Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Pas largimit nga Kupa e Botës në Katar, drejtori i DFB-së, Oliver Bierhoff dha dorëheqjen dhe bëri vend për një fillim të ri. Është vendimi i duhur, por mund të jetë vetëm fillimi, komenton Thomas Klein.
Zgjati deri në orët e vona të natës të së hënës në mbrëmje, por më pas u bë e qartë. Drejtori i DFB, Oliver Bierhoff, dhe Federata Gjermane e Futbollit e ndërpresin para kohe kontratën mes tyre. Është vendimi i parë i këtij lloji pas eliminimit të hidhur të Gjermanisë që në raundin paraprak nga Botërori në Katar. Dorëheqja e 54-vjeçarit është rrjedhojë logjike dhe vendimi i duhur. Pas 18 vitesh, Bierhoff po i lë vend një pasardhësi dhe kështu një fillimi të ri të vërtetë.
Ish-përfaqësuesi, tashmë, i futbollit gjerman qysh pas fërshëllimës së fundit të bilbilit në Katar i pranoi gabimet e veta. Pas eliminimeve të mëparshme nga po aq herët nga Botërori në Rusi, Evropiani i vitit të kaluar dhe tani edhe nga kampionati botëror në Katar, Bierhoff pranoi haptazi pas ndeshjes me Kosta Rikën se kishte pak argumente për t'u mbrojtur. Sigurisht që nuk është ai fajtori i vetëm për paraqitjen e dobët të ekipit gjerman në vitet e fundit, por si drejtor menaxhues i ekipeve kombëtare dhe akademisë, ai mban përgjegjësinë kryesore.
"Produkti i ekipit kombëtar"
Megjithatë, mandati i Bierhoff-it pa edhe sukseset më të mëdha të kohëve të fundit, si fitimin e Kupës së Botës në Brazil në vitin 2014. Ai ishte gjithashtu i rëndësishëm në ngritjen e Akademisë së DFB-së, duke hedhur themelet për krijimin e kushteve të mira për ekipet kombëtare gjermane. "Si profesionalisht dhe personalisht" Bierhoff "ka vendosur standarde", tha trajneri kombëtar Hansi Flick në një deklaratë për shtyp, në të cilën shprehu keqardhjen për hapin e Bierhoff-it. Futbolli gjerman dhe kombëtarja në veçanti i detyrohen atij jashtëzakonisht shumë”.
Ish-sulmuesi i nivelit botëror ishte shumë novator në fillim, por në fund Bierhoff e ngadalësoi zhvillimin e njëmbëdhjetëshes gjermane. Shumica e vendimeve të tij ishin të gabuara. Me "Bisedat e Marketingut” dhe synimin për ta bërë "produktin e ekipit kombëtar" të suksesshëm në mbarë botën, Bierhoff shkaktoi irritim qysh para Kupës së Botës në Rusi.
Nën drejtimin e agjencive të marketingut si ajo e këshilltarit të lojtarëve, Raphael Brinkert, ekipi kombëtar në kohën e Bierhoff-it si drejtor Federate, e humbi gjithnjë e më shumë besueshmërinë në publik dhe në të njëjtën kohë humbi vëmendjen për atë që kishte rëndësi: futbollin e suksesshëm.
Prezantimi i markës "The Team” pas fitimit të titullit në vitin 2014 dështoi bujshëm. Diskutimet për shiritin "One Love" shënuan kulmin e trishtë të komercializimit të pandalshëm të kombëtares gjermane. Bierhoff dhe presidenti i DFB-së, Bernd Neuendorf nuk arritën ta mbanin larg skuadrës temën, u dorëzuan përballë FIFA-s dhe shkaktuan trazira në ekipin gjerman.
A do të kthehet Sammer në DFB?
Për më tepër, ka gabime sportive, si për shembull këmbëngulja e trajnerit të kombëtares, Joachim Löw, pas dështimit historik qysh në raundin e parë të Kupës së Botës në 2018. Po aq e gabuar ishte edhe përzgjedhja e rezidencave për turnetë e mëparshme, edhe kjo përgjegjësi e Bierhoff-it.
Kampi bazë në izolimin rus në Watutinki 2018 dhe zona e izoluar në Herzogenaurach në Europianin e 2021-ës rezultuan të mos ishin optimale. Në Katar poashtu, Bierhoff-i zgjodhi një rezidencë të izoluar në veri të vendit - shumë larg atmosferës së Botërorit. Si përfundim, ka marrë shumë vendime të gabuara.
Dorëheqja e Bierhoff-it është një mundësi për një fillim të ri, por ajo mund të jetë vetëm fillimi. Duhet vënë në pikëpyetje edhe puna e drejtorit sportiv të DFB-së, Joti Chatzialexiou. 46-vjeçari filloi të punojë si drejtor sportiv nën Bierhoff në vitin 2018 dhe është përgjegjës, ndër të tjera, për talentet e reja gjermane, ku përfshihet edhe trajnimi i sulmuesve dhe mbrojtësve, të cilët kanë munguar prej vitesh.
DFB-ja tani ka nevojë urgjente për një frymë kritike, e cila do të vazhdojë të çojë përpara reformat që filloi Bierhoff-i 18 vjet më parë dhe të mos drejtohet më nga agjencitë e marketingut, por të përqendrohet tërësisht në suksesin sportiv të ekipeve të DFB-së.
Matthias Sammer, ish menaxher sportiv i Federatës Gjermane të Futbollit (2006-2012), mund të jetë zgjidhja e duhur për ta rikthyer DFB-në në rrugën e suksesit përpara kampionatit tjetër të madh, Europianit 2024, që do të bëhet në Gjermani. 55-vjeçari konsiderohet i parehatshëm dhe kritik, por këto janë cilësi, që tani i duhen DFB-së. Fundi i epokës së Bierhoff-it është një shans që DFB duhet ta shfrytëzojë./ Marrë nga DW
ANGLI - ‘SkySports’ raporton herepashere, lajme në lidhje me grabitjen në shtëpinë e Raheem Sterling, sulmuesit të Chelsea ...
MEKSIKE - Deputetja nga partia ‘Morena’ që drejton Meksikën, Maria Clemente Garcia, propozoi të mërkurën në Dhomë...
KATAR - Presidenti i FIFA-s, Gianni Infantino tha të mërkurën, se faza e ndeshjeve në grupe të Kupës së Botës në Ka...
BELGJIKE - Në moshën 31-vjeçare, anësori Eden Hazard ka vendosur t'i japë fund karrierës së tij me kombëtaren belge....
GJERMANI - Në një lidhje me ‘Skype’, boksieri shqiptar Roberto Bakaj ka treguar detaje rreth ndeshjes së tij me boksierin serb në...
KATAR - Pas triumfit të Portugalisë ndaj Zvicrës (6-1), Cristiano Ronaldo ishte lojtari i pare i kombëtares luzitane që u largua nga ...
KATAR - Kryeministri i Portugalisë, António Costa, e ka ndjekur ndeshjen kundër Zvicrës në stadium dhe është shprehur, se c...
KATAR - Cristiano Ronaldo zgjodhi rrugën e gabuar me trajnerin e tij Fernando Santos gjatë ndeshjes së fundit të Portugalisë...
KATAR - Marrëdhënia mes Juventusit dhe UEFA-s bëhet e ndërlikuar me një vështrim në çështjen e &ld...
HOLANDE - Në Francë apo Belgjikë kishte një festë, por në Holandë, në Amsterdam, Roterdam apo Hagë, policia ndë...
