Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
GJERMANI- Më shumë se 1000 punonjës të spitalit e plotësuan pyetësorin e gjerë mbi sulmet fizike nga pacientët dhe të afërmit. 81 përqind thanë se kishin përjetuar dhunë fizike në punë. Kur u pyetën se si ishin sulmuar, përmendën më shumë shkelmat. Sidoqoftë, goditjet me grushta, shuplakat ose sulmet me objekte janë gjithashtu të zakonshme.
Revistat “Report Mainz” dhe “Zeit Online” mundën të bisedonin me shumë nga personali sanitar e infermieror që morën pjesë në sondazh. Njëra prej tyre është 28-vjeçarja Chantalle nga Hamburgu. Në punën e saj në një njësi të kujdesit intensiv, ajo ka përjetuar shumë sulme të dhunshme nga pacientët: “Disa janë vetëm abuzues verbalë. Pastaj ka disa që pështyjnë, që godasin, që gërvishtin”.
“Poshtëruese”
Shumë pacientë, tha ajo, janë të alkoolizuar, të droguar ose që vijnë drejtpërdrejt nga një rrahje, janë në një gjendje të jashtëzakonshme mendore. Sulmet janë shumë stresuese për infermieren, thotë ajo në një intervistë me revistën politike televizive të ARD: “Është padyshim poshtëruese. Pikërisht sepse duam t’i ndihmojmë. Dhe kur ata të pështyjnë në fytyrë si falënderim, nuk është mirë. “
Katrin Hüster thotë se kështu ndihen shumë kujdestarë. Ajo ka punuar për rreth 20 vjet në shërbimin sanitar dhe tani bën fushata për të drejtat e personelit sanitar. Së bashku me policen Ramona Thiem, ajo e krijoi sondazhin me iniciativën e saj dhe e shpërndau atë përmes Twitterit.
Sondazhi u nxit nga përshkrimet e stafit infermieror të publikuar në Twitter nën hashtagun #respectnurses. Punonjësit e spitalit raportojnë atje për përvojat e dhunës me pacientët dhe të afërmit, përshkruajnë sulme masive, publikojnë fotografi të plagëve të tyre – përfshirë mavijosjet dhe shenjat e gërvishtjeve. “Kjo ishte e frikshme për mua, përsa i përket intensitetit – si në aspektin e cilësisë së sulmit ashtu edhe në fotografitë e plagëve, që shkaktoheshin ndonjëherë. Supozimi im ishte, bazuar në këto postime në Twitter, se pjesa e paditur është e madhe,” na thotë Ramona Thiem.
Për Kathrin Hüsterin, rezultatet tregojnë se dhuna në shërbimet sanitare nuk është një fenomen i rrallë: “Kemi një përqindje të madhe, të madhe. Pavarësisht me kë flisni, ata do të thonë, po, unë kam përjetuar dhunë, dhunë fizike”. Dhe të anketuarit nuk e emërojnë psikiatrinë si skenën kryesore të dhunës, siç mund të supozohet: “Në radhë të parë vijnë pavionet normale, pastaj vjen urgjenca qendrore, pastaj vjen njësia e kujdesit intensiv dhe pastaj dikur vjen psikiatria në një pikë,” thotë Hüster.
Sondazhi konfirmon studimet e mëparshme
Sondazhi privat në Twitter nuk është përfaqësues. Por rezultati përkon me studimet e mëparshme shkencore. Për shembull, Shoqata profesionale për Shërbimet Shëndetësore dhe Mirëqënien Sociale (Berufsgenossenschaft für Gesundheitsdienst und Wohlfahrtspflege (BGW)) arriti në një përfundim shumë të ngjashëm në një sondazh të punonjësve në 81 klinika. Në këtë studim, 80 përqind e personelit infermieror deklaruan gjithashtu se kishin përjetuar dhunë brenda dymbëdhjetë muajve të mëparshëm, 70 përqind e të cilës ishte dhunë fizike.
Psikologia Claudia Vaupel e shoqatës profesioniste BGW ka mbikëqyrur studime të shumta për këtë problem dhe shpjegon se përvojat e përditshme të dhunës janë shkaku i sëmundjeve dhe çrregullimeve të shumta. Nga depresioni tek çrregullimet e gjumit “tek çrregullimi i stresit posttraumatik që kërkon trajtim”. Gjithashtu ndodh herë pas here që infermierët të heqin dorë plotësisht nga profesioni i tyre pasi përjetojnë dhunë.
Një temë tabu në shumë klinika
Një nga problemet kryesore është se njerëzit nuk flasin hapur për dhunën. Kjo është përvoja e shumë infermierëve, si Torsteni nga Gjermania veriore: “Njerëzve thjesht nuk u pëlqen të flasin për këtë. Sipas motos: Epo, është në njëfarë mënyre pjesë e punës sonë.”
Claudia Vaupel nga Shoqata profesionale për Shërbimet Shëndetësore dhe Mirëqënien Sociale e konfirmon këtë: “Është e vërtetë që është për fat të keq pjesë e profesionit, sepse numrat shifrat janë të larta në mënyrë të frikshme. Por megjithatë, një infermiere nuk ka pse të durojë incidentet e dhunës në punë. Pra, çdo punonjës në Gjermani ka të drejtë për një vend pune të sigurt dhe të shëndetshëm. Dhe në këtë drejtim, sipërmarrjet duhet të kujdesen për këtë çështje. “
Kërkesa: koncepte parandalimi dhe mbrojtjeje
Sidoqoftë, shumë spitale nuk e bëjnë këtë, kritikon specialistja e infermierisë Prof. Martina Hasseler: “Nga pikëpamja ime, shumë punëdhënës thjesht nuk e kuptojnë se ata kanë për detyrë të përkujdesen”.
“Ky është një subjekt tabu sepse, sipas mendimit tim, ata kanë frikë për reputacionin e tyre “. Ajo u bën thirrje politikanëve dhe spitaleve që të mbrojnë më mirë personelin infermieror në tërësi.
Kur u pyet nëse nuk duhet të ketë koncepte të detyrueshme të parandalimit dhe mbrojtjes në të gjitha spitalet dhe në të gjitha pavionet, shoqata spitalore nuk sheh nevojë akute për veprim dhe shpjegon: “Niveli i dhunës në spitale ndryshon shumë në varësi të vendndodhjes. Në këtë aspekt, spitalet gjithashtu kanë zhvilluar koncepte të përshtatshme në secilin rast. ”
Ministria e Shëndetësisë e Gjermanisë e sheh problemin, por shpjegon se nuk janë politikanët, por spitalet ato që janë përgjegjëse për mbrojtjen e punonjësve të tyre./DW/
Iftar dhe politikë, a u prek Muaji i Ramazanit nga politikanët?
FRANCË- Mijëra punonjës shëndetësorë në Francë të cilët nuk u vaksinuan kundër Covid-19 para afatit këtë javë janë pezulluar nga puna, tha ministri i shënd...
GJERMANI- Në ditën dytë të vizitës së pare zyrtare në Berlin, Vjosa Osmani u takua me ministrin e jashtëm të Gjermanisë, Heiko Maas. Takimi u zhvillua me dyer t...
KOSOVË- Nga Aeroporti Ndërkombëtar i Prishtinës “Adem Jashari”, të enjten u larguan 117 shtetas afganë, të cilët ditë më parë ishin strehuar në...
KOSOVË- Në ditën e dytë të vizitës së tij 3-ditore në Kosovë, përfaqësuesi i posaçëm i BE-së për dialogun Kosovë-Serbi është takuar me kreun e Kuven...
KOSOVË-Përfaqësuesi i Posaçëm i Bashkimit Evropian për dialogun Kosovë-Serbi dhe çështje të tjera rajonale të Ballkanit Perëndimor, Miroslav ...
MAQEDONIA E VERIUT-Kryeministri i Kosovës, Albin Kurti i shoqëruar nga ministrat e Qeverisë, është pritur në një vizitë zyrtare nga homologu maqedonas, Zoran Za...
POLI I JUGUT- Vrima e krijuar në shtresën e Ozonit mbi Polin e Jugut është tani më e madhe se vetë kontinenti i Antarktidës. Gjatë çdo viti, në përiudhën...
SERBI– Ditën e djeshme Serbia festoi ditën e Unitetit, Lirisë dhe Flamurit Kombëtar ku u organizua një paradë ku u shpalos gjithë ‘artileria e rëndë...
SHBA– Mbrëmjen e djeshme, anija e parë kozmike më katër ‘astronautë amatorë’ në bord, u nis drejt hapësirës. Miliarderi Isaacman dhe 3 qytetarët fitues të udhët...
SHBA– 4 astonautë amatorë kanë fluturuar mbrëmjen e djeshme nga Florida, për misionin e tyre privat rrth orbitës së tokës. Anija kozmike e SpaceX u shkëput nga ...
