Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
SHQIPËRI– Parlamenti i Shqipërisë miratoi këtë të enjte projekt-rezolutën për përkufizimin e përdorshëm për Anti-Semitizimin përcaktuar nga Aleanca Ndërkombëtare për Përkujtimin e Holokaustit. Me 111 vota pro, kjo projekt-rezolutë kjo projekt-rezolutë u miratua, duke mos pasur asnjë kundërshti nga deputetët në sallë. Të pranishëm në Kuvendin e Shqipërisë ishin edhe ambasadorët e SHBA-së, BE-së dhe i Izraelit, të cilët duartrokitën në momentin e miratimit.
Gjithashtu, gjatë seancës së sotme, u miratua edhe posti për Elsa Dhulin, e cila do të jetë drejtoresha e re e përgjithshme e Institutit të Statistikave. Ajo u zgjodh me 89 vota pro, 8 kundër dhe 13 abstenim. Seanca e sotme plenare u shoqërua me debate të forta për tema të ndryshme. Ndër to kryesonte ajo e inceneratorëve, për të cilët deputeti Myslim Murrizi solli dhe një emër. Sipas deputetit, babai i Kejdi Mehmetajt, Fatmiri qëndron pas lanfillit të Fierit, ku ka hedhur betonin dhe ka marrë miliona euro për fazën e parë. Kundër inceneratorëve doli edhe deputetja Rudina Hajdari, e cila tha se sa herë që një palë vjen në pushtet, bën marrëveshje për to, ndërsa kur është në Opozitë, del kundër tyre.
Seanca plenare e ditës së sotme ka nisur me një përplasje të fortë mes deputetit Lefter Maliqi dhe ministres Etilda Gjonaj, për interperlancën e kërkuar nga i pari. Sipas Maliqit, situata në burgje është e rënduar në burgje, grevat nuk kanë gjetur zgjidhje dhe emërimet në institucionet e dënimit po bëhen partiake. I pari e mori fjalën Maliqi, i cili gjithashtu kishte kërkuar një interperlancë me ministren dhe shtoi se qeveria ka bërë 1001 të zeza nëpër burgjet e Shqipërisë. Sipas deputetit, ministrja është e keqpërdorur nga kryeministri dhe nuk mund të përgjigjet për korrupsionin, tenderat dhe protestat e të burgosurve. Deputeti e krahasoi ministren Gjonaj me Nexhmije Hoxhën dhe tha se fjalën e saj nuk e duartrokasin më as socialistët. Ai shtoi gjithashtu se as drejtori i burgjeve Agim Ismaili nuk e pret më Gjonajn në zyrë dhe i thotë ‘ik se po flas me Ramën’. Këtyre fjalëve, iu përgjigj ministrja e cila tha se vitin që vjen do të mbyllet burgu i Zaharisë. Gjonaj renditi të gjitha reformat që sipas saj janë bërë në burgje, nisur nga regjimi ‘41-Bis‘, përballimi i tërmeteve dhe i pandemisë. Përsa u përket grevave në burgje, ministrja tha se ka kërkuar hetim. Gjonaj i kujtoi Maliqit se ai dikur ka punuar në varësinë e saj, e ndërsa deputeti i tha se edhe ajo ka qenë nën varësinë e Xhafajt. Maliqi shtoi gjithashtu se deputetët kanë probleme dhe me anën morale e vuajnë nga divorcet, duke shtuar se një prej tyre ka pasur sherre e shamatë ditët e fundit.
Gjatë fjalës së tij, deputeti Kujtim Gjuzi, tregoi se është gjobitur nga policia për mos-mbajtje të maskën në ambiente të hapura. Gjuzi theksoi se nuk njeh asnjë vendim të Ramës, i cili nuk ka kaluar në Kuvend. Debat pati edhe mes deputetit Ralf Gjoni dhe Vasilika Hysit, deri në momentin që ndërhyri Garda.
Deputeti Ralf Gjoni nuk është përmbajtur sot në seancën plenare të Kuvendit, teksa ka ngritur zërin edhe përballë deputetit të Partisë Socialiste, Spartak Braho. Gjoni e cilësoi Brahon si një çantë të zezë, që tashmë është kthyer në ngjyrë të bardhë dhe po ndryshon historinë e Shqipërisë, referuar ndryshimeve në ligjin për Institutin e Studimeve për Krimet dhe Pasojat e Komunizmit në Shqipëri. Ndërsa Braho iu kthye Gjonit dhe i tha se ai ka hyrë nga vrima si deputet, kurse atë vetë, sipas tij, e ka zgjedhur populli. Dy nismat që sjellin disa ndryshime në ligjin që merret me studimin e krimeve dhe pasoja të komunizmit kanë futur në debat deputetët e opozitës parlamentare dhe të maxhorancës. Ishte Adriatik Alimadhi ai që tha se e kanë internuar që katër vjeç dhe mbi ballistët është hedhur baltë gjithë kohës. Alimadhi kërkoi që të vendoset historia në vend dhe të dalë e vërteta. Fjalës së Alimadhit iu përgjigj deputeti Alket Hyseni, i cili tha se nuk dëshironte që t’i transfomronin fjalët, pasi ai nuk ka treguar mungesë respekti ndaj atyre që kanë qenë të internuar. Më pas deputeti Kujtim Gjuzi tha se edhe ai vetë është nip i një prej të vrarëve nga komunizmi.
(j.v;f.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Partia Demokratike i është përgjigjur Ramës pasi ai ka publikuar disa pamje të aeroportit të Kukësit. Ish- deputeti i Partisë demokratike Dorjan Te...
TIRANË- Kryeministri Edi Rama ka publikuar mëngjesin e sotëm pamje nga aeroporti i Kukësit. Kreu i qeverisë shprehet se ky është një projekt i shumë ëndërr...
TIRANË– Kryebashkiaku i Tiranës, Erion Veliaj ka bërë me dije se sa i përket prishjes së Teatrit Kombëtar ka vetëm një pishman; humbjen e kohës. Në n...
TIRANE– Kryetari i Partisë Demokratike, Lulzim Basha ka reaguar pas çmimit që Bashkimi Europian i dha sot gazetares Klodiana Lala, si gazetarja më e mirë...
TIRANË– Ministrja e Ekonomisë dhe Financave, Anila Denaj ka sqaruar arsyen e largimit nga detyra të zëvëndëses së saj, Belinda Ikonomi. Duke postuar ...
TIRANE– Kryetari i LZHK-së, Dashamir Shehi ka përjashtuar mundësië që të shkojë në zgjedhje së bashku me LSI, duke theksuar se është parti e djathtë në koalicio...
TIRANE– Ditën e sotme u mblodh Komisioni i ligjeve, i cili shqyrtoi nen për nen projektligjin për azilin në Republikën e Shqipërisë me anë të së cilit syn...
TIRANE– Maskat janë kthyer në një aksesor për kryeministrin Rama e duket se do ti ndryshojë javë pas jave.Pas maskës së zezë me trëndafil e cila simbolizonte pa...
TIRANË– Zëvendësministrja e Financave, Belinda Ikonomi është liruar nga detyra. Vendimi është firmosur sot nga kryeministri Edi Rama në mbledhjen e Këshill...
