Berisha: Dosjen e Lindave të AKSHI-t e ka mbyllur përfundimisht Rama, Gys Agasi ka bërë masakër në kadastër ...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
TIRANË– Strehimi i afganëve në Shqipëri është lajmi që po bën politkën dhe median në vend të ziejë. “Reuters” bëri me dije kërkesën e Shteteve të Bashkuara Amerikane për strehimin e civilëve afganë në Shqipëri dhe në vende të tjera, pas pushtimit të Kabulit nga talebanët.
Vetë kryeministri Edi Rama që në orët e para të mëngjesit pranoi se Shqipëria ka pranuar të strehojë afganët, duke iu përgjigjur me ‘PO’ propozimit të SHBA-ve. Kreu i shtetit shtoi se me ta do të veprohet njësoj si me hebrenjtë që u pritën gjatë Luftës së Dytë Botërore. (Shqipëria strehoi hebrenjtë në fillim të Luftës së Dytë Botërore duke shënuar dhe një miqësi mes dy vendeve. Për ta dëshmuar këtë gjë, 75 pemë rriten në Jerusalem, ku secila prej tyre është një memorial për një hero shqiptar që ka strehuar një hebre, i cili ka marrë titullin ”Të Drejtë Mes Kombeve”).
Rama tregoi më tej se ka qenë ai që në Samitin e NATO-s, ka ngritur shqetësimin për jetët e bashkëpunëtorëve afganë dhe se madje si shembull ka marrë eksperiencën tragjike të kundërshtarëve të regjimit komunist në vendin tonë, që vrau, burgosi, torturoi, shkatërroi çdo armik të brendshëm pasi triumfoi mbi armiqtë e jashtëm dhe mbylli totalisht Shqipërinë. Në fund, kryeministri shton se nuk ka ndërmend të ndryshojë qëndrim, pavarësisht mendimeve kundër që mund të ketë në Shqipëri.
Reagimi i Ramës është ndjekur nga Kryetari i Partisë Demokratike, Lulzim Basha. Edhe ky i fundit është pro strehimit të afganëve në Shqipëri. Me anë të një postimi, Basha pa u zgjatur shumë, shkruan se Shqipëria gëzon të drejta dhe detyrime, e si pasojë lindin përgjegjësitë për të qëndruar pranë SHBA-së, duke shtuar se empatia dhe solidariteti kundrejt atyre që kanë luftuar për të krijuar një rend demokratik në Afganistan, nuk mund të mungojë.
Edhe ish-kryeministri Sali Berisha e ka mbështetur ardhjen dhe strehimin e afganëve në Shqipëri. Në një shënim të gjatë në Facebook, Berisha shkruan se Shqipëria, si aleate e SHBA, si vend anëtar i NATO-s, bijtë e të cilit ranë për tu bërë të pavdekshëm për paqen në tokën afgane, sigurisht do të mirpresë me gjithe zemër refugjatët afganë qofte përkohesisht ose përfundimisht. Por, ndryshe nga kryedemokrati Lulzim Basha, ish-lideri i bluve shkruan se këtë gjë kryeministri Edi Rama po mundohet ta përdorë politikisht.
Berisha shton se vendimi i Ramës për të pranuar refugjatët duke e lidhur atë me ftesën që i ka bërë këngëtari serb Goran Bregoviç, tregon se po përpiqet që ta përdorë këtë mikpritje për interesa politike ndaj Presidentit të Serbisë, Aleksandër Vuçiç, të cilin Berisha e quan ‘padronin e Ramës’.
Gazetari Andi Bejtja ka reaguar ndaj postimit të kryedemokratit Lulzim Basha në lidhje me strehimin e afganëve në Shqipëri. Ai shkruan se opozita duhet të kishte kërkuar transparencë në këtë rast në mënyrë që të dinim të gjithë se çfarë mund të ndodhte. Gazetari Bledian Koka i ka komentuar reagimet e kryeministrit Edi Rama dhe të kryedemokratit Lulzim Basha si servilizëm ndaj ambasadores së SHBA-ve, Yuri Kim, duke u shitur si humanist të mëdhenj dhe duke përdorur mikpritjen shqiptare.
Në një postim në Facebook, Koka shkruan se ndryshe nga këta të dy, ish-kryeministri Sali Berisha ka strehuar më herët këdo kë ishte nevoja pa e shprehur publikisht nëpër rrjete sociale detyrimin dhe solidaritetin në raport me SHBA e NATO-n. Reagimet e Ramës dhe të Bashës, sipas Kokës, janë tentativa bajate e një regjimi që tenton të bëjë të bukurin shejtan në kurriz të Shqipërisë. Vetë Ambasadorja e Shteteve të Bashkuara të Amerikës, Yuri Kim ka përshëndetur vendimin e qeverisë shqiptare për të pranuar afganët në vend. Në një postim në Twitter, Kim shkruan se populli shqiptar tregon gjithnjë nder, guxim dhe mirësi.
Komiteti i Senatit të SHBA-ve shkruan se edhe njëherë populli shqiptar i tregoi botës se çfarë është besa. Gazetari Blendi Fevziu e ka përkrahur Shqipërinë në strehimin e afganëve pas pushtimit nga talebanët. Në një postim në Facebook, Fevziu i krahason afganët me shqiptarët që u detyruan të emigrojnë në eksodin e vitit 1991, duke kujtuar racizmin që kanë vuajtur emigrantët tanë jashtë vendit. Ndaj për ta shmangur këtë gjë, Fevziu shton se fati i afganëve që ndodhen aktualisht në Kabul do të jetë ai i shumë intelektualëve në vitin 1945 e deri ne 1990 ne Shqiperi, nëse qëndrojën aty.
(F.m/dosja.al)
Iftar dhe politikë, a u prek Muaji i Ramazanit nga politikanët?
TIRANË– Gazetari Bledian Koka i ka komentuar reagimet e kryeministrit Edi Rama dhe të kryedemokratit Lulzim Basha si servilizëm ndaj ambasadores së S...
TIRANË– Ish-kryeministri Sali Berisha e ka mbështetur ardhjen dhe strehimin e afganëve në Shqipëri. Në një shënim të gjatë në Facebook, Berisha shkruan se ...
TIRANË– Deputeti i zgjedhur më 25 prill, Belind Këlliçi përmes një postimi në Facebook ka denoncuar cilësinë e asfaltin në kryeqytet. Këlliçi...
TIRANË– Presidenti Ilir Meta ka shprehur ngushëllimet për humbjen e jetëve nga tërmeti shkatërrues në Haiti. Përmes një mesazhi në ‘Twitter’, Meta shkruan ...
TIRANË– Presidenti i vendit Ilir Meta, përmes një postimi në Facebook, ka përkujtuar ndarjen nga jeta të Arbën Xhaferit. Meta shkruan se ai na mungon fizik...
TIRANË– Faqja ‘Vërejtje dhe rregullat gramatikore’ ka pikasur një gabim në një postim të bërë nga kryeministri Edi Rama. Ata shkruajnë se Rama ndërton gabi...
TIRANË– Kryetari i Partisë Demokratike, Lulzim Basha është pro strehimit të afganëve në Shqipëri. Me anë të një postimi të bërë në ‘Twitter’ ai shkruan se ...
TIRANË– Kryeministri Edi Rama iu është përgjigjur komentit të një qytetari i cili i kërkon që të ruajë Kosovën nga thundra kërcënuese e Serbisë. Rama i tho...
Top Channel ekskluzivisht raportoi paraditen e kësaj të shtune se për herë të parë shqetësimi në lidhje me përkthyesit afgan është diskutuar në Samitin e Natos ...
