Politike

‘Ligjet’ miratojnë ndryshimet: Hapen pak listat dhe ndalohen koalicionet parazgjedhore, pragu elektoral do caktohet në Kodin Zgjedhor

VIDEO
  • Gjermania: Po rrezikoni integrimin/ Opozita akuza Ramës. Kryeministri: Kërcënimet po rrezikojnë paktin
  • LLOGARITË/ Rama u tall me opozitën parlamentare, si do t’i vendosë sërish partia emrat fitues
  • Hapja e listave dhe ndalimi i koalicioneve, opozita e bashkuar del kundër: S’i bindemi Ramës
  • Deputetët ranë dakord për të ndërhyrë në Kushtetutën e vendit për të ndryshuar listat, duke e sanksionuar kështu në Kushtetutë hapjen e listave, (vota parapëlqyese në dyshime 2/3). Por maxhoranca dhe opozita e re ranë dakord gjithashtu se nuk do të prekin ata pragun elektoral dhe se ndalimi i koalicioneve do të diskutohet në Kodin Zgjedhor. 
    Featured image of article: ‘Ligjet’ miratojnë ndryshimet: Hapen pak listat dhe ndalohen koalicionet parazgjedhore, pragu elektoral do caktohet në Kodin Zgjedhor Foto ilustrim

    TIRANË– Komisioni i Ligjeve bashkë me Këshillin e Legjislacionit miratuan sot në unanimitet të plotë, shumicë socialiste-opozitë e re, ndryshimet e Kushtetutës për zgjedhjet parlamentare të vitit 2021. Pavarësisht ngurrimit fillestar të deputetëve Klotilda Ferhati dhe Alket Hyseni, që ngjallën perceptimin se Partia Socialiste po tërhiqej, drafti u miratua sot nen për nen, dhe u vendos se zgjedhjet e ardhshme do të jenë me lista të hapura dhe pa koalicione parazgjedhore. Është Kuvendi tashmë që me një shumicë prej 94 votash do të duhet të vendosë për këto ndryshime Kushtetuese. 

    Por përse u bënë bashkë sot, PS dhe opozita e re?

    Deputetët ranë dakord për të ndërhyrë në Kushtetutën e vendit për të ndryshuar listat, duke e sanksionuar kështu në Kushtetutë hapjen e listave, (vota parapëlqyese në dyshime 2/3). Pra, do të jenë votuesit që do të përcaktojnë për 2/3 e listës së partive, se kush do të hyjë në parlament. Ndërsa 1/3 është në dorën e subjekteve për përfaqësimin gjinor. Kjo dakordësi ndryshon pikat 1 dhe 2 të nenit 64, po ashtu edhe pikën 1 të nenit, 68 të Kushtetutës, ku saktësohen listat e zgjedhësve, koalicioet ndërkohë që ruhet sistemi proporcional rajonal.

    Por maxhoranca dhe opozita e re ranë dakord gjithashtu se nuk do të prekin ata pragun elektoral dhe se ndalimi i koalicioneve do të diskutohet në Kodin Zgjedhor. 

    PD dhe aleatët kundërshtojnë këtë marrëveshje pasi ndalon koalicionet parazgjedhore, ndërsa vetë Myslym Murrizi në Kuvend iu sugjeroi që të “hynin në një listë të përbashkët“, si ajo e vitit 2017. Ky skenar sjell shkrirjen e logove dhe votave të partive të vogla, ndërsa kryetari i Partisë Demokratike, Lulzim Basha foli për një minim të marrëveshjes së 5-qershorit, nëse Kuvendi do të miratojë ndryshimet në Kushtetutë për hapjen e listave dhe ndalimin e koalicioneve. 

    Për më shumë bëhu pjesë e grupit më viral në Facebook, Dosja.al

    Përsa i përket pragut elektoral, opozita e re nga 5% që e kërkoi në kërkesën e parë, dje tha se donte një prag 2% ndërsa sot, u la që pragu të jetë natyral në bazë qarku, ndërsa sanksionimi iu kalua Kodit Zgjedhor. 

    Lexo të plotë dokumentin këtu

    (k.m;f.g/dosja.al)

    • 11:25

      EMRAT/ Të gjithë pro, këta janë deputetët që votuan për heqjen e koalicioneve dhe hapjen e listave

      Deputetët nga Komisioni i Ligjeve dhe Legjislacionit që votuan pro hapjes së listave dhe ndalimit të koalicioneve (Të gjithë pro)

      Rudina Hajdari
      Andi Përmeti
      Myslym Murrizi
      Vasilika Hysi
      Adnor Shameti
      Spartak Braho
      Elena Xhina
      Alket Hyseni
      Klotilda Bushka
      Alban Zeneli
      Korab Lita
      Edjola Braha
      Nikolin Staka
      Jurgis Çyrbja
      Bashkim Fino
      Edmond Leka
      Edmond Stojku
      Aurora Mara
      Ermonela Felaj
      Fatmir Xhafaj
      Ulsi Manja

    • 11:25

      NENET 64&68/ Dy ndryshimet Kushtetuese që miratoi sot PS dhe opozita e re tek Ligjet, KOALICIONET zgjedhore hiqen dhe hapen listat

      Neni 64 dhe 68 i Kushtetutës së Republikës së Shqipërisë do të ndryshojnë pas miratimit edhe nen për nen në Komisionin e Ligjeve. Raporti me dy nenet e ndryshuara, që mund t’i lexoni të riformuluara në Dosja.al, do t’i kalojë për votim Parlamentit, që me një shumicë prej 94 votash do të duhet të miratojë këto ndryshime.

      Neni 64 do të ndryshojë në pikën 1 të tij 2, dhe 3 të tij, ku “zona zgjedhore shumëemërore” bëhet në “ zgjedhjesh proporcional me konkurrim rajonal.” Ndërsa neni 68 ndryshon vetëm në pikën 1 të tij, ku hiqet togfjalëshi “koalicione zgjedhore të partive politike”.

      Neni 64
      (Ndryshuar me ligjin nr.9904, datë 21.4.2008)
      1. Kuvendi përbëhet nga 140 deputetë, të zgjedhur me sistem proporcional me zona zgjedhore shumemërore.
      2. Zona zgjedhore shumemërore përputhet me ndarjen administrative të një prej niveleve të organizimit administrativo-territorial.
      3. Kriteret dhe rregullat për zbatimin e sistemit zgjedhor proporcional, për caktimin e zonave zgjedhore dhe për numrin e mandateve për secilën zonë përcaktohen në ligjin për zgjedhjet. Neni 1
      Neni 64 ndryshohet si vijon:
      “1. Kuvendi përbëhet nga 140 deputetë, të zgjedhur sipas një sistemi zgjedhjesh proporcional me konkurrim rajonal.
      2. Numri i mandateve të deputetëve që i takojnë çdo rajoni zgjedhor përcaktohet në bazë të numrit të popullsisë së regjistruar në regjistrat shtetërorë. Në shpërndarjen e mandateve marrin pjesë partitë që në rang vendi kanë fituar jo më pak se pesë për qind të votave të vlefshme.

      3. Kriteret dhe rregullat për zbatimin e sistemit zgjedhor, për caktimin e zonave zgjedhore dhe për numrin e mandateve për secilën zonë përcaktohen në ligjin për zgjedhjet. Zgjedhësit gëzojnë të drejtën për të dhënë votë parapëlqyese për kandidatët e listave shumemërore, sipas përcaktimeve të ligit për zgjedhjet”.

      Neni 68
      (Ndryshuar me ligjin nr.9904, datë 21.4.2008)
      1. Kandidatët për deputetë paraqiten në nivel zone zgjedhore nga partitë politike, koalicionet zgjedhore të partive politike, si dhe nga zgjedhësit. Një kandidat mund të paraqitet vetëm për një nga subjektet propozuese, sipas kësaj pike. Renditja e kandidatëve për deputetë në listat shumemërore nuk mund të ndryshohet pas paraqitjes së listës në komisionin zgjedhor përkatës. Rregullat për regjistrimin e kandidatëve për deputetë përcaktohen në ligjin për zgjedhjet.
      2. Në ligjin për zgjedhjet përcaktohen edhe kritere dhe rregulla të tjera të nevojshme për organizimin dhe zhvillimin e zgjedhjeve, duke përfshirë ato për regjistrimin e zgjedhësve, zhvillimin e fushatës zgjedhore, administrimin, vlefshmërinë e zgjedhjeve dhe shpalljen e rezultateve të tyre. Neni 2
      Paragrafi 1 i nenit 68 ndryshohet si vijon:
      “Kandidatët për deputetë paraqiten në nivel zone zgjedhore nga partitë politike dhe nga zgjedhësit. Nuk lejohen koalicionet parazgjedhore. Një kandidat mund të paraqitet vetëm për një nga subjektet propozuese, sipas kësaj pike. Rregullat për regjistrimin e kandidatëve për deputetë përcaktohen në ligjin për zgjedhjet”.
      Neni i riformuluar:
      Neni 2

      Pika 1 e nenit 68 ndryshohet si vijon:
      “1.Kandidatët për deputetë paraqiten në nivel zone zgjedhore nga partitë politike ose nga zgjedhësit. Një kandidat mund të paraqitet vetëm për një nga subjektet propozuese, sipas kësaj pike. Rregullat për regjistrimin e kandidatëve për deputetë përcaktohen në ligjin për zgjedhjet”.

    • 11:11

      ‘Pragu duhet të jetë natyral’/ “Ligjet” ende pa një vendim, Bushka: Do të lihet për t’u përcaktuar në Kodin Zgjedhor

      Vasilika Hysi, kryetare e KomisionitKomisioni i Ligjeve nuk ka caktuar një prag kombëtar. Relatorja e maxhorancës, Klotilda Bushka është shprehur se niveli i pragut do të lihet që të vendoset në Kodin Zgjedhor, dhe nuk do të cakortohet në Kushtetutë. Megjithatë në parim është miratuar se për çdo individ që garonon për t’u bërë pjesë e Kuvendit të Shqipërisë do të vendoset vetëm pragu natyral në qarkun në të cilin garon. Do t’i mbetet sërish katër relatorëve që të punojnë sërish për saktësimin e pragut që do t’i mjaftojë çdo garuesi për t’u bërë pjesë e Kuvendit.

      BISEDA NË KOMISION: 

      Hysi: Disktojmë për temën “Pragu Kombëtar nuk ndërhyn në mandatin e fituar”

      Shameti: Sistemi do të jetë proporcional rajonal. Çdo individ do të kalojë me një prag natyral.

      Klotilda Bushka: Niveli i pragut do të lihet për t’u përcaktuar në Kodin Zgjedhor. Në Kushtetutë do të vendosim çështjet parimore. Por duhet caktuar edhe Kodi Zgjedhor. Edhe ai do të miratohet me shumicë të cilësuar dhe e njëjta praktikë të vendoset bashkërisht. Listat janë të hapura dhe kjo duhet të vendoset në Kushtetutë. Niveli jo më pak se 2/3 është dysheme. Kjo është bërë për të garantuar konkurrueshmërinë, por edhe ruajtjen e barazisë gjinoreMendoj që garancitë e kësi lloj procesesh ekzistojnë. Listat janë të hapura dhe duhet vendosur në Kushtetutë, nuk mundet të vendoset në Kod.

      Andi Përmeti: Pragu natyral rajonal është ndryshim pozitiv. Është pozitive, sepse jemi dakordësuar dhe kemi dakordësuan problemin që adresova dje.

    • 11:10

      Ligjet miratojnë ndryshimin e nenit 64, Parlamenti ka në dorë tashmë hapjen e LISTAVE

      Me unanimitet të plotë, deputetët anëtarë të Komisionit të Ligjeve kanë miratuar ndryshimin e nenit 64 të Kushtetutës së Republikës së Shqipërisë, që i hap rrugë hapjes së listave të kandidatëve për deputetë. Deputetët miratuan gjithashtu edhe ndryshimin e pikës 2 të nenit 68 të Kushtetutës që ndalon koalicionet parazgjedhore.

      Vasilika Hysi: Hedhim në votim nenin 1 që ndryshon nenin 64 të Kushtetutës sipas riformulimit të dakordësuar nga 4 relatorët. Pro kanë votuar të gjithë. (miratohet)

      Me këtë akt, tashmë do të jetë Parlamenti që do të votojë miratimin e dy ndryshimeve. Nëse këto ndryshime miratohen atëherë Kushtetuta do të specifikojë se koalicionet parazgjedhore janë të ndaluara dhe se listat e kandidatëve për deputetë janë të hapura. Ndërsa për pragun elektoral pritet që sqarimi të bëhet në Kodin Zgjedhor, ndërsa deputetët u dakordësuan për një prag natyral.

    • 11:06

      Deputeti Andi Përmeti s'ka internet...Vasilika Hysi e "shqetësuar": Ku je se nuk të shoh... Murrizi: Me Nokia je mo?(BATUTAT)

      Ndryshimet Kushtetuese janë tema e ditës sotë në Komisionin e Ligjeve ku pas miratim në parim, sot po diskutohen nen për nen të gjitha ndryshimet. Por edhe kjo mbledhje nuk kishte si të ishte pa batuta. Lidhja e dobët e internetit të deputetit Andi Përmeti u kthye në temë diskutimi, ndërsa kolegët nuk i kursyen “thumbat”.

      DISKUTIMET TEK LIGJET:

      Vasilika Hysi, drejtuese e mbledhjes: Andi ku je nuk të shoh, faleminderit, shih pak lidhjen të lutem, se nuk dëgjohesh.

      Përmeti: A më shifni ?!….

      Hysi: Zoti Përmeti, jo Andi, unë e shikoj që është, hapni kamerat, unë ju dëgjoj por duhen edhe kamerat. Vazhdoni Andi. Andi mezi dëgjohesh. Jeni me celular apo jeni me laptop (shkëputet prapë lidhja)

      (Andi Përmeti flet por nuk e dëgjon njeri…)

      Hysi: Nëse doni të shpreheni, ejani këtu ku jam unë, merr edhe maskën me vete

      Ndërhyn Murrizi: Andi me nokia je, se ky nuk punon, Andi se mos jesh me kshu telefoni (nxjerr telefonin e tij që nuk është smart).

      Pragu Kombëtar nuk ndërhyn në mandatin e fituar

      Bushka: Sa i takon nivelit të pragut kombëtar që do të përcaktohet në Kodin Zgjedhor, do të vijojmë punën që të adresohen të gjitha çështjet. Në Kushtetutë do të vendosim çështjet parimore. Por duhet caktuar edhe Kodi Zgjedhor. Mendoj që garancitë e kësi lloj procesesh ekzistojnë. Listat janë të hapura dhe duhet vendosur në Kushtetutë, nuk mundet të vendoset në Kod.

      Përmeti: Është pozitive, sepse jemi dakordësuar dhe kemi dakordësuan problemin që adresova dje. Thelbësore në këtë rast janë listat e hapura dhe do të doja të ishin në Kushtetutë. Themeli është hapja e listave. Është lajm i mirë ky.

      Stojku: si kryetar i grupit, them që diskutimi im mbështet të gjithë kolegët parafolës.

      Braho: Do ta vlerësoja sot si një ditë të shënuar. Pas masakrës së 2008 që ndodhi me Kushtetutën. Është shumë mirë që ne biem dakord. Dhe për ta mbyllur shpreh dakordësinë time me tërë projektin e paraqitur.

      Gjoni: Do saktësoj vetëm diçka, nuk specifikohet hapja e listave në nenin 64. Pse ky hezitim dhe çfarë garanton listat e hapura? Kemi garanci?

      Fino: Ne dje lamë një detyrë të gjithë relatorëve që të na sjellin një procedurë sqaruese. Le t’i lëmë hapësirë votimit.

      Felaj: Relatorët dhe ekspertët po punojnë. Më duket e tepërt të vazhdojmë në këtë seancë falenderimesh.

    • 10:53

      Debati tek Ligjet/ Murrizi sugjerime opozitës: Listat e hapura s‘ndalojnë koalicionet, vetëm klasiket… po të duan të kandidojnë me listë të përbashkët

      Deputeti i ngelur i Partisë Demokratike në Kuvend, Myslym Murrizi ka kundërshtuar tërheqjen e Partisë Socialiste për të mos ndaluar koalicionet parazgjedhore, pragun 2% dhe listat e hapura. Murrizi tha se nuk ka ndalim të koalicioneve, por vetëm të atyre koalicioneve mediatike. Ai i sugjeroi opozitës jashtë parlamentit, që të përdorë listën e përbashkët.

      “Të merret garancinë për sistem proporcional rajonal, pragu të jetë kombëtar. Ne kemi prag kombëtar, por s’kemi rezervurë për çdo qark, çdo subjekti. Prag kombëtar në sistem proporcional është nul. Mazhoranca të garantojë që prag kombëtar do të jetë pragu natyral i çdo qarku. Pra mandati nuk duhet të humbë për çdo artificie.

      Jemi stigmatizuar që kemi prishur rehatin e atyre që kanë marrë në qafë Shqipërisë që në vitin 2008. Listat e Hapura nuk ndalojnë koalicionet, por jo ato me formulë klasike. Të kandidojnë me listë të përbashkët, lloj-lloj amalgami mediatiko- politik. Në parlamentin e 2021 do të vijnë ata që zgjedh qytetarit. Këta që dalin sikur u u kemi prishur koalicionet, prishën vetë koalicionet 3 vite më parë. Ky ligj nëse kalon me 94 deputetë. Hapja e Listave është ajo që tremb zotërinjtë dhe lehësit në çdo studio sikur ne po pengojmë marrëveshjen e tyre.”- tha Murrizi.

    • 10:30

      PS iu hodhi poshtë sugjerimet, Murrizi e Lita i "hidhen në kokë" Ferhatit: Të arrijmë konsensusin me 94 vota dhe të bëjmë ndryshimet... 

      Deputetët Myslym Murrizi dhe Korab Lita kanë këmbëngulur që saktësimet të bëhen në Kushtetutë. Murrizi në fjalën e tij ka sqaruar se për ndryshimin në Kushtetutë kërkohen 94 vota, ndryshe nga Kodi Ligjor që mjaftohet me shumë më pak. Sipas tij, nëse ndryshimet në Kushtetutë miratohet nga Kuvendi, përkthehet në një konsensus institucionial.

      PJESË NGA DISKUTIMET:

      Klotilda Ferhati: Listat e hapura dhe koalicionet parazgjedhore nuk shkojnë dot bashkë.  Nivelin sesa do të jetë % e prangut kombëtar do ta lëmë ta saktësojë në Kodin Zgjedhor.

      Rudina Hajdari: Mund ta rregullojmë tek Ligji për zgjedhjet si përcaktim.

      Korab Lita: duhet të jetë në Kushtetutë si parim, pastaj le të detajohen më pas në kodin Zgjedhore.

      Myslim Murrizi: Të vendoset pragu natural për çdo qark. Absolutisht, do të doja të ishte në Kushtetutë sepse kalon me 94 vota. Garancia jonë është që nuk i bën dëm Kushtetutës. Mund të ketë shumë gjëra brenda ajo, por nuk do të ishte e tepërt që të sanksionojmë listat. Nuk rëndohet Kushtetuta nga ajo që e kërkon shumica e shqiptarëve. Kur arrihen 94 vota është konsensus instituciocial.

      Alket Hyseni: E mbështetëm në parim me bindjen e plotë do të bëjmë të mundur që një marrëveshje politike me dy opozitat ta kthejmë në një ligj zgjedhor. Nga ana tjetër, mbështetja që i japim kësaj nisme s’do të thotë që nuk e japim mendimin tonë. Prandaj kemi prezantuar amendime duke mundësuar tre elementë; kemi ruajtur sistemin, ruajtja e kuotave dhe koalicionet. Ju ftoj që bashkë më votimin.

    • 10:30

      PS tërhiqet nga e premtja, Bushka: Nuk ndalojmë me Kushtetutë koalicionet parazgjedhore!

      Partia Socialiste është tërhequr nga ndryshimet Kushtetuese për ndalimin e koalicioneve. Deputetja Klotilda Ferhati në emër të Partisë Socialiste tha sot në Komision se Kushtetuta nuk do të ketë të shkruar sa do të jetë pragu dhe as që do të ndalohen komisionet.

      “Listat e hapura dhe koalicionet parazgjedhore nuk shkojnë dot bashkë.  Nivelin sesa do të jetë % e prangut kombëtar do ta lëmë ta saktësojë në Kodin Zgjedhor. Nuk shkruajmë një Kushtetutë sa do të jetë pragu dhe as që do të ndalohen koalicionet,”-tha ajo. PS propozon që këto saktësime të bëhen në Kodin Zgjedhor.

      “Kemi riformuluar dy nenet. Bëhen më të qartë dhe lënë kriteret kryesore për t’u detajuar në Kushtetutë. Tre qëllimet që nismëtarët nisën për ndryshimet në kushtetutë, listat e hapura mbeten, pjesa e parashikimeve për koalicionet parazgjedhore është e parashikuar, dhe pragu është gjithashtu, por në diskutimet tona menduam që vetëm elementet themelore të përcaktohen në Kushtetutë, pragu duhet zgjidhur në formulimet e Kodit Zgjedhor. Po filloj me nenin 1, që ndryshon 64-ën. Kuvendi përbëhet nga 140 deputetë sipas një një sistemi proporcional me konkurrim rajonal.”- tha Bushka.

    Shto Koment