmeti 7 ballë që goditi sot Shqipërinë. Një trup i pajetë është nxjerrë nga rrënojat e hotel ‘Miramar’ në Durrës. Trupi i pajetë, i seksit mashkull, e çon numrin në 13 të viktimave të kësaj fatkeqësie të rëndë natyrore. Shteti ndërkohë është në këmbë për të shpëtuar dhjetëra persona që ndodhen nën rrënoja.

    • 11:18

      ARRSH-ja: Në të gjitha akset kryesore të vendit qarkullimi kryhet pa problem

      Pas tërmetit të fuqishëm ditën e sotme ARRSH-ja në një njoftim zyrtar ku ka njoftuar se në të gjitha akset kryesore të vendit qarkullimi kryhet pa problem.

      Njoftimi i ARRSH-së

      Marrë shkak nga tërmetet e ndodhura ditën e sotme më datë 26.11.2019, Autoriteti Rrugor Shqiptar, së bashku me kontraktorët dhe punonjësit e mirëmbajtjes, dolën menjëherë në terren. Në të gjitha akset kryesore të vendit qarkullimi kryhet pa problem.
      Drejtoria e Rajonit verior. Nga inspektimi vizual ne terren rezultoi se ne urat e Rajonit verior nuk ka probleme. Po vazhdon inspektimi me i hollësishëm për situatën.
      Drejtoria e rajonit Qendror
      Raporton se pas inspektimit vizual, nuk ka probleme në veprat e artit pas tërmetit. Do grupi i mirëmbajtjes është në terren dhe do të vazhdojë inspektimi më i hollësishëm.
      U raportua për një problem tek Mbikalimi i Shkozetit.
      Grupi i punës i ngritur nga ARRSH, që u gjend menjëherë pas raportimit në terren, konstatoi se ka disa dëmtime në mbikalim, si ai i elementeve antisizmik.
      Dëmtime të mbi strukturës nuk ka. Inspektimi po vijon.
      Janë marrë masat për devijimin e trafikut.
      Drejtoria e Rajonit Jugor Informohemi se ne jug lëkundjet janë ndier në Fier më shumë, por pa probleme.
      Vazhdon inspektimi i hollësishëm ne terren. 
      Të gjithë kontraktorët, inspektorët e drejtorive rajonale dhe mbikëqyrësit janë në terren për verifikimin e situatës.

    • 11:15

      30 sekondat e TMERRIT, kamerat e sigurisë fiksojnë momentin, si tundet 'BENZ'-i parkuar në Lezhë nga tërmeti i fuqishëm (VIDEO)

      Kamerat e sigurisë në parkimin e një lokali në Lezhë kanë fiksuar momentin e tërmetit të fuqishëm që goditi vendin. Një makinë tip Benz është lëkundur për disa momente si pasojë e tërmetit. Shqiptarja.com

    • 11:08

      Robert Cara del i gjallë nga banesa, ‘lë’ nën rrënoja gruan dhe katër fëmijët

      Pamje të Robert Carës

      Ka dalë nga rrënojat Robert Cara 57 vjeç. Kërkesa e tij e parë sapo është vendosur në barrelë ka kërkuar që t’i jepet ujë. Banorët e tjerë të pranishëm kanë treguar se ai është Robert Cara, 57-vjeç. Cara ka qënë i pranishëm në banesë bashkë me gruan e tij, Fatën dhe katër fëmijët e tyre, ku më i madhi është 30 vjeç. Deri më tani nga rrënojat është shpëtuar vetëm kryefamiljari.

    • 10:55

      Manastirliu jep detaje për të plagosurit: Janë 600 persona, ekipet mjekësore në gatishmëri të plotë

      Ministrja e Shëndetësisë, Ogerta Manasirliu ka bërë me dije detaje të reja nga tërmeti. Sipas saj deri tani në të gjithë qarqet e prekura nga tërmeti janë 600 persona që kanë marrë ndihmë mjekësore. Më tej ministrja shprehet se ekipet mjekësore janë në gatishmëri të plotë.

       

       

      Në spitalin e Durrësit për të parë nga afër situatën e të lënduarve nga tërmeti që tronditi vendin. 176 qytetarë kanë marrë shërbim mjekësor në spitalin e Durrësit, gjendja e të cilëve paraqitet e stabilizuar. Janë më shumë se 600 qytetarë kanë marrë trajtim në spitalet e Tiranës, Durrësit, Lezhës, Kurbinit dhe Krujës. Ekipet mjekësore janë në gatishmëri të plotë!”, shkruan Manastirliu.

    • 10:55

      Tërmet i fuqishëm tundi Shqipërinë, spitali i Traumës mbipopullohet nga të plagosurit (VD)

      Spitali i Traumës është mbipopulluar nga pacientë, të cilët kanë mbetur të plagosur, si pasojë e tërmetit të fuqishëm, i cili goditi Shqipërinë në orët e para të mëngjesit të sotëm.

      Burime për Dosja.al mëson se spitali i Traumës po stabilizon të plagosurit që kanë shkuar me plagë e fraktura të rënda, ndërkohë që bën me dije se në spital do të qëndrojnë vetëm pacientët që janë për t’u operuar, ndërsa pacietët e tjerë të shtruar do të dalin derisa të normalizohet situata pas tërmetit.

    • 10:55

      Shembet vila tre katëshe ne Durrës, nuk dihet fati i njerëzve

      Një vilë e cila prej mëngjesit ishte në rrezik shembjeje është shembur. Banorët kanë bërë thirrje për ndihmë që në orët e para të mëngjesit dhe tashmë vila është rrënuar plotësisht.

       

      Brenda saj dyshohet se ishin 7 persona dhe fati i tyre nuk dihet ende. Ata prej disa orësh kishin kërkuar ndihmë, por nuk është mundur dhënia e ndihmës. 

    • 10:55

      Tifozët Kuq e Zi të gatshëm për të ndihmuar qyetarët e prekur

      Teksa Shqipëria është tronditur mëngjesin e kësaj  të marte nga një tërmet i fuqishëm që ka lënë të vdekur 11 persona dhe qindra të lënduar. Pas kësaj ngjarje teje të rëndë që ka krijuar panik tek të gjithë shqiptarët kanë vijuar me reagime të shumta për këtë ngjarje të rëndë.

      Durres
      Pamje nga nje pallat ne Durres

      Mes shumë reagimesh edhe grupi i tifozëve të Kombëtares së Shqipërisë, Kuq e Zi, ka bërë një njoftim përmes rrjeteve sociale se kanë ngritur një fond emergjent për të ndihmuar çdo të prekur nga tërmeti në Shqipëri.

      “Pas tërmeteve të fundit, Tifozat Kuq e Zi janë mobilizuar, dhe kanë ngritur një fond emergjent për ndihmë, vatrave të prekura. Ju njoftojmë se kemi filluar grumbullimin e mjeteve për zonat e dëmtuara. Për të kontribuar edhe ti, ju lutem kontaktoni përfaqësuesin më të afërt ëëë.tifozatkuqezi.com/perfaqesuesit. Gjithashtu, Tifozat Kuq e Zi, shprehin gatishmëri që të japin ndihmën e tyre vullnetare, qoftë si pjesë e ushtrisë, kryqit të kuq, apo organizatave të tjera simotra që ndihmojnë njerëzit në nevojë. #meShqiperine #perShqiperine”-shkruhet  në statusin  e Tifozave Kuq e Zi.

    • 10:55

      Në Durrës shkëputet shtesa nga pallati, shkërmoqen 6 kate (FOTO)

      Tërmeti i fortë i orëve të para të mëngjesit të sotëm shkaktoi shumë dëme materiale në vend, por deri më tani raportohen edhe 11 viktima. Durrësi është një nga qytetet më të prekura në vend, ku aty raportohet edhe për numrin më të madh të viktimave.

      Pallati para dhe pas tërmetit

      Dosja.al ka siguruar edhe foto nga qyteti i Durrësit, ku në lagjen 11-shtatori një shtesë e një pallati është shkëputur pas lëkundjeve të forta. Kjo shohet qartë në fotot e mëposhtme.

    • 10:33

      Bilanci tragjik i tërmetit në Shqipëri, SHBA: Jemi pranë jush

      Ambasada e Shteteve të Bashkuara të Amerikës në Tiranë ka reaguar pas tërmetit të rënë sot në Shqipëri. Në një reagim në Facebook, ambasada shprehet se është krah shqipërisë në këto momente dhe shprehin ngushëllimet për të gjitha familjet e viktimave.

      Shtetet e Bashkuara shprehin ngushëllimet më të thella për të gjitha familjet dhe komunitetet e prekura nga tërmeti. Shtetet e Bashkuara janë pranë miqve tanë në Shqipëri, ashtu si amerikanët dhe shqiptarët kanë qëndruar gjithnjë pranë njëri-tjetrit në kohë të vështira. Ne vijojmë të ndjekim situatën nga afër dhe jemi në gatishmëri për të ofruar mbështetjen tonë“, shkruhet në njoftim.

    • 10:33

      Me plagë e gjak në kokë, gjysma e trupit e mbuluar nga një shtyllë betoni, FA në luftë me kohën

      Një tjetër person është shpëtuar nga rrënojat e pallatit të shembur nga tërmeti në Thumanë. Mendohet se ai është rreth të 50-ateve dhe ka dëmtime të mëdha në kokë.  Mësohet se gjysma e trupit të tij është e bllokuar nga një shtyllë betoni, për shkak se në momentin kur banesa e tij është shembur ai ka rënë nga kati i katër në të dytin.

      Në momentin kur e pikasën zjarrfikësit dhe Forcat e Armatosura, ai nuk dha shenja jete, deri në momentin kur i ishte ofruar ujë. Menjëherë pasi është përmendur, atij i është vënë në qafë një qafore në mënyrë që të mos ketë probleme pas shpëtimit.

    • 10:22

      Bilanc tragjik, shkon në 11 numri i viktimave nga tërmeti

      Është rritur numri i viktimave nga tërmeti që tronditi të gjithë Shqipërinë, duke shkuar në 11. Sipas informacioneve nga rrënojat janë nxjerr dhe dy trupa të tjerë nga rrënojat.

      Dy viktimat e fundit janë nxjerr nga godina e shembur në Thumanë, por nuk kanë arritur që të dalin gjallë. Kështu bilanci i viktimave ka shkuar në 11, ndërkohë që raportohet se ka ende njerës poshtë shtëpive të rrënuara.

    • 10:11

      Shkon në 9 numri i viktimave nga tërmeti, momenti kur nxirret i pajetë trupi i një vajze (FOTO)

      Foto e vajzës së pajetë.

      Rëndohet bilanci i viktimave. Nga tërmeti i fortë i cili goditit Shqipërinë në orët e para të mëngjesit ka shkuar në 9 numri i viktimave.

      Mësohet se janë nxjerrë edhe dy trupa  të pajetë nga një godinë në Durrës. Njëra prej viktimave është një vajzë. Momentet shihen qartë në foton e mëposhtme.

       

    • 10:09

      Tërmeti ‘shkundi’ Shqipërinë, binjakët vijnë në jetë vetëm 20 minuta pas tërmetit

      Teksa Shqipëria tundej nga tërmeti, dy binjakë kanë lindur në materintetin “Koço Gliozheni” në Tiranë. Lajmin e ka bërë të ditur vetë, mjekja Anika Dokle, e cila ka postuar një video të dy të porsalindurve.

      Unë dhe shokët e mi edhe këtë herë në maternitet. Këta bebusha binjakë lindën 20 minuta pas tërmetit. Kjo është simbolika më e mirë e vijimësisë së jetës. Nuk kam më fjalë!,”-shkruan krahas videos mjekja. 

      Postimi i plotë

    • 9:33

      Personeli dhe pacientët dalin jashtë, spitali i Laçit pëson plasaritje nga tërmeti

      Spitali i Laçit rrezikon që të shembet për shkak të dëmtimeve që ka marrë nga tërmeti i mëngjesit të sotëm. Siç shihet edhe nga pamjet e siguruara nga FaxNews duket që godina ka pësuar plasaritje dhe të gjithë personeli e pacientët kanë dalë nga spitali.

    • 9:35

      Solidarizohen fqinjët, Rama jep detaje: Fola me Markoviç dhe Vuçiç

      Kryeministri Edi Rama ka dhënë detaje nga komunikimet me homologët e vendeve fqinje, të cilët kanë ofruar mbështetjen e tyre.  Sipas Ramës, kryeministri i Malit të Zi, Markoviç dhe presidenti serb Aleksandër Vuçiç kanë nisur një skuadër speciale mbështetje për të dëmtuarit nga tërmeti po niset drejt Shqipërisë.

      “Kryeministri i Malit të Zi, Markoviç, njoftoi se një skuadër speciale mbështetje për të dëmtuarit po niset drejt Shqipërisë dhe po njësoj, një tjetër skuadër mbështetëse nga Serbia e specializuar në raste emergjencash, po niset drejt vendit tonë, më komunikoi Presidenti Vuçiç,”-shkruan kryeministri Rama.

    • 9:52

      Albin Kurti solidarizohet me Shqipërinë pas tërmeteve: Mendjen, sytë dhe veshët i kemi tek Durrësi

      Albin Kurti

      Lideri i Vetëvendosjes dhe njëherazi kryeministri i ardhshëm i Kosovës, Albin Kurti ka reaguar, lidhur me situatën e rëndë nga tërmeti i rënë në Shqipëri, orët e para të mëngjesit të sotëm.

      “U ndje shumë edhe në Prishtinë. U zgjuam të gjithë. Por tash mendjen, sytë dhe veshët i kemi te Durrësi, te Kurbini e Thumana. Ngushëllime familjeve të viktimave dhe shërim të plagosurve e të lënduarve. Lutemi e urojmë që të mos përsëritet tërmeti. Kosova e përjeton dridhjen e dhimbjen e Shqipërisë. Jemi të gatshëm t’iu ndihmojmë autoriteteve zyrtare për çdo gjë”, shkruan Kurti.

      Kryeministri në detyrë i Kosovës Ramush Haradinaj dhe Presidenti Hashim Thaçi kanë shprehur po ashtu ngushëllimet për viktimat e tërmetit në Shqipëri ndërsa kanë treguar gatishmërinën e shtetit të tyre për ti ardhur në ndihmë vendit tonë.

      “Sapo fola me kryeministrin Edi Rama, ku u informova për gjendjen pas tërmetit që goditi Shqipërinë. Kryeministrit Rama, në emër të qytetarëve të Kosovës i shpreha ngushëllimet më të sinqerta për viktimat që pësuan nga tërmeti”, shkruan Haradinaj.

    • 9:52

      Basha thirrje qeverisë: Të shpallet menjëherë gjendja e emergjencës

      Kreu i PD-së Lulzim Bashës ka reaguar për tërmetin që troditi vendin ditën e sotme. Basha bën thirrje që të shpallet gjendja e jashtëzakonshme. “ZERO interpretim politik nuk kam sot, përveçse një thirrje qeverisë që të shpallë menjëherë gjendjen e emergjencës, për të mjekuar të dëmtuarit, për të inventarizuar dëmtimet, për të mirëmenaxhuar panikun dhe pasojat e tërmetit.”, shprehet ndër të tjera Lulzim Basha.

      Reagimi:

      Të dashur bashkëqytetarë!
      Ky mëngjes na gjeti të tronditur thellë nga tërmeti i frikshëm që fatkeqësisht, solli humbje jetësh njerëzore, lëndime, si dhe dëme të mëdha.

      Partia Demokratike, unë dhe familja ime u shprehim ngushëllimet më të thella familjeve që kanë humbur të afërmit e zemrës, dhe u urojmë shërim sa më të shpejtë të lënduarve.

      Ne po bëjmë gjithçka që t’i gjendemi pranë çdo shqiptari në këtë fatkeqësi dhe tronditje të madhe të përbashkët.

      ZERO interpretim politik nuk kam sot, përveçse një thirrje qeverisë që të shpallë menjëherë gjendjen e emergjencës, për të mjekuar të dëmtuarit, për të inventarizuar dëmtimet, për të mirëmenaxhuar panikun dhe pasojat e tërmetit.

      Vëllezër dhe motra!
      Të gjithë në këmbë, solidaritet të pakursyer dhe të pakushtëzuar! Si vëllezër dhe motra të një gjaku, të një kombi, në krah te njerëzve që kanë humbur të afërmit e shtrenjtë, në krah të qytetarëve të lënduar që janë ende të tronditur dhe të dëmtuar rëndë.

      Respekt, mirënjohje dhe mbështetje totale mjekëve, infermierëve, punonjësve të policisë, ushtarakëve, personelit të strukturave të emergjencës, kompanive që po ndihmojnë me çfarë munden për të përballuar këtë situatë të rëndë. Të gjithë bashkë si një familje e madhe, pa asnjë dallim, do t’ia dalim!

    • 9:52

      ME FOTO/ Pas disa orësh kërkimesh nxirret gjallë nga rrënojat vajza në Thumanë

      Lajme të mira po vijnë pas tërmetit të madh që shkundi Shqipërinë në orët e para të mëngjesit të sotëm. Në Thumanë është nxjerrë gjallë nga rrënojat një femër. Tashmë ajo ndodhet në kujdesin e mjekëve. Theksojmë se banesa në të cilën ajo ndodhej është shkrumbuar plotësisht.

      Tërmet i fortë me magnitudë 6.4 ballë goditi vendin në orën 03:55 minuta të mëngjesit të sotëm. Epiqendra ka qenë në Shijak, 10 kilometra nga Durrësi dhe 31 kilometra nga Tirana dhe lëkundjet ishin shumë të forta sa rrëzuan pallate dhe banesa. Deri më tani raportohet për 7 viktima dhe 200 të plagosur. Ndërkohë që mbi 200 persona kanë marrë ndihmën e parë në spital.

    • 9:40

      Xhaçka konfirmon numrin e viktimave nga tërmeti: Janë 7 të vdekur, jemi të gjithë në terren

      Ministrja e Mbrotjes, Olta Xhaçka, ka dalë sot në një deklaratë urgjente për mediat ku ka bërë të ditur numrin e viktimave nga tërmeti. Në mënyrë zyrtare Xhaçka tha se deri tani janë 7 viktima.

      Më tej shtoi se forcat zjarrëfikëse në të gjithë qarqet janë nisur drejt Durrësit dhe janë mbi 1000 efektivë në gatishmëri dhe qindra personel mjekësor

      PJESË NGA DEKLARATA

      Goditja kryesore e tërmetit kishte epiqendër në Durrës. Prej atij momenti janë shënuar mbi 100 goditje sekondare. Durrësi dhe Thumbana janë qytetet e goditura më rëndë. Rrezikohen jo vetëm banorët por edhe forcat e kërkim shpëtimit. Forcat zjarrëfikëse në të gjithë qarqet janë nisur drejt Durrësit dhe janë mbi 1000 efektivë në gatishmëri dhe qindra personel mjekësor. Çdo vend do ta kishte të ëvshtirë që ta përballonte i vetëm. Po mbërrijnë grupe të specializuara nga aleatët bashkë me BE-në. Është shumë e rëndësishme që dëmtimet të verifikohen dhe të bëhet një prognozë e saktë. Mësimi sot në të gjitha shkollat do të jetë i pezulluar edhe nesër. Është një mundësi që familja të mblidhet së bashkë, studentët të rikthehen në familjet e tyre. Për një pasqyrë paraprake të situatës rezultojnë se deri tani janë 135 të lënduar. 200 të shtruar në Durrës dhe 60 në QSUT. Janë konfirmuar 7 viktima dhe mendohet se ka ende qytetarë të tjerë në rrënojat e Durrësit. Do të bëjmë çdo gjë që është e mundur për t’i shërbyer. Do t’ju mbajmë të informuar.

    • 9:40

      Shembet kajala në Durrës, gurët dhe gërmadhat në rrugë (FOTO)

      Tërmeti që shkundi në orët e para të mëngjesit Shqipërinë ka shkaktuar shumë dëmtime dhe  deri më tani raportohen 7 viktima.  Por në Durrës është dëmtuar edhe kalajda e Durrësit.

      Siç shihet në fotot e mëposhtme, një pjesë e tyre është shembur.

    • 9:40

      ME VIDEO/ Personeli dhe pacientët dalin jashtë, spitali i Laçit pëson plasaritje nga tërmeti

       Spitali i Laçit rrezikon që të shembet për shkak të dëmtimeve që ka marrë nga tërmeti i mëngjesit të sotëm.

      Siç shihet edhe nga pamjet e siguruara nga FaxNews duket që godina ka pësuar plasaritje dhe të gjithë personeli e pacientët kanë dalë nga spitali.

    • 9:40

      FOTO/ “Iku shpejt”, avokati përlotet pas vdekjes së të riut në Thumanë: Ishte i mrekullueshëm Kristian, qofsh i parajsës

      Kondi Ilia, avokati i të riut Kristian Preçi është përlotur pas vdekjes së të riut si pasojë e tërmetit në Thumanë.

      Në një status në rrjetet sociale, avokati shkruan se Kristiani ishte një djalë i mrekullueshëm dhe se iku shpejt nga jeta.

      Kristian Preçi dhe avokati

      Sot humbi jeten nga termeti Kristian Preçi banor i Thumanës, klienti im qe fitoi pafajësinë pas 5 muajsh burgim të padrejtë. Ngushellime familjareve, qofte i parajses. Jam pa fjale…Kristiani ishte nje djale i mrekullueshem. Iku shpejt…😢,”- shkruan Ilia krahas fotove ku shihet i qeshur krah klientit të tij.

    • 9:40

      Policia e Shtetit thirrje qytetarëve: Qëndroni larg godinave të dëmtuara, telefononi në numrin 112

      Për tërmetin i cili shkundi Shqipërinë në orët e para të mëngjesit të sotëm, Policia e Shtetit në një njoftim, ku bën thirrje që banorëve që të qëndrojnë larg godinave të dëmtuara dhe për çdo rast të telefonojnë në numrin falas 112.

      “Rreth 1,900 forca policie janë të angazhuara në terren, për t’ju ardhur në ndihmë banorëve të prekur nga tërmeti. Deri në këto momente u është dhënë ndihmē mbi 260 qytetarëve. Policia e Shtetit u kërkon gjithë qytetarëve të Durrësit dhe rrethinave të kufizojnë në maksimum lëvizjet me mjetet e tyre, për t’u dhënë mundësi autoriteteve, ambulancave dhe shërbimeve të emergjencave civile të qarkullojnë lirshëm në rrugë, për t’ju ofruar ndihmën e nevojshme banorëve të lënduar nga pasojat e tërmetit të mëngjesit të sotëm.  Gjithashtu apelojmë banorët të qëndrojnë larg godinave të dëmtuara dhe të mos pengojnë ndërhyrjet e misioneve të shpëtimit në terren. Për çdo ndihmë telefononi në numrin falas 112!”, shkruan Policia

    • 9:40

      Ministri grek i Jashtëm solidarizohet: Jemi në kontakte me qeverinë shqiptare

      Ministri i Punëve të Jashtme të Greqisë, Nikos Dendias ka reaguar për tërmetin që ka rënë në Shqipëri në orët e para të mëngjesit. Me anë të një statusi në Tëitter, Dendias ka shprehur mbështetjen e Greqisë për popullin dhe Qeverinë e Shqipërisë për pasojat e tërmetit.

      Nikos Dendias

      “Ne shprehim mbështetjen e Greqisë ndaj popullit dhe qeverisë së Shqipërisë lidhur me pasojat e tërmetit që goditi vendin tonë fqinj,” shkroi Dendias në një postim në llogarinë e tij në Twitter.

      Sipas burimeve diplomatike bëjnë me dije se pala greke është në kontakt me autoritetet shqiptare dhe ka shprehur gatishmërinë e saj për të ofruar të gjithë ndihmën e mundshme sipas nevojave që do të lindin në pritje të kërkesës zyrtare shqiptare.

    • 9:40

      Drejtori Traumës jep detaje për të plagosurit: Tre janë në gjendje të rëndë, një është operuar

      Drejtori i Spitalit të Traumës, Arben Zenelaj është shprehur se sot në këtë spital kanë marrë mjekim më shumë se 180 persona në këtë institucion. Sipas tij kanë qenë 3 persona të dëmtuara rëndë dhe 1 prej tyre është operuar.

      Foto nga tërmeti

      Një pacient është operuar, nuk e themi dot që është jashtë rrezikut për jetën. Kanë mbërritur pacient, nuk mund të japin informacione kaq të detajuara pasi tani kanë mbërritur”, u shpreh Zeneli.

    • 9:08

      Haradinaj mesazh solidariteti me Shqipërinë: Të gjitha njësitë e Ushtrisë e Policisë në gadishmëri

      Kryeminsitri i Kosovës, Ramush Haradinaj ka shprehur solidaritetin me tërmetin në Shqipëri dhe shton se vendi i tij është në gadishmëri për të të ndihmuar Shqipërinë.

      Më tej kreu i qeverisë së Kosovës bën me dije se  i ka kërkuar Gjeneral Rramhman Ramës dhe Drejtorit të Policisë, Rashit Qalajt, të mobilizojnë të gjitha njësitë.

      “Sapo kam zhvilluar një bisedë telefonike me Presidentin Ilir Meta, të cilit i shpreha solidaritetin dhe gatishmërinë e popullit të Kosovës për të ofruar tërë ndihmën e nevojshme për të përballuar këtë situatë të rëndë në Shqipëri. Kam kërkuar nga Gjenerali Rrahman Rama, Drejtori i Policisë Rashit Qalaj, që të mobilizojnë të gjitha njësitet emergjente për t’i dalë në ndihmë shtetit dhe qytetarëve të Shqipërisë me të gjitha kapacitetet e nevojshme”, shkruan Haradinaj.

    • 8:43

      Presidenti i PE solidarizohet me tërmetin në Shqipëri, Sasoli: Europa është me ju

      Presidenti i Parlamentit Evropain, David Sassoli ka shprehur solidaritetin me Shqipërinë për tërmetin e rënë në Shqipëri. Sassoli shkruan se afërsia e tij me Shqipërinë vështirë se mund të provohej nga tërmeti. Po ashtu numri një i Parlamentit Evropian, është në anën e Shqipërisë.

      David Sassoli, Presidenti i PE

      Afërsia ime vëllazërore me njerëzit dhe me shtetin e Shqipërisë vështirë të provohej nga tërmeti shumë i rëndë i kësaj nate. Evropa është në anën tuaj. Dhe do jetë”, shkruan Sasoli.

    • 8:30

      Thaçi për tërmetin në Shqipëri: Jemi me ju, Forcat e Sigurisë së Kosovës janë nisur drejt zonave të dëmtuara

      Presidenti i Kosovës, Hashim Thaçi, ka reaguar pas tërmetit në Shqipëri ku shkruan se ka paur një komunikimi me Edi Ramën dhe është infomuar për dëmet e shumta që janë shkaktuar.

      Thaçi në një reagim në Facebook, shton se se Kosova është në mbështejtet të të gjithë shqiptarëve dhe Forcat e Sigurisë së Kosovës janë nisur drejt zonav të dëmtuara.

      Hashim Thaçi, President i Kosovës

      Sapo fola me kryeministrin Edi Rama, ku u informova për gjendjen pas tërmetit që goditi Shqipërinë. Kryeministrit Rama, në emër të qytetarëve të Kosovës i shpreha ngushëllimet më të sinqerta për viktimat që pësuan nga tërmeti. Kryeministrin Rama e sigurova se Kosova do të jetë në mbështetje dhe përkrah Shqipërisë. Tashmë njësitë përkatëse të Forcës së Sigurisë së Kosovës janë nisur drejt zonave të dëmtuara nga tërmeti”, shkruan Thaçi.

       

    • 9:17

      Tërmeti në Shqipëri, ministri grek i Jashtëm solidarizohet: Jemi në kontakte me qeverinë shqiptare

      Nikos Dendias

      Ministri i Punëve të Jashtme të Greqisë, Nikos Dendias ka reaguar për tërmetin që ka rënë në Shqipëri në orët e para të mëngjesit. Me anë të një statusi në Tëitter, Dendias ka shprehur mbështetjen e Greqisë për popullin dhe Qeverinë e Shqipërisë për pasojat e tërmetit.

      “Ne shprehim mbështetjen e Greqisë ndaj popullit dhe qeverisë së Shqipërisë lidhur me pasojat e tërmetit që goditi vendin tonë fqinj,” shkroi Z. Dendias në një postim në llogarinë e tij në Twitter.

      Sipas burimeve diplomatike bëjnë me dije nga pala greke është në kontakt me autoritetet shqiptare dhe ka shprehur gatishmërinë e saj për të ofruar të gjithë ndihmën e mundshme sipas nevojave që do të lindin në pritje të kërkesës zyrtare shqiptare.

    • 9:06

      U zunë poshtë nga muret, shpëtohen nga rrënojat 22 persona në Durrës

      Viktima dhe dëme të mëdha janë shkaktuar nga tërmeti 6.4 ballë që lëkundi Shqipërinë, ditën e sotme. Burime nga policia bënë me dije nga ndërhyrja e forcave të emergjencave dhe ushtrisë në terren, janë shpëtuar rreth 22 persona, të cilët kishin mbetur nën rrënoja. Pasi janë shpëtuar nga të lënduarit janë nisur menjëherë në spital për ndihmë mjekësore.

    • 9:04

      Endri Fuga: Më shumë se 300 njerëz kanë marrë ndihmë mjekësore, ekipet e urgjencës janë në gadishmëri

      Endri Fuga, Drejtori i Komunikimit pranë kryeministrit Edi Rama  ka reaguar për tërmetine  fortë që goditit në orët e para të mëngjesit vendin.

      Me anë të një postimi në rrjetin social twitter, Fuga ka shkruar se qyteti i Durrësit është qyteti më i dëmtuar nga tërmeti dhe se sipas raporteve paraprake ka të paktën 6 persona të vdekur si dhe 300 të plagosur.

      “Një lajm shumë i trishtuar këtë mëngjes ku një tërmet me madhësi 6,3 ballë goditi qytetin bregdetar të Durrësit, 37 km larg Tiranës. Raportet fillestare flasin për të paktën 6 njerëz të vdekur dhe më shumë akoma të zhdukur, ndërsa disa ndërtesa janë shembur. Më shumë se 300 njerëz kanë marrë ndihmën mjekësore në spitalet në Tiranë dhe Durrës. Shkollat ​​janë mbyllur. Ekipet e urgjencës janë në gatishmëri të plotë.”, shprehet Fuga.

    • 8:49

      Nuk ka të ndalur lëkundja e tokës, 27 tërmete për 9 orë, ndjehet në 5 shtete

      Vendi ynë është goditur nga tërmet 6.4 ballë, i cili goditi vendin në orën 03:55 minuta të mëngjesit të sotëm duke shkaktuar të paktën 7 viktima.Por kjo nuk është lëkundja e parë që ka goditur Shqipërinë, pasi të tilla shënohet thuajse çdo 10 minuta. Që prej mesnatës vendi ynë është përballur më 27 lëkundje të tokës, duke shënuar pikun e aktivitetit sizmik në rajon. Lëkundjet me epiqendër në Shijak janë ndjerë në 5 shtete fqinje. Përveç viktimave, deri më tani raportohet për thuajse mbi 300 të plagosur, një pjesë e mirë e të cilëve kanë fraktura në gjymtyrë.

    • 8:58

      FOTO/ S’e gëzoi lirinë, doli nga burgu ku ishte futur padrejtësisht, i riu nga Thumana vdes poshtë gërmadhave që shembi tërmeti

      Kristian Preçi është një prej personave që ka humbur jetën ditën e sotme si pasojë e tëmretit të fuqishqëm. Ka qenë gazetarja Arana Loce e Ora Neës ajo që e ka bërë të ditur këtë lajm të hidhur.

      Me anë të një statusi në rrjetet sociale, gazetarja shkruan se Preçi është një ëngjëll që prehet i qetë tashmë.

      Qofsh nje engjell ne parajse o Kristian Preci. Me shpirt lutem sot per ty. Ka humbur jeten nga termeti ne Thumane, djaloshi i pafajshem qe u lirua nga burgu pas ndihmes qe kerkoi ne Boom,”- shkruan Loce.

      Dosja.al mësoi se Preçi ka ndërruar jetë poshtë gërmadhave të një banese që është shembur në Thumanë, ndërkohë që emri i tij nuk është i panjohur për publikun.

      Kristian Preçi është i riu që u mbajt padrejtësisht në burgun e Fushë Krujës për katër muaj, pasi akuzohet nga një grua se i kishte vjhdur celularin. Ai u lirua falë ndihmës së emisionit investigativ “Boom”, në muajin nëntor të vitit 2017 dhe u kompesua për burgim të padrejtë.

    • 8:54

      Rama: Italia, Franca, Turqia dhe Greqia kanë nisur avionë me skuadra Speciale, edhe Thaçi më telefonoi

      Kryeministri Edi Rama njofton se Shqipëria po ndihmohet me avion nga Italia, Franca, Turqia dhe Greqia. Në rrjetet sociale, Rama shkruan se edhe ambasadat e SHBA dhe BE janë gati për ndihmë.

      Në një reagim të dytë, Rama thotë se edhe me presidentin e Kosovës, Hashim Thaçi, ka nisur skuadrat speciale për të nxjerrë personat që ndodhen nën rrënoja.

      nbsp;

    • 8:41

      Tërmeti shkundi Shqipërinë/ Ministria e Arsimit anulon mësimin për sot në të gjithë vendin

      Ministria e Arsimit dhe “Neim Babameto” një shkollë e dëmtuar nga tërmeti

      Shqipëri-Tërmet i fortë 6.4 ballë goditi vendin në orën 03:55 minuta të mëngjesit të sotëm. Epiqendra ka qenë në Shijak, 10 kilometra nga Durrësi dhe 31 kilometra nga Tirana dhe lëkundjet ishin shumë të forta sa rrëzuan pallate dhe banesa. Deri më tani raportohet për 5 viktima dhe 200 të plagosur. Ndërkohë që mbi 200 persona kanë marrë ndihmën e parë në spital.

      Për këtë situatë emergjente Ministria e Arsimit ka marrë vendimin që të anulohet mësimi në të gjithë Shqipërinë për ditën e sotme.

      “Pezullohet mësimi në gjithë territorin për sot, datë 26 nëntor 2019. Për ditët në vijim ju njoftojmë në fund të ditës”, thuhet në njoftimin e Policisë.

    • 8:41

      ME VIDEO/ Çfarë la pas tërmeti 6.4 ballë, brenda studiove të Top Channel, rrëmujë dhe sende të thyera

      Tiranë- Një tërmet shkundi vendin në orën 03:44 të mëngjesit të sotëm. Deri më tani raportohet për 5 viktima dhe mbi 200 të plagosur.

      Por Dosja.al ka siguruar edhe një video nga brenda televizionit Top Channel, ku dëmet materiale nuk janë të pakta.  Në studiot televizve ka rënë sende në tokë, ku janë thyer. Gjithë stafi është kapur në panik.

    • 8:41

      Mos u hidhni nga ballkoni! Ja çfarë duhet të bëni në rast tërmeti, mos lejoni t’ju përfshijë paniku (VD)

      Orët e para të mëngjesit të sotëm Shqipëria u trondit nga një tërmet i fuqishëm, i cili ka shkaktuar edhe viktima. Por disa prej tyre janë persona, të cilët në panik e sipër janë hedhur nga ballkonet duke pësuar dëmtime edhe më të mëdha nga ato që do të merrnin nga tërmet i mundshëm. Për këtë arsye ju risjellim edhe njëherë disa këshilla që duhet të ndiqni për t’ja hedhur paq lëkundjeve të tokës.

      Nëse jeni brenda banesës gjatë një tërmeti

      Uluni në tokë dhe futuni poshtë në tavolinë derisa të ndalojnë lëkundjet. Nëse nuk keni një tavolinë pranë, mbuloni fytyrën dhe kokën me krahë dhe menjëherë shkoni në cepin e shtëpisë.

      Qëndroni larg nga gotat, dritaret, dyert dhe çdo gjë që mund të bjerë, siç janë lapadarët apo mobiljet.

      Qëndroni në shtrat nëse jeni aty kur bie tërmeti. Qëndroni dhe mbrojeni kokën me një jastëk.

      Qëndroni brenda shtëpisë derisa lëkundja të ndalet dhe pasi çdo gjë të qetësohet, dilni jashtë. Mos dilni nga një ndërtesë gjatë lëkundjeve. Studimet kanë treguar se dëmet më të mëdha ndodhin kur njerëzit tentojnë të largohen nga banesa.

      MOS përdorni ashensorët.

      Nëse jeni jashtë banesës gjatë një tërmeti

      Qëndroni jashtë

      Largohuni nga ndërtesat, dritat e rrugës dhe telat

      Nëse jeni në një automjet gjatë një tërmeti

      Ndaloni sa më shpejt që të keni mundësi.

      Shmangni ndalimin afër ose poshtë ndërtesave, pemëve, mbikalimeve.

      Ecni me kujdes pasi tërmeti të ketë ndalur. Shmangni rrugët ose urat që mund të jenë dëmtuar nga tërmeti.

    • 8:41

      Kërkoni ndihmë! Të mbetur nën rrënoja apo në mes të katër rrugëve, ja numrat që mund t’ju shpëtojnë jetë nëse i telefononi

      Numri që mund të telefononi nëse keni mbetur të lënduar, të pastrehë apo edhe nënë gërmadhat e banesave të shembura nga tërmti është 112. Mos ngurroni të telefononi këtë numër emergjence për t’ju ardhur në ndihmë për çfarëdolloj nevoje.

      Gjithashtu respektoni udhëzimet që duhen njekur në raste tërmeti dhe mbani afër të moshuarit e fëmijët.

      Numri emergjences

      Nga ana tjetër duhet të dini që Bashkia Tiranë ka hapur disa palestra që mund të shërbejnë si strehim provizor për të gjithë ata që kanë mbetur në mes të katër rrugve si pasojë e tërmetit.

    • 8:41

      Pamje dramatike/ Si u shkërmoq në pak sekonda hoteli në Durrës, kërkime nën rrënoja (FOTO)

      Një tërmet i fuqishëm ka goditur vendin në orët e para të mëngjesit të sotëm, ku dëme të shumta në viktima dhe njerëz ka pasur në Thumanë, Durrës dhe zonën e Plazhit në Durrës.

      Siç shihet edhe në fotot e mëposhtme në zonën e Plazhit në Durrës hoteli “Mianmar”pothuajse është shembur plotësisht. Raportohet se nën rrënoja ka njerëz dhe po punohet për nxjerrjen e tyre.

      PAMJE DRAMATIKE NGA SHEMBJA E HOTELIT NË DURRËS:

    • 8:30

      Balluku thirrje qytetarëve: Mos bllokoni rrugët me makina, duhet të kalojnë të plagosurit!

      Ministrja e Energjisë dhe Infrastrukturës, Belinda Balluku ka dhënë detaje për situatën me dëmet materiale dhe viktimat në qytetin e Durrësit. Balluku ka thënë për Report Tv se shteti është në këmbë, por theksoi se qytetarët e Durrësit duhet të lirojnë akset rrugore. “Qytetarët ju lutem të lirojnë rrugët, të mos rrinë me makinë në rrugë pasi është rënduar trafiku dhe nuk bëhet dot aksesimi i rrugëve për të transportuar të plagosurit.“-tha Balluku.

    • 8:30

      9 anëtarë të familjes Lala nën rrënoja/ Balluku flet për shkatërrimin: Ndodhen të gjithë këtu, po bëjmë ç'mundemi!

      Ministrja e Energjisë dhe Infrastrukturës, Belinda Balluku, ka thënë se në qytetin e Durrësit, në banesën e familjes Lala, në zonën e Kënetës ndodhen 9 anëtarë të një familjeje nën rrënoja.

      “Familja Lala, 9 anëtarë nën rrënoja. Nuk e dimë nëse të 9 anëtarët ndodhen brenda në banesë. Banesa është e shkatërruar, unë jam vetë këtu. Po bëjmë gjithçka për të shpëtuar jetë njerëzish.”-tha Balluku.

    • 8:20

      Rëndohet bilanci tragjik i tërmetit, nxirret nga rrënojat një vajzë 10 vjeçe e pajetë, 7 të vdekur

      Ka shkuar në 7 numri i të vdekurve nga tërmeti që goditi Shqipërinë në orët e para të mëngjesit të sotëm. Tashmë është e konfirmuar se numri i të vdekurve ka shkuar në 7. Në hotelin Vila Palma janë nxjerrë 2 trupa të pajetë. Një vajzë 10-vjeçare është nxjerrë e pajetë nga rrënojat.

    • 8:12

      FOTO/ Pallati shkërmoqet në Durrës, pamjet apokaliptike nga dëmet e tërmetit në Thumanë

      Kjo pamje e trishtë vjen nga Durrësi, aty ku një pallat është shkërmoqur ndërsa dy katet e para shihen nën rrënoja.

    • 8:11

      Manastirliu bën bilancin e parë: Janë mbi 325 persona që kanë marrë ndihmën mjeksore

      Ministrja e Shëndetësisë, Ogerta Manastirliu, nga spitali i Traumës në Tiranë ka folur për qytetarët që kanë marrë ndihmë mjeksore deri tani. Sipas saj janë mbi 325 persona të lënduar, ku mes tyre ka pasur dhe raste të vështira.

      Ministrja u shpreh më tej se po ndjek me vëmendje të gjithë situatën dhe po punohen në të gjithë vendin.

      Ogerta Manastirliu

      Të gjithë jemi në gatishmëri dhe po ndjekim të gjithë thirrjet e banorëve. Janë më shumë se 200 raste nga Durrësi. Janë 130 të lënduar në Spitalin e Traumës, 12 janë shtrime të konfirmuara. Më pas do jem në Durrës dhe rastet janë duke u shtuar, në QSUT janë me shumë se 60 raste që kanë marrë trajtime. Të gjithë spirtalet në Tiranë, Krujë, Durrës dhe Lezhë janë me kapacitet të plot. Situata është në kontroll deri tani, por kemi dhe raste të vështira. Ajo që është e rëndësishme, është se jemi të koordinuar dhe po shikojmë të gjithë situatë me vëmendje maksimale”, u shpreh ministrja.

    • 7:46

      FOTO-LAJM/ Tërmeti bashkon politikën, Basha, Braçe e Lleshaj në Thumanë krah banorëve

      Tërmeti i fortë që goditi Shqipërinë gjatë orëve të para të mëngjesit të sotëm ka bërë bashkë edhe PD e PS. Kryedemokrati Lulzim Basha është parë në Thumanë ku pak metra larg tij, qëndrojnë zv.kryeministri Erion Braçe dhe ministri i Brendshëm, Sandër Lleshaj.

      Lulzim Basha ne Durres
      Lulzim Basha ne Durres, Erion Brace dhe Sander Lleshaj
    • 7:37

      FOTO/ Lulzim Basha në Thumanë, ndan me banorët dhimbjen e viktimave të tërmetit

      Kryedemokrati Lulzim Basha ka shkuar që prej orës 07:00 të mëngjesit në Thumanë, aty ku është takuar me banorë të zonës të prekur nga tërmeti.

      PD njofton se Basha ka inkurajuar qytetarët të ruajnë qetësinë dhe forcat e rendit të bëjnë maksimumin. 

      Lulzim Basha ne Durres

      Po ashtu, Basha ka ndarë me banorët dhimbjen për viktimat nga tërmeti, që ishte tragjik për disa familje në Thumanë dhe Durrës, ku deri më tani janë regjistruar 5 viktima dhe 200 të plagosur.

    • 7:35

      Dyshohet për viktima në rrënojat e hotelit Miramare në Durrës

      Foto nga hoteli i shembur nga termeti

      Policia e Shtetit ka nisur kërkimet me qen për të gjetur nëse ka viktima në rrënojat e hotelit Miramare në Durrës. Dyshohet se në rrënoja e hotelit ka persona të lënduar.

    • 7:09

      Tërmet i fortë në Shqipëri, lëkunde të forta në të gjithë vendin

      Një tjetër tërmet ka rënë pak minuta më parë. Sipas të dhënave mësohet se tërmeti ka qenë me mangitutë 4.1 i shkallës rihter.

      Sërish epiqendra ka qenë në detin Adriatik, me një thellësi 38 kilometra. Po ashtu një tërmet tjetër u ndje në Tiranë (në orën 07:09).

      Dhe kjo lëkundje ka qenë më e fortë. Tërmeti tjetër ka qenë me epiqendër në Kepin e Rodonit, me magnitutë 5.4.

    • 7:06

      Shënohet një tjetër viktimë pas tërmetit të fuqishëm, u hodh nga ballkoni në Kurbin

      Një tjetër person ka ndërruar jetë pas tërmetit të fuqishëm. Dosja.al mëson se një person ka vdekur në Kurbin pasi është hedhur nga ballkoni i pallatit ku jetonte pas tërmetit që tronditi të gjithë Shqipërinë.

      Shqipëria është tronditur nga një tërmet i fuqishëm në orët e para të mëngjesit të sotëm. Mësohet se epiqendra e tërmetit 6.4 ballë ka qenë në Durrës por është ndjerë në të gjithë vendin.

    • 7:06

      ‘Shkundet’ vendi/ 150 persona përfundojnë në spital pas tërmetit, gjymtyrë të thyera

      Foto nga spitali

      Ministrja e Shëndetësisë Ogerta Manastrerliu ka qënë në spitalin e Traumës për të parë nga afër situatën në Spitalin e Traumës. Ajo u shpreh se gjithsej 150 persona po marrin trajtim në spital deri më tani, në Tiranë dhe në Durrës dhe Krujë.

      Deri më tani në spitalin e Traumës po marrin shërbime 75 qytetarë, të cilët kanë marrë kryesisht me fraktura në gjymtyrë si pasojë e tërmetit të fortë që tronditi vendin orët e para të mëngjesit të sotëm.

      Shqipëria është tronditur nga një tërmet i fuqishëm në orët e para të mëngjesit të sotëm. Mësohet se epiqendra e tërmetit 6.4 ballë ka qenë në Durrës por është ndjerë në të gjithë vendin.

    • 7:06

      ‘Aman babi ndihmë’/ Pallati i shembur në Thumanë, me fasho në fytyrë flet i mbijetuari: Kam gruan, vajzën e mbesën aty

      I mbijetuari

      Tre anëtarët e një familje kanë mbetur të bllokuar në rrënojat e një pallati të shembur në Thumanë për shkak të tërmetit që goditi vendin mëngjesin e sotëm.

      Një prej të mbijeturëve të tërmetit, në Thumanë thotë nën rrënojë ka mbetur, gruaja vajza e mbesa e tij. I fashuar, si pasojë e dëmtimeve që ka marr në fytyrë pas lëkundjeve të forta të tërmetit, i moshuari thotë në ankth për fatin e familjarëve se ka mundur të komunikojë me vajzën e cila nën rrënoja bërtet e trembur e kërkon të atin, por nuk ka mundur të dëgjojë zërin e gruas së tij.

      “Vajza vetëm ulërin thotë babi më ndihmn, aman babi ndihmë. Më tha të gjithë këtu i kam. I mbaj me moral tani. Vajzën e vogël tha e kam këtu, ndërsa për të ëmën nuk më ka thënë gjë,”-tha i mbijetuari.

    • 7:06

      Në mes të katër rrugëve pas tërmetit të fuqishëm, Veliaj u jep udhëzime qytetarëve: Shkoni në palestra, i kemi hapur për strehim

      Kryebashkiaku i Tiranës Erion Veliaj është shprehur se të gjithë ata që kanë nevojë të strehohen dikur pas tërmetit të fuqishëm që tronditi të gjithë Shqipërinë, mund të strehohen në mënyrë provizore në disa paletra që janë hapur nga Bashkia.

      Ai shton më tej se është pezulluar mësimi në të gjitha shkollat, kopshtet dhe çerdhet.

      Sot pezullohet mesimi ne gjithe shkollat, kopshtet e çerdhet e Tiranes! Na duhet te verifikojme çdo objekt e te mos rrezikojme femijet! Faleminderit per mirekuptimin ne nje situate aspak te lehte!  *Disa palestra do te rrine hapur per strehim provizor”, shkruan Veliaj.

    • 6:58

      Tërmeti shkund Shqipërinë/ Meta niset drejt Thumanës: Të gjitha institucionet të jenë në gadishmëri, shpresoj të mos ketë më viktima

      Ilir Meta

      Presidenti Ilir Meta ka Spitali i Traumës në Tiranë iu ka brërë thirrje të gjitha institucionet të jenë në gadishmëri.

      “Shpresojme te mos kete viktima te tjera per shkak te ketyre lekundjeve. E rendesishme eshte te evidentohen te gjitha banesat e demtuara dhe nese ka qytetare te cilet kane nevoje per ndihme te menjehershme. Kerkohen raportime me te shpejta per situaten ne zonat me te prekura. Dua te falenderoj personelin mjekesor qe eshte ne gatishmeri te plote. E gjithe Shqiperia eshte tronditur shume rende dhe shpresojme te mos kemi viktima te tjera. Sot eshte e rendesishme te jemi prane njerezve ne nevoje!”, është shprehur Meta.

      Pas kësaj deklarate Meta është nisur drejt Thuamës, një nga zonat më të prekura nga tërmeti.

    • 6:29

      Tërmeti 6.4 ballë godet Shqipërinë, shembje banesash në Tiranë, gërmadhat te “Unaza e Re” (VIDEO)

      Tërmeti i fortë i cili goditi vendin në orët e para të mëngjesit ka prekur edhe Tiranës. Përveç panikut, në Tiranë deri më tani raportohet për dëme materiale.

      Siç shihet edhe në videon e mëposhtme të siguruar nga Dosja.al në zonën e Unazës së Re në Tiranë janë shembur muret e pallatit.

      Tërmet i fortë 6.4 ballë goditiI vendin në orën 03:55 minuta të mëngjesit të sotëm. Epiqendra ka qenë në Shijak, 10 kilometra nga Durrësi dhe 31 kilometra nga Tirana. Mijëra njerëz në panik , kanë braktisur banesat dhe kanë dalë në rrugë.

    • 6:16

      VIDEO/ Tronditëse, shëmbet pallati në Thumanë, raportohet për jetë të humbura, pamje nga vendngjarja

      Tërmeti 6.4 ballë që goditi Shqipërinë raportohet të kenë shkaktuar dëme serioze në Thumanë të Durresit. Në një video të postuar në Facebook nga Oligert Musta, shihet katastrofa që ka shkaktuar termeti i ditës së sotme.

      Nga rrënojat e pallatit është nxjerrë një fëmijë i vogël, ndërkohë që nuk dihet ende nëse ka të lënduar të tjerë. Në video duken qartë edhe pasojat që ka lënë pas tërmeti.

    • 6:16

      LAJM I FUNDIT/ Tërmeti shkund Shqipërinë, i riu bie nga kati i tretë në zonën e ish-bllokut

      Foto ilustruese

      Tërmeti i fortë me epiqendër në Shikak është ndjerë shumë edhe në qytetin e Tiranës. Të gjithë qytetarët kanë braktisur banesat e tyre dhe janë jashtë rruge.

      Raportohet se një i ri  të ketë rënë nga kati i tretë në zonën e ish-bllokut. I riu është marrë me ambulancë dhe është shoqëruar për në spital ndërsa ende nuk ak të dhënë për gjendjen e tij shëndetësore.
    • 6:16

      Video/ Pallati zë poshtë banorët në Thumanë, momentet kur nxirret nga gërmadhat djali i vogël

      Tërmet 6.4 ballë ka shkundur në orët e para të mëngjesit vendin. Epiqendra ka qenë në Shijak, 10 kilometra nga Durrësi dhe 31 kilometra nga Tirana.

      Në Thumanë janë shembur disa banesa dhe shumë njerëz kanë ngelur nën rrënoja. Në videon e mëposhtme shohen momentet e shpëtimit të një djali të vogël në Thumanë, i cili ka ngelur nën rrënoja.  Raportohet se ende nën rrënojat e këtij pallati ka njerëz.

    • 5:44

      Shembet një pallat pranë Kryqit të Kuq në Durrës, banorët ngecin nën rrënoja

      Tërmet 6.4 ballë ka shkundur në orët e para të mëngjesit vendin. Epiqendra ka qenë në Shijak, 10 kilometra nga Durrësi dhe 31 kilometra nga Tirana.

      Mësohet se një pallat pranë Kryqit të Kuq në Durrës,  është shembur dhe raportohet se banorët kanë ngelur nën rrënoja. Ende nuk dihen shumë infomacione. Po kështu ka njerëz në rrugë të cilët janë nënë panik.

    • 5:32

      Tërmeti 6.4 ballë shkund Shqipërinë, dhjetëra banesa të shembura, raportohet për lënduar

      Tërmet 6.4 i shkallës rihter ka shkundur në orët e para të mëngjesit vendit. Epiqendra ka qenë në Shijak.

      Mësohet se në Thumanë janë  shembur 3 pallate. Në Durrës ka banesa të shembura dhe është shembur edhe muri i kalasë. Raportohet për dëme të shumta në të gjithë vendin. Dhjetra persona të shtruar në spital.

    Shto Koment