Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Ish-mbrojtësi i djathtë kroat, tashmë i konvertuar në drejtor sportiv, rrëfen për spanjolen ‘MARCA’ jetën e tij te Shakhtari
UKRAINE - Shakhtar Donetsk është bërë flamuri i Ukrainës. Prania e tij në Champions League, në mes të luftës me Rusinë, është një burim krenarie dhe merr një ngjyrim patriotik. "Unë jam krenar për këtë ekip. Për mua ata janë heronj,"- mburret drejtori kroat Dario Srna. Ish-mbrojtësi i djathtë, tashmë i konvertuar në drejtor sportiv te Shakhtar, rijeton për ‘MARCA’ dramën njerëzore dhe futbollistike, që sjell lufta e tretë e jetës së tij.
“Në vitin 1991 në Kroaci, në 2014 në Donetsk dhe tani në mbarë Ukrainën”, thotë ai. Fillimi i luftës/invazioni rus e kapi Shakhtarin me 'këmbën e ndryshuar'. "Fillimi ishte një fatkeqësi. Ne ishim në Kiev me ekipin dhe u kujdesëm të organizonim gjithçka, veçanërisht me lojtarët e huaj. Disa u larguan me makina, të tjerët me tren...",- kujton ai.
Një skenë që, në mënyrë të pashmangshme, të kujton atë që ndodhi tetë vjet më parë, kur u desh të largoheshin nga Donetsk për 'luftën e Dombásit'. Në fakt, stadiumi i saj, ‘Donbass Arena’, që i përket kategorisë ‘elite’ të UEFA-s, u shkatërrua nga bombardimet.
"Në vitin 2014 na u desh të largoheshim nga Donetsk, shtëpia jonë, stadiumi, qyteti ynë sportive, por ne kemi tifozët tanë në të gjithë botën. U transferuam në Kiev dhe kur u përshtatëm, fillon një luftë tjetër. Është e vështirë të shpjegosh jetën tonë që atëherë e deri më sot”,- ankohet Srna.
Një mërgim i detyruar, që për fat të keq po përjeton një episod të ri. “Ne jemi një skuadër pa adresë (seli fikse) dhe kjo është më e dhimbshmja. Kemi luajtur në Lviv, në Odessa, në Kharkov, tani Champins League në Varshavë... Vajza ime më merr në telefon dhe i them asaj: Ditën do të jem në Kiev, ditën tjetër në Londër... Ndonjëherë zgjohem dhe nuk e di se ku jam”,- thotë drejtori i Shakhtar Donetsk.
Ditët e luftës e detyrojnë Shakhtarin të marrë masa paraprake ekstreme. “Të shtunën luajtëm kundër Metalistit, alarmet paralajmëruan për një sulm të mundshëm dhe na u desh të ktheheshim në dhomat e zhveshjes për të rifilluar lojën pas 15 minutash. Duhet të ndërrojmë hotele, autobusë, stërvitemi me sirena, udhëtojmë me sirena... Kjo është jeta jonë sot dhe duhet ta pranojmë. Duhet të jemi shembull, ashtu siç është Ushtria për ne. Ne luajmë për tifozët tanë dhe për Ukrainën", thotë kroati.
Ka më shumë. Udhëtimi për t'u përballur me Real Madridin për Champions League në ‘Bernabeu’ është një odise e vërtetë: "Sot [dje] ne u stërvitem, pastaj kemi bërë 7-8 orë me autobus për në Poloni, sepse nuk lejohet të fluturojmë nga Ukraina dhe, më vonë, 4 orë të tjera me avion”. Drejtori vlerëson forcën e Shaktharit: “Kemi një jetë të vështirë, por asnjë lojtar në asnjë moment nuk është ankuar, apo thënë se është i lodhur”.
Megjithatë, ajo që e lëndon më shumë Srnan është mungesa e mbrojtjes. "UEFA, përmes Ceferinit, bëri gjithçka që mundi për të na ndihmuar ne dhe futbollin ukrainas. FIFA, nga ana tjetër, na shkatërroi. Ajo nuk na mbrojti në asnjë moment. Unë jam i mendimit se ata duhet të na kishin ndihmuar. Edhe ne jemi një ekip dhe i kemi dhënë shumë futbollit europian gjatë 20 viteve të fundit. Do të doja që dikush nga FIFA të vinte në Ukrainë, të jetonte me ne dhe ekipet e tjera dhe të ndjente se çfarë është si të jetosh me sirena dhe bomba.
Ankesa e Srnas, i cili luajti 536 ndeshje, shënoi 49 gola dhe shpërndau 121 asistime gjatë kohës së tij në Shakhtar, ka arsyetimin e saj për vendimin e FIFA-s për të 'çliruar' të huajt si rezultat i luftës.
“Ne kishim 14 të huaj në skuadër, vlera e tregut të të cilëve ishte midis 150 dhe 200 milionë euro dhe ata u lejuan të huazoheshin pa ngrirë kontratat e tyre. Solomon dhe Tete kishin një vit e gjysmë në kontratën e tyre, ata kanë shkuar në Fulham dhe Lyon dhe kur të kthehen do të kenë vetëm gjashtë muaj që të jenë të lirë. Kjo është e papranueshme”, shpjegon ai. Vetëm një i huaj, Lassina Traoré, zgjodhi të qëndrojë: “Unë fola me nënën e tij dhe ajo i tha: “Duhet të jesh me Shakhtarin në këtë kohë të vështirë.” Ai meriton të gjithë admirimin dhe respektin tim”.
Rindërtimi nuk ishte i lehtë: “Askush nuk e besonte se do të luanim sërish, nuk e dinim se çfarë do të ndodhte me skuadrat... Epo, kemi humbur 14 lojtarë, mbajmë vetëm 2-3 titullarë në krahasim me një vit më parë. Por ne kemi krijuar një ekip të mirë, shumë të ri, me një trajner shumë ambicioz (Igor Jovicevic). Në ndeshjen 1-6 kundër Metalistit, për herë të parë në 20 vjet, ne futëm në fushë 11 ukrainas që në fillim dhe 90% e tyre erdhën nga Akademia jonë”.
Një 'rilindje' e paimagjinueshme pa Rinat Akhmetov. "Ne kemi një president shembullor. Ai kishte bizneset e tij në Donetsk dhe më pas pësoi një sulm në Mariupol. Ai ka humbur më shumë se kushdo, midis 10 dhe 15 miliardë... por Shakhtar është pasioni i tij, jeta e tij, familja e tij. Ai paguan pagat në kohë, na telefonon çdo ditë për të parë se si po ecën skuadra... Jam krenar që kam punuar me të për më shumë se 25 vjet",- tregon Srna.
"Kur u njoftua se ne po hynim drejtpërdrejt në fazën e grupeve, shumë njerëz prisnin që nuk do të arrinim asnjë pikë. "Ai nuk është i njëjti Shakhtar si më parë,"- thanë ata. Ka kuptim. Ne humbëm 14 lojtarë dhe staf, por, edhe kështu, ne jemi në Champions League dhe kemi katër pikë. Të shkojmë në 1/16 do të ishte e pabesueshme, por është e vështirë”, mburret me krenari Srna para se të rendisë virtytet e reja të 'minatorëve': "Kjo skuadër ka karakter dhe guxim. Ne nuk kemi frikë nga askush".
Real Madridi le të ketë parasysh: "Ata janë favoritë, por ne duam të tregojmë futbollin tonë dhe, unë insistoj, nuk kemi asgjë për të humbur". Srna, për të përfunduar, dërgon një mesazh optimist: "Shpresojmë të kthehemi në Donetsk. Ne besojmë. Ne do të vazhdojmë të luftojmë për të... dhe do të fitojmë."
B.T (Dosja.al)
ITALI - Barcelona do të tregojë epërsinë në La Liga me ndeshjen kundër Interit në Mila...
SPANJE - Kandidatura e përbashkët e Spanjës dhe Portugalisë në Botërorin 2030 ka një mysafir surpr...
FRANCE - Këshilli i Qytetit të Parisit njoftoi këtë të hënë, se nuk do të ketë ekrane gjigante për të t...
SPANJE - Robert Lewandowski pranoi se nuk e priste që trajneri i Barcelonës, Xavi Hernández të ishte kaq i ashpër dhe kërkues....
ANGLI - Cristiano Ronaldo do ta ketë të hapur derën për t'u larguar nga Manchester United në janar. Garancia është dh&...
SPANJE - Julen Lopetegui do të ulet në stolin e Sevillas edhe të mërkurën në ndeshjen e Champions League kund&eum...
ITALI- Antonio Cassano ka folur në rrjetin e tij social Instagram për atë humbje të Interit ndaj Romës me shifrat 1-2. Paraqitja e Kr...
ITALI- 18 ndeshje gjithsej, 14 në kampionat dhe katër në Champions League. Këto janë numrat që Federico Chiesa nuk ka luajtur gj...
ITALI- Zlatan Ibrahimovic i rikthehet aktrimit. Suedezi, i cili sapo ka mbushur 41 vjeç, do të jetë pjesë e kastit të “Vita d...
ANGLI- Futbolli ka të bëjë me rivalitetin dhe asgjë nuk e nxjerr në dritë këtë ndjenjë si një derbi. Kur dy ...
